維港灣餃子坊

營業中

休息中

有事入元朗，終於有機會食到呢間餃子大白菜湯餃 8粒 $46餃子大大粒，大白菜比肉多，食完唔會好大負擔，調味偏清淡8粒都飽肚，未去到超級好食，但有機會可以再試下其他口味辣菜脯偏辣，比較細粒，無咩咬口，唔算好咸老火湯係分開一碗上本身湯餃個底湯就普通野今日老火湯係粉葛赤小豆湯，好飲，會俾啲湯渣位置偏離最繁華嘅又新街，小店經營，入座率7/8成

［📍元朗｜維港灣餃子坊］上網揾元朗有咩餃子好食見到好多人推介維港灣 決定黎試下坊間唔算太多餃子店有賣西洋菜餃今次見到呢到有 就試下佢哋既西洋菜鮮肉餃餃子大大隻 餃子皮有一定厚度 餃子餡料好飽滿好有西洋菜香味 肉餡亦唔會太鹹配搭埋有淡淡鹹味既餃子湯 不過不失

❤︎ 芝士粟米雞肉餃子($52)餃子皮厚薄適中帶少少煙靭，餡料都幾飽滿👍🏻偶爾幾啖仲會爆芝士添😋當然畫龍點睛之處就係會咬落噗滋～嘅香甜粟米啦❤︎ 黑松露鮮肉煎餃($62)煎餃香噴噴到枱🥟餃皮冇煎得特別油膩。肉餡幾有鮮味，但黑松露味就薄左點點。❤︎ 流沙鹹蛋黃炸蝦餃($30)整粒菜苗蝦餃炸到脆卜卜，淋上鹹蛋流沙醬呈現雙重金黃色✌🏻望到我流曬口水🤤鹹蛋醬質地黏稠起沙，不過鹹蛋味就確實吾明顯🫢❤︎ 椒鹽粟米($24)粟米都夠甜嘅，面頭灑左D胡椒鹽同埋炸蒜，味道中規中矩🌽

之前見到好多人推介話呢度啲餃子好好食， 咁啱行開教育路就試吓啦， 點不知啲餃子好難食🥹個皮仲好似生生地仲好硬添，個椒鹽粟米就正常但係因為個餃子真係好難食所以都唔會返轉頭🥹希望佢哋遲啲會改善下啦⋯⋯

其實都幾欣賞你地餃子同套餐比起好多餃子店都好食雖然間唔心有骨醉係餃子有時啲湯痴左線咁咸但真係睇得出有心但係啲職員好似公立醫院啲阿姐咁差食個飯 嗌個外賣做咩要受你氣個個做野都辛苦 都忙唔好咁對人啦

今日下午入元朗, 三点多才食中午, 唔想去連鎖店, 睇下有乜嘢啱我食, 想食湯粉, 開胃d😅對芫茜唔抗拒的我, 試下佢的勁茜麵配凍豆漿成碗都係綠色的芫茜🥰先飲啖湯, 係有陣芫茜香味, 但又唔係好濃味, 但湯夠熱, 再試佢什麼叫芫茜刀削麵, 其實食唔出, 只係見到係綠色, 可以唔洗煮敢淋, 再試佢的餃, 又唔係好食得出芫茜, 但餡料豐富, 食落唔會好咸, 一碗有五只, 每只餃都大只, 一定夠飽👍😋不過你問我會唔會再來, 我會再來, 但會試下佢另一間分店同其他口味的餃子💞對餃子特別偏愛的你, 可以一試👍👍60元包野飲, 其實都算抵食🥢🥢

又黎到自肥既餃子系列 🥟見佢係元朗有兩間分店，但假日晏晝時段去都無咩人既🥲▪️ 黑松露鮮肉湯餃湯麵（7.5/10）💲64個皮厚度適中，雖然唔係好滑嗰種，但餡料夠飽滿，黑松露味濃郁，豬肉保留到肉汁😍麵底揀左刀削麵，質感幼滑中有啲咬口，湯底係加上左炸蒜既豬骨湯，感覺同個麵唔太夾，佢硬係似要配拉麵咁🍜▪️ 雙拼煎餃 - 韭菜鮮肉餃 + 芝士粟米雞肉餃（7/10）💲50 + 3單邊煎到個底脆身，其餘位置有彈性頗煙韌😛前者韭菜味未算好重，唔駛驚會食到口臭🤣後者芝士比例多，咬開半溶狀態，味道突出，但會係奶香多過鹹香🧀️落醋同埋辣菜脯一流，再配是日老火湯一碗，當日係冬瓜湯🥣▪ 黑豆漿（7.5/10）💲10🔎 整體評分（7.5/10）

▪️煎芝士栗米雞肉餃 推⭕️🥟 $50/6隻 $8.3/1 煎到外脆內軟 外皮唔會好厚 偏薄身 煙煙韌韌 粟米同豬肉嘅比例啱啱好 芝士味都出芝士同粟米係最好嘅配搭！可以點埋醋同埋辣椒醬▪️雙拼湯餃 推⭕️🥟 $66/8隻 $8.15/1芫荽鮮肉呢個好食！芫荽同豬肉好夾裏面都幾多餡 多汁調味都啱啱好但啲皮浸耐左會爛少少配埋個餃子湯👍🏻辣菜脯椰菜鮮蝦+$14裏面嘅辣菜脯係辣架 配埋鮮蝦都好食不過個辣味就搶咗其他味鮮蝦同菜苗增加左爽口嘅口感配送是日老火湯一碗（$0）偏淡味 唔係好入味！我覺得餃子湯仲好飲過呢個🤣仲有啲粉葛 送嘅就OK 唔會自己加整體嚟講都會encore！$4x一個午餐 性價比都OK餃子都幾好食😋仲可以買生餃子返去煮

行經元朗教育路肚餓，時間又唔多，見到呢間‘’維港灣餃子坊‘’，9秒9衝入去坐低order😆叫咗碗「招牌三拼餃湯刀削麵」，三款招牌餃子有大白菜、韮菜、芹菜餃子🥟餃子皮厚度適中，肉菜比例適中，餡料飽滿；配麵選擇有六款，刀削麵質地幼滑，同一般食開啲刀削麵唔同，冇咁扎實同冇咁有咬口，但都唔算差🙆🏻‍♀️枱上有辣菜甫放題，幾好味喎👍🏻地方相比起好多餃子店企理乾淨，店員有禮貌，清清地又經濟唔錯👍🏻

今日放假，下午同家人到元朗教育路食飯，然後再去買餸及補充日用品。呢幾日天氣炎熱，我提議食餃子及麵，所以揀咗維港灣餃子坊。入到餐廳職員見我地出晒汗，建議我地改坐入啲會涼啲。即時叫咗支黑豆漿解渴先。家人唔太肚餓，叫咗大白菜鮮肉餃，8隻餃子雖然並唔算好大隻，美味而口感都OK。附帶的例湯 - 赤小豆粉葛老火湯，餐廳標榜無落味精，幾正！我叫咗3拼餃配刀削麵，餃子每款有2隻，即共6隻，加上麵其實都幾豐富。除大白菜外，韭菜及香芹都唔錯。另外再叫咗個椒鹽粟米，呢個就較為一般。食物質素OK外，職員的整體服務主動及熱心。餐廳的座位亦算舒適，夏天聽職員講，盡量坐入啲就無問題

認真，天氣凍真系唔想食壽司/ 麥當勞，諗起依間食餃子有返甘上下水準，而且依間餃子好多選擇💓💓次次都可以食唔同味既餃子，餃子仲要系自家手作，其實都幾好誠意仲要日日新鮮自己整嫁！

餐廳主打大大粒飽滿餃子，湯底無味精，特登去元朗食。三色餃子併芫茜麵，餃子皮薄，就咁望都估到內餡係咩味。每粒既size比正常既大之餘，仲好多汁。內餡蔬菜鮮甜，肉餡唔多，所以好清新健康，亦唔會好濟。麵條既芫茜味道唔突出，但如果係芫茜餡既餃子，就好濃烈。雙併餃子揀左京蔥羊肉，羊肉甜，調味適中，食肉者叫尼款餃子唔錯。配搭既湯超有家既味道，餃子本身既湯底已經好好飲，尼碗湯更有水準，飲完唔會口渴/口乾，無味精。不得不提既係，小食都好出色。炸鯪魚球大大粒圓淥淥，外層係脆，即叫即炸。食既時候，冒住煙。鯪魚肉彈牙，完全唔腥。配搭旁邊既鹹醬，更加好食，更香口。炸豆腐粒金黃色，粒粒都外脆，內軟綿綿化開，雖然係炸，但唔會油淋淋。同樣都係即叫即炸，椒鹽味足夠。整體，除左餃子出色，大推鋪頭既炸物，炸得超有水準。重點係，食咁多野，價錢唔貴，抵食又好味。去左幾次都一樣好食。

今日黎元朗諗住有公事要辦，突然間好想食餃子🥟，順住教育路行俾我揾到呢間店，佢話啲餃子全手工新鮮製就想入去試下，叫左碗京蔥牛肉湯餃湯麵🍜，成張餐牌價錢唔貴都合理，湯餃份量好多有5隻係裡面，咬開啲肉餡都唔少，啲色澤睇黎都似牛肉，果然無呃人，食之前都驚佢係工廠水餃落得好多添加劑，餃子蔥味都好正，又多汁，豬骨湯面個底唔鹹可接受，另外佢自家製既辣菜寶都好好味，忍唔住手加左幾匙係面裡面，呢間餃子店值得推薦👍🏻

🟠 招牌三拼湯麵餐（$55）三拼湯麵係有大白菜、韭菜同香芹湯餃各2隻，麵就揀左菠菜麵。餃子大隻，餡好足料，啖啖都食到材料，皮都薄，好好味😋而菠菜麵都幾有咬口，但就唔係話會真係好重菠菜味既。跟餐送飲品，揀左豆漿，豆漿只有凍，甜度適中👍🏻朋友都係食同一個餐，但就揀左芫茜麵，係刀削麵黎，好有口感，不過朋友就覺得芫茜味好少🙈🟡 章魚小丸子（$18/4粒）小丸子就真係差d，因為好細粒，而且入面粒章魚粒都好少，口感都比較乾🥺🟢 流沙鹹蛋黃炸蝦餃（$30/3隻） 咸蛋黃鋪哂上蝦餃面，算幾多，食落同餃子一樣好足料，一咬就係蝦同菜，而且炸得唔乾身，咬落好juicy🤓

維港灣餃子坊 V Bay Handmade Dumplings 📍 元朗教育路77號京都閣地舖唔係好記得第一次食維港灣係幾時，但好肯定幫襯過佢哋十幾廿次，原因好簡單，因為佢哋嘅餃子夠晒多款式，而且無論煎餃定湯餃都好有品質保證！即使係手工做嘅餃子，每次食都係差唔多嘅味道，真難得，而且係黃店，當然要大大力支持！呢日我就同媽咪阿妹一齊食佢哋嘅餃子，叫咗三個唔同類別嘅餃餐，一次過試到唔同口味！ 💰$46雙拼煎餃 🥟呢個雙拼煎餃餐可以揀兩款，共六隻煎餃。唔知大家揀湯餃同煎餃有無準則㗎呢？我個人嚟講，食煎餃我比較鍾意揀濃味餡嘅，而湯就揀啲淡啲清新啲嘅餡，因為煎餃嘅脆皮配上濃濃嘅肉汁會正過放湯。所以今次我哋都揀咗兩款偏濃味嘅餃子，分別係我至愛嘅韭菜鮮肉餃同從未試過嘅泡菜鮮肉餃。煎餃嘅皮好香脆，餡料亦刃多汁，鍾意食濃味嘅可以試下韭菜，而唔食得辣嘅都可以試下泡菜，不過兩者拍埋一齊比較，我都係鍾意韭菜多啲！隨餐送靚湯一碗，今次係赤小豆粉葛豬骨湯，睇相都見到有大大嚿粉葛，真材實料無味精嘅老火湯，都咪話唔正！ 💰$46芝士粟米雞肉餃湯麵 🍜我妹嚟到最鍾意佢哋嘅芝士粟米雞肉餃，雖然粟米同雞肉呢個配搭本身比較清淡