影片
觀塘工廈出名多野食多野行，趁住放假當然要周圍去覓食😋行街shopping，行到攰一攰無意搵到一間cafe，佢地係crossover 賣女裝衫👗加cafe☕️，幾新鮮既配搭。店入面既裝潢都好靚，好少女，同啲衫好相近，啲衫又好靚，帶左幾件反屋企企😝簡直岩哂又想抖下又想睇衫既女士們🙈依到有茶咖啡窩夫提供，相對選擇唔多，可能都係for大家行到攰飲杯野。另外佢地係自助收費，隨心既感覺幾好。今次試左杯vanila latte, 唔會太甜，好鐘意，咖啡味亦都唔會好淡，整體好滑。唔知係咪環境太舒服，坐下坐下竟然一個人由3點幾坐5點幾😂而店員都好nice, 主動比左杯水我，話飲完咖啡要飲啖水沖沖😝😝好貼心
繼續閱讀
由細到大都住觀塘，而且好鍾意去cafe飲杯野坐下睇下書享受一下一個人的時光，見到有新cafe緊係試試佢上到11樓去一眼就搵到佢地logo，有寫住open now，之後要再按去幾位數字就入得去！店員就好nice 叫我隨便坐可能始終係新開，所以我去到都無人，反而仲好！最驚喜既係店入面除左係cafe之外，仲放左d女裝係度賣。說真的，Menu方面選擇唔多。但飲品主要分成咖啡或茶，茶既選擇相對好多，店員見我心大心細都好有耐性同我介紹。最後，我揀左日本綠茶。順帶一提，佢地係無特定收費既，將錢放係個箱仔就得。日本綠茶非常清香！超級岩哂我口味，下次放假無野做會再黎，順便試埋佢個窩夫
繼續閱讀
天氣熱熱地，唔想行到出晒汗，就想揀間近地鐵站啲嘅鋪頭仔，飲杯咖啡食件餅。而今次二一家正正喺觀塘地鐵站D出口。一落樓梯就已經係觀塘工業中心第四期。唔怕會行到大汗踏細汗，地理位置一流！
繼續閱讀
為左等朋友想搵間靜靜地既cafe坐下，見佢地座位唔多應該都靜靜地。上到去個環境好舒服，裝修仲好青春，十分驚喜。佢地依度係不定價收費既，我嗌左杯玫瑰花茶，店員放低果刻已經聞到好香既玫瑰花香味。隔左一陣，佢比左塊窩夫比我試，可惜唔記得影相，窩夫裝飾到好靚架嘛不過窩夫係外脆內軟好好食，如果唔係約左朋友食野我會嗌一份自己食。而係等既期間店員都主動走過黎幫我加水好好人，而且佢依面都有賣衫，不過可惜唔係我既style，但客觀黎講係幾靚。我相信我下次如果係觀塘想搵個地方坐下都會去依度，因為環境真係好舒服。
繼續閱讀
係open rice 見到依間cafe，同朋友仔兩個膽粗粗上左去試，雖然店入面唔大，得幾張枱仔，但係個裝潢真係好靚！好少女心。野食方面選擇唔多，得窩夫同咖啡茶。即叫即整，等左10分鐘左右就有得食，野食一黎到真係嘩一聲，窩夫係心型架！！以為只係得個樣，但食落去好脆好好食。另外我地叫左杯咖啡同玫瑰花茶，一樣出色！咖啡仲有拉花，好有驚喜。雖然店入面得6個位，但勝在夠靜同舒服，岩哂同朋友仔上黎hea 下！而且佢地啲衫都好靚，都忍唔住買左幾件走~
繼續閱讀