綠園茶餐廳

重來未試過等咁耐，番工去梨木樹千萬不要去這間店，五分鐘又五分鐘，出極都出唔到餐，仲偷偷哋改入單時間，我13:10入到，13:13左右已落單，13:48追左四次單最後食唔到飯，要食麵包，天氣咁熱戶外工作，真慘。…查看更多

位於葵涌梨木樹邨三期梨木樹商場1樓食埋個醒神早餐外賣先～～沙嗲牛肉麵配腸仔炒蛋，牛油多士方包首先要贊一贊沙嗲牛肉麵的湯底，味道很濃郁，湯也要喝光光😆牛肉質感很新鮮,口感挺好腸仔和炒蛋，沒什麼特別牛油多士方包方包有用心因有烤一烤個底，令牛油更加溶入方包，所以超喜歡這間的牛油多士方包啊！凍檸茶茶味好，很喜歡這間的凍檸茶❤️早餐套餐價錢優惠，等候的時間快！還有特別推介晚上的炒菜小飯，都很喜歡，加上選擇的種類都很多！…查看更多

想起綠園剛開幕的時候相信大家都會貪新鮮會試試食物是否好吃的。。初初我都會光顧下午茶/晚餐的，覺得味道都不錯👍但隨著時間流逝便覺得這茶餐廳的味道愈來愈差勁。價格雖然與其他餐廳差不多，或者是我嘴刁吧，現在我沒有再光顧！雖然座位多，但而員工服務態度/環境有待改善⋯可能這屋村比其他屋村選擇少，有時還會推出一些優惠吸引老一輩民眾，所以才能繼續經營！…查看更多

剛巧要午饍，但不想去連鎖店，所以去了就近的呢間茶餐廳.叫了個栗米班塊飯，一碟油菜，一杯凍檸茶.伙記態度一般，茶記正常級別，你總不會以為屋村茶餐廳的服務會和五星酒店餐廳一樣吧.食物...不太好，班塊落粉太多，油菜有點老，檸茶則太苦.雖然這些都是香港很多茶餐廳的通病.順帶一提，我後來還發現這餐廳正正面向由地面搭電梯，位置較旁邊的大X樂更好，兩者價位差不多，但其客人只有大樂一半左右，看來很多街坊都明白孰優孰劣，下一次到呢頭都係老老實實去連鎖店算吧啦.…查看更多

平時好少叫外賣，weekend唔為左唔想煮到屋企又熱又亂，想輕便叫下外賣餸就算。叫左三個飯，有粟米斑塊，馬拉盞炒通菜，同滑蛋炒牛肉。外賣呀姐就好有禮貌既，雖然佢無帶夠散紙（我只係要找幾蚊者，咁岩屋企無，揾左我好耐lor😂）不過佢態度好，又多謝，又唔該。d飯餸其實一般la，普通茶餐廳樣。係滑蛋炒牛肉有d失望。蛋好稀，好似加左好多水咁，完全掛唔到係肉，味道都好淡。其他兩款就ok la茶餐廳平平地又一餐。…查看更多

某日 , 筆者到 梨木樹邨 去探望一位獨居的老教友 , 坦白說 , 筆者甚少到 梨木樹 這一區的 , 也就在當日才知道原來梨木樹屬於 葵涌區 , 真是孤陋寡聞 ~Menu ~ 凍檸檬茶 (走甜) $9 (跟炒粉麵價) : 茶底不過不失 , 檸檬不夠酸 , 但就有點苦澀 , 冰粒還算不少 ~ 印尼炒飯 $50 : 一般茶餐廳的印尼炒飯分三種 , 一種就是用蝦醬炒、第二種就是用黃薑粉炒、第三種就是用咖哩粉炒 , 不論是哪一種 , 都會加上一隻煎蛋的 , 這一家的印尼炒飯是用咖哩粉炒的 , 飯炒得不夠均勻 , 不夠鑊氣而且飯是濕身的 , 炒飯的其他食材如蝦粒等等都滿有雪氣 , 不算是難吃 , 但就肯定不是好吃 ~本篇完 ~…查看更多

平日好少機會食到，返工返學都朝八晚六，返到黎梨木樹都八九點了。所以都係星期六日懶得出街食飯先會食呢間餐廳。值得推薦嘅係魚香茄子，麻婆豆腐同乾炒牛河，我食過好多次，覺得呢間價錢合理又好食，而且同隔離間大家樂有得fight反而要提嘅係，通常接電話嘅人都幾無禮貌，其餘嘅服務都可以接受。…查看更多

梨木樹本身已經選擇少，冇嘢好食嘅情況下就去咗綠園食晚餐。三個人叫咗三個餸，梅菜蒸鯇魚、京都骨和欖菜四季豆。梅菜蒸鯇魚嘅梅菜竟然可以有好多沙，明顯係洗得唔乾淨、條魚都蒸得好老、京都骨又鹹得滯，只有四季豆係正常啲員工態度又差，下次寧願食大家樂:(…查看更多

今晚冇飯食，近近地係屋企樓下食餐家常飯。一口氣點咗3個餸。送3個中湯3個飯。中湯都幾好飲，唔咸，應該唔係味精湯。個京都骨好好味，酸酸甜甜，又嫩。魚香茄子斑腩煲-好好味，唔係特別咸。沙嗲金菇肥牛粉絲煲-個煲好咸，肥牛就麻麻地，有啲硬，雖然幾鍾意食粉絲，但索曬啲汁，愈食愈咸。不過都好味既，希望下次廚師可以輕手少少。…查看更多

因工作關係今午路經梨木樹，天氣又不太好，肚子餓便簡單在此找食，見這店門面光猛，店門有一個大魚缸給食客欣賞，馬上走進去享用午餐店內環境舒適，坐位寬敞，地方頗大～店員服務也好，在旁待你下單，之後便馬上給你例湯品尚菜乾豬骨湯 - 湯味頗清，可能是多加了水的原固，但有菜乾味，湯喝了不嗆喉蒜蓉豆波蒸排骨 - 排骨及豆波份量慷慨，排骨同肉比例剛好，肉質也腍，很到位，但味道偏咸，醬汁也少，很難撈飯白飯超多，一定係二人份量，飯粒也很好，應該很上等貨整體是中等貨色平民價錢，可以一試…查看更多

前日(16-2-2014 Sun)朝早,同男友起身後要過梨木樹攞o野,就o係呢邊食早餐啦,我o地入o黎市市商場搵o野食,見到龍華閣同大家樂,應該重有茶餐廳o既,搵吓啦,上到o黎見到有呢間,咁就呢間啦,而o黎到係10:45am,常餐要11:00am至有,我o地坐o係迎新門口o既卡位,大門大開o左,有風吹入o黎都幾涼吓.我o地揀$25.00o既粥餐,要皮蛋瘦肉粥同雜菜腸,牛肉腸,但兩隻腸粉都冇晒,咁改要蝦米腸同炒麵.等o左一陣,蝦米腸先到,睇見豉油俾得唔多,食落,嘩!不單止唔熱,重要唔軟同厚,攪咩o野?唔係保住暖o既咩?:( 蝦米就幾香.味道: 0.5分之後炒麵到o黎,睇見有煙出,係即炒o既,咁好少少,麵身幾幼,食落,好乾身,味道亦淡,男友話唔錯.呢個比石圍角江記油同濕o既好唔同,但之後我食粥再夾一撮食先,食到好鹹同類似調味粉o既味道,唔通炒唔勻?:( 味道: 3分最後兩碗皮蛋瘦肉粥至到o黎,點解個粥會係最後至到?唔會特登為我o地煲吧.講返個大大碗o既粥,我o個碗皮蛋好似多啲,男友o既就相反.粥底都叫棉,但冇前一晚o係五月花食o既蟹粥咁棉.皮蛋唔使講,反而帶灰色o既瘦肉係醃過o既,鹹鹹地,而當中我食到陣皮味.味道: 3分服務:我o地睇先menu叫o野,就舉手叫個離遠o既男侍應,但佢冇理我,而門口有個亞姐就行o黎,話轉頭先,佢自己唔識寫字.OK,但轉頭點解唔幫我叫人o黎寫?於是我又再舉手叫人,今次另一個亞姐應我落單.環境,服務同抵食都係2.5分…查看更多

2010年6月9日 ( 綠園茶餐廳 - 1 )(首評:140)中午過後，於梨木樹商場綠園茶餐廳用膳，不太餓的情況下，要了沙嗲牛肉公仔麵，飲品是紅豆冰。沙嗲牛肉公仔麵，牛肉受疏打招呼過，情況不太嚴重，沙嗲味濃郁，濃到有點偏鹹，浸過湯後吃仍可，麵身軟腍合適，屬一般餐廳水準。紅豆冰，份量頗大杯，紅豆佔上半杯，足料矣，紅豆如再腍多一點點，那麼就更好了，豆味濃郁，甜漏漏的紅豆，夠甜是我喜歡的因素，奶也不少，奶香也稱心，當然是滿意了。餐廳不是新近開的，以前也光顧過，地方頗大，座位舒適，服務水準不錯，食物質素還是可以的。…查看更多