絕味鴨脖 (已結業)

自從知道這附近開了一間以鴨舌、鴨翼、鴨架、鴨腿、鴨頸以至鴨心為小食的店舖之後，甚有興趣，但始終未有付諸行動，直到近日，才在某一個晚上，趁在附近吃晚飯之便，前來買點鴨舌回家當夜宵。來到的時候已是晚上，店內的鴨架、鴨腿等已經賣光，幸好自己想吃的鴨舌仍有供應。當我詢問這店內的一位女店員這裡的鴨舌會否辣得令自己吃不消的時候，她立刻建議我試試這兒的蓮藕，對我說蓮藕只有微辣，應該沒有問題。就在我試吃蓮藕，覺得辣度可以接受時，店外的一位剛才還在和另一位中年婦人聊天的女人竟然對我說這兒的鴨舌有大辣和小辣兩種，要是我第一次吃，怕太辣的話可以先買小辣的，相信會合我的口味。嘿！真的意想不到，原來遠在天邊，近在眼前的這位仍然帶著濃厚外省口音的女人，竟然就是這間店子的老闆娘，實在令人感到意外。不過這位老闆娘的待客態度可真是頂好的在我購買 500克的鴨舌外賣後，她除了一直保持笑容之外，還不忘對店內兩位年輕得來稚氣還未盡脫的女店員說要多放些鴨舌進袋子裡，的確令人由衷的感到她待客殷勤的一面。也許這只是她招徠客人的方法，也已足夠令人對這店產生不少的好感了。而在我離開店子，隨口問她能否拍下店子的照片時，她雖然好像有點錯愕

好似之前唔覺有呢間小店.點都好, 和大豬食完肥姐, 仍口痕, o岩晒~好耐冇去台灣了.... 上次去真係食到唔停得口.香港又真係唔多呢類小店.叫了$80鴨舌 及 $50 鵝腸 (好似係100克的價錢)鴨舌入味, 很不錯, 尚算爽口, 中辣, 帶點甘的;鵝腸就有d 淋, 唔夠爽脆, 略遜一籌. 也是中辣的.個人較愛此店的鴨舌另外仲有好多, 下次再試.哥哥仔好友善, 服務很不錯了.

我之前是在深圳工作的, 經國內的朋友介紹, 一直十分喜歡絕味的鴨肉產品, 但近年調回港工作, 一直未有再食啦! 而早前在網站閒逛時見到絕味在港有售, 所以就去買一點來試食.當我到那店舖時, 那裡的服務員很親切, 態度十分十分好......我買了2件鴨蝴蝶(又叫鴨架) 先試一試味道, 一食之下發現比在深圳的還要好,辣得過引, 麻得夠爽, 食後有餘香 (香料及鴨肉香), 超出估計咁好味!需然價值比較貴, 但十分值~~!

友人們都知我貪吃並嗜辣，介紹我食此間滷味，是日路經旺角即順帶一試.招呼的店員好有禮並大方，主動話拮d比我地試(好有誠意地)，拮親都大大舊，毫不孤寒，並稱食物冇添加味精(食完雖然係辣但冇口渴的)，讚！試左翼尖及鴨腸，兩樣味道都醃得好到位，辣度好夠，鴨腸好爽脆，鹹辣度好適中。其實好想買一大堆返家做餸，但是日為逛街日所以只買了鴨腸即食($20=70g)。店員細心地幫我剪短d鴨腸以便街頭即食，邊逛邊食邊覺得越食越辣，而的確辣味只係食果時有唔會維持好耐，所以都好痛快，不過建議可以在秤重量後再加返少少醬汁，因為稍稍覺得乾身左d，若能拌以些許醬汁應該會更好！另外由於買既係鴨腸，所以腸隙中夾雜了椒粒，若可以改善埋呢點會更好。

擒晚去左旺角，朋友介紹，話喺0岩我，夠辣。到埠，已經見到有幾個人試食，一個姐姐熱情介紹，一個姐姐幫客人磅野。據個姐姐介紹，個店度所有食物，全部無糖，無老抽，無味精，甚至無油，天然健康。所有貨物新鮮加工，唔喺冰鮮貨。食辣野，我都夠嘴刁。我行過去，個姐姐已經熱情打招呼， “隨便睇睇，你食唔食得辣0架！”我話“都ok0既”跟住佢用牙籤遞過d野比我“試下先”。我問，“喺咩來0架？” “鴨心，喺有d辣，不過好香好香，” 我放舊鴨心入口，初初少少辣，咬多兩下味道一下子湧曬出來。香，辣。個姐姐見我試到味道，接著說： “我0地尼d辣椒喺台灣高山族霧水辣椒，辣味來得快，去得快。好快你就感覺唔到辣，但喺個香味可以保持好耐。。。。” 個感覺又真喺0甘哦。個香味真喺超正。跟住，我要求試多幾樣，個姐姐都一樣笑容滿面，不厭其煩0甘比我試食。最後我要求試鴨舌，但喺比人拒絕左，理由喺鴨舌來貨好貴，50元100G已經沒什麼利潤，所以，鴨舌不設試食。最後敲定：鴨心100g鴨腸100g鴨亦100g（100g有3只，送一隻）鴨頸兩條，鴨舌200g,共240大元。總體感覺：香，辣，鮮。真喺可以食到濃郁0既香料味道，唔喺普通鹵水

見阿姐服務唔錯,主動邀請試食,而且呢d野香港又少見到,所以買左包鴨腸香料好足,鐘意濃味野可以一試,入口無乜野但係之後就有好勁麻辣感(我自己唔太食得辣),當冷盤或用黎送走唔錯,不過以份量黎講貴左d,但係見呢類野尚算少見有賣,所以都算值得

琴日經過旺角, 買完萬家燒餅同肥姐鹵味之後, 就去左呢間新店, 諗住試下!! 去到見到個鋪奇小, 絕對感覺係潛建出來既, 個陣有兩個男人買緊野, 個賣野女人都幾好, 叫我等陣, 又問我試過未, 又俾左一細舊鴨翅骨俾我試, 但細妯舊已經見到有兩粒花椒, 都唔知點食好, 不過個味都ok既, 見個一個男人買左牛柏葉, 另一個就買左100g鴨腸同一條頸, 但25蚊一條頸總覺得貴左d, 又唔係有好多舊, 所以到我就決定買100g ($30)鴨腸試下就算!! 100g其實都幾細包, 不過過下口癮絕對ok, 同埋送酒應該幾好, 因為就咁空口食都幾咸同辣, 食完仲有好耐既花椒after taste, 見到佢用左好多香料, 同埋好多花椒粒, 所以如果唔鐘意呢d味既就無謂試啦, 不過100g $30蚊都幾貴, 可能香港d租真係貴啦, 不過都係覺得如果食呢d野都係響大陸食好d....

上親深圳都會去絕味鴨買1斤半斤鴨頸呀, 牛柏葉呀, 雞腳呀... 等等既辣野返香港食送下啤酒幾過癮!!不過呢排少左上去, 又會掛住...前日同BF行MK無端端俾我見到哇~~ 果種驚喜幾震撼!!就即刻去望下!!見D野食果樣同大陸幾似, 就立即買味道OK啦 (不過都係覺得大陸既入味D同辣D)不過價錢就貴左, 同份量少左好多大陸買$30幾蚊(港紙)就有1斤但佢果度就$30一條頸/ $25/100克其他野太少了, 貴左少少不過算了, 過下口癮姐~~