組長日式放題 (已結業)

第一次去到一間可以玩魚蝦蟹嘅放題但係睹嘅唔係錢而係日本食物入邊有清酒有壽司同埋可以減錢所以就睇你抽中邊一款啊而我就中左兩件拖羅每個人都有三次機會所以係食之前都覺得好有趣三文魚壽司叫幾多件就俾幾多同埋三文魚嘅質素好高食落去覺得好香好滑而且仲有少少油所以食落去更加齒頰留香火炙三文魚壽司覺得食落去比普通三文魚更加香因為有啲燒焦嘅味道同埋再加左啲沙律醬拖羅食落去都係好香可惜只中咗兩件好想再食多幾件啊❤️❤️❤️火炙饅魚壽司有我最鍾意食嘅鰻魚而且食落好滑好香玉子壽司普通玉子壽司就會比較甜啲醬油玉子壽司會比較鹹少少番薯仔係你都食放題必叫嘅因為唔會覺得太膩同埋好甜燒🦐蝦估唔到少得咁好食最後叫咗三次🔥蝦好香入邊都好甜炒金菇吵得好香而且個調味料唔算好重所以帶我鍾意食淡味嘅人來講就啱晒啦叉燒拉麵有好大個叉燒而且烏冬都好彈牙而且入邊嘅料都好足而且甜品都有幾款嘅選擇

尋晚去左MK 行街, 朋友話想食放題, SEARCH 下附近搵到呢間, 上到去又唔洗等.我地叫左好多野食, 一上到去先飲左碗熱辣辣既麵史湯, 個人即時暖哂. 刺身新鮮、肥美，最中意係帶子同甜蝦，另外壽司種類亦好多 eg. 芥辣八爪魚、花之戀、左口裙邊、等等～天婦羅叫左好多蝦、蟹柳，仲有香蕉天婦羅，超正，好好食！另外清酒煮蜆都唔錯，串燒雞軟骨、雞翼、菠蘿都正，燒得岩岩好，唔會過式咸。菠蘿最正，d 汁好juicy~仲有炒野菜, 雪糕、野飲任拎.overall 環境舒服, 地點方便, 野食種類多, 下次可以再黎!

今日又到接男人收工時間，他的同事說有間食消夜放題吾貴而且係隔離的大廈，我地就諗不如預試下食。到去十點鐘位置都仲有，不用等位就可以入去，突然收銀位的哥哥話原來新春有個遊戲，中左就可以有不同的獎品，而因為我地食消夜時段關係就只可以玩一次，最後就抽左拖羅壽司，食了大約1.5小時，每人$169價錢都可以，最重要又勁近男人收工地方超方便。食物方面就和其他放題店都差不多，但不可不講道理這裡的串燒和炒物做得吾錯，串燒燒得好乾身又可保有少少原來的味道，燒粟米燒得好乾身又甜吾太燶，好味道。之後當然不少得我最愛的燒菠蘿啦，切得薄薄燒得都剛好帶點微酸好開胃。。壽司就叫了最愛的鰻魚夠大片，飯口感都吾差又吾太件可以食多少少，燒左的左口魚味道濃又香，燒左少少魚油出來更出色！～手卷紫菜夠脆又吾會太大件，食幾件都吾覺過份！～而且魚都十足魚香添......炒物都係推介！～一口牛，牛肉口感吾錯又有肉香，沒想到三文魚頭咁大件而且燒得吾錯，入面肉好嫩滑。天婦羅係放題一定會食到，但香蕉是十分有少的款式，炸得好香口又夠淋身而且皮都吾油身，蟹腳都份量大而吾會好粉吾錯。都喜歡食蠔的我當然都有叫炸蠔啦，比心目中味道好味，蠔都夠大隻都新

今日過冬食飯，乜都想食下，放題就係個好選擇啦。係彌敦道擇左間有4位成人1位成人半價喔，入去會一會啦！環境簡潔，日文歌包圍耳仔，哈哈！刺身種類不多，但主要既都有。三文魚幾厚都，甜鮮！鯛魚都一樣，三文魚好食d。甘蝦好甜好好味呀。劍魚腩就硬身口感d，希靈魚好多春，但唔腥！馬刀貝同帶子都爽口。八爪魚 白象拔蚌同鮑魚片都好大方，要幾多有幾多。壽司就好多類，好多係其他放題店做刺身既，依到都可以做左壽司呀！腐皮壽司至愛！左口魚邊壽司多油！油甘魚壽司好厚，好帶到飯味！北寄貝壽司好細個，得意，有咬勁。壽司外，點少得火炙壽司呢！當然有我成日食既火炙左口魚邊壽司，非常甘油，比原味好食！火炙海鰻魚壽司燒得煙點，火炙玻璃蝦壽司都ok！仲有卷物手卷，但我地就食好少有有安康魚肝軍艦，有d似吞拿魚硬板，少少bbq味味，再叫，好少食吸引。另外有櫻花魷魚軍艦就不過不失。三文魚牛油果軍艦好creamy同牛油果香，新配對，好多三文魚。大蝦天婦羅白金黃色，食落一d都唔熱食，蝦肉彈牙嫁，無流！蕃薯硬身，南瓜比較好食，好林同好果甜。香蕉係最好食，因為最保留到香蕉味，仲炸一炸熱左更有香蕉甜。揚物脆炸黃金蝦同廣島吉烈蠔都炸得好香口。紅

今日響旺角發現左一間好抵食的放題，位置方便就響信和附近，離地鐵站唔係好遠，價錢經濟實惠，放題款式亦夠多樣，真係相當驚喜。甫一進店，店員就會響門口同你玩一鋪魚蝦蟹先，擲到特定pattern就可以有獎品，我地抽到一份拖羅壽司，其他好多客人都抽到其他野，當中見到有個客人抽到埋單減$20，好葡萄呀！放題時間1.5小時，包飲品同甜品都係任飲任食，仲有好多其他野食，例如我就推介較新鮮食物如燒菠蘿、鹽燒三文魚魚鰭、三文魚、牛油果、枝豆、大蝦、生蝦同海膽都好新鮮。另外仲有好多壽司、手卷等等...而且唔止多野食，服務態度仲幾好，落完單之後上菜上算快，而且無漏單，個個店員都無時無刻面帶笑容，好少見有服務態度咁好的放題，而且地點適中同埋店內環境都幾好，值得一食再食！

雖說近期香港步入寒冬 但放題對我來說仍有一定吸引力今晚去完信和買game (哈哈)  就同朋友去左隔離好近既日式放題食晚飯   一入門口係櫃檯先玩返次魚蝦蟹   中既骰愈多   送既食品就會愈勁  我地雖然中得兩粒骰相同  但係都有大蝦刺身食  都唔錯呀食放題叫刺身 真係非常基本三文魚望落新鮮  食落冇雪藏味  大家可以放心大大啖食用如果大家想暖一暖胃先開始呢餐放我會建議大家可以一試牛油炒雜菇  爽口熱辣辣  牛油味足  不俗火灸三文魚壽司 &火灸帶子壽司係我俾較想特別提一提既食品有一定既質素 燒既情度岩岩好我地之後都encore左多一份辣酒煮蜆平時就咁酒煮蜆食得多 但係辣既我都唔係周圍見倒加上依家咁天寒地凍 食呢個就真係岩哂 暖哂胃喇蒜香牛油青口天婦羅系列 - 首選大蝦天婦羅放到上枱仲係非常熱 大大隻 包你充意金菇肥牛卷唔同時段都有少少唔同收費但係weekend最黃金既時段 加埋一都係200蚊左右係旺角呢頭食 算唔話得睇下幾時經信和再食多次先！

第一次食放題有遊戲玩有奬品呢！如果運氣好仲可以得到阿拉斯加長腳蟹一隻啊！🤤🤤🤤我既小幸運...贏到牡丹蝦四隻！蝦隻都幾大，入口肉質結實鮮美，的確好食！刺身選擇有10款，有八爪魚，帶子、甜蝦、包片、三文魚、劍魚腩等等……三文魚比想像中好食，三文魚入口有甘香既魚油味，而且厚切夠口感。軍艦壽司即叫即整，紫菜入口脆卜卜，非常新鮮！辣味八爪魚係我嘅至愛，入口芥末很攻鼻，但又唔會好辣，很爽呀！炸物都是即叫即整的，入口熱騰騰的油份唔算太多！炸雞雞皮香脆肉質滑脆；唯天婦羅炸漿有點厚，有些失色！這個辣酒蜆不斷order再order,真的非常好食！蜆肉大隻肥美，而且煮得很入味！蒜蓉牛油青口也不錯！蒜蓉經過油炸，入口十分香，加上濃郁既牛油味，令青口鮮甜之外更惹味！飲品及甜品自取，款式雖然不太多，但都能滿足食甜品的慾望！

好耐好耐都無食過放題了 今晚決定同好友一齊放肆一番地點佢話事 㨂左旺角嘅組長 $188/位食放題 第一樣叫嘅野當然係刺身啦每樣叫少少 試一試佢先 又唔錯喎三文魚厚切 油脂分佈平均 甜蝦同帶子都好算甜食完呢round 我地再encore 質素無變壽司方面 唔會好大舊 啲壽司飯幾好食串燒/燒物 全部都即叫即燒 上枱熱辣辣 有誠意呢個煮蜆好食喎 細細碗 我地叫左三轉呢個雜菜鍋完全一啲都唔hea喎 乜都有少少重有甜品 透明個款紅豆西米糕 味道唔錯唔會太甜 煙煙靭靭 口感一流

又發現破抵價大陸！相信日式放題係街上都不少，今次搵到間仲平仲抵食，$188 一位！四個人去有一個人計半價，六個人去有一個係免費 (只限星期一至四) ！一百巴仙必去！而且食物比其他食開既放題水平高，選擇更多 😋 仲有！每 4 個人會送一個火鍋，有日式安格斯牛肉鍋、磯煮鮑魚海鮮什錦鍋、地獄泡菜日本廣島蠔鍋，仲有肥牛配料任叫，咁既價錢乜都有真係冇得頂 🤘🏿-#飲品 - 燕京啤酒、韓國 Hite 啤酒、可口可樂、Lotte 忌廉鮮奶、CBC 提子汽水、康師傅冰紅茶、康師傅蜜桃茶-#甜品 - 雀巢雪糕、意式蛋糕、朱古力雪條-#串燒 - 孜然羊肉串、碳燒免治雞肉棒、七味燒豬肉腸、燒香草羊架、鹽燒雞翼、鹽燒雞腎、鹽燒雞軟骨、鹽燒大蝦、鹽燒秋刀魚、鹽燒三文魚頭、汁燒帆立貝、燒新鮮菠蘿、牛油燒翠玉瓜、牛油燒日本小蕃薯-#軍艦 - 蟹籽軍艦、辣味三文魚軍艦、蟹肉蟹膏軍艦、櫻花魷魚軍艦、明太子元貝軍艦、芥辣八瓜魚軍艦-#沙律小食 - 中華沙律、付味螺肉、蟹籽沙律、小魚干豆腐沙律、大蝦通心粉香脆沙律-#卷物手卷 - 忌廉芝士炸蠔箱壽司、牛油果菠蘿鰻魚卷、辣味吞拿蛋皮卷、三文魚加洲卷、胡麻牛肉秋葵卷、花之戀壽司

有得揀要仔細考慮理由 ：好近大馬路價錢而且比較平所以揀去嗰度食一行3個人 食咗2粒鐘個佈局好窄 好難到轉身魚生/刺身 ：超市賣得好L貴⋯壽司 🍣 ：天婦羅 🍤 ：罐裝飲品 ： 成日見到甜品 ： 雪糕 / 雪條

第二次黎 第一次黎係好耐之前冇乜印象haha禮拜三7點入座 唔洗排隊就直接入座上食物速度快 一陣間就成檯野服務態度好起碼用餐很愉快一切盡在不言中上圖超有愛有心思㗎師傅🙆🏼俾❤️下次有機會都會再黎 睇下 下次師傅又有咩新花款hahaha希望下次可以整個史迪仔

Openrice今日約左一班成年無見嘅大學同學，咁佢地話想食放題，但又唔想食太貴，於是乎就上網openrice 一下，就比我搵到呢間組長日式放題。見佢評價都唔差，而且又算平，200蚊內就食到餐放題，就決定去試一試。一開始當然就係叫左一大堆剌身啦，有三文魚、希零魚、八爪魚、帶子同飽片等等。咁食第一啖嘅三文魚嘅時候，感覺到佢地係非常新鮮嘅，每隻剌身都好爽，係爭在少少魚味。但整體嚟講，我係非常滿意的。接著落嚟我地就叫左一個沙津嚟食，都係普遍放題會食到嘅味道，算係中規中舉嘅沙津，但呢道都算多選擇，有五種唔同類型嘅沙津比我地去選擇。之後我地叫左幾款壽司。我有個朋友大讚佢地嘅饅魚壽司整得非常好食，而且賣相亦相當不錯。以呢個價位嘅放題嚟講，呢幾件壽司算係水準之上。咁食放題又點少得大蝦天婦羅呢！呢個天婦羅亦都非常出色，因為佢係即叫即炸，拎到出嚟都仍然係熱氣騰騰的，食落去感覺亦唔算好粉，亦都保留到原有嘅蝦味，所以極力推介大家去試一下呢個天婦羅咁之後我地都叫左唔同類型嘅炸物，例如炸雞、炸芝士波同炸蠔等等，都非常不錯，因為佢地嘅炸物都係即叫即炸，所以好好食，而且個芝士波波嘅芝士亦都係流哂出嚟，所以非常好食！

今日義工組兩位朋友生日, 我們一行十人往組長日式放題與壽星慶生, 餐廳安排了大的圓桌給我們, 座位好舒適。餐廳食物一流, 刺身方面, 三文魚, 珍珠帶子、甜蝦和象拔蚌食落新鮮鮮甜；醬油味叉燒烏冬叉燒味道肉質好腍, 醬油味道香濃, 烏冬爽口；火炙壽司有三文魚,松葉蟹棒、玻璃蝦和左口魚邊, 珍珠米飯味鮮甜, 三文魚, 松葉蟹棒、玻璃蝦和左口魚邊皆燒得香口惹味, 食落醒胃；天婦羅有海老和蟹柳天婦羅, 天婦羅炸得香脆, 海老好惹味, 蟹棒好滑；炸物有炸洋蔥圈和炸雞軟骨, 洋蔥圈食落爽脆, 雞軟骨肉質鮮嫩食落惹味；鹽燒雞翼雞翼燒得香脆, 肉質爽口, 燒得甘香；汁燒雞肉串醬汁惹味, 雞肉好腍；鐵板燒有七味朱頸肉, 金菇牛肉卷和炒雜菜, 七味朱頸肉孜然粉好香朱頸肉鮮甜彈牙；金菇牛肉卷肉質略嫌煮得不夠熱如熱一點更佳；炒雜菜菜好鮮甜爽口；最後餐廳有汽水,冰紅茶和雀巢雪糕杯。餐廳每8位成人出席壽星一位免費而且送壽司蛋糕一個。餐廳座位舒適, 食物美味夠熱, 質素甚高, 價錢合理, 牛一慶生好地方。

細細間日式放題幾個朋友見下面食餐飯, 就腳當然響旺角食, 不過要好食之餘, 仲可以有時間空間傾下吹下就有難度. 今次搵左呢間日式放題, 唔太貴之餘, 仲符合哂我地時間空間嘅要求.因為閒日而且訂左枱, 舒舒服服一坐低就可以食. 第一ROUND先食刺身. 選擇唔需要太多,唔需要大大個碗 新鮮用心無漏單.  我最鍾意食前菜, 買返來的, 都係咁上下.壽司最值得推介係, 唔怕飽肚值得一試. 我地仲試左個及, 堅有羊膻味!! 另外, 都唔錯.其實仲有個好值得推介, 不過叫左幾轉都係一上枱就被大家食左, 無機會畀相機食先. 由於細細間,  飲品選擇方面的確少. 不過, 又由於細細間, 坐滿都唔太嘈, 好適合我地幾個朋友傾下偈吹下水.

放假係要食好！！！！！今次吾帶老公去食好😃組長放題好抵食又幾好食，個人認為火炙三文魚壽司係最正，一舊吾係大，容易成舊入口，入到口係感受到舊壽司好軟，可以話係“入口既溶”。其次係佢既三文魚刺身同甜蝦都好新鮮。