紫玉蘭

營業中

休息中

這間位於中環的中菜館，環境寬敞，裝潢甚具氣派，且富格調，主打新派上海菜，是商務宴客、圍檯飯聚的好地方。🦋脆煎灌湯小籠包脆皮包裹鮮美湯汁，一口咬下，湯汁四溢，令人回味，小籠包愛好者必點之選。🦋宋嫂魚羹 香濃的魚羹湯底中融入冬菇的香氣，一碗暖心的美味，帶來舌尖的幸福感。🦋滿口香炸八塊 皮脆肉嫩的炸八塊，每一口都散發著誘人的肉汁香氣，令人難以抗拒。🦋四川龍蝦球麻婆豆腐 這道是融合創新及傳統的烹調菜式，創新以西澳龍蝦為主角，搭配傳統的麻辣豆腐，展現出四川料理的獨特風味。

-紫玉蘭 🌺位於交易廣場有間主打精緻滬菜既紫玉蘭以獨特創意細膩手工重新包裝經典美饌帶黎新式上海菜既體驗🤌 每道菜都幾有驚喜~餐廳既裝潢簡約得黎都好有氣派 而且非常闊落舒適位置都好方便 正正係IFC 隔離 係香港站行5分鐘就到🌺 玉蘭三小碟+ 蔥油雨花紅蜇頭 - 食落蔥油微香 海蜇同萵筍都好爽脆+ 醋汁田七苗 - 係一道偏酸既涼拌合桃菜苗 好似沙律咁+ 腐皮磚條 - 簡單好味既冷盤 豆香味重 同時帶有麻油香🌺 脆煎灌湯小籠包 小籠包個底煎到脆卜卜🔥 一咬就有滿滿既湯汁爆出黎湯底既肉汁係好鮮味 食多幾粒都唔夠喉 真心值得推介 ❤️🌺 宋嫂魚羹係有大量魚肉 加入香菇 芫茜 竹筍 雞湯等佐料烹製而成色澤油亮濃稠 飲落鮮味滿滿 建議加埋胡椒食更好味同埋魚肉鮮嫩滑潤 幾似蟹肉羹 個人幾中意呢道❤️ 如果可以再大量啲就更加好啦🤤🤤🌺 滿口香炸八塊其實係指中式炸雞件 賣相有點平平無奇 但非常有驚喜！大大件既炸雞炸得薄皮酥脆 但係神奇在於完全唔油膩而且內裡係好嫰滑多汁 本身調味惹味 唔洗額外點醬~🌺 北京蔥爆炒鮮牛肉鮮牛肉嫰滑又唔怕腥 食落香濃而不辣 而炒熟京蔥味道帶甜 好岩配埋叉子燒餅一齊食 同埋燒餅可以

在過去中秋節做節飯選址來到中環交易廣場紫玉蘭，中環地鐵行5分鐘就到～餐廳主要食上海杭幫菜，有別於傳統中菜廳裝潢挺有格調！先來一個前菜泡椒菜梗泡椒菜花梗，是椰菜花的莖部，口感非常爽口帶微辣黑魚子煙燻初生蛋煙燻味很香，黑魚子鮮味加入燻蛋內增加鮮味上海醃篤鮮傳統上海菜式，，用冬筍、鹹肉、豆腐皮結和鮮豬肉燉煮，順滑鮮味杭州荷香煨全雞雞肉經荷葉包住炆煨，等雞肉帶荷葉香氣入面有洋蔥、木耳同冬菇一併煨雞肉嫩滑鮮甜！肉蟹蒸手打肉餅今日主角大肉蟹，蟹肉飽滿鮮甜，特別是蟹鉗部分，放置在底的肉餅吸滿肉蟹蒸嘅鮮味松子繡球黃花魚松子魚亦是經典菜，呢度將黃花魚拆肉再整球，相當考功夫～就連擺盤嘅魚骨都感受師傅的功架。春芽乾扁四季豆擺盤整齊精緻，加入肉碎特炒得惹味香口上海炒年糕炒得夠火候，塊塊分明入味，唔會黏埋一舊舊～最後點埋甜品 豆沙鍋餅熱辣辣脆卜卜，紅豆餡多香甜

一班人食飯始終中菜都係最傳統，但又想有靚靚裝潢環境，人生就係會矛盾！ 呢間精緻菜式帶點復古奢華風就值得推介！泡製菜梗泡椒漬椰菜花梗，微辣爽脆黑魚子煙燻初生蛋初生雞蛋會細粒d ，蛋白軟熟蛋黃濃郁，配合魚子醬口感味道更豐富！上海醃篤鮮湯頭呈奶白，魚嘅鮮味一啖係口入面滲出黎，好順滑杭州荷香煨全雞用荷葉包住冬菇絲、洋蔥絲、木耳絲、醬汁炆煨，洋蔥已煮至焦糖化，雞肉亦入味軟滑 肉蟹蒸手打肉餅肉蟹殼已預先輕輕剝開，方便食用！蟹鮮味滲透落底層肉餅，肉餅混入馬蹄增口感松子繡球黃花魚將黃花魚片肉𠝹花落鑊炸成一個個繡球，最後淋上五柳汁黃花魚骨都炸得栩栩如生岩打卡春芽乾煸四季豆炒得夠乾身入味上海炒年糕炒年糕食上海菜必點豆沙鍋餅熱辣鮮炸，香甜紅豆爆餡

今日同老婆大人仲有一班朋友去食上海菜，等我做返晚上海佬先「儂吃過了伐」哈哈。老婆大人話同我去中環交易廣場食呢餐飯，我心諗乜呢度有餐廳嘅咩！估唔到就喺廣場嘅一樓有間叫做紫玉蘭嘅上海菜餐廳。我哋平日去食呢餐飯見到都有好多客人生意都幾唔錯喎。坐底嚟兩個前菜嘆吓先！老婆大人最鍾意食皮蛋，呢個秋香皮蛋肉鬆拌豆腐食落去好香口啱晒佢口味啦。我就鍾意呢個樣靚仔到不得了嘅馬蘭頭石榴果，百頁皮入面有啲馬蘭頭然後包到成個石榴果咁樣鬼咁精緻。百頁皮咬落去口感煙煙韌韌咁，加埋入面好清香嘅馬蘭頭係好食嘅。跟住嚟碗熱辣辣嘅家鄉米莧鮮魚羹，清鮮嘅湯羹入面有啲菜蓉同埋魚肉，個羹一啲都唔腥仲越飲越香甜添。我哋仲嗌咗一份紫玉蘭烤鴨！連埋一齊上枱嘅有嬤嬤皮、紫蘇葉、牛油果、哈密瓜、京蔥同埋青瓜，呢個組合真係好鬼特別喎。烤鴨已經分開晒鴨皮、鴨肉同埋髀、翼位先至上枱，仲好細心將髀同翼包晒錫紙等食嘅時候唔會整污糟手指。個嬤嬤皮做得幾煙靭凍咗都唔會硬口，我就鍾意包哈密瓜嚟食感覺好清新，至於髀同埋翼梗係用手攞住嘆先過癮啦。繼續叫一啲上海嘅小菜嚟嘆吓，呢一個係邪惡嘅土匪豬肝，嗰啲辣椒好辣夠刺激啱晒老婆大人嘆，我就鍾意食煮得好脆口嘅豬潤勁

同事聚會大家一齊就揀咗附近交易廣場既紫玉蘭其實我都好鍾意食滬菜所以去前都幾期待一入到去其實環境都幾舒服最重要就係番工附近真係相當方便黑魚子煙燻蛋今次先來前菜黑魚子煙燻蛋味道唔錯層次感十足特別流心蛋黃加埋黑魚子每一啖都相當滿足泡製菜梗呢個小食平時就比較少見到但我就覺得非常有驚喜酸酸辣辣相當醒胃上海醃篤鮮平時少飲湯水嘅我出到街食飯都必會叫啲湯水飲今次呢個上海醃篤鮮相當出色味道相當天然, 飲完個人都好舒服杭州荷香煨全雞呢個雞真係睇到心機菜入面除咗材料豐富之外每一口都相當惹味個個同事都話送飯一流肉蟹蒸手打肉餅個人都好鍾意食蟹特別今次肉蟹真係好新鮮真係做到啖啖肉加埋肉餅真係必食松子繡球黃花魚呢個睇到大廚嘅心藝相當唔錯每一塊魚肉都好似繡球一樣味道方味亦都唔錯甜酸味道唔會過火春芽乾煸四季豆又係我其中一個鍾意嘅菜式四季豆炒得夠乾身又係一個送飯菜上海炒年糕年糕夠煙韌，咸味剛剛好好味到真係個個都爭住食豆沙鍋餅個人對甜野一般所以覺得正常發揮

就快又到中秋啦, 當然就要同家人或者朋友食個飯啦今次就同朋友食呢間中菜餐廳聚一聚呢間紫玉蘭位於中環交易廣場裝潢簡約時尚呈現出瑰麗氣派泡製菜梗先來前菜小食就係帶點酸辣嘅泡製菜梗選用椰菜花菜梗配上秘製醬汁賣相精緻香辣爽脆相當惹味黑魚子煙燻初生蛋煙燻蛋一向作為前菜都無得輸今次再加上黑魚子真係又食得又睇得流心蛋黃與黑魚子完美的結合真令人回味上海醃篤鮮上海名菜醃篤鮮除了有醃製的鹹肉、長時間煨煮之外,湯頭鮮美更為重要今次呢個醃篤鮮正正做到呢幾點鹹肉鮮味十足之餘亦滋味濃厚杭州荷香煨全雞陣陣荷香與煨雞融為一體每一啖都相當軟淋真係送飯一流肉蟹蒸手打肉餅蟹肉新鮮滑溜、蟹味充足約蟹汁蒸回到肉餅上，真係人極美味松子繡球黃花魚賣相已經好吸引而且味道甜甜酸酸魚肉亦都唔會煮丁過哂我真係啱哂我杯茶春芽乾煸四季豆呢個又係上海菜其中之一必點菜式四季豆炒得恰到好處，同肉碎嘅味道完美結合上海炒年糕好耐無食過上海炒年糕嘅我今次食番真係大滿足特別佢嘅年糕真係煮得相當好煙煙韌韌味道剛好真係一讚豆沙鍋餅最後食埋呢個豆沙鍋餅真係一個完美句號

上海菜從來也是我喜歡的菜系可說是百吃不厭！今次跟好友去到位於中環的滬菜館品嚐了不少精心炮製的上海菜，就跟大家分享這夜豐富的佳肴吧！餐廳正是位於中環交易廣場內的紫玉蘭 ，室內環境簡約時尚中帶出瑰麗氣派坐得很舒適。餓腸轆轆的我還要遲到所以甫坐下便要開餐了！率先上檯的是滬式涼菜中的馬蘭頭石榴果＄108/5件，以優雅的花卉擺盤奉客賣相精緻非常，具營養價值的百頁豆腐皮包裹著馬蘭頭碎弄成石榴果的外形，吃下帶豐富的口感味道又清香是健康之美食。秋香皮蛋肉鬆拌豆腐＄108很適合夏天享用，甘香的溏心皮蛋配上嫩滑豆腐和鹹香肉鬆永遠也是絕配之物。接下來這個本幫湯羹名叫家鄉米莧鮮魚羹＄75/位，內裏以魚茸及菜絲放湯炮製而成出來的魚羹色澤悅目味道鮮嫩可口，因為太美味的關係很容易便一碗喝光光了。緊接著是充滿淮揚滋味的紫玉蘭烤鴨＄498/隻，一套烤鴨會配上嬤嬤皮、紫蘇葉、牛油果、哈密瓜、京蔥、青瓜以及烤鴨醬，成套放在檯面上感覺非常豐盛呢。 烤鴨已經預先切好上檯並分好位置包括有鴨皮、鴨肉及髀、翼，烤鴨外皮甘香脆身內裡肉汁豐盈兼嫩滑，配料有清甜哈密瓜及破格的香滑牛油果片，喜歡紫蘇香氣的更可以包著同吃味道份外吸引。    

少喺中環食晚餐 今晚破例約咗幾個朋友catch up下 呢一間 '紫玉蘭" 喺交易廣場多年 一直都好高質素 主打高級上海菜我好鍾意食上海嘢 所以啱曬我口味 呢度裝修優雅 感覺開揚 好高級 用嘅瓷器餐具都係 上等 坐得好舒服 💟頭盤點咗個 🥒泡濟菜梗 有青瓜 青豆等等 有辣椒嘅香味 試咗佢呢度好出名嘅 黑魚子煙燻初生蛋 🐣黑魚子鹹香 加上蛋黃嘅濃鬱 稠密嘅味道 感覺好夾 好特別 🍲 上海醃篤鮮 裏面有鹹豬肉 菜 同埋豆卜 個湯好鮮甜 豬肉 半肥瘦 🐔杭州荷香煨全雞 用特製醬料 煮好多個小時而成 雞肉非常嫩滑 特製醬料好入味 連埋雞皮食 啖啖肉🦀肉蟹蒸手打肉餅 蟹肉好鮮甜 份量好多 底下嘅肉餅吸收曬蟹肉汁 特別鮮美 🐟松子繡球黃花魚 係上海名菜 我特別鍾意食 黃花魚炸到好脆加上啲甜酸汁 好開胃 🫘春芽乾煸四季豆 有鹹菜嘅鹹香 加上豆嘅清新 感覺健康 🍡上海炒年糕 出乎地好味 非常煙韌 加上冬菇等配菜 夠曬上海風味 🥧最後甜品食咗個豆沙鍋餅炸到真係好香 豆沙味好出 真係好想食多幾件 💟呢度啲嘢食真係好正 又坐得舒服 夜晚喺中環食飯係一個好去處

開心賀中秋！同學聚會揀咗位於中環交易廣場既紫玉蘭，主打精緻滬菜，以獨特創意革新經典美饌，帶來新式上海餐飲體驗。好鍾意呢度格調簡約時尚，氣派典雅，並設獨立貴賓房，好適合家人/好友聚餐。秋香皮蛋肉鬆拌豆腐皮蛋軟綿Q彈、肉鬆綿密，拌以嫩滑豆腐，鹹鮮甘香特別開胃。馬蘭頭石榴果精緻唯美，好似藝術品咁，大家都忍唔住相機食先～將百頁皮包裹住清爽可口馬蘭頭，造成石榴果外形，賣相一流。家鄉米莧鮮魚羹鮮魚茸配米莧，米莧即莧菜，入口滿滿魚鮮香味，用料十足，調味剛好，湯羹透亮、味道清淡可喜，飲落軟滑順口。紫玉蘭烤鴨必試招牌烤鴨！色澤紅潤油亮，肉質柔嫩，味道渾厚，鴨皮片至如紙般薄～將餅片包著哈密瓜片、牛油果、鴨肉、蔥白等同食，口感豐富有嚼勁，香酥而不膩。土匪豬干將豬干焯過後加配料爆炒，豬干依然保持鮮嫩潤口，口味香辣濃醇，夠哂惹味。老干媽肉碎蒸黃花魚黃花魚皮滑肉嫩，鮮美且無一絲腥味，面頭加上老干媽肉碎，均勻鋪於魚身上，增添鹹香鮮味。家燒冬瓜冬瓜清涼降火氣，特別適合炎夏食用，水分多低熱量，配以濃香醬汁，令人胃口大開。醬油蟹毛豆年糕年糕煙韌香濃；毛豆經醬汁爆香，鑊氣十足；主角醬油蟹鮮味啖啖肉，入口豐腴，實在令人滿足。

上海本幫菜偏甜偏鹹，略為重口味，而新派上海菜融合滬、蘇等地特色，改良成口味獨特之現代上海菜。今日就黎到以細膩手工、獨特創意革新經典美饌著稱既「紫玉蘭」，一嚐傳統上海菜加入新派元素，融滙成獨特革新之滬菜，好好感受新式上海餐飲體驗。餐廳環境寬敞時尚，打造出滬江貴族大宅風範，呈現瑰麗氣派，加上樓底夠高，座位寬闊，坐得舒適。秋香皮蛋肉鬆拌豆腐甘香軟綿既皮蛋配清香嫩滑豆腐，面頭再加惹味肉鬆，滑嫩爽口，入口鮮咸豐富。馬蘭頭石榴果外型似足石榴果，胖乎乎賣相精緻可愛，打卡一流！以百頁豆腐皮包著馬蘭頭碎粒，質感爽脆清香。家鄉米莧鮮魚羹將莧菜切碎配鮮香魚肉再勾芡成羹湯，魚羹鮮嫩順滑，啖啖魚鮮味，翠綠滑溜，清新又鮮甜，令人回味。紫玉蘭烤鴨終於有機會一嚐招牌烤鴨，色澤紅艷、皮脆肉嫩、香氣四溢，將柔軟餅皮包裹薄脆鴨皮、細嫩鴨肉、蔥白、 哈密瓜、牛油果，入口充滿鴨油香氣，又唔會滿嘴油膩，味道醇厚，肥而不膩，好出色！土匪豬干豬干處理得好且醃得入味，入口完全無腥味。經爆炒後味香濃醇，外焦內嫩，啖啖鮮嫩潤口。老干媽肉碎蒸黃花魚黃花魚鮮香嫩滑，魚肉相當清甜，配上老干媽肉碎，鹹香提鮮，夠哂醒胃，驅悶熱一流！家燒冬瓜冬瓜燜煮

星期五晚放工和朋友飯聚，價錢比以前貴很多，頭盤都超過一百元，馬蘭頭石榴果又冇供應，生煎包又普通熱，田七葉原來是生吃，食完好似冇乜邊碟覺得值得食，兩人都成7百幾，性價比唔高。而且要靠交易廣場中央冷氣，一路食一路抹汗.....

琴日同家人去左呢間餐廳飲茶，諗住佢主打上海菜就只有上海野，原來仲有平時嘅中式點心，可以嗌下蝦餃燒賣果啲。點左八款點心，最鍾意係個煎小籠包同埋薰蛋，咬落去個小籠包啲汁多到爆出嚟，真係要小心啲食。薰蛋好香，加埋啲鹹鹹地嘅魚子味道吾錯！另外，個雞絲粉皮比想像中大碟，味道都幾好。不過個煎蠔仔餅就麻麻地，啲蠔仔甩哂出嚟，啲醬甜甜地嘅，未見過。個椰皇綿花雞都幾特別，暖住咁上，仲可以食埋個椰子肉。同埋雖然呢度樓底吾高，但吾會覺得好嘈，都坐得舒服。