紅豆冰室

營業中

休息中

從未諗過一間茶餐廳，算是新開嘅茶餐廳，可以用極差嘅質素嚟形容。所有店員態度超差。可能覺得價錢大眾化，茶餐廳格局，所以可以一點禮貌也沒有！受氣不止被編排、一定被編排去坐某一個位置，亦店員抹枱時將所有上手剩下的垃圾，求其抹枱撥晒落凳，完全不再理會。客人要自行再重新抹枱抹凳一次食物質素不好，而且員工送餐時全部拍落張枱度，好彩玻璃沒有爛，可是差點也將米線撥落客人身上，未食已經有米線掉落枱，也在員工手上有米線。這一間店舖希望盡快執笠！

路過荃灣千色一期，食肆選擇唔多，見呢間餐廳門面有棵櫻花樹好靚咁，就試呢間！入面木色系設計為主，多卡位呢個唔錯！但走廊通道位地板有點濕滑幾乎滑倒，沒有放小心地滑牌，希望餐廳注意！睇餐牌都知係茶餐廳出品，所以自己會先降低少少期望，但估唔到味道喜出望外（除左白飯較硬）！👍仲要唔使加一，咁就更抵食！我地兩個人點左兩個餐，先黎鐵板蜜椒薯仔牛柳粒$95 大大碟，一上枱香噴噴，而且牛柳質感柔軟有焦香，薯仔外層有焦糖脆口效果😋，我地覺得好好味！加$15有飯及例湯，我地揀左中湯都幾潤，而白飯對我地黎講較硬，軟返少少就好！再黎一個全日特餐 All Day Breakfast!, 本身個人幾鍾意食全日特餐，其實餐牌幅相影得麻麻地，但見$69 咁抵就試下！ 結果一上枱，我地兩個都嘩左聲，咁大碟！👍👏 個餐包左脆魚柳、薯脆餅，兩樣都香口好脆👍，而日式腸唔係食開果d 廚師腸，唔太鹹幾啱我！牛奶炒蛋夠滑唔老，個牛角包比較實，即係較飽肚，但估唔到入面仲有碎蛋及蛋黃醬！成個餐都好啱我口味，幾飽都食晒！👍😋每次去茶餐廳都鍾意點熱杏霜，但呢間個粉好糊狀，唔似平時飲開果d, 但想飲野結果都飲晒！

噚日(1-6-2024 Sat)同老公食個晏,去邊喥食?光榮冰室(https://www.openrice.com/zh/hongkong/r-%E5%85%89%E6%A6%AE%E5%86%B0%E5%AE%A4-%E8%8D%83%E7%81%A3-%E6%B8%AF%E5%BC%8F-r649136),因為堂食每位嗌個快餐,就可以以$1.00要一隻炸雞中翼,數量不限,不過由於我哋冇乜食力,於是唔食,就去搵第二間嘢食,邊行邊諗,老公話去neighbor(https://www.openrice.com/zh/hongkong/r-%E9%84%B0%E5%B1%85-%E8%8D%83%E7%81%A3-%E7%BE%8E%E5%9C%8B%E8%8F%9C-%E6%BC%A2%E5%A0%A1%E5%8C%85-r739252)食,行到嚟,見有人等位,咁唔幫趁住,嚟呢間啦.我哋嚟到時都有人等位,不過好快,大約2-3分鐘就有位,我哋睇完menu,就要:4. $21.00嘅熱檸水老公飲,我冇飲到,佢都冇comment.2. 跟餐叫以傻惠價$15.00要原價$30.00嘅雪糕特濃朱古

有點嘅店長就有點嘅侍應3月29號朝早，我地一行五人預備出遊前到該店食早餐，由於人多關係需要排隊，排到我地時我地便上前，一個侍應不分青紅皂白就行上前並大聲指責到「喂你哋搞乜嘢？排隊啦？」，我家人便解釋到「係排到我哋，我哋係唔會打尖嘅」，事後另一位侍應亦幫我哋解釋，但該指責我哋嘅侍應仲反我哋白眼，一句道歉亦沒有。進入其店後，由於當日沒有座位，我哋五人被分開到兩張枱，我哋於10點零幾分已通過掃QR code落單，等待了30分鐘，期間催促過兩位侍應，每一位都不耐煩地話整緊整緊，但其中一位女侍應再回覆幫我哋睇睇後，行埋咗一邊玩手機。待我們較遲落單的一台已食完，第一台的三份煎蛋多士仍未上。其他俾我哋更加遲入嚟嘅人order咗相同嘅餐點都已食完並離開。由於我們一早已買了10:45嘅巴士，再多次催促無過後，我們並提出退了沒有出餐的三份炒蛋及多士，該餐廳C區的侍應當沒有聽到直接離開。但由於我們距離巴士發車只剩返10分鐘，我哋就將單帶到收銀處要求扣除三份煎蛋及多士錢。該店收銀表示去處理唔到，立即尋求該店店長琳琳出嚟處理，但該店長在多次催促下都不出面處理，再等待5分鐘後才慢慢邊人傾偈邊行出嚟。了解事情經過後

速度高，味道欠奉紅豆系荃灣開左幾個月，平時見太多人排隊，所以都放棄，今日見到前面得三四檯排隊，咁咪排左2,3分鐘。優點—速度快，最快2分鐘出牛河，其他5分鐘來起—哩個位以前系超市，所以都幾大，裝修新淨，—用八達通埋單可以吾使出櫃台，快d。改善點—吾系個個staff都有walkie talkie,個鋪又有兩邊，搞到系咁叫來叫去，好嘈。—有個女侍應同後面張檯個客系咁講野，隻手又擺系個我個卡位，吾舒服。—另一個男staff系隔離卡位做野，突然除鞋”鏂”腳。—炒野睇自己用隔離臺幾碟都幾似樣，水吧就吾得啦！乾炒牛河下午茶($54)5分—賣相幾好，熱辣辣幾大碟，幾香—牛肉算多，有牛味同幾滑。—河粉吾太油，無儂，鼓油甜甜地幾正鴛鴦(1分)— 真系幾差，無茶味，無咖啡香味，得苦味。懷舊西多士($31)2分—問過系花生醬芯至叫，可惜真系少得可憐，毫無味道。—牛油都系比較細—糖漿系現在大部分餐廳用的袋裝，一d以前糖漿味都無—多士本來幾厚，蛋都幾香幾多，就系敗筆在花生醬同糖漿

今日(30-3-2024 Sat)朝同老公去荃灣食早餐先,去邊間?我記得呢喥開咗間,於是走嚟,嚟到時冇人等位,但入到去係冇晒位要等,等嘅時侯見到有11:00AM開始供應嘅午餐menu,睇落唔太吸引,早餐係咪唔供應?如果係,我就走人喇,不過等咗約5分鐘有個女仔走嚟問我哋搭唔搭枱?我哋答好.佢就帶咗我哋入去搭半張卡位.但由於食𡁵嘢嘅男客人,將佢嘅口罩擺到好近我呢邊,亦冇意識收返去佢嗰邊,我望吓有另一張卡位,於是問可唔可以轉?男店員答要問吓.佢係行去問嗰張枱嘅客人.之後俾我哋調.我哋又掃QR code同睇menu,發現早餐係供應到11:30AM,於是叫早餐,見到有辛辣麵,好啱老公,於是我哋要咗:4. 跟餐嘅熱奶茶我唔落糖飲,味道對版冇問題.3分2. 跟餐加$3.00嘅凍檸水老公飲嘅,我冇飲到.3. $46.00嘅歐陸早餐要吉列魚柳有茄汁豆,英式腸,3.6牛乳炒滑蛋,薯餅同丹麥多士.呢個好快到嚟,睇見吉列魚柳好大塊,但將包裝茄汁直接放喺炒蛋上面,衛生?而且佢沾到油同蛋,當我拎嚟撕開唧時,又攪到隻手有油,而佢哋又冇紙巾供應.我開動先,丹麥多士嘅牛油塗得啱啱好,都脆口嘅,比一樂冰室(https:/

星期日一家人4個去食早餐都成10點半到諗住試下啦要等位都好正常，但安排好混亂環境嘈雜，啲樓面粗口橫掃有小朋友都應該唔會再想去樓面大聲叫喊，一係叫極落單無人理，坐喺度起碼10分鐘先有個好似新移民嘅師奶落單仲要落錯😑熱奶茶變成熱檸茶好嚇人。好似大排檔咁老公杯熱奶茶苦到爆炸，我杯凍咖啡完全無味公仔麵煮到好似無煮過咁硬到不得了唔明白點解仲有咁多人入去幫襯早餐時段都會咁亂又錯⋯⋯全部都好似係新移民師奶做樓面好似都唔見有後生樓面😑人手咁多都好似做唔切咁哩間冰室不了

落order 漏單，只係普通午餐，過咗十五分鐘後多次追問都話追咗廚房就到，伙記態度差，話飲過已到咗嘅飲品唔可以取消個餐，又話 :出離食嘢係咁架啦！間餐廳新開都唔係咁乾淨。最後 40分鐘先到齊三個餐。

星期六去晚餐1)入座坐卡位，發覺跟隔離另一枱卡位完全可以互望，沒有較高隔板，感覺不自然。2)卡位椅背也較低，跟坐後食客可以頭碰頭。3)食物等了25分鐘先到4)兩個扒餐本身跟飯及意粉，來到時好混亂，變了薯條及意粉但扒餐又調轉了5)waiter沒甚禮貌，揮手示意，扮見唔到，又無帶口罩，甚至有個男侍應公然用手捽鼻再落單，很不衛生6)埋單時，居然被兩個食客打尖，收銀員又不理會，很是氣忿一片混亂，不會再幫襯

掃描qr code落單要兩份餐，等左15分鐘只有一份餐同兩杯食品，所以請侍應幫忙跟進一份餐同兩碗湯。結果侍應只取了兩碗湯。等左30分鐘我再請侍應幫忙跟進，侍應話已經無哂食材售罄，叫我轉叫另一個餐。事後負責人道歉態度輕浮，話食材訂唔夠去解釋呢件事。本人係第一次寫食評，想在此提醒其他食客考慮應唔應該光顧此餐廳。

見佢初初開業入去試下，侍應就多。 食物質素就一般， 最慘就係 ，茶餐廳叫咗嘢食半個鐘頭都未出 ，跟住冇一個可以跟進到， 連老闆娘自己望下望下都走咗去。 同場幾台食客都有相同經歷， 雖然要用qr code落單 ，但係台台食客搵人寫單嘅話 ，寫幾次都寫唔掂。 總括嚟講呢間唔事亦都冇所謂

幾日前同老婆到新開張荃灣紅豆冰室食下午茶，我叫下午茶餐干炒牛河，都叫中規中矩，但老婆叫正價焗海鮮飯，嚟到用匙羹撥開，見到竟然得幾粒蟹柳和幾片鳴門卷，一隻冇頭八爪魚仔和芝士汁，咁都叫海鮮飯，全碟得隻八爪魚鬚可以算係海鮮，因我老婆十分鍾意食焗海鮮飯，如餐廳有都會試下整得好唔好食，味道都未試，見到海鮮配料唔對路，竟然連食過最衰得幾粒蝦仁和魚塊粒都冇，原來沒有最衰，衹有更衰，叫姐姐過嚟問下，姐姐叫上司跟進，有位女上司同我地講，不嬲佢地冰室焗海鮮飯就係咁嘅配料，我當然要取消，佢仲叫我地以後係佢地集團餐室，唔好再叫佢焗海鮮飯，我地仲會入去食嘢？