影片
諗住試下，點知真係有稍稍驚喜🤩🤩蔥油豬扒雙強魬🍛嗰塊豬扒大過個面盤，餸嘅份量都好大，豬扒炸到金黃酥脆蔥油嘅嗰陣香氣濃郁到極點，完美咁滲入豬扒入面，每啖都好有味道，食到停唔到口，欲罷不能。而且套餐仲送熱飲，加多 💰$3 可以換冷飲🌟🌟🍫朱古力奶西多呢個朱古力奶西多真係招牌名副其實🌟陣陣朱古力同牛奶嘅濃香撲鼻而來香到痹。炸過嘅吐司，外皮脆卜卜，入面軟綿綿，再配上濃郁嘅牛奶同埋幼滑嘅朱古力粉，甜度啱啱好，一啲都唔會過甜膩口。食嘅時候一定要趁熱，咬落去嘅口感，簡直就係鐘意食甜嘢嘅人嘅天堂💓食量唔大嘅朋友，兩個人點一份飯就夠食，個份量真係多得嚇人🥢🥢
繼續閱讀
去餐廳食嘢，除咗食物質素要好，服務都好緊要。 服務差，隨時食到一肚氣。話說新年假期去食， 一坐低就睇下有咩餐啦 ，個阿姊仲走嚟話， 邊個邊個餐今日冇， 之後就走開咗，咁就自己手機落單啦。結果上到嚟，乜咁清呀，塊多士去咗邊？？？ 咁就叫返個阿姐埋嚟，問係咪上漏咗呀？ 個阿姐答：無呀，今日無麵包，乜包都無呀。 咁我哋問：咁你換啲咩畀我？ 阿姐再答：無呀，乜包都無，冇嘢可以換俾你。 咁我哋就問啦：咁嗰餐係咪會平啲？？？ 你餐牌寫明有嘅嘢，依家無咗喎。 阿姐話：無平呀，咁今日無麵包呀嘛，冇㗎啦。 其實個麵包同蛋係送㗎嘛，送少樣囉。 真係厲害嘅說法呀，餐牌寫明嘅嘢，原來係送嘅。 咁真係無嘢好講。首先餐牌有嘅嘢，你畀唔到我，有否違反商品說明條例？第二，由入餐廳，同事帶位到話畀我聽邊個餐今日無，都無人話過今日無麵包。 如果有講，我哋仍叫，咁就完全無問題。但係無被通知而無咗，仲要俾個咁嘅答法，好無言。倒返轉嚟講，如果我要求個餐加多塊麵包， 係咪免費？ 點解少咗食物，就大條道理，無貨就大曬？？？食物質素一般， 唔係特別出色，咁樣嘅服務態度， 唔會再幫襯囉。
繼續閱讀
今日（6-12-2024 Fri）又同老公請假整嘢，回收咗啲嘢後，老公都攰喇，搵個地方食啲嘢休息吓，我提議去今年年頭嚟過嘅neighbor(https://www.openrice.com/zh/hongkong/r-%E9%84%B0%E5%B1%85-%E8%8D%83%E7%81%A3-%E7%BE%8E%E5%9C%8B%E8%8F%9C-%E6%BC%A2%E5%A0%A1%E5%8C%85-r739252)，上次食評係2024年1月27日刊登嘅呢篇：https://www.openrice.com/zh/hongkong/review/yeah-%E8%A5%BF%E5%86%B7%E5%B7%AE%E5%92%97%E5%95%B2-e5264984，但老公話貴，咁下次至再幫趁啦。咁去邊喥食？佢話嚟呢間。啊，咁去啦，嚟到時都有幾張卡位，坐低後研究menu，研究咗一段時間，都唔知食乜好，女侍應行過，指住牆話有午餐，我望望，見有$62.00嘅XO醬三絲炒銀針粉，加$8.00就有椰汁紅豆冰，於是我要呢個。老公睇中$38.00嘅沙爹牛肉公仔麵，就要呢個。咁落單啦，我哋講咗要呢三樣嘢，再要杯熱檸水，女侍應就指住$56.00嘅沙爹牛肉公仔麵常餐，佢亦有問我哋要中湯定羅宋湯？我答中湯。落完單，椰汁紅豆冰，熱檸水同中湯都到嚟，之後男侍應放低單俾我哋，叫我哋check check，我睇吓，咦？！點解沙爹牛肉公仔麵落咗有炒蛋同多士嘅常餐？於是同佢哋講返我哋唔要常餐，佢哋肯改，但提醒飲品會收正價。佢哋再俾張單我哋，睇到椰汁紅豆冰收$28.00，唔係加$8.00同熱檸水$21.00咩？於是又問男侍應，男侍應答已經自動計咗最平。啊，咁照食啦。我先飲啖椰汁紅豆冰，椰汁味好淡，好失望，紅豆就正常腍好味。1.5分熱檸水正常冇問題。3分老公嘅沙爹牛肉公仔麵都中規中矩，冇乜問題。3分最後上嘅XO醬三絲炒銀針粉，食落唔太辣，銀針粉爽口彈牙，唔錯。5分我最後至飲中湯，係花生眉豆木瓜煲雞腳，花生眉豆木瓜煲雞腳味道都幾清，唔錯。4分抵食係2.7分上次食評係2024年10月15日刊登嘅呢篇：https://www.openrice.com/zh/hongkong/review/%E9%81%B8%E6%93%87%E5%A4%9A-e5729578
繼續閱讀
出席熊貓酒店的座談會前，午餐選擇了附近的「紅豆冰室」。這家港冰室方便快捷，非常適合快速解決一餐。我點了一份番茄濃湯豬潤通粉，加了少許辣，再搭配餐包和滑蛋作為套餐配搭 🍞🍅番茄濃湯的味道較為普通，酸甜適中但稍嫌欠缺層次，湯底的濃郁感不算突出，但好在熱騰騰送上，非常暖胃。豬潤的處理還算不錯，口感爽口。通粉煮得軟硬適中，整體表現中規中矩，符合一般茶餐廳的水準。搭配的餐包稍微加熱後送上，外表鬆軟但未帶脆感，配上滑蛋一起吃味道算是和諧，但也並沒有特別出彩之處 🤔整體而言，紅豆冰室的食物表現普通正常。以方便快捷為主，環境舒適而簡單，適合作為忙碌中的一頓快速午餐。若沒有太高期待，這裡仍是個解決溫飽的地道選擇 🌟🌟
繼續閱讀
好耐冇去荃灣， 都隔咗幾個月， 今晚約咗2個friend去行千色店， 去返上次嚟過的這間千色匯商場內的冰室， 記得之前好似係新開業冇幾耐， 當時食的小菜款式記得都幾好味，茶記嚟講有水準👍。 今晚再試，仍然有水準， 見有家常便飯套餐，確係扺食，$168 揀一條豉汁蒸魚，配一個小炒菜式的餸，有中湯，有白飯，仲有埋飲品，扺到呀， 熱辣辣的， 最驚喜係碟蒸魚的豉油汁好鬼好味，蒸的魚的熱度夠，好嫩滑， 成份蒸魚差唔多我一個人ko曬。 呢間如果近我附近就好囉， 唔使煮飯，慳水慳力。
繼續閱讀
您可能會有興趣的...