紅葉茶屋 (帝國中心)

營業中

休息中

第一次黎尖沙咀呢邊，位於近海旁既位置，環境好舒適。晚餐時段，我地叫左黑麻油濃厚豚骨拉麵$98拉麵湯底濃郁，拉麵軟硬度適中，夠晒掛汁，黑麻油味蒜味一流。主菜仲有幾碟小配菜，無論係擺盤定前菜都好有心機。牛肉壽喜燒定食$138即叫即整既壽喜燒湯底濃郁，配上大量既蔬菜，豆腐好鮮甜，牛肉份量好多，加上飯食令人食唔定口，仲有熱辣辣的蜆肉湯。熱抹茶拿鐵$25 跟餐賣相一流，味道香味皆上品，抹茶重牛奶味，不會太甜，想甜一些可加石頭朱古力。 甜品方面抹茶蕨餅新地$78抹茶蕨餅煙韌彈牙，配上厚實抹茶雪糕，紅豆蓉加外層餅乾，整個甜品都可以吃掉，大滿足。自選特製芭菲$75 滿滿的忌廉配上多層的材料，有蕨餅，自家製白玉，鮮甜土多啤梨，仲有扭紋軟雪糕，期間限定既係北海道蜜瓜配上牛奶雪糕，十分吸引。

選擇多，高質性價比高，服務好，坐得舒服，所以揀咗呢度黎食。1. 滑蛋豬扒飯：在紅葉茶屋享用的滑蛋豬扒飯讓人回味無窮。這道美味的食物融合了嫩煎豬扒、蛋液的滑嫩以及香濃的醬汁，呈現出一道口感豐富的美食。豬扒鮮嫩多汁，配上滑蛋的柔滑，每一口都是滿滿的滿足。這是一道代表了港式經典的美食，絕對值得品嘗。2. 牛肉薯餅：牛肉薯餅是一道讓人垂涎欲滴的小吃。薯餅外皮金黃酥脆，外脆而內軟，內夾牛肉的鮮美，每一口都是滿滿的風味和享受。這道小吃的獨特之處在於它的外酥裡嫩的口感，讓人一次又一次想要嘗試。3. 和牛肉壽喜燒定食：和牛肉壽喜燒定食代表了和牛肉的極致享受。這是一道傳統的日本美食，用和牛肉片搭配著新鮮的蔬菜，再加上特製的醬汁，入口鮮美多汁。每一片和牛肉都融化在口中，帶來了絕佳的口感和味道。4. 芒果蕉糖窩夫：芒果蕉糖窩夫是一道甜品的精華。窩夫的外皮酥脆，內部鬆軟，充滿了新鮮芒果的香甜味道，再加上濃郁的糖漿，這是一道令人欲罷不能的美味。每一口都是甜蜜和滿足的味道，是一頓完美的甜品。5. 果茶：果茶是一款清新的飲品，讓人在用餐過程中得到了陪伴。這杯果茶充滿了各種水果的風味，帶來了絕佳的口感和香氣。它既可以

尖東帝國中心嘅紅葉茶屋環境好舒適，餐廳主打日式料理，有好多定食、茶漬飯、烏冬、拉麵、甜品…選擇，CP值極高。太多選擇真係花多眼亂，主食方面我哋揀咗牛肉壽喜燒定食同溫泉蛋卡邦尼烏冬。牛肉壽喜燒定食賣相不錯，牛肉肉質嫩滑，再加上壽喜燒醬汁同其他配料，甜中帶鹹獨特風味更帶出牛肉鮮甜口感。配有蔬菜、蘑菇和豆腐等。豐富口感又令營養價值提升。另有一隻溫泉蛋，將佢打入牛肉或者飯裡攪勻，豐富嘅蛋汁令牛肉更滑更惹味。溫泉蛋卡邦尼烏冬佢個卡邦尼醬汁勁豐富，煙肉又捨得落！加上溫泉蛋，質感豐富。烏冬彈牙，口感滑順。烏冬吸收醬汁嘅滋味非常掛汁。好鐘意佢哋嘅溫泉蛋，蛋白柔軟嫩滑，蛋黃仍然保持著半流質狀態。將蛋汁與烏冬同卡邦尼醬汁混合，口感更加豐富香濃。豆腐魚餅外脆內軟，表層金黃酥脆，豆味突出，非常香口。明太子雞翼（2件）色澤誘人，肉質鮮嫩多汁，口感好香脆，明太子味道出眾。抹茶蕨餅新地 用脆餅裝著賣相靚仔，新地雪糕伴有蕨餅同紅豆蓉、抹茶雪糕再用櫻桃點綴，底層有粟米脆片，口感非常豐富。紅葉茶屋 (帝國中心) (尖沙咀)尖沙咀麼地道68號帝國中心UG樓50-57號舖

上次跟朋友在此午餐，嚐過原條鰻魚飯，而朋友的牛肉壽喜燒看來很美味。這次再臨，就想要壽喜燒 。特地預訂近窗邊的卡座，喜歡這舒服的感覺。手機下單後，慢慢地美食呈上。 刺身五點盛     蝦  帶子   三文魚   吞拿魚  三文魚子    沒有薑，唯有用蘿蔔絲作掃，為刺身塗上醬油吧！   伴碟的紫蘇葉也不浪費，用來包白飯。自選炸物盛盒      五選三先剔走豆腐魚餅及炸雞翼，就剩下生蠔，蝦和雞件。解決了選擇困難症。 小碟呈上，以金屬層架隔油，表層麵包糠分明不沾粘。 炸蝦   先嚐較淡味的蝦。炸皮鬆化不油膩，亦沒有梘水味。高油溫才可打造靚炸皮，很喜歡這種乾爽的口感。  炸蠔  因為炸蝦的炸皮靚靚，所以很放心享用炸蠔。炸雞件    炸雞夠嫩滑，無得輸。雞肉有底味，沒有他他醬也很美味。 牛肉壽喜燒定食     上回看到朋友那大盤的牛肉壽喜燒，念念不忘，所以今次點這款。餐牌有三款牛肉，先試價格最便相宜的。牛肉份量足，雖不是雪花，但薄片的牛肉纖維較短，容易咬。湯身不太甜，沒有酸味，配其他食材很和諧。而溫泉蛋沒有蛋腥味，撈飯一流。間中來一口牛蒡絲，酸蘿蔔配白飯也不錯。紅葉甘之三味       88蚊有

呢一晚同朋友食飯 我地想食日本菜🇯🇵朋友帶我去呢間位於尖東既紅葉茶屋📍-環境闊落 以日本菜泥講坐得幾舒服✅食物方面，有鍋物、刺身、都唔同選擇🥢朋友揀左豪華海鮮丼茶漬飯🍚☕️入面有三文魚，藍鰭吞拿魚，甘蝦，帶子，魚子🍣都幾豐富! 刺身新鮮呀!配上鰹魚昆布湯 仲有步驟教點樣食呢! 📝幾有新鮮感! 可以一物兩食!😁-我就點左鎌倉紅葉茶屋腐皮烏冬🍜呢個就經典之選 不過相對偏淡‼️我加左少少七味份就惹味D!🤣-小食我地點左芝士年糕🍢🍡要趁熱食呀!真係有芝士流出!😝-甜品我地就揀左朱古力香蕉窩夫🧇 呢個要時間製作的🍽窩夫都幾脆 不過就唔算大份 正常發揮呢!✅-飲品我地就點左芒果＆西柚紅茶同蘋果汁🍎飲品就正正常常 無太特別!-唔錯既日本菜 幾岩同朋友傾慢慢食🌿不過尖東位就真係少去D 唔算方便呢‼️

一早決定今日要食紅葉茶屋，事緣我早幾日碌IG見到人地食雪糕芭菲好似好正咁，於是叫男朋友今日陪我行完街食！雖然一心想食甜品，但都要食左正餐先XD我叫嘅係特盛黑麻油濃厚豚骨湯拉麵 $118 湯底不錯好香，叉燒大大塊~配嘅餐飲係冰雜莓&香橙紅茶 $20男朋友話食飯先表現到佢d男子氣慨？！所以叫左牛肉壽喜燒定食 $138 配嘅餐飲係凍檸茶 $15 個壽喜燒汁偏甜，牛肉份量算多而且幾嫩我偷夾左幾塊食，入面仲有d菜/豆腐/冬菇~小食我地仲叫左旬之野菜 $68 有鑊氣夠香口 炸牛肉薯餅 $35 薯餅如果係2件會更好 炸餃子 $38 外脆內juicy甜品方面，鎌倉紅葉茶屋特製軟雪糕芭菲配期間限定夕張蜜瓜雪糕 $75 係今日主角，最頂係期間限定夕張蜜瓜雪糕，好濃蜜瓜味！跟住仲有紅豆味銅鑼燒＋抹茶口味銅鑼燒＋抹茶忌廉＋抹茶凍同埋自家製白玉塞滿隻杯！建議兩人share食，因為都幾大杯！男朋友唔鍾意食甜野，但好鍾意佢個抹茶味銅鑼燒，茶味比較重~Overall 無論主食定甜品都幾好，可以encore！

紅葉茶屋日式餐廳：味覺的和風饗宴紅葉茶屋，一間融合傳統與創新的日式餐廳，以精緻的料理和親切的服務贏得了口碑。在品嚐的同時也能感受到日本的獨特風情。＄198和牛肉壽喜燒定食 - 每一塊和牛肉都經過精心的挑選和烹調，燒烤至外酥內嫩，搭配上甜鹹適中的壽喜燒醬汁，口感豐富而層次分明。再配上新鮮的時蔬和熱烘烘的白飯，定食一嚐便難以忘懷！+＄20的冰芒果＆西柚紅茶的味道清新而微甜，芒果與西柚的果香恰到好處地融入紅茶之中，感覺清新舒爽。另一主食＄118特盛黑麻油濃厚豚骨湯拉麵麵條彈牙有勁，搭配上濃郁的豚骨湯底和香醇的黑麻油，每一口都感到無比的滿足。而+＄20的冰雜莓&香橙紅茶，雜莓與香橙的混合果香與紅茶的醇厚味道完美融合，帶來一種清新的口感。甜品方面，＄58鎌倉紅葉茶屋抹茶提拉米蘇和和風庭園藍莓慕斯都讓人感到甜蜜。抹茶提拉米蘇的口感綿密，配上那抹茶的苦甜味道，讓人感到幸福。而和風庭園藍莓慕斯最有趣是可以自己DIY一個庭園，用自己的方式進行組合，非常好玩！口感滑嫩，配上那藍莓的酸甜味感到甜蜜。紅葉茶屋日式餐廳的每款都讓人感到驚喜（特別是甜品），晚市值得更多人知道！

朋友介紹尖沙咀新開的紅葉茶屋，有刺身、定食、丼飯、烏冬、甜品多元化，可以一次過滿足多種要求。餐廳以和式設計為主，近窗邊卡位更可望到街景，好適合在假日懶洋洋的吃午餐。點套餐可另加錢轉特飲冰鮮奶咖啡 $20: 輕輕的咖啡味冰抹茶拿鐵 $25: 抹茶味香濃，帶點回甘，而且這店的抹茶系列頗出色，值得一試。溫泉蛋卡邦尼烏冬 $92除了日式定食，西式fusion也有。卡邦尼變成沾烏冬般，將溫泉蛋與忌廉汁均勻，烏冬質感好滑，忌廉汁不膩，還有煙肉片、洋蔥配料。豪華吉列定食(豬扒＆廣島蠔） $138炸豬扒外皮好香脆，內裡豬扒肉腍肉嫩廣島蠔也好juicy~~這間的炸物相當出色甜品有Tiramisu、芭菲杯、新地等多款選擇，另一個甜品胃又時侯開動。自選特製新地 $75，選1款軟雪糕、1款雪糕球及3款配料。軟雪糕是期間限定夕張蜜瓜，蜜瓜味香甜，雪糕幼滑。抹茶味雪糕濃郁回甘。抹茶蕨餅有回甘味又煙韌，抹茶軟朱古力濃郁。

又想食日式食物又想食甜品 但係又唔想好貴喎點算好呢😩原來尖沙嘴區都可以有平靚正選擇😍🍱豪華吉列滑蛋丼(豬扒&廣島蠔) 一次過滿足晒三個願望有滑蛋又有吉列豬扒同埋吉列蠔💯 拍得住出邊高級日式吉列料理😆真係炸得好鬆脆 外脆內軟 唔容易㗎要好個 廚師功架先做到👍🏻份量又多食完 第二日早餐到可以skip😝☕️冰檸檬紅茶 糖水自己選擇啱晒唔同甜度😊🍨 鎌倉紅葉茶屋特製軟雪糕芭菲 期間限定軟雪糕係蜜瓜味🍈蜜瓜控表示好滿意🤤🤤🍘炸牛肉薯餅 入邊真係好足料🤤🍧抹茶蕨餅新地 想食雪糕又有toppings 呢個一定鍾意👍🏻🍱腐皮壽喜燒定食 入邊啲配料好多唔同蔬菜都有食得健康又飽肚❤️🥤冰芒果&西柚紅茶 最後飲返呢個真係透心涼👍🏻

今日同友人去咗尖沙咀帝國中心呢間用咗日式風格裝修嘅日本餐廳食午餐。餐牌食物有好多選擇，鍋物、定食，仲有多款甜品選擇今次選擇先食飯前甜品，叫咗款期間限定甜品 [ 紅葉甘之三味 $88 ] 左手邊個杯係香滑牛奶布丁，面層放有士多啤梨醬；中間用木盒裝住嘅係藍莓提拉米蘇，口感綿綿密密，甜甜嘅藍莓味；右手邊係香甜滑軟蜜瓜雪糕友人揀咗杯好大杯嘅 [ 非常雜莓芭菲 $68 ] 分咗幾個唔同層次，最頂係兩層軟滑嘅雲尼拿雪糕，淋上士多啤梨醬，放有士多啤梨藍莓雜莓，再下層仲有卜卜脆嘅粟米片、蘆筍及班戟，食落口感豐富有層次，食完更滿足小食叫咗份 [ 刺身3點盛 $88 ] 每款都鮮甜肥美，有三文魚、甘蝦、藍鮨吞拿魚，各兩件。小食除咗刺身外，仲可以叫炸物食完甜品就食正餐，叫咗份 [ 香蔥柚子蜆肉烏冬 $85 ] 京蔥配清新嘅柚子皮，還有鮮嫩多汁的蜆肉，蜆肉份量都唔少，及口感彈牙的烏冬，一口咬下去，滋味爆炸。跟餐叫咗杯 [ +$15 冰蜂蜜薑紅茶 ] 蜂蜜及薑紅茶夾埋一齊，口感清甜滋潤好飲另一份係 [ 柚子香蔥叉燒拉麵 $98 ] 滋味獨特的柚子香氣和蔥花的清新香味互相融合，加上口感嫩滑鬆軟的叉燒肉，搭配彈牙的

之前係旺角見到都想試下🥺 而家係尖東新開返一間，就約朋友一齊試下😸環境係木質小清新風～黎同朋友傾偈食野都幾舒服架😸打開menu,食物種類都好多😭 選擇困難症的我都揀左好耐先諗到食咩😇 飲品都好多款😀 還有甜品😭 太豐富了吧🦐豪華海鮮丼茶漬飯（三文魚，藍鰭吞拿魚，甘蝦，帶子，魚子）有五種魚生的丼飯真的超豐富🍚 魚子晶凝通透，帶子都好大粒幾鮮甜！甘蝦都幾肉厚！三文魚同吞拿魚就不過不失啦🐟豪華原條鰻魚茶潰飯真的很豪華的一大條鰻魚✨表面烤得乾乾地，肉質還是很濕潤，濃濃的醬汁香👍🏻 茶漬飯竟然有兩款湯可選，鰹魚昆布湯&香濃蝦湯鰹魚昆布湯，有濃濃的鰹魚香和昆布味蝦湯，濃濃的蝦味鹹香～兩種湯各有特色，珍珠米飯偏乾身，來泡飯比較好吃，加入山葵和蔥粒一起吃很香～個人比較喜歡鰹魚昆布湯溫潤的香氣小配菜：牛蒡絲很香爽，蘿蔔條酸酸甜甜很開胃🥬旬之野菜是炒洋蔥，椰菜，香菇和少量蘿蔔絲，色彩很豐富，味道濃濃的～幾香🐙生山葵八爪魚粒意外地很小的一碟😂 微微辣的冷盤小食，還不錯！🍵熱焙煎茶喝杯暖茶，解解膩不錯茶壺和茶杯都很feel呢😀

位於尖東麼地道帝國中心「紅葉茶屋」，係一間裝修溫馨而且充滿和風感覺的日本餐廳。店內以卡座為主，寬敞舒適餐牌上供應日式小食、丼飯、和風定食、烏冬拉麵及芭菲新地等等食物，選擇多元化和牛肉壽喜燒定食定食跟配牛蒡絲、菠菜漬物，口感爽脆，頗開胃～和牛肉壽喜燒醬汁甜甜鹹鹹的，當中有椰菜、冬菇、紅蘿蔔、洋蔥、豆腐及日本和牛肉等等材料。和牛肉香軟可口，肉味濃郁，整體味道同口感都好豐富，佐飯一流辛辣北海道味噌叉燒野菜拉麵辛辣味噌湯底唔會太辣，配上曲身的拉麵，頗彈牙又掛湯。當中仲有雜錦野菜、叉燒豚肉、粟米及溏心蛋等等配菜，好豐富呢士多啤梨朱古力新地賣相精緻吸引！軟雪糕新地冰凍甜美，滿有奶香。加咗草莓果醬、銅鑼燒、朱古力雪糕、新鮮草莓及藍莓作為點綴，底下係粟米片及脆脆窩夫，增添口感，大滿足哦熱泡沫咖啡 & 鮮奶咖啡即叫即磨熱咖啡，牛奶及咖啡比例恰當剛好，濃郁香醇，頗高質

尖沙咀而家周街都係遊客，好多餐廳都好多人好迫，估唔到尖沙咀有間餐廳咁清靜地舒舒服服食一餐晚餐，可能地點近尖東，附近冇乜行街地方，冇遊客餐廳可以俾我哋坐足一晚，價錢仲要相當優惠，主食可以加錢叫嘢飲，我點咗綠茶忌廉，好香濃好滑，水果茶雖然細杯啲，但味道好新鮮好濃郁。主食叫卡邦尼烏東，熱辣辣咁上枱份量好大，隻蛋流心，醬汁好香濃，烏冬亦都非常掛汁，唔會好溜，不過份量好多食完真係好飽。朋友叫咗和牛壽喜燒，百幾蚊又唔好要求啲和牛會好靚，但食入口唔會好韌，牛味都幾重，最緊要係壽喜燒醬汁用嚟配飯食一流。最開心嘅甜品時間我原本叫咗燒芝士年糕就當係甜品，因為甜甜鹹鹹嘅感覺融合在一起，好鍾意燒年糕嘅煙煙韌韌感覺，不過朋友話成個餐牌好大篇幅介紹甜品，難得嚟到冇，你又唔使，點咗一杯限量版雪糕新地巴菲，蜜瓜味軟雪糕係期間限定，好香好濃，配埋黑糖醬，同綠茶雪糕一齊食，真係非常豐富，而且好好味，食完真係好滿足。

1：30食飯時間到餐廳，但週日都唔洗排隊環境舒適寧靜，座位好闊落，2個人坐sofa位，girl talk到5pm冇人趕冷氣有少少凍，怕凍嘅話建議帶厚d嘅外套<主食>*照燒雞扒定食$108- 雞皮燒得香，雞肉好滑好嫩，配有清新嘅沙律菜*豪華和牛肉壽喜燒定食$208- 牛肉份量好多，有牛肉味，日本蛋打埋湯落去，令壽喜燒湯底更滑*每個定食配麵豉湯<跟餐飲品>冰即磨咖啡 $15咖啡味好香，自己調配奶同糖漿份量冰鮮奶咖啡 $20鮮奶同咖啡剛剛好，比即磨咖啡口感滑一點<甜品>*期間限定 紅葉三之甘味$881)藍莓拉米蘇：不太甜， ，好軟滑，下次想試綠茶味2)牛奶布甸：三樣之中最好味，又滑又香濃3)蜜瓜軟雪糕： 味道正常，口感幾滑

來自日本鎌倉的「紅葉茶屋」是純正日本料理餐廳。裝潢是簡約風，木系傢具帶出淡雅感覺，座位寬闊，坐得舒服。餐廳提供多款定食，壽喜燒、豬扒丼、鰻魚飯、茶漬飯、拉麵等等。定食都用木盤上枱，食物、餐具放得整整齊齊，很療癒。豪華和牛壽喜燒定食牛肉特多，還有蔬菜、菇菌、蘿蔔等等。壽喜燒汁沒過甜不會滯膩。牛肉蘸溫泉蛋吃，蛋香十足又嫩滑。吃完喝個麵豉湯，感覺幸福滿足。柚子蜆烏冬大約十粒鮮蜆，每粒蜆肉都大而飽滿，柚子皮和香蔥令湯底口味更鮮美清新。烏冬煙韌彈牙口感適中，吃得很暢快～跟餐可加配特飲，點了雪糕抹茶Latte。雪糕是有雲尼拿籽的高質雲尼拿雪糕，抹茶味亦香濃，解暑一流。甜品點了期間限定的【紅葉甘の三味】，包括藍莓Tiramisu、牛奶布甸、夕張蜜瓜軟雪糕。藍莓Tiramisu有木盒裝住，上面一層搶眼的紫色，賣相相當精緻，甜蜜而不膩；牛奶布甸亦軟滑兼奶香十足；夕張蜜瓜軟雪糕在日本已經吃過，印象深刻，想不到在香港也品嚐到，大滿足～