影片
換完身分證，餓得要命，路過見到「無味精老火湯」，又睇下點。做附近寫字樓生意的小店，有心理準備午餐是做定待叫而上，就叫了廿六大洋的蘿蔔牛腩飯，老火湯另加八個大洋，無味精湯收得這個價，應該唔敢搵人笨吧。碟頭飯普普通通以量取勝，亂刀斬下的牛腩有邊位有厚肉的腩位，五香味不足幸好無炆得散修修，蘿蔔又是細細件，多些少會更好，當然加埋蔥的話仲有分加添．．．湯是南瓜、豬骨、鳳爪三寶，加入陳皮吊味，電磁爐出品，點計都計唔入老火系列，但真材實料夠味亦吃唔出味精，對於懶得煲湯之人，加八個大洋換啖湯水，都幾化算。
繼續閱讀