紅磨坊 (已結業)

It’s a good local coffee shop. The house coffee is strong and rich with fresh taste. Sandwiches are of different kind of choice and I can order the freshly made one. I like the roasted chicken with tomato and vegetable. The soup with vegetable is also surprising to me. It seems to me that the shop is all selling healthy meal, right?? Hope to see more shops in different location of HK.

午餐試過湯螺絲粉,口味不錯,唔似茶餐廳,店員話無味精喎,唔知真唔真,不過又真係幾健康和鮮味。我要了火雞片和雞蛋,再加杯即磨咖啡,都幾抵食。

因為果日我係返下午..上午唔洗返工..去到做野附近..想買三文治加果汁做早餐加午餐..點知買左三文治同果汁返公司食..應該三文治有問題..自已買既沙律碎蛋三文治..所以開頭以為蕃茄味..但食到一半先發現酸..最後肚痛收場..

本人同而間咖啡店沒有什麼不公平看法,我只系澄清事實既事相,我相信而個網都係比人去表達個人意見,我無話該咖啡店食物唔新鮮,只係制作過制[],同三文治材料份量好少!食物新鮮又點?制作過程唔衛生新鮮都無用!仲有,同本我都唔想回覆,但我朋友都覺得很怪我先回覆,如果灣仔人家覺得紅磨坊食物同咖啡係直得推介想同網友分享,咁點解唔一早加食評,要有投訴先回應?我本人覺得,網絡世界無其不有,店主裝作回應?定真系真實的回應,無人知!我想講我覺得紅磨坊咖啡唔系差,都覺得比連銷經驗好小小,但食物方面希望留意!

本人常飲latte,又無這情況喎,反而覺得好好味,我覺得好過連鎖店好多潻,可以做到又有奶味又有咖啡味,真係好特別,果次同個店員(店主?)傾,佢唔肯教我,但係話份量經過好多次研究而成,我諗有部好的咖啡機好重要掛,以下那位人士覺得有時濃有時淡仍然繼續買,即係話濃和淡都好飲,果次我大出血買了杯一級藍山,好淡,店員話淺炒豆是淡的,飲落真係好清純,純粹的咖啡味,所以淡啡也有好飲的。至於螺絲粉沙律試過一次,是火雞片,幾好味呀,材料好新鮮,仲試過下午買湯螺絲粉套餐,仲好味,熱熱的湯同一般餐廳的紅湯不同,有d料到!三文治在每逢早上趕時間就會幫襯,ok喎,有好多款有時一個星期日日不同都可以,有時加枝豆漿好似仲會平d。

本人覺得咖啡做得幾好由其我最喜愛的鮮奶咖啡!同某大連銷店幾大分別!但可惜不是次次味道都一樣的!有時好有咖啡的香味,有時候得淡,唔係有一定的份量配制嗎?食物方面,有次大約上午時間,在等咖啡的時候,見員工制造冷食螺絲粉的過程唔衛生,本人就沒有勇氣食冷食螺絲粉,感覺上很不衛生,怕怕,還有三文治方面,早上買的時候應該最新鮮的,唔知點解,三文治麭包很乾,入面的三文治材料如蛋,份量很小!所以整體上除咖啡可以接受外,其他本人都不太推薦!

I don’t like the well-known chain store coffee as it's too commercial. This moulin rouge shop provides me with a fresh and good coffee, with good price sandwiches. There you may find much local, much personal and much surprising beverage and service. I recommend the Brazil Santo.

年尾，晚晚就算不是k，都要飲。雖然放幾天假，但年紀大，宿醉的威力也越大，約朋友之前行經這裡，喝杯熱咖啡醒一醒又真不錯。這裡店子細細的，只有一張短短的side bench及兩張高椅，應是主力以做外賣生意為主。店雖小，但咖啡的選擇卻多，由日本炭燒，到巴西山度士，再去尼斯蜜攻，當然少不得的有極品哥倫比亞及一級藍山等等，種類差不多廿款，加上新鮮果汁、花茶，比時下的連鎖咖啡店有誠意一百倍。價錢亦非常相宜，12oz的一杯藍山，只賣28蚊，去星巴克只可買杯tall的普通咖啡。沒有什麼心水，就隨便要了是日精選的蘇門答臘萬特靈，另外要了個提子鬆餅。萬特靈是一貫的濃郁，味道強烈，不帶酸味，這裡的都醇香十足，亦帶點甘味，相當不錯，尤其在我要喚醒宿醉的腦子而言。提子鬆餅也不錯，大大個，非常鬆化，真的一邊吃一邊跌的，不太甜，也是咖啡良伴。店員服務很好，會問客人要不要糖奶。如果沒有什麼心水，他們也會提供意見的，一讚。21蚊，非常經濟，也是一間值得推荐的小咖啡店。

MTR 站前的「美心」休業裝修，遂這幾天都買其他的方便早餐。這兒的三文治，有平有貴。只試過「火腿芝士蕃茄三文治」，味道一般，麵包係那款有些黑芝麻（！？）的特色方包。麵包的質地幾輕身，唔‘濟’。老實講，pre-packed 的三文治若不是放入恆溫櫃，就算turnover 有幾急速，都難免給人一種衛生上的疑惑。但因為灣仔區人流太多，放入櫃又真係幾麻煩，加上利錢低，賺快錢係無厚非！配大杯的熱咖啡，才賣$20，有得食有得飲，四個字：「經濟之選」！味道…其實唔錯，但sorry ，似乎唔夠strong ~（純粹個人口味而已！）店家體貼，會問客人要否加奶，要幾多包糖，就連代糖都有，真貼心。早餐時段，男收銀店員（店主！？）比較親切和友善，有問必答，償超friendly，係增值。相信每一個上班族，都希望抱著輕鬆愉快心情回到辦公室上班，而不是在早餐外賣店受夠店員的黑口黑臉，而回到office。我相信：笑容猶如轉染病般，可以互相感染！這店早班的男收銀店員（店主！？）就做得到了！well-done，man！加油啊！另：另外兩個中年女店員，態度還可以，但不夠friendly，跟那男收銀店員（店主！？）差一大截！

多謝三位:Noblesham,鄧永培及munchie的食評,實在感激三位對本店的讚賞,不明白的還以為你們是做馬的,真的不好意思!Munchie兄基本上已把我們的特點逐一介紹了------ 以美味醒神的即磨熱咖啡作招牌;以營養豐富的五穀籽全麥包配上多款特色餡料作配搭;加上不定期推出的重點食品;並以合理的價錢和偕大歡喜的優惠迎接各咖啡迷。Munchie兄還細心地加上本店產品的圖片,真的感激不已。鄧永培兄以陳述式直接了當把大家引領至灣仔店的位置----- 過會展的橋底謝斐道與柯布連道交界,裝修紅紅的咖啡店,找不到便要嗅一嗅位置了。Noblesham兄說的也不錯,「健康」正是我們的主題之一,碎蛋沙律三文治加黑芝麻豆漿是不錯的選擇。無糖的豆漿確是健康食品中的有益之選,但若不慣無糖的清淡,低糖豆漿也能滿足你的需要。其實除了豆漿,花果茶也是本店健康之選,不只是早餐時段,任何時間覺得餓了,又不想吃太膩的食物,來一個電話,我們便可為你送上最新鮮的三文治和健康飲品。

這裡的latte 味道實是不俗. 咖啡味不太濃. 用的奶不知是什麼牌子, 就算是脫脂奶奶味也很濃郁. 不過如果咖啡冷了時那些奶會變得很"傑". 一定要趁熱把它喝完!三文治有多款配搭($8 一份), 不過全部都很多沙律醬. 三文治都用含有穀粒的麥包, 味道宜人. 較特別的是鮮果三文治. 餡料是雜果, 夾起麵包來吃口感頗特別.圖中所示是近期剛推出的芝士火腿牛角式包($8). 這包不是牛角包, 吃起來頗像茶餐廳的餐包, 但是不甜的. 芝士及火腿不過不失, 還伴有一片薄薄的生菜在底. 略嫌它沙律醬重手了點.這店有套餐出售. 三文治配飲品一拼買會便宜幾元. 另外也有惠顧咭. 每單買一杯咖啡便有一個印花. 儲夠十個印花便有免費飲料一杯.

果日去完"會展"都成七點幾八點,行到謝斐道突然聞到好香的咖啡味,咁就引咗我落去橋底,見到一間好紅的咖啡店,買咗杯今日推介(好似是米蘭精選)..嘩!自從我到過意大利回港後都未試過咁好飲的咖啡....正!下次試下佢其他的咖啡先!是關仲有好多隻咖啡...價錢又唔貴!

時時經過見佢好似SELL健康飲食加上平日返工時間掛大隊星期六brunch時間又冇人所以一試買了一個早餐SET ($14)碎蛋沙律三文治加黑芝麻豆漿麵包用上高纖麥包餡料不錯又真係幾健康咁款;但個豆漿味很淡應該開左好多水同埋無糖對於食唔慣健康野的我真的淡口了點PS外賣店關係「環境」很難評分吧...