紅火雞煲 (元州街)

營業中

休息中

朋友推介呢間雞煲好食又抵食 $188任食兩小時 每人加$20就有任食本地手切肥牛咁緊係要一試究竟正價每位$188 +20手切本地牛， 唔收+1， 即係$208一位 埋單兩位真係$416咋！揀左bb辣雞煲，店員自動比左半隻雞我地，鍾意食可以要一隻的，應該都係任食，不過我地仲要打邊爐，半隻就夠了。P.S.揀左雞煲就無得揀湯底，只會直接加啲豬骨湯比你打邊爐。聽講係新鮮雞，不過因為雞煲重口味，食唔出係咪真係新鮮雞（小弟都唔係太識分，起碼食唔出有雪味！）記得一定要連皮食！啲皮一啲都無肥膩感，完全唔會好似平時食雞皮咁食到成口油，搞到唔去皮食唔得。不過我唔食得辣，佢既bb辣比平時的bb辣更辣，所以覺得有點過辣。呢碟就係本地手切牛，有牛味，不過小心唔好淥太熟，如果唔係就會好un,我諗呢碟牛去平時的火鍋店起碼要價$88吧 我地食左兩碟已經覺得抵左，因為加左錢就無叫到唔加錢都有既美國肥牛仲有叫左其他任食食物一試難忘魚皮餃：真係好食！完勝我平時食開既四海魚皮餃！必試！日本黑豚肉：唔錯，都可以一試！墨魚滑同手撻墨魚丸：材料一樣，只係墨魚丸會係一粒粒，墨魚滑就一大pat，都好食，真材實料，有墨魚味！蝦滑同手撻蝦

好吃要讚，唔好吃要鬧，呢個係我宗旨，但係紅火呢半個月我已經吃左兩次，我只係可以講，$188呢個價錢，吃呢啲嘢，材料真係新鮮，嘢食ok, 坐得又舒服，又有得任飲，真係夫復何求呀，呢間嘢大大話話都已經吃超過二十次，每次都無令我失望，就係咁簡單

今日同朋友嚟到長沙灣紅火雞煲打邊爐，叫咗一個百年古方雞煲，味道10分唔錯仲有各種口味選擇，加左＄20可以升級食手切肥牛任食，啲肥牛勁好味，仲叫咗啲海蝦，田雞，新鮮鵝腸，黑柏葉，雲吞，黑豚肉，羊片，蝦丸及墨魚丸啲火鍋料都好新鮮好好味，以咁嘅價錢食到呢啲出品超值，店舖環境一般，服務員的態度好好，不時過嚟介紹各種唔同嘅食材，令我最為深刻嘅係講解蝦丸嘅製作過程，佢話佢哋啲蝦丸唔係用機器打嘅，真係手打出嚟嘅食落仲有一粒粒蝦粒爽口彈牙有蝦味

不起眼的小小門口，未到過的地方，沒有豪裝的食肆，竟有出乎意外的驚喜。不太擠迫，沒有安排大些的檯，沒有特別殷勤的招待，剔擇出來的食物不是逢人一份，有些食物比人數少兩件，老闆解釋不是人人皆喜歡吃偏門一些的食物，所以不想浪費。欣賞他的細心與週到，雞煲底不錯。老闆主動建議以BB辣上，果然更加好味。牛、肥鵝腸不錯，蝦也新鮮。到尾食物剛剛好。價錢很合理，也有啤酒涼茶蔗水。雖是限時，不旺場時間還可多坐一會，不錯的一個聚會好地方。

雞煲味真系幾ok，加20一位就可以升級手切肥牛，d牛都吾錯，值得一食，188+20，都系208一位，呢個價相比來講，都系物超所值既，啤酒野飲任飲，上面話系長沙灣A2出口出，其實行遠左，c1出口出近好多。

天氣凍到咁，最岩緊係打邊爐😋😋記得幾年前雞煲好流行，而家熱潮冇當年咁勁，但咁凍既天氣，雞煲依然係好受歡迎既食物之一。紅火雞煲可以散叫或者任食，任食就188蚊一位，好多野食，仲有啤酒任飲，其實都幾低食，雞煲揀左小辣，對我唔太食得辣既人黎講就岩岩好，佢其他既食物我就覺得偏咸左小小，肥牛同每位加$20既手切肥牛真係好肥😂😂😂但其他野食都Ok ge，最好食我覺得係田雞。今日係星期三閒日晚上都幾多人，見到d侍應做到踢哂腳，但依然有禮貌，落單都好快出到，冇漏單情況

晚上下班後，已經快11時了。長沙灣區還開放的餐廳剩餘不多，唯獨是經過元州街時見到這個亮燈的黃色大牌“紅火雞煲”，和朋友一於心旭旭試一試，。坐下後發現人流不多，有大量座位， 因為本人唔係好食得辣所以叫了一個微辣鷄煲 等咗大概十五分鐘，雞煲上臺，雖然係微辣，但係對於我嚟講已經係好辣。建議唔食得辣既人最好嗌bb辣。雞煲果汁不過不失 ,味道可以在濃郁少少, 食材方面選擇非常之多 ,蝦滑魚滑值得推介， 另外加多20蚊就可以享用到任食嘅手切肥牛!飲品方面亦係無限暢飲有檸檬茶汽水涼茶甚至連礦泉水都有 仲有埋啤酒任飲, 同朋友一齊嚟, 暢飲就非常之抵啦 !總括嚟講十分方面我會畀呢間七分。味道有待改進，但係價錢同埋食物選擇方面非常之足夠。 營業時間到凌晨三點 ，啱曬我呢啲收工收得夜嘅人 值得推介

公司附近都無咩好食有日經過見到呢間見佢D點心又幾抵於是就試下，呢間算係比較舊式既點心店，門口擺放左好多不同種類既點心，平均點心都係十幾蚊一個！我就外賣左個鳳爪排骨飯，份量好多裝滿左一個發泡膠飯盒，而且只係需要$20真係好抵啊仲有係幾好食，簡直係平靚正！！！聽店員講有時臨近四點點心就會大平賣，$10一份點心，下午茶食都幾抵！

又同朋友一齊四圍覓食，朋友老公推介呢間打邊爐。我原本都冇咩期待，諗住都係打邊爐啫，度度應該都差唔多，點知呢間好大驚喜！廢話少講，入正題。一間任食任食既火鍋店有冇hea你，睇佢哋d肥牛質素就知啦。呢間既肥牛絕對唔係最cheap嗰隻食落成口油，吃多嚿就滯嗰d 。反之，佢d美國雪花肥牛雖然油花不夠多，但幾有牛味。呢間野仲有安格斯牛柳粒，味道都好唔錯，雖然牛柳粒黎講個人喜歡煎多過烚下烚下。其實講肥牛之前，應該先講下佢個雞煲，佢既雞煲都幾出色，d雞好入味，而且肉質結實，唔會好似出面嗰d火鍋店一食落去就知係冰鮮雞，好“鞋”口又唔入味。好啦，品評下d火鍋配料先。金菇、冬菇、水魷、土魷、木耳、鮮蝦、炸枝竹等等全部都正正常常，而且都幾新鮮乾淨。朋友叫咗帶膏嘅鵝腸，話好正，我個人就一般般，不甚好之。真正令人喜出望外既係……田雞！嘩！送上黎嗰陣d田雞腿仲郁下郁下，雖然喺荃灣某間豬骨煲食過類似既田雞，但呢種新鮮程度明顯係即叫即劏，唔係甘易食到！田雞新鮮唔新鮮，味道差天共地，新鮮嘅烚完d肉係白色而略顯通透，肉質鮮甜、結實而富彈性，正！唔新鮮嘅烚完通常微黃，似雞肉既顏色，肉質比較「鞋」。另一樣野就係呢度既手打蝦滑

很野味的雞煲(我揀中辣無得頂)、雞夠滑、汁香濃，手切肥牛超，還有蝦滑、牛骨髓、黑牛柏葉，其他火鍋料好新鮮，很少任食火鍋可以食到！值得一去再去！食火鍋一定要冷氣夠，佢又掂喎！又近地鐵站，交通超方便！

第一次係到打食評，打得唔好唔好見怪。除夕夜，好多地方任食邊爐都full q 哂，問左幾間都冇位。碌碌下就發現呢間紅火，有得網上訂位之餘，仲竟然係雞煲食完加湯再任食邊爐料。拿拿臨book左31號晚8點，個日7點9就到左，等左兩三分鐘就入得。首先梗係即刻叫佢落左個古法雞煲 （小辣），我地一行四人有1隻雞，之後就拿拿臨寫埋要咩打邊爐，我地叫左肥牛，冬菇，豚肉，羊肉，枝竹等等雞煲好香好夠味食物都中規中矩，我地未加湯個陣落枝竹，超入味值得一提，我地番兜既係海蝦，因為都幾新鮮。美中不足既係，張火鍋料既紙係剔架，佢係睇人頭俾幾多野食你，唔係填一份兩份。所以如果個樣野得一個人食，建議你俾單個陣同店員講聲話要小d。大部分汽水都免費，有個雪櫃俾你自己拎，我就怕熱氣，飲左佢地自加煲既夏枯草，都幾清甜架。最後埋單每人188唔使加一，我同老公同友人都覺得，值得再番黎幫襯。

我們一家四口，往元州街~《紅火雞煲》，兩位成人，兩位八及九歲小童，吃任食火鍋。晚上21：05開枱，問了三次，等了半小時都無人開爐，終於忍不住自己動手去張羅。入單兩次，等了四十五分鐘才有生料端上。第三次入單竟說過兩小時不能再落單？！但試問四十五分鐘多次催促未有食物，又推說整間食肆才三個伙記，人手不足云云……誰之過？不想争論，結賬吧！最氣結的是，兩大兩小，所謂優惠時段$168/位收近八百元……兩位八及九歲小童，竟說高於1.2米，要按成人收費！這算常理嗎？雞煲那鍋東西，只見層油浸着一綑雞骨，幾塊雞皮……雞肉那裏去了？伙記游說每位加$20吃的手切牛，又黑又綠，見之倒胃，所謂海生蝦，説好任點任吃，誰知道每人一隻，（個蝦頭甩、壳霉）再點又推説賣完。出菜慢得令人懊惱，食物質素强差人意，招呼更乏善可陳，最坑人可恥的，是胡亂收費！凡此種種……簡直是火鍋界首席~爛店！

天氣開始冷，在長沙灣居住的朋友提議去打邊爐，為我們推薦在她家附近的紅火雞煲。入座時間起計有一個半小時可以任點任飲任食。我們點的百年雞煲很入味，雞煲滾起時熱辣辣，香噴噴。另外點的肥牛很新鮮，不像其他廉價火鍋店的雪到死實實。墨魚膠和蝦膠很彈牙，絕對是一個驚喜。唯一要批評的是，其實我們的雞煲遲了很久才到，變相是我們並沒有一個半小時的進食時間。希望店方可以留意一下。除此之外，這裡食物質素是值得推薦的。

經我的朋友介紹後今日我第一次來到紅火雞煲一試、剛踏入門口就已聞到食客們已在吃緊香味撲鼻的雞煲、我坐低后第一時間就先叫左個雞煲、不久後香辣的雞煲到了、經我一試後果然味道很獨特、夠香、雞又滑、食完個雞煲後就開始加湯打邊爐、我們也點了很多火鍋料、其中令我最難忘的手拍蝦丸、蝦子面、還有扎扎跳㗎田雞等等、加任飲青島啤酒，飽到我幾乎要抱著個肚走

一早就聲问红火鸡煲D野好食，今日一同8人去食，首先食左个鸡煲味道好香，跟住叫左手切肥牛，海虾，肥鹅肠，虾丸墨丸，水餃云吞，九肚鱼，脆鯇南，芝士丸，什菜等等，火锅料全部都很新鲜。今晚每位消費$188值回票價，下次可以再食