紅火雞煲 (元州街)

營業中

休息中

之前見有唔少人推介嘅紅火雞煲，可以一次過食晒雞煲加韓燒，感覺好新奇！上網睇發現原來有幾間分店，今日就終於同朋友去左長沙灣個間～ 位置好近地鐵站，唔熟路嘅我地都好易就搵到😎我地叫左個百年古方雞煲🐔，因為我地都唔係太食得辣，所以就叫個小辣。雞件嘅份量好幾多，食落又唔會辣到好嗆口，仲有少少麻嘅感覺添！😋食完雞煲加湯等個煲滾嘅時候，就係到韓燒嘅時間！哩間嘅食材除左可以係紙仔剔，仲有個任攞嘅食物櫃，不論係肥牛🐮、海鮮🦐、雞翼定串燒都齊晒！我地仲叫埋個蒜茸元貝嚟燒，超滿足🥳打邊爐絕對唔少得唔同種類嘅丸啦！今次仲第一次試到黑松露口味同wasabi味嘅丸，意想不到地好味🤣其實另外見哩度仲有得食花膠雞煲，唯有下次先再嚟食過！📍紅火鮮料火鍋專門店📍📍長沙灣元州街277-279號地舖📍

黎左尼間網上推介既「雞煲火鍋+韓燒放題」，晚上9:00前後入座價錢都有所不同，9點前$238/位，而9點後$218/位。 雞煲我地揀左「百年古方雞煲」味道比出面其他店有d唔同，相對濃郁重口味，辣度任你揀，我地揀左BB辣都幾辣下，怕辣既朋友仔就注意‼️雞肉嫩滑實肉，所以每啖都係肉，抵食！ 除左雞煲，仲可以行出去拎想食既配料燒或者打邊爐都得，唔想行用筆落單都可以！另外上菜速度都好快，就算限時都唔怕食唔夠！ 個人覺得200幾蚊就食到幾個，烹調方式，唔洗book幾次。真心抵食！雖然客人以長沙灣街坊居多，但都可以一嚐餐廳既雞煲味道，我覺得以濃味取勝！

終於覺得天氣冇之前咁熱，又係時候打邊爐啦，朋友鐘意食韓燒，呢間紅火雞煲就滿足哂我地既需要啦，左邊打邊爐右邊韓燒，一個價錢2小時仼飲仼食，CP值超高💯難怪7點幾已經坐滿哂人，記得book定枱呀🥰雞煲、火鍋+韓燒放題套餐 ($238/位)🌟特色湯底: 濃湯花膠雞湯淨係湯底都超過16款，有四川麻辣鍋、胡椒豬肚雞、酸菜魚湯，仲有最吸引我既濃湯花膠雞湯底，花膠雞湯超足料，啱哂我補充骨膠原，店員叫我地打邊爐前飲個頭啖湯先，真係好正，唔想揀特色湯底亦可以叫個百年古方雞煲，見到隔離枱叫左個雞煲勁香，下次要試下先😚😚😚🌟火鍋配料火鍋配料超多選擇，有啲可以係自助區直接拎，例如美國雪花肥牛、西班牙黑豚肉、蔬菜、丸類等等，肥牛同黑豚肉都好高質，吸收哂花膠雞湯既精華超好食，先叫左炸魚皮，水滾之後淥一淥就食得，打邊爐必備，另外必試佢地既手打蝦滑同墨魚滑，真材實料見到隻隻鮮蝦，口感爽口彈牙，幾乎揀哂佢地既人氣推介黎試，仲有超長既king size北海道蟹柳，又係吸湯性超強🥰🥰🥰🌟韓燒我負責打邊爐朋友就負責韓燒，好多款海鮮，包括蒜蓉元貝、蒜香生蠔、海蝦，而是日推介海鮮就係蟶子，款款海鮮都好新鮮，推介😋😋😋另外佢地既蝦

欣賞佢有好多唔同嘅選擇！同埋同一個枱面裏面有兩個爐頭。所以可以一邊食韓燒一邊食雞煲或者邊爐🥰食材方面新鮮，加上佢哋食物改名好盞鬼😆真係忍唔住樣樣都叫試吓。就連芝士腸，都食得出係大牌子野好，而唔係平時啲街市貨！另外佢有個凍櫃可以自己拎野，成日會覆叫嘅牛肉豬肉都可以自己拎，唔洗下下落單等到傻都未有，呢點值得讚賞。而枱面都有調味料，辣粉，孜然粉都有，有一種自己喺度烹調嘅感覺，幾新鮮👍🔥火鍋個邊今日揀左食個唔辣嘅雞煲。份量好多，2個人都差啲食唔曬，雞煲好足料炒得幾香，芫茜洋蔥薑味都好夠，食完加湯打邊爐都重有個陣香料味。另外如果客人唔鍾意個湯咁油，職員講畀我哋知可以轉個清湯畀我哋，服務好貼心。牛肉嗰方面真係要再讚一讚， 你以為佢係普通打邊爐肥牛就錯喇， 啲牛肉好厚又靚，平時打邊爐會叫十機碟先停手，今次食左3碟已經好滿足。如果下次再去食嘅就會試下佢嘅花膠雞火鍋，睇相都好吸引😍

元州邨的朋友約聚會，揀了其附近長沙灣元州街的紅火雞煲食火鍋放題。任食雞煲，及火鍋+韓燒，21:00前入座$238。餐廳卡位寬敞舒適，檯上設有燒烤爐及火鍋爐。自助的熟食有酸辣鳳爪、手拍青瓜、魚蛋、例湯……等。自助的火鍋及韓燒類，放於雪櫃任取，有肥牛、西班牙黑豚肉、牛栢葉、新鮮魷魚、即包餃菜餃、紐西蘭青口、爽滑豬肚、丸類、腸仔、蔬菜、粉麵、飲品……等等，都好多款式。餐廳的火鍋湯底都不少，有16款，我要了鴛鴦鍋，皮蛋芫茜湯併沙嗲湯。沙嗲湯底真是值得一讚，湯底非常濃郁，令灼出來的肉類都特別惹味……自助中我最愛美國雪花肥牛及西班牙 黑豚肉。美國雪花肥牛大理石的花紋，不會太肥，頗有牛味。西班牙黑豚肉切得頗大件，不會太厚，質素也是不錯。用紙點的揀了一些喜歡的是日推介海鮮、生猛海蝦、爽口鱔片、 雞公仔。當中的海鮮都好新鮮，海蝦新鮮最為喜愛，所以食完再點。雞公仔軟軟滑滑的，怕食多了膽固醇高，所以點的時候就寫了兩粒。脆鯇骨腩切成手指般厚薄，令脆骨腩食落好有口感，好爽脆。獅頭有膏鵝腸非常肥美，很新鮮爽口。還有新鮮魚雲……等。總結來說，任飲任食，質素及服務、環境都不錯，值得再來。

深水埗元州邨有間人氣雞煲店, 價錢二百幾仲可以食足兩粒鐘, 已包埋雞煲, 火鍋, 韓燒放題任食, 七點多就已經爆場, 好多街坊幫襯首先上咗個麻辣雞煲, 一放低個煲熱辣辣咋咋聲, 嗰陣麻辣味湧上嚟聞到都流緊晒口水, 唔食辣嘅朋友可以揀唔辣架, 亦有大中小辣可自由選擇大部份火鍋同韓燒配料都放在雪櫃内自取飲品都有很多選擇, 汽水, 啤酒, 涼水等各適其適有十多款, 而水櫃旁就放了幾款餐前小食食完雞煲就開始打邊爐同埋韓燒, 一餐可以有齊3種享受👍🏼首先要特別重點推介, 必食呢度嘅蝦滑同埋墨魚滑, 真正用料十足, 食落啖啖都有蝦肉同埋墨魚粒, 絶對貨真價實好好味😋仲有就系肥牛質素亦真係唔錯, 大大片嘅牛肉帶有油花唔會韌, 我哋兩個人居然食咗六碟😂😂䝳紙上又點左蟶子同鳝片, 蟶子雖然細左D不過都好新鮮, 而手打墨魚丸同手打牛丸亦食得出絕對唔係急凍貨色韓燒配料都好多選擇總結今晚真係超抵食同超飽, 每人只係238蚊仲唔使加一, 咁抵食唔怪得咁多街坊幫襯, 我仲見到隔離枱有烤魚食, 不過就要等下次又再約朋友嚟先再試啦😉

紅火鮮料火鍋專門店 #紅火鮮料火鍋專門店$168起一位,任飲任食,韓燒加雞煲呀!!!!!近80款食材任食! 晚市都係$188咋,超抵呀!仲有手切肥牛送添,任飲任食,只係無雪糕食爭少少水準唔錯,抵食高cp值雞煲選擇多,又夠香辣雞件肉又多,啖啖肉食得夠過引唔食辣可以試豬骨煲一流呢~!任飲野飲有十種左右,都係可樂同紙包茶類另外仲有熟食小食,魚蛋,麻辣小菜等等~主打韓燒,可以一邊食鍋料一邊食燒肉,爽呀!食物質素OK架,百幾蚊真心抵食,環境唔錯深水埗順寧道26-36號康福樓地下9號舖Shop 9, G/F, Hong Fook Building, 26-36 Shun Ning Road, Sham Shui Po港鐵長沙灣站 A2 出口, 步行約7分鐘招牌菜100%手撻鮮蝦丸 全港首創新鮮鵝肝打邊爐 百年古方鷄煲 自制九菜餃 海鮮豬骨煲 齒夾留香牛雪峰#EOSRP #35MM18 #canonphotography #BLOG #blogger #HKBLOG #hkblogger #HKFOOD #HKFOODBLOG #hkfoodblogger #HKIG #HKIGFOOD #HKIG

🔸百年古方雞煲呢度嘅雞煲非常足料👍🏻👍🏻而且非常惹味🤤🤤洋蔥🧅蒜頭🧄青椒🫑等等配合一齊真係絕配👍🏻👍🏻而且呢度嘅雞肉仲係好滑😘😘一啲都唔鞋，又細切到細細格🤏🏻🤏🏻啱晒我哋兩個女仔慢慢咁樣嘆🤤🤤真係食過返尋味😆😆🔸打邊爐呢度打邊爐選擇款式多😱😱美國雪花肥牛🥩🥩西班牙黑豚肉🥓🥓仲有各款海鮮🦐🦐新鮮蔬菜🥬🥬各款韓式飲品🥤🥤包你食到托住個肚腩走🤰🏻🤰🏻🔸韓燒由於我哋係兩個女仔一齊食，真係食唔到咁多，唯有下次先同大家一齊開箱韓燒啦🤤🤤提提你，電話☎️or WhatsApp📱手機訂座仲免費送你手切牛肉📍長沙灣元州街277-279號地舖

發現到長沙灣有間性價比極高嘅餐廳雞煲 火鍋 韓燒 點心都有可以一次過滿足哂咁多個願望湯底有16 款試左獨家秘製 #百年古方雞煲非常惹味 雞件肉質嫩滑建議叫中辣會更好食食完雞煲加湯打邊爐配料都有非常多選擇推介田雞上檯時仲好生猛郁郁下手打蝦滑非常鮮味彈牙韓燒方面我欣賞香草羊架羊味香濃 偏薄身煎到微焦香 食客可自由調味加少少鹽同七味粉已經好滋味整體黎講價錢非常親民食物多款式 店員服務有效率上菜速度好快任食任飲兩個鐘好夠飽好滿足

➰呢幾日秋風起🍂就好想去打邊爐🍲今次嚟到長沙灣呢間雞煲 火鍋 韓燒放題🤩一次過可以滿足晒三個慾望😄任食兩個鐘 都只係$238 真係平到震👍🏻👍🏻👍🏻➰雖然餐廳無華麗嘅裝潢 但係勝在有人情味 店員嘅熱情款待❤️餐廳亦有提供點心外賣 同埋街坊價兩餸飯🥰➰店員推介百年古方雞煲🐔叫咗中辣🌶雞煲醬汁非常濃郁😋每一件雞件都包住醬汁嘅味道 最誇張嘅係雞煲係可以無限任添加🌟🌟食到你夠為止😝➰配料除咗有點餐紙可以落單之外 出面仲有兩個大雪櫃可以拎多款配料 🥤飲品亦都係可以無限飲 包括有汽水🧃啤酒🍻竹蔗茅根➰韓燒方面都有多款配料選擇🍖🥩肉類蔬菜類🫑海鮮類任君選擇 ➰依間會推介比學生哥 Budget💸唔係太多但又可以滿足晒雞煲同韓燒嘅慾望 大胃王必去😉👍🏻

🎀紅火雞煲⭐雞煲、火鍋+韓燒 好耐冇食過雞煲, 約埋朋友決定一次過食曬雞煲、火鍋同韓燒haha, 所以就嚟咗呢一間紅火雞煲啦。 首先一坐低即刻叫咗個麻辣重慶雞煲小辣, 雞肉分量超多, 調味又夠惹味, 食到停唔到, 忍唔住一邊食、一邊飲咗幾包解茶ar。 食完雞煲就梗係打邊爐啦, 我同朋友叫咗是日推介海鮮、脆骨腩、象拔蚌片、美國雪花肥牛、西班牙黑豚肉、安格斯牛柳粒、手打鮮蝦滑、手打墨魚滑、百花釀油條、山水豆腐等等。 最推薦美國雪花肥牛, 見到d 紋都知道係靚牛肉, 而唔係平時街市嘅肥牛, 而西班牙黑豚片都好好食, 夠曬有豬肉香。 好難得嘅係呢度有百花釀油條, 通常要去啲比較貴嘅單點火鍋店先會有, 呢一度有得食真係抵食呀！ 咁打完邊爐就再食韓燒啦, 但因為呢我哋食完雞煲仲打埋邊爐之後已經覺得好飽la, 所以韓燒就冇叫太多嘢食。 只係試咗香草羊架、蒜香生蠔、蒜蓉元貝、手打鮮蝦餅同烤金菇。我覺得手打鮮蝦餅最好食, 本身以為佢同打邊爐嗰個手打鮮蝦丸係一樣。點知唔係wo, 係會食到原隻嘅鮮蝦, 等燒到金黃色嘅時候食, 就覺得佢脆得黎又有蝦味, 值得推薦。  Address:長沙灣元州街277-279

由細住到大一直係長沙灣元州街嘅紅火雞煲開左好耐🥹，而且主打雞煲新鮮材料，依家仲有埋韓式燒烤，實行雞煲火鍋韓燒三合一，酒水飲品選擇都好多，任飲任食，價錢都好吸引😍一入到去已經覺得環境闊落空間感大，都算坐得舒服。現場兩個大雪櫃以自助形式取食材好方便，多種類選擇而且仲有幾款小食可醫肚仔先🤩成個氣氛好貼地街坊小店咁👍🏻🌟 百年古方雞煲平時食得多麻辣雞煲，今次就試由店員推介百年古方雞煲。我地選擇左少辣，個秘製醬汁鍋底非常之足料好味，個雞煲香味撲鼻👃雞肉嫩滑又入味加埋香菜無得頂。食完啲雞之後打邊爐都好適合👍🏻🌟 手打鮮蝦滑及墨魚滑呢個手打鮮蝦滑同墨魚滑真係非常有驚喜！有咬口彈牙食落仲係好鮮味，確係值得一試，仲有個筒仔一條切粒都好方便，整一陣就熟左😏🌟 手切肥牛及豚肉片肉類色澤鮮色均勻而且肥肉不多，肉質確係高評價！打邊爐煮一煮好快就入味，肉片切得剛剛好😋每碟幾片份量啱晒2人份👫啡紅色點餐紙，相比起粉紅色點餐紙，食材選擇會較多，例如： 本地鮮牛坑腩、秘製牛孖筋、手打鮮蝦滑、手打墨魚滑等等，所以確係貴少少都值得俾💕

食慣咗現代營運模式嘅餐廳，精緻嘅裝潢、公式化嘅服務，但總是感覺缺乏了一些人情味，偶然食一啲街坊店，氣氛熱鬧，客人好似喺屋企一樣舒服，想吹水就吹水，興奮就大叫，就好似以前大排檔一樣，呢間店就完全符合左我以上嘅睇法。☆雞煲加韓燒☆ 宵夜時段$168 任食叫咗個麻辣重慶雞煲小辣，上枱時有少少驚喜，因為真係用鐵砂煲上枱，熱辣辣香噴噴，忍唔住啲雞勁熱嘅時候擺入口，麻辣之中夠晒麻香，亦食得出雞肉嘅鮮味，同埋啲配菜，例如芹菜、蕃茄、洋蔥、青椒等等，讓到成煲雞煲都香味四溢，非常惹味，份量都夠，食完雞之後，可以請姐姐幫手倒湯，除個別配料需要點紙仔外，其他配料可以到雪櫃可以任攞，在配料方面，一定要是各種嘅手工丸，例如蝦丸、鯪魚球、墨魚丸，真的想像不到，在小店都有好彈牙嘅蝦丸，同埋睇得出是新鮮貨，在火鍋MVP- 牛肉方面，沒有將貨就價，牛肉味同質感都相當食得過，另外提供左三四款嘅新鮮菜，打邊爐都可以打得相當健康，因為我哋想專心食火鍋，所以冇用到韓燒爐，但見到隔籬枱枱都有韓燒，韓燒配料嘅選擇亦都相當多，如果去到真係不容錯過。仲有，呢間店除咗雞煲同韓燒之外，在日頭亦有點心豐盈，在晚上亦都有兩餸飯供應，餵飽街坊的

雖然10月天氣仲係熱辣辣，但係都冇阻我哋想食雞煲嘅決心！網上見到人哋推介，見到呢一間紅火雞煲，居然勁多優惠，加$10食烤魚，仲要火鍋韓燒放題，啤酒汽水任飲！諗都唔使諗，一於要幫襯！雞煲非常足料，好惹味！至於打邊爐或者韓燒嘅配料選擇都好多花多眼亂！雖然舖頭裝修，唔係好fancy.但勝在價錢真係好抵，食平得來又好味邊度搵到喎！網上咁啱搵到條YouTube片，大家食之前都可以睇吓https://www.youtube.com/watch?v=HRtwhA973GE

朋友帶咗我來佢細個住嘅地方長沙灣元州邨，咁今次因咩事來呢？原來係為咗一個雞煲。喺元州街嘅一個地舖就係呢間雞煲嘅所在地，除咗雞煲，佢仲有點心，食堂外賣都得。食得辣嘅朋友可以揀重慶麻辣雞煲，食唔到嘅都可以試下呢個百年古方雞煲，最好就係有幾種辣度嘅選擇。亦都係好似宜家坊間做法，食完雞煲打邊爐，打邊爐之餘仲可以有韓燒，就係呢個雞煲最大嘅特色啦，價錢都好適中。百年古方雞煲內有洋葱，蒜頭，薑，青，紅椒，仲有古方秘製，又係BB辣，已經好香口，好惹味，雞件也嫩滑，唔错唔錯。雞煲並唔係我至愛，我係陪朋友來㗎，但真心好食。食完雞煲打邊爐及韓燒，點咗D我喜歡的海鮮，例如海蝦，象拔蚌片，元貝，生蠔還有蟶子，呢D全部可打邊爐或燒烤，以任食來講，D蝦都大隻又彈牙，而蟶子唔係平時見嗰D，而係細隻，扁扁哋外形嗰D，即係我鄉下嗰隻，非常新鮮甜美，嗌咗幾轉，滿足。另外打邊爐用的丸子，水餃，蔬菜......都有唔少選擇，當然仲有我至愛的菠蘿🍍