紅火雞煲 (元州街)

營業中

休息中

這個韓燒火鍋放題仍然非常誘人。新鮮的肉類如牛肉片在烤盤上應該會非常美味，海鮮拼盤中的青口和蜆子等，肥美多汁，在火鍋十分美味。呢個價錢竟然有新鮮蝦同埋基本上超過五六十款嘢食真係一絕各式小菜和醬料的搭配，讓整個用餐體驗更加豐富和滿足。服務態度熱情友善，細心周到，讓用餐體驗更加完美。買四送一的優惠，再加上平均每人只需$156，這個價格實在是非常划算。無論是朋友聚會還是家庭聚餐，這都是一個非常棒的選擇。總體來說，這是一個值得推薦的韓燒火鍋放題，期待能親自品嚐一番！

今晚同班同事去食，以$208+4送1吸引咗，食材好多都唔新鮮有怪味，丸類變味壞咗，我只食咗一粒所以冇事，我同事食咗好多粒就肚屙咗幾次，地方環境唔乾淨，位窄唔好坐，行出去攞嘢飲都要左穿右插，仲衰過大班檔，從餐廳到廁所冇紙巾/廁紙供應，燒烤爐燒極都唔熱，一係太大火就會燶晒，焗住全食火鍋，訂咗牛腩煲叫勉強可以，整體上感覺非常差，除咗平冇優點可言，我寧願俾多$100搵間似樣啲嘅餐廳，若然再唔改善，執笠都係遲早嘅事！

環境超差地方又狹窄，又污糟邋遢，個廁所仲污糟過公廁，仲衰過坐大排檔，完全沒有服務態度(得個老闆態度好d)，原本訂咗六人枱，竟然比一張四人卡座我哋坐，夾硬將啲客全部迫埋一張枱，座位已經坐得唔舒服，仲要嚴重擠迫，佢有分ABC餐，我哋今日食咗B餐人均消費$280，食物質素認真一般！

睇ig 以為連埋啲靚牛咁樣 200蚊有找原來分三個等級 咁我地兩個人食左個最貴既 有和牛同牛小排揀埋單計埋加1每人335.5 講真呢個價錢 寧願出邊食另外如果唔揀最貴都有牛既 不過係出邊冰到分唔開既牛

入到鋪頭，坐好窄，落單大大聲講都可以落錯，叫左［花膠海鮮鍋］，出來花膠雞鍋，重話裡面花膠都係海鮮，我就話俾點海鮮來我們自己加落去囉！已經儲緊火！之後又落單，海鮮俾得4件，大佬呀，我們4人當然每人寫單8件，俾得4件，咁再叫服務員拿多點出來，因為都沒客人，又見他執明天的枱，喂，咁有客係咪緊要過執枱呀！咁上到枱，加湯，幾次都唔夠水加食物都已經唔夠水，叫佢哋又賴得理我們，唔知想點，出去看食物雪櫃又好少賣剩貨咁得2，3粒，點夾得落手呢？

好耐之前食過一次，各方面都OK，今日翻黎再食，都keep到水準，抵贊。揀左B餐，雞煲加韓燒都只係二百幾，仲免左加一，今時今日價錢非常難得。食物種類同其他打邊爐差唔多，不過不失

自助韓燒➕古方雞煲古方雞煲，還可以，但是份量超級少，每人大概3，4件就無了（雞煲，大概就係奇味道雞煲的、幹鍋雞煲味道），之後唔夠食就加咗一份雞，之後就整個煲蕉了

作為一個任食達人，打邊爐當然要選任叫個種！同朋友一齊去左一間任食打邊爐，今次選了A+B餐，每人$201，有海鮮，而且四位同行，其中一人還免費，都唔算貴！先來個雞煲開胃！ 一如以往，香港嫁打邊爐通常都是先黎一個雞煲，呢次都唔例外。雞煲上台，鍋好大，辣汁濃郁，帶有十足的野味風味！但講真，雞肉切得比較細塊，吃起來感覺肉不夠多。不過，幸好可以再加雞，這一點還是很加分的。正式開始打邊爐啦，我們叫了另上一個鍋。我一定要推薦這間店的田雞🐸和脆鯇魚腩🐟！田雞是原隻生切的，肉質彈性十足，剛上桌的時候肉還在跳呢！鯇魚腩也很脆，帶有適量的脂肪，呢種鯇魚腩咬落去先有口感同埋想一再回味。相較之下，其他的火鍋料就比較普通，沒什麼特別亮點。這家店的特點是同一台還可以燒烤！既能燒又能打，這樣的組合真的很適合我們這些貪心的吃貨！加上職員還說可以慢慢吃，雖然時間限制是兩小時，但我們其實坐了更久，沒有人趕我們走，這一點真的很貼心。不過，還是有幾個地方要改善：1.漏單問題很嚴重❌我們4個人每次點7-8樣料，但每次只能上來四五成，等了很久，催了才說正在準備，再要等多10幾分鐘。我地總共坐左2.5小時左右，只成功上了四次，這個真

又平又好食，服務態度都好好！最正係個重慶雞煲，唔食得辣嘅就嗌小辣啦。麻麻地個感覺好正，仲要有得免費加雞，等你食到夠。韓燒唔做去到 B C餐都好多野食，如果想食多謝啲先嗌BC啦。最緊要係服務態度真係好好，對客人都好有禮貌，好有人情味！建議！！！

經朋友介紹過來紅火雞煲，我們三個人，點了一個雞煲，還有烤肉，味道很好😋雞煲好正👍👍👍好大份！三個人食雞煲已經差不多飽飽，又食了烤肉，小朋友食勁多烤雞肉串！下次還會再來食

第一次感覺未拎回鄉證就返咗大陸，成個餐廳嘅感覺勁有內地感。兩個爐喺前面，如同兩個紅紅嘅太陽，成個場一啲抽空嘅感覺都無，今日氣溫30度，呢兩個爐簡直係將今日嘅溫度昇華。總括，無咩事出返旺角食。

「紅火雞煲」之前食過紅火，覺得佢個鵝腸同田雞非常出色，尋晚凍凍地想去食，朋友問我去過總鋪未？我話未去過。帶左我去元州街總鋪。總鋪多好多玩法同食法👍🏻除左雞煲外，仲有烤肉食😁價錢比順寧道貴$100 左右，但勝左牛肉靚左，多左鮑魚同蠔。講返食物質素，田雞仲跳就唔洗講，碟鵝腸嘅份量，食兩碟就已經返本😁鮑魚，鯇魚腩同蝦都新鮮勁爽，仲有日本和牛同手切牛無用黎打邊爐，直接燒先唔浪費佢啲油脂🤤鱔都有燒，因為佢唔係切片所以唔方便滾😁無食其他蛋腸丸餃，因為唔想浪費左胃部嘅空間👍🏻知道左總店之後，下次都應該黎呢間食👍🏻呢間 $328，我諗飲啤酒都已經返本😁

想一大班人聚吓，又想食吓嘢，然後又唔想太貴！呢間簡直100分!紅火雞煲位於香港唔同地方都有分店，今次我去嘅喺長沙灣分店。即使企響門口睇都完全睇唔出呢間餐廳入邊係食打邊爐，皆因佢門口全部都係放置唔同嘅一龍龍唔同嘅點心。佢最出名嘅係雞煲，人均 200內就可以食到，食完雞煲之後就可以打邊爐，最平嘅級別有50幾款嘅配料。雖然佢最出名嘅係雞煲，今次我哋就叫咗烤魚去食，呢個本身最平嘅級別套餐係唔包括嘅，但都係只需要加$20就可以食到烤魚啦。 佢呢就寫明係得2.5斤魚，為咗俾你哋都知道其實條魚已經好足夠兩個人食，特登放置咗我隻手喺隔籬，以表示條魚嘅size。條魚係麻辣味，講真喺越食越麻～ 魚肉嘅質素響呢個價錢嚟講都叫係咁！如果想飲嘢，需要醬料同埋要拎邊爐配料，基本上都喺自助式。全部放晒入門口嗰度。

長沙灣平民火鍋放題專門店 - 紅火雞煲應該都隔了一年沒有來這裡食了，裝潢沒有不同，員工仍然都是很熱情，還記得以前紅火雞煲晚上都還有點心、兩餸飯供應但現在只提供任食雞煲、火鍋、韓燒，不知道是不是想做高級個BRAND呢?紅火雞煲現在做的街坊套餐是雞煲火鍋+鐵板燒烤+汽水啤酒（2小時任飲任食），3:30PM-6：30PM前離座只需$168（還要是免加一!）6：00PM後入座都只是$238（仍然是免加一!）而9：00PM後入座更只是$218（仍然是免加一!）注意的是逢星期五六日假期及假期前夕要加收20元。小童星期一至四只需$108，而星期五六日假期及假期前夕只需$128 !近百款食材，例如海蝦、鱔片、脆鯇、手打蝦滑⋯十數款鍋底任大家選擇 ! 紅火雞煲地址 : 長沙灣元州街277-279號地舖訂座電話 : 27087083營業時間 : 星期一至日 15:30 - 24:00

呢間嘅雞煲 味道 可以 接受 但係其他嘅食材 唔新鮮， 例如脆骨腩好細舊好多骨 ，白鱔帶有腥味唔夠新鮮 冷氣唔夠 好焗 ，根本同你賣廣告係兩回事 ，韓 燒爐食品唔多，1 而且個 韓燒 爐好慢