紅棉餐廳 (已結業)

午市時段門口有位泊車 午歺很多選擇 我們叫了洋葱豬扒飯 .干炒意粉 歺湯中式幾好珠 豬扒煎得很香 牛肉好滑 熱奶茶. 凍奶茶 茶味很夠 有時間晚上來試小菜套歺

下午茶要了一個炸魚柳薯條+凍奶茶原來唔係薯條,係薯角,仲正,而且真係炸得幾好喎,外脆內軟,一d都唔油,食落口仲係熱騰騰,推介,好味.塊炸魚柳都幾好,夠大塊,不過簿左d,少粉,夠脆身,但唔夠味,要自己落d鹽同胡椒粉,咁就好好喇.凍奶茶,好好味,味道都幾似"太興"果d冰鎮奶茶.

今次叫外賣，兩個餐，其中一個餐飲轉埋羅宋湯，不用加錢，外賣ge湯仲大碗，好抵。羅宋湯—超好味，香濃，多料。沙丹豬扒飯—有一大塊豬排+ 火腿+太陽蛋。飯ge軟硬度適中，撈埋D汁好好味。肉絲炒面—呢個麻麻，因為用蛋面，唔夠惹味，如果用炸面會好食好多。

食lunch, 食粟米斑塊意粉。幾好，夠汁又夠意粉！加一塊火腿，有兩塊班塊；幾好味~個羅宋湯都好飲，又多料，好多西芹！

同男朋友平平地食餐飯,如食西餐會去荔枝角道的"金加利",食中菜會去"紅棉",2間餐廳的價錢都好低,2個人都係六七十蚊,而且味道已不錯.紅棉的小菜真的很不錯,用料夠,味道都很好,唯一缺點係多左少少油,不過又未致於成個碟底都係,幫趁過四五次,覺得XO醬炒豬頸肉和黑椒牛柳絲最正.

30/08/2005 19:45好抵食的茶餐廳今日又o係太子食飯，近界限街一帶的太子入夜後比較靜，但幸好食的還不缺，茶餐廳、粉麵店及燒味舖一應俱全。今晚想食小菜套餐，就揀了這間紅棉餐廳。雖然叫餐廳，但格局跟茶餐廳一樣，這倒也沒所謂，反正價錢和食品也跟茶餐廳的一樣。最討厭那些明明係茶記，卻自稱為"餐廳"的食肆，收了餐廳的價錢，然後提供茶餐廳的食物質素和招呼，更甚者到埋單時原來要加一添，這些食肆真係害群之馬。講番正題，這家茶餐廳給我的印象不錯，地方乾淨燈光又足。食物的選擇也不少，有小菜套餐、西式扒餐同焗飯等。叫了銀芽三絲及豉椒排骨套餐，可跟中湯或羅宋湯。繼上次街坊茶餐\廳（龍情冰室）後，是次西湯又有驚喜，味道正宗之餘又材料充足，不過這次有少少偏甜，但仍可接受。小菜的水準一般，不夠鑊氣但味道不錯。連兩杯凍飲埋單都係$60，好抵食！