糙米家

營業中

休息中

見到呢間餐廳食物幾多種類又好似幾健康，去開灣仔就行去試下😗落完單好快就已經有得食，啱曬趕時間嘅人👍🏼·<🎃南瓜雞扒糙米飯>睇中佢個南瓜汁，不過應該加左忌廉，南瓜味就唔重😗仲有幾粒南瓜，夠甜👍🏼不過係有啲凍嘅🤭雞扒好入味又夠滑，份量都足夠😛飯就有啲煮爛左，有埋蔬菜夠曬健康👍🏼朋友仲叫左個<美式薯仔沙律>，見到份量都好大，味道正常。整體嚟講不過不失，如果係熱辣辣上枱嘅話就仲好，都係一個健康食飯嘅好地方👍🏼

地方細細, 每次都好多人排隊, 但自己一個人去食, 通常都好快就有位.次次都係見到那個熟悉既服務員, 欣賞佢熟練和快捷既速度俾張紙寫住等候號碼.多菜少肉健康糙米飯, 有人唔中意食糙米飯,仲可以轉米線,少油少鹹, 十分健康, 十分受女士歡迎!我每次黎都喜歡食佢個湯飯, 但飯另上, 咁D飯都唔會咁易發帳.希望佢開多D分店, 咁我就可以係任何地方都食到

次次經過糙米家都見到超級多人排隊，而且主要以女性為主，我就覺得應該哩間店系屬於健康，keep fit個類噶，甘應該都幾合適我去食，今日趁人少少去試試，點左個椰香辣汁豬扒飯，豬扒系炸噶，炸得非常香脆，但系吾會油同埋肥膩，口感好好，辣辣地，超級惹味，加埋滴椰香中和下，更加好味道了！

叫咗個南瓜健康雞絲煮配糙米飯（$49）可以轉配米線嘅好鍾意呢個系列主打多菜少肉清清淡淡 少少但唔會過咸雞肉都係比較瘦嘅仲有好多唔同款式嘅菜想食得健康啲都唔係一件咁難嘅事🤪🤪同埋糙米浸住咗就會林小小易消化啲如果腸胃冇咁好既都唔洗怕

每次經過都見門口人山人海所以冇一次試到每次都係過門不入今次有的事要去開個邊做野又見唔係太多人所以就試下排隊唔係排左好奈就可以入坐多數人買飯盒走餐牌都多選擇餐牌色彩繽紛見到的沙津系列超吸引但第一次試都係試左招牌糙米飯先選左雞排肉燥糙米飯上菜速度都幾快雞排上見到沾滿香草碎雞皮炸得香脆味道唔錯肉滑唔鞋滷蛋都入味但略細糙米飯比較軟身淡味我比較喜歡硬身少少混埋肉燥食比較好感覺上呢間的食物都比較健康和有特式未試過既可以一試

同朋友行街 貪靚吃貨女子話要減肥cut卡（卡路里）過晚六唔食得澱粉企係灣仔街頭 突然諗起朋友介紹的糙米家上次跟朋友食過一次已經一試難忘 出街食飯可以有好多菜又清淡又飽既地方似乎唔算太多更何況顏色吸引一坐底 餓底已經急不及待叫左兩份沙律三文魚同雞一大好處 可以分醬上多少隨意落三文魚沙律配左蛋沙律雖然好邪惡 但食落甜甜地好好食忍唔住同朋友一人一半處決左三文魚亦帶淡香雞排溏心蛋沙律溏心蛋岩岩好 蛋白仲帶少少流質 蛋黃剛熟最合適既口感不過略嫌雞排油多左少少😅不過始終係肉嘛值得一讚 每個沙律配一塊蒜蓉包卜卜脆 正！可惜朋友仔唔食澱粉 浪費晒🤷🏻‍♀️沙律由49至5x，連飲品都唔過60。晚餐算係咁仲帶蓮藕蝦餅 新鮮蓮藕夾住蝦膠好味到相都未影就啪晒😂36蚊3塊 小貴但值回票價必點之選！

平時如果想食輕盈啲，我地都會過來食糙米家，因為佢有沙律，又有清湯米線，想飽肚啲又有糙米飯。健康又飽肚。👍🏻👍🏻👍🏻次次來糙米家都好多人，而且又唔近我地公司，所以都唔係成日可以來到食。。來到我多數都會叫我最愛既蘋果沙律，飽肚得來又健康，而且蘋果又爽甜，粟米生菜又夠新鮮。我真係覺得好好食。。😘😘. 但係如果嗰日我較肚餓，我都會揀食雞扒沙律，同樣係沙律，多左個雞扒同一片多士。雞扒okay，不過多士就乾啲，咁食飽好多。。👍🏻👍🏻👍🏻另外個同事就最鍾意食佢個紫菜米線，多菜少肉，健康又飽肚。講過Tips俾大家，我發現左佢大多數1:30後都可以直入，如果唔係就要食快少少趕返工啦。😂😂😂😂

因為要去灣仔書展所以諗住去之前就同朋友去食過晚飯 有足精力先去 不過見呢間鋪頭見到係以糙米飯作主題主打健康所以就決定同朋友去試吓啦朋友同我分別叫咗一個湯飯同埋另一個係蘋果咖喱豬扒飯平時喺餐廳好少見有蘋果咖喱呢樣嘢食落去感覺幾新鮮而且水果都有香甜味自己覺得唔錯價錢亦都十分之合理另外湯飯湯底都幾甜飲落去唔會話好大味精所以朋友同我都非常之推薦大家去試吓嘢飲方便跟餐係可以加$3要熱飲。另外亦都可以加錢轉凍飲所以鍾意健康嘅朋友仔經過灣仔都可以黎試吓

這間餐廳我已光顧了很多次Lunch時間不想排隊時我就會點外賣今日買了這個✨南瓜雞扒糙米飯打開飯蓋看到這個賣相口水直流 不是茶餐廳那種頹頹的 飯一邊雞扒一邊的賣相 南瓜那黃澄澄的醬汁看起來就很清新健康還有切得很方正的南瓜粒真材實料不只看得，還頗好吃！雞扒煎得香口，雞肉嫩滑南瓜入味軟腍南瓜汁很佐飯還有少量蔬菜份量足 米飯夠 對男孩來說也足夠五十幾蚊這價錢很滿意healthy salad choices:- 糙米飯餐牌:

🔥糙米家🔥.🔺泡菜雞絲健康煮 [$48]呢個健康煮可以揀配糙米飯或者配米線 配料除咗有泡菜同埋雞絲之外仲有超級無敵大量嘅蔬菜🥬食完真係極級飽同埋滿足 係一個好健康好有營養嘅選擇 唔會令到你好快肚餓想食其他零食 重點係價錢好平又唔需要加一 不過午市真係好多人 如果想食就要早啲去排隊⏰

每次想食清啲都一定會即刻諗起糙米家。哩到不論飯類，麵類都加入左好多蔬菜，高纎營養食材，絕對係一間有營食店。單係沙律既款式都有七個，有啲配有肉類，有啲係全素，適合素食人士。沙律配塔多樣化，一星期黎食幾次都唔會重覆👍🏼。哩個沙律50蚊，份量好多。蔬果配塔多樣化，一個沙律已經吸收哂一曰所需既營養要素。另外蔬菜材料新鮮，清洗得好乾淨。不過我覺得芝麻醬份量太多，所以味道濃同鹽味重，下次再食會要求少醬或者另上醬汁。

難得同老公撐枱腳，佢鍾意食沙律，我又想食得健康啲，於是就揀咗灣仔呢間糙米家，星期五晚上7點去到，仍然有位，唔使等.....我點了肉燥雞扒糙米飯，牛篣茶，肉燥好多，多到足夠撈飯，雞扒雖然得兩細塊，但係呢個份量剛好，值得一提係嗰隻蛋，好好味，我成碗飯清晒

寫字樓工作的大家，坐得多運動少已經夠唔健康，平時 lunch 仲要無乜選擇乜都係肉真係唔係好掂，間唔時要食得健康啲。呢間係喺灣仔附近係標榜健康而又幾好食的餐廳，有紅米飯餐，沙律餐，米線等。，而且價錢比其他西餐沙律吧便宜。不過Lunch set 無嘢飲, 熱飲要加 $4。同事叫的蘋果沙律，應該係女士門最愛。我叫左個個泡菜雞絲米線，湯唔辣亦不太咸都幾好飲，不過記得上次叫個豆漿湯底好飲啲，我係差不多飲晒啲湯👍啲蔬菜都新鮮。每人埋單50內

今日就去左試呢間個早餐，由於太肚餓喇，所以決定黎食個豐富既all day breakfast再加個通粉，實在係太邪惡喇。我就叫左個炸魚柳，魚柳炸到脆卜卜，魚質都還可以，沒有太重的急凍味，炒蛋好香好滑，麵包就邊面脆皮入面好鬆軟，咬落去似蛋糕，另外加左個羅宋湯細通粉，湯味都濃郁唔淡味既，蘿蔔蔬菜都有幾足料，雖然咁既早餐要45蚊，不過就食得好飽，值得既，媽媽話最重要係食個飽既早餐嘛，我都推介間中黎食下滿足下自己。

喺灣仔發現咗一間糙米家，依間餐廳標榜用糙米飯黎煮，不失為一個健康嘅選擇啊！晚餐唔想食咁油膩嘅嘢，又想食健康啲嘅就可以揀呢間啦！我叫咗紅酒牛肋條配糙米飯 $67 🍚另外再加多杯熱檸水$4