糙米家

營業中

休息中

🍽 Smoked Salmon Crab Roe Egg Green Salad with Sesame Dressing (煙三文魚蟹籽蛋沙律) $56超級超級多菜嘅沙律🥗煙三文魚同魚子都算多！夏天食嗰沙律，個人都冇咁熱🔥不過lunch time就有啲多人，等位要有啲耐性！

想來幫襯這家食肆很久了。在開飯喇睇過相片及評語，好似唔錯。以糙米為主食的餐廳，感覺菜式應該比較健康。今天要到灣仔購物，一於去嘗試這店。結果很失望，食物質素與味道都唔掂。我們點了兩款午餐：蓮藕蝦餅飯及煎蛋豬扒飯。先講呢碟蓮藕蝦餅飯。蓮藕蝦餅非常油膩，應該係做好有客叫再返炸。仲有返炸時油應該唔夠熱，變得好油膩。伴碟有一大堆蔥油，本來是好事，但完全冇香蔥味，仲有少許醙。唯一值得讚的是伴碟椰菜份量足。至於嗰碟煎蛋豬扒飯，慘不忍睹。豬扒係好大件，但有豬騷味。又係返炸出品。味道也一般。附上的蔥油也有同一問題，有點醙。糙米飯也不夠熱。整體上就是成碟都不新鮮。感覺不到他們做食肆的誠意，所以不會再幫襯。

☘️健康之選?☘️Lunch hour排左條小人龍今日就決定試呢間等咗15分鐘左右有位坐低 order咗香葱雞扒煎蛋🍳糙米飯同埋炒滑蛋鰻魚飯😋味道相當唔錯份量大之餘質素都ok雞扒肉質仲好嫩滑嘅係有少少🤏油膩本來以為糙米家只有糙米選擇但又唔係喎😂😂原來仲有普通白飯/米線/湯飯等選擇最新選擇仲有🇯🇵日式丼飯添唔怕冇嘢啱你食😌Dishes ordered:香葱雞扒煎蛋🍳糙米飯炒滑蛋鰻魚飯😋

Lunch Time 總係好多上班族排隊 雖然餐廳座位吾少 但最少要等15分鐘因為唔想排咁耐隊 快啲有得食 所以一早打咗電話落嚟嗌外賣😌雖然外賣盒要加一蚊 但係好快就有得拎✌️蘋果粟米蛋沙律+烤雞扒 （$56+$12）餐廳主打糙米飯 仲有吾少健康配搭 💪但我始終鍾意大大盒嘅酸酸甜甜蘋果粟米雞蛋生菜配蛋黃醬❤️❤️ 富士蘋果清新爽口 生菜新鮮爽脆 吾會乾爭爭🥗加上表皮烤得脆卜卜 雞肉依然嫩滑既雞扒 好好食👍👍今次仲有少少火箭菜係底 令整個沙律嘅味道更加多層次⬆️⬆️唔會太寡😉😉

星期六都有下午茶，今日叫咗豚肉角煮飯配桂圓牛蒡茶，雖然免加一，但索價$58仍然偏高。豚肉連皮炆得好淋好入味，皮與脂肪部分入口即溶，瘦肉部分保留纖維都唔會好難咬開，有少少紫菜同兩片醃蘿蔔增加爽脆口感，流心蛋一咬開蛋黃就流出，但冇乜醃料味道，可能下午茶關係，略嫌細碗餐飲有桂圓牛蒡茶比較有特色，有牛蒡未但唔會苦，調味都唔會太甜，免費跟餐絕對超值

見到呢間餐廳，出面都比較多人排隊，而且好似係標榜健康嘅食物，所以就入去試吓。叫咗佢哋嘅蓮藕蝦餅米飯，再加多個娃娃菜，同埋一杯嘢飲。首先蓮藕餅嘅味道，我覺得唔夠味，而且可以睇到佢塊蝦餅，好多油，多油已經唔係健康嘅指標。反而娃娃菜個上湯浸有啲鹹味，如果唔係齋食白飯都幾乏味。 雖然佢話係蝦餅，但係如果你拆開蓮藕分開食嘅話，你就會發覺塊蝦餅一啲蝦味都冇，剩係得麵粉味。咁記得糙米家就食佢哋嘅糙米飯，米飯係健康嘅，畢竟可以增加米飯嘅營養，可能下次會試吓佢哋嘅沙律

健康有營之選—糙米家近年愈來愈多人注重健康飲食，昔日糙米飯粗糙的口感，讓人有點倒胃口。但其實糙米含有很高的纖維同豐富礦物質。雲遊大思今日要介紹的，就係位於灣仔的「糙米家」。呢間餐廳砲台山起家，之後搬到灣仔，營業至今都十幾年，一直以「健康有營」為主題，菜、肉、飯的比例要1：1：1。為左改善糙米粗糙口感，店主多年來不斷研製煮糙米飯的技巧，利用「二次坎」的煮法，先煮糙米，再混合白米煮第二次，讓煮出來的糙米飯軟綿綿。🍚蓮藕蝦餅配糙米飯係呢度最出名的糙米飯選材，蓮藕蝦餅一共有3件，表面煎得有少少脆口，入面嘅蝦膠唔算多但味道鮮甜，多菜少肉但食落又唔覺得寡。🍚香蔥豬扒煎蛋糙米飯 呢個豬扒好重香茅味，肉質鬆軟，個蛋煎得啱啱好，流心蛋黃，糙米飯唔硬，入口好軟，好味。如果想再健康啲可以走蔥油，而雲遊大思就係走蔥油啦。地址：灣仔機利臣街4號地下整體評分：8.5分整體環境簡約，雲遊大思最欣賞的地方係食出家的味道，好有住家飯的感覺，又健康又有營養，而且價錢唔貴，飽肚又抵食。雲遊大思列為屬「推薦回頭級別」。

平時黎糙米家都係食沙律，但happy Friday就想食開心少少😂。同同事就每人叫個糙米飯，share雞扒同豬扒😝。🔅香蔥雞扒煎蛋糙米飯 ($62)首先不得不讚佢隻蛋，煎得好靚，噴到好香煎蛋味，隔離枱兩夫婦見到都讚🤣。同埋如果就咁食糙米飯就太dry，加埋蛋汁撈埋蔥油就啱啱好👍🏻。平時食沙律都有食開佢既雞扒。雞皮都煎得好香，雖然細塊，不過厚身，但又好滑！🔅香蔥豬扒蛋糙米飯 ($62)豬扒好香香茅味，同雞扒一樣都係厚肉，但好juicy，一啲都唔乾唔鞋🤤💬雞扒同豬扒都好正，有蛋有菜好豐富，但唯一缺點就係太邪惡😂，撈埋蔥油蛋汁真係忍唔住食晒…

同同事覺得lunch最近食得比較肥膩，所以就提議每個星期搵一日食健康啲🤣。所以揀左食呢間。Lunch都比較多人所以建議早啲黎排隊🖖🏻。揀左個有少少肉多多菜既沙律，健康啲又唔會太齋。呢間啲staff好快手，叫完好快就有得食😋。🔅烤雞肉溏心蛋沙律($58)沙律除左有大量既菜仲有蒜蓉包、溏心蛋，雞扒，淋埋芝麻醬🤤。蒜蓉包焗到好香好脆口，雞扒都好juicy好滑一啲都唔鞋！如果齋食菜就會覺得太悶唔想食，但呢個set我覺得配合得好好。份量都夠大好夠飽，60蚊有找無加一唔錯！

中午經同事極力推薦下來了這一間主打健康的糙米家，外面都幾多人排隊，但等候時間都不算好長。除了糙米飯之外還有珍珠飯、黃油飯、米線和其他沙律餐，我和同事分別選了南瓜雞絲健康煮米線＄５８和香蔥雞扒煎蛋糙米飯＄６２，額外再加了兩杯檸檬茶。先講南瓜雞絲健康煮米線＄５８，雖然話係健康煮，但係兼顧健康的同時味道都非常好，南瓜真的是煮出南瓜的味道不會又淡又生，非常的軟熟，雞肉切絲與其他配料一起搭上米線的味道都很不錯！同事吃得有滋有味！之後就係我既香蔥雞扒煎蛋糙米飯＄６２，真的是一級棒！一級棒！一級棒！重要的說話講三次！！！首先從外表看落去，已經非常有田園風味，食落味道更是超級棒！煎蛋不需要過多講，但沒有煎得太久，不會太熱氣！雞扒煎得外脆內軟，完美的鎖著了肉汁，食落唔會乾爭爭。事先聲明，我是一個外出吃飯通常都不會吃飯配菜的人，因為我嫌那些蔬菜不夠新鮮或者煮得太老太生太黃，讓我一眼看上去就沒有胃口。但這間糙米家不同，不愧是主打健康的餐廳，蔬菜翠綠新鮮，入口那種屬於蔬菜的味道保留了，不會有其他奇奇怪怪的味道。總括而言，我推薦這間糙米家比一眾想要健康又想減肥還想飽肚的朋友嘗試！！！五星推薦！！！

今日喺灣仔上堂，朋友帶我去一間有營食肆，見到餐牌，果然樣樣都好想試吓，因為有好多菜式都同其他餐廳有啲分別，都算有啲新意🤣最後叫咗一個蓮藕蝦餅糙米飯同埋蘋果粟米蛋沙律。本來仲想叫個多菜少肉嘅健康系列，但怕食唔晒，最後都冇叫。另外叫咗兩杯自家製紅棗牛蒡茶☕️蓮藕蝦餅糙米飯：有四件蓮藕餅，平日外面食嘅蓮藕餅多數係蓮藕上邊釀咗魚肉或者豬肉，但係呢個蓮藕餅係三文治式，即是兩塊蓮藕餅中間夾住蝦肉，都幾得意好食😆另外有好多菜伴碟，糙米飯好軟熟🥰一啲都唔硬👍🏻蘋果粟米蛋沙律🥗好Fresh, 好開胃，份量都幾大碟。🤟🏼我哋兩個人share兩份食物，都食得好飽。飲埋兩杯自家製紅棗牛蒡茶，好滋潤，感覺好健康😌整體來講，午餐好滿足，食得好開心，下次會再嚟幫襯💕💕

After reading all the good reviews here, I decided to give this restaurant a try. I ordered 南瓜雞扒飯. The rice was covered with a lot of buttery based sauce and the chicken chop was slightly fried. It definitely differs from what everyone raves about on this OpenRice page. The food was anything but healthy. I will not come back.

拍拖一周年，撞正月事，冇心情食好細，想搵間清淡嘅餐廳。❤️平平淡淡的。朋友介紹糙米家，健康且價錢合理，午餐咁多人排隊，決定入去試吓！無骨海南雞飯（$68）很精緻，無骨雞、酸青瓜、油飯，不肥膩，感覺健康。💛魚柳健康煮（$58）非常的健康，清淡自選，都幾難得喺市區度搵一間餐廳可以有咁多瓜瓜菜菜。當你想吃得清淡，也不想吃粥的時候，健康煮啱晒你！🤍——人均消費：60HKD（午市）

呢度絕對係灣仔午市長期排長龍之選，如果一行三人或以上，至少等二十分鐘，無一次嚟係唔洗排得耐。原因都好簡單，因為餐廳的選擇都好健康，有大量沙拉、糙米飯或者米線選擇，而且配料主要係健康蔬菜。米線有好多口味，有泡菜、紫菜、南瓜等等記得南瓜湯底的米線係無南瓜塊😂餐廳將南瓜整成蓉，每口米線都食到淡淡南瓜味，最鍾意係米線有海量蔬菜，翠玉瓜、津白、各樣菇類、紅蘿蔔等等，完全覆蓋成個米線，令你食完都覺得自己健康咗😂

糙米家係我返工食lunch, 食得最多嘅一間。因為呢到比較多菜少肉，仲有啲沙律餐可選，絕對係OL keep fit飯堂。平時我都係堂食，因為近排疫症又嚴重咗，加上政府收緊咗每枱人數為兩人。所以安全起見都係買外賣返公司食。糙米家嘅收賣都要加1蚊。湯麵會自動分盒，湯餸及麵各分一盒，唔怕啲麵浸到淋哂。呢個泡菜雞絲湯超好味，岩哂依家天氣涼涼地食。 辣辣地，食到個人暖笠笠。佢啲餸都係超多，蔬菜易吸收湯底精華，好入味。lunch都可以食得好健康。