糖老鴨 (已結業)

自喝了第ㄧ口㭑茶latte後, 從此不能自拔地成為枺茶控。無論飲品或甜品,枺茶味道都係我每次點餐的首選😍從朋友口中得知大埔有間甜品店不錯,最重要係有我喜愛的枺茶心太軟,立即急不及待要去試下。晚上10點幾仍有很多人在門口等位,好彩2人枱的流轉較快,只係等十多分鐘左右已有位。枺茶心太軟係我唯ㄧ目標,所以餐牌內其他甜品只供另ㄧ半選擇😝雖然要等大概10分鐘,但上枱時就覺得等待係值得既。星星形的心太軟比平常cup形的特別,再配上"裝辦"成鴨仔的雪糕球, 令人有回到童年時的感覺。心太軟非常流心,枺茶味亦恰到好處,不算太甜...唯獨雪糕比較硬身。有人陪食的流心心太軟,無論外觀同味道都令人回味無窮😁

經過行過左幾次終於捨得入黎食~~都九點幾～閒日嘅夜晚都幾爆場睇餐牌相以為係蛋撻皮..嗚嗚我想要蛋撻皮啊~~~黎到原來係薄版嘅格仔餅皮，上面粒公仔朱古力個樣好攪笑～唔係新年食個啲唔識溶足球膠膠朱古力⋯佢識溶架！雪糕下面係班尼～估唔到熱熱地架！加埋雪糕一齊食有冰火嘅感覺😍班尼唔算好朱味，有隻零食班尼比佢更濃味..食完個肚好充實呀正🤣雪糕有味道可選～同事話都幾勁榴槤味～面頭脆脆的，唔會好甜👍🏿耐唔中有啲榴槤肉，唔會每一啖都有，但成個都充滿榴槤味，但同事話食唔到有榴連味，可能因為佢食完個榴槤奶凍蓋過左有鴨仔好可愛～布丁仲砌左個樣🤣冇份食唔知好冇食，見個布丁都似好滑，心太軟出晒煙，都幾流心又一個冇份我食嘅甜品～～～除左甜品嘅樣之外，啲器皿都係個加分位～～點綴一下食都食得開心啲☺️人都童真啲😍

心血來潮想食心太軟。諗起之前喺FB見過有fd喺哩間糖老鴨打過卡～就特登過大埔墟食哩間嘅心太軟。初次光顧搵左好耐先搵到間甜品鋪。後尾食完走果陣先發覺其實離地鐵站好近咋，如果識行嘅話～糖老鴨個環境十分之好，個裝修風格以黃色為主～感覺十分之溫馨舒服💛。而個心太軟亦好好味😍。第一次食「唔係朱古力味」嘅心太軟-紫薯心太軟。真系好鍾意食，同奶凍真係絕配！個裝飾都好得意！奶凍配芋丸都好食！ 下一次想食心太軟都會揀哩間。

經過糖老鴨依間野幾次都冇食～依次要去試試先～3人行當然叫3款甜品啦見D24榴櫣焦糖燉蛋幾特别就試佢啦～落單5分鐘就到～燉蛋算滑可惜榴櫣味唔太濃～如果係榴櫣控一定失望～不過依個ideal幾特别唔係太多地方有得食朱古力醬香蕉窩夫配曲奇雪糕～窩夫餅即叫即做熱辣辣夠晒蛋味～唔會太甜～加蜜糖正！有三款雪糕簡：雲哩嗱、朱古力、曲奇～香蕉都有好多塊朱古力醬香蕉朱古力味窩夫配朱古力雪糕～依個朱古力味窩夫唔太好味苦苦地～都係原味好食D依間野選擇多～質量可以

在一眾西式的甜品裡面，我最近偏好食「拿破崙」、「心太軟」跟「梳乎厘」。不過由於很多甜品店，製作「心太軟」時經常都會使用朱古力當原材料，對於我這個講究睡眠質素，最怕失眠的人來說，朱古力餡的「心太軟」不是想吃都隨時可以吃。後來有一日，我從西貢不斷轉車來到大埔區，上門光顧這間，下午剛剛開門做生意的甜品店「糖老鴨」，我發現「糖老鴨」竟然有不以朱古力作材料製造的「心太軟」甜品。雖然要我從西貢轉車趕過來，位於大埔近着太和，比較深入的大埔舊墟範圍，單是徒步步行所需要的腳骨力，加上找尋「糖老鴨」過程比我預期來得艱辛，但是吃到「糖老鴨」濃味的紫薯味「心太軟」，我的辛苦當堂紓緩了不少。「糖老鴨」位於大埔墟的「舊墟直街」裡面，最初進入到大埔區後，找尋「糖老鴨」所需消耗的腳骨力，已經曾經叫我有點吃不消，直至找到「糖老鴨」為止。「糖老鴨」的內部裝潢，出奇地真的貫徹了食店的店名設計，很多橡膠玩具鴨子，它們忽然令我想起，當年我不幸腦中風入院時，適逢香港有人在維多利亞港，展示了一隻巨大的吹氣橡膠鴨，當時此舉令大量香港人為之譁然。可惜我當時剛剛大病剛愈，大部分行動力都還未能夠恢復過來，只能留在家裡無所事事，所以最後無緣

係附近食完dinner，就點都要食個甜品啦，咁先滿足傢嘛。最後，我就去左呢間糖老鴨食，咁之前食過心太軟都幾好食，所以今次就想試下第二款甜品啦。今次就叫左個焦糖醬脆蕉窩夫配雲呢拿雪糕。在場都幾多顧客都叫窩夫食，所以我諗窩夫都幾好食。咁等左大約10分鐘左右，個焦糖醬脆蕉窩夫就送到黎。當然，相機係食先嘅。呢個窩夫食落相當不錯，因為可以按自己喜好落個d焦糖醬，咁個窩夫就幾實淨，非常足料。而配雲呢拿雪糕非常夾。

今日收得早.就決定返到大埔食甜品.前排上網睇到依間已經好想試.但一直無時間.今日終於可以去試.叫左個士多啤梨窩夫配雪糕.雪糕有三隻味揀(雲呢拿.朱古力同曲奇味)我揀左曲奇.首先講個窩夫脆脆地.加左糖霜係上面.配埋雪糕同士多啤梨一齊食簡直一流.好食👍提提大家：由9月至12月夜晚8點半前落單有9折喔

放假的時候當然要相約男朋友去街街啦，我們每次返屋企之前必定會去食糖水甜品，令大家都可以甜甜蜜蜜回家！😎😎今次就去了屋企附近的甜品小店，已經開業一段時間，但今晚才第一次光顧呢！此小店取的名字十分特別，名叫「糖老鴨」。室內設計也用上卡通人物為主呢！未到九時已經坐滿客人啦！可見幾受歡迎呢！先看一看menu有咩好選擇啦！menu都是走可愛的路線！楊枝甘露雪果拼～有芒果雪糕及多款水果，汁底用上芒果沙冰及椰汁！賣相靚仔，份量亦大大碗！感十分清新！而我就選擇了～自選的鮮果任你撈可以自選自己喜愛的配料！我選了楊枝甘露底，加上三款水果及涼粉加蒟蒻！汁底同樣清新不會過甜，生果亦新鮮！但是如果涼粉多一點會增強口感，有待改善呢！

食完晚餐點都想食甜品，咁就試下呢間糖老鴨。一入到餐廳，都有唔少鴨嘅裝飾品，而且好光猛。主要有2張餐牌，咁都幾多選擇。最後，我地四個人叫左三個心太軟，配雲妮拿雪糕、曲奇味雪糕同埋原味奶凍。另外，亦都叫左法式焦糖燉蛋。呢個係心太軟配原味奶凍，奶凍夠滑。而心太軟朱古力味非常濃郁，同埋係流心傢，個心太軟真係做得好好，食完一個想再食多一個。呢個係心太軟配曲奇味雪糕。曲奇味雪糕配心太軟都OK，可以試下咁配搭。呢個係心太軟配雲妮拿雪糕。雲妮拿雪糕永遠係同心太軟最夾傢，因為雲妮拿雪糕可以中和心太軟嘅濃味。法式焦糖燉蛋賣相一流，食落甜度剛剛好，而且面頭塊焦糖都幾脆。

中秋和朋友出外賞月，玩樂過後就找了間糖水店吃吃糖水繼續談天，看到了這間尚算新開的糖水店，名稱改得很有趣，所以試試⋯（$26）西瓜涼粉，簡單款式，西瓜跟涼粉，夏日的感覺。（$52）花生醬煉奶香蕉朱古力味窩夫配曲奇雪糕，加上了花生醬就變了咸吃的窩夫，跟蜜糖不太相襯，朱古力味窩夫很濃，很脆。（$38）鮮果任你撈，芒果沙冰底配西米露和芒果味爆珠加西瓜芒果和奇異果，發覺餐廳沒有簡單的芒果西米露，所以選擇這款自己配的芒果西米露，芒果冰底夠濃芒果味，西米不算太細粒有口感，都不錯的。當天火龍果售罄所以選擇了奇異果，很酸。（$38）紅豆綠茶號，兩個雪糕球跟一些涼粉、綠茶啫喱和紅豆蓉，全部食物都很分離，不過涼粉跟啫喱都很有口感。（$48）焦糖醬脆蕉窩夫配曲奇雪糕，窩夫很香很脆口加上蜜糖很配合，很欣賞焦糖香蕉，煮得到香蕉跟焦糖脆，非常好味。👍🏻👍🏻餐廳位置都舒服，價錢不算很貴，窩夫的確不錯。

食物：同朋友一樣叫左綠茶心太軟配奶凍，心太軟唔同形狀，而且搭配都略有不同，感覺幾驚喜，明顯花左心思。心太軟即叫即整，外面烘得酥軟，入面既綠茶流心好完美，基本上係一啖流心一啖皮。微熱既溫度食落有種溶化般既感動。係我食過數一數二既好味。奶凍都好滑好軟，入口即溶，奶味唔輕唔重啱啱好。心太軟食到最後會有啲滯，配埋奶凍就緩和左個口感，變得輕盈返。環境：裝飾好可愛，好多鴨仔裝飾，餐牌、牆件掛飾、餐既朱古力公仔都係呢個主題。光調明亮，感覺輕鬆活潑。服務：個老板(?)好搞笑，會黎搭兩句嗲，問邊度黎架咁，好食就介紹下比朋友，唔好食就唔洗介紹啦XD最後走果陣仲特登追出黎問覺得點，表示真係好好味。最貼心既係，食食下心太軟服務生拎左三杯水黎！果下真係覺得好有心，因為份量足食耐左點都有啲重口，飲返啖水就正晒。價錢：68蚊呢個水準黎講幾抵食

跟朋友仔喺附近餐廳食完野過黎食甜品，遠望己看到招牌有好大隻🐤好突出 ！ 門外己有6,7個人等候，看得出好受歡迎～一進入店舖，柔和的燈光以及簡單的擺設都令我感到舒適，座位闊落，樓底又高，即使全場爆滿亦不會感到有局促感覺，十分熱鬧～層架上有少量B duck的裝飾～餐牌圖文並茂，每一款都好吸引 !! 而且價格相當實惠，選擇困難症又出現喇！窩夫系列⋯⋯ 流曬口水呢～•朱古力花生醬香蕉朱古力味窩夫配雪糕•窩夫做得好鬆軟，配上朱古力，花生醬再淋上糖漿一起食相當邪惡！旁邊重有朱古力單球，香蕉片，好豐富呀!! 如果香蕉片切厚些就更好～•法式焦糖燉蛋（凍)•打開餐牌被呢個鴨鴨造型吸引住，好Duck意好可愛表面一層薄脆的焦糖，燉蛋又香又滑，簡單又好味～

食完隔離嘅雞，即刻試埋呢邊嘅鴨⋯仔甜品。人地嘅晚飯時間，我地已經食緊甜點，所以唔洗等位！以黃色鴨仔做主題，又幾可愛喎！有好多好多甜品任君選擇，價錢唔算太貴！唔食唔duck! 冇duck輸！可愛slogan！楊支甘露配原味奶凍（$42）好好味喎個奶凍，加埋側邊啲椰汁冰芒果西米露好夾，唔會太甜太漏！推介70%朱古力心太軟雲呢拿雲糕（$50）心太軟好大好抵食，明明係一啖雪糕配一啖朱古力，心太軟大到唔夠雪糕點呀！雲呢拿雪糕都好好味！（但雪糕上隻蝴蝶唔知想點呢？）用心整嘅甜品特別好味！繼續支持！

舊墟直街一向都有好多嘢食糖老鴨應該係呢到嘅新寵～～～餐廳唔大，所以等位都要D時間上次我哋平日去都要等15分鐘我諗星期六日都需要等來啲時間～～～餐牌上有好多款食物可以揀最出名嘅應該係窩夫除咗窩夫都仲有其他特色甜品好似心太軟、中式甜品等～～～一打開餐牌窩夫已經佔咗兩版有原味窩夫同埋朱古力窩夫兩款都有好多唔同嘅配搭可以選擇今次叫咗两樣嘢一個係焦糖香蕉窩夫窩夫好好味熱辣辣又唔太甜配埋香蕉同雪榚食簡直一流🍭🍭🍭另外用好得意嘅鴨仔載着嘅就係榴槤cream brûlée 呢個都好好食呀榴槤味好香同食到好多榴槤肉同炖蛋嘅味道好夾一啲都唔漏🍮🍮🍮因為係我朋友生日靜靜雞問佢哋有冇蠟燭放係甜品上面原來蠟燭係好可愛嘅唐老鴨公仔黎架真係好開心好surprise 🍰🍰🍰下次如果去開大埔可以考慮吓佢間小店去食佢哋嘅甜品呀♥️♥️♥️依家凡like佢哋嘅facebook都可以減兩蚊（以人頭計喔）

想嘆tea ？突然想食甜品？自從糖老鴨sugar duck開左後，終於有一間又好味又底又飽既嘆下午茶嘅地方啦！啲窩夫，ice cream，厚多士係perfect架！的窩夫最好味，又軟又脆，回味無窮！本人推介朱古力醬香蕉窩夫(包雪糕)！