糖百府 (已結業)

不到兩星期期再來這間甜品店，因為旺角有好味芝麻糊吃的甜品店，屈指可數。與男友叫了芝麻糊和香蕉朱古力棉花冰，芝麻糊芝麻味香濃無比，今次甜度適中，值 9 分；棉花冰好得意，刨到好似日本店的木魚咁薄，口感奇特，不過唔係好食到朱古力味。

好耐之前喺台灣士林食過雪花冰,超超超好味,可惜喺香港一直食唔返~咁啱前晚同朋友去完大埔,本來諗住去旺角食石磨坊,咁啱望到對面有間新嘅甜品鋪,我呢個甜品癡梗係要試吓~嘩~~竟然比我見番雪花冰~~即刻order咗香蕉朱古力雪花冰,點知老板之一嘅Ben哥哥話冇晒朱古力冰冰..... .....之後佢轉咗個香蕉味冰冰比我,喂,都OK喎,好好味噃~雖然同士林嘅有少少分別,不過都算上佳之作,絕對值得一試~仲有一碟擂沙湯丸x糖不甩嘅東東都好好味咖

前幾日去一間新開張的甜品店 – 糖百府點了這間店最出名的是 “雪花冰” 可配有不同味道的冰底, 吃的時候像雪糕, 質感好滑, 味道很香! 可以encore!新張期間更送了一碟三粒 “糖不甩” ,配料是炒香了的芝麻花生, 好特別呀!

有好多朋友既介紹　食完晚飯就同一家大小黎試下呀女同呀仔就鐘意士多啤梨同朱古力味就叫左兩個雪花冰我同老婆就叫左一個雙拼的杏仁溝芝麻糊一個就係士多啤梨雪花冰，而另一個就係香蕉朱古力雪花冰，當兩個冰放係我地面前，我同老婆就呆左，ｄ仔女就講左嘩，好靚牙我地就急不及待，四匙齊起，入口即溶，好香既士多啤梨味，唔食真係唔知係冰定係雪糕，ｄ配料有士多啤梨粒同椰果，食落都幾好，好襯個冰既口感　不過ｄ粟米片太多，唔係幾好，影響左個雪花冰　而個朱古力雪花冰好香，連我唔鐘意食冰既人都被吸引要食番啖，小丸子好煙ｕｎ，蕉都幾襯隻冰味，ｄ紅豆岩岩好我個人既口感個杏仁溝芝麻糊一看到，己經唔捨得食，因為個太極樣太靚，唔想整花佢不過都要食架，芝麻糊好香滑，杏仁都好香，唔知其他糊好唔好食呢因為聽講係老闆自家磨的，所以值得一贊下次一定會再黎食其他糊同雪花冰

得知這裡有我鍾情的綿綿冰, 路過就入去試試...結果麻麻..一坐低男侍應就狂hardsell, 這倒不是問題呀..賣花讚花香啦當然. 可是他一直踩元朗某一間綿綿冰怎樣不行不行....味道好假..etc. 心想: 好..就看看你的有多"天然"..- 點了據他說只用純新鮮草莓汁製成的綿綿冰+ 紅豆, 丸子, 綠茶凍. 第一啖就覺得草莓冰好淡....淡到一點味也沒有. 對, 好天然呀.... 說口感, 綿綿冰的卻好鬆, 可是一點都不綿, 覺得過於鬆散, 好難"畢". 非常重的奶味, 但入口又唔滑. 紅豆煮得不夠, 好硬 (我永遠focus紅豆~) 丸子有白有綠, 味道沒什差別. 軟硬度適中, 幾煙"un". 綠茶凍不太覺有茶香, 但幾好咬~ 放上面的corn flakes很格格不入. 配料出現了個大問題: 就是....配料是暖的.. . 這不止影響了整體的風味和味道, 最重要我想是室溫容易茲生細困, 感覺有點疑膩...老實說, 這裡的綿綿冰跟元朗的差好幾皮.....整體覺得麻麻....$35不太值哦, 男侍應好心做壞事, 過份hardsell把氣紛破壞了, 我跟朋友是晚只想傾下計..嘆個de

倒數完諗住去石磨坊食宵夜，但太多人，見斜對面對咗間甜品店，諗住試新嘢，典知 ~六個人叫咗三個冰兩碗湯丸一碗芝麻糊豆花。先講啲所謂嘅棉花冰，仲以為係台北巿林啲綿綿冰，食落一啲都唔綿，仲幾硬身添 ~朱古力香蕉棉花冰 - 淡口，冇乜朱古力味士多啤梨棉花冰 - 好過朱古力小小，但真係頗淡口至於大路甜品湯丸同豆花都只係不過不失。價錢唔算平，唯一可取係服務尚算OK，不過下次唔會幫襯 ~

因為見到好多唔同的介紹, 所以星期日終於同朋友去試雪花冰, 值得一讚待應真的好nice好有禮貌, 見到菜單有好多唔同的雪花冰及其他糖水, 我試了雜果綠茶味雪花冰, 朋友經老闆介紹試了熱杏仁豆腐花.當我見到碟雪花冰時, 嚇了一跳...都幾大碟, 好得意的口感, 唔同食開的冰沙感覺, 因為雪花冰是一片片的, 而且綠茶味唔甜, 後來朋友與我合力才食完成碟, 食完後我地都唔覺得好甜.而朋友的杏仁豆腐花, 好香的杏仁味及好滑, 唔知我係咪又凍又熱咁食, 所以我唔覺得碗豆腐花有甜味, 但朋友說好好食後來同老闆傾計, 知道今個星期仲會出薑汁味及指天椒味的雪花冰....聽到都好辣哦!

見有新開張的甜品店，愛吃甜的我當然不會錯過。今次沒找男友做白老鼠，改由妹妹和從美回來的姐姐頂替。三人要了花生湯丸、芝麻糊和燉蛋白。姐和妹說最正係花生湯丸，皮薄餡超多，仲要湯丸皮差得煙煙韌韌，薑糖水非常出色，飲完暖胃又驅寒；燉蛋白唔夠滑溜，但甜度適中；芝麻糊好正，濃濃芝麻香，吃落還有原粒芝麻增加口感！？可是個人認為甜了少許。

見到雜誌介紹，所以黎試下，試左兩樣綿花冰香蕉紅豆冰：綿花冰有頗濃既香蕉味，ｄ冰口感幼滑，幾得意，伴碟有紅豆，香蕉同小丸子，無乜特別，係ｄ紅豆硬左ｄ咖啡紅豆冰：冰都有咖啡味，不過有小小苦，配料有紅豆，小丸子同咖啡果凍粒，ｏｋ仲有佢ｄ糊類都聲稱係自家製，不過冇試到未試過既我覺得去試下都幾得意，不過賣成３５蚊一份實在有ｄ貴，未必會再黎

Saw this new place some time ago so we went here. It was around midnight but still v. packed. We wanted to order mango & red bean ice but it was sold out. Then we went for green tea with red bean but the waiter said green tea was no longer available and suggested us to have coffee. We were okay but at the end, they gave us green tea...Anyway, it was good and the ice was v. thin like snowflake and melt as soon as you put it into your mouth. It's not cheap though but we will go back and try other

記得第一次的芒果紅豆雪綿冰。一上桌，雪山似的雪綿冰，就立時映入眼簾，加上暗紅的紅豆及珍珠色的Q圓，一看之下，未吃就樂了七分。看著呈木碎條狀的刨冰，都不敢大匙下落，只好輕輕地斜裡進入，但又要乾脆地快快放入口中，怕只怕軟冰化水，再來兩顆QQ圓，配以芒果綿冰碎，輕咬之下，冰以滋滋聲碎裂，輔以Q圓的綿綿Q力，將兩顎彈開，口腔內雙重感受，令人欲罷不能，芒果綿冰味道不太甜，果味適中偏淡，不難發現少卻大量的化學調味，這種雋永的味道，在大量化學品的美食世界中，可算是濁世流清，就連碟旁的士多啤梨，一般都是，食之過酸，棄之可惜，但這處的是卻是自然甜到化不開，而紅豆又圓又大顆，可惜不夠糜爛，雖然咬下，豆蓉溢瀉出來，如果多一分糯軟，就錦上添花。第二次試的甜品是香蕉紅豆雪綿冰，很難想像，用香蕉作綿冰的後果，起初都擔心會不會兩者的味道不太相襯？第一口的味道將我的杞人之慮，一掃而空，然後我就大口大口放進口裡，一啖綿冰在口中爆發的蕉味，實在難以量化，少少的一口，卻像吃了香蕉精華素一樣，最可怕的是滿身蕉味，連一個飽嗝的都覺得蕉氣衝天，讓人覺得有點減料偷工的餘地也沒有，這次隨碟附送一條半生熟的香蕉，硬硬的蕉身，青澀的甜味

日期：2008年12月13日阿J.&阿M.幫襯甜品店，鎮店之寶係雪花冰，一來好凍，二來太大碗食唔晒，三來暫時要戒食凍野，所以無叫到喇！凍豆腐花HK$10：滑得黎有ｄ豆味，但唔太重，可以做得更好一些．合桃杏仁糊$18：賣相好靚，合桃既味道好濃，蓋左杏仁既淡味．

早兩日經過，見新開便試左。店員好落力，老闆應該加人工。大力推薦的雪片冰的確唔錯，入口即化，唔似對面果間成個冰插咁，刨冰汁底都好好，好過元朗果間。不過似乎貴左少少，近三四十銀一份得果少少，雖然質好重要，量都要兼顧下好喎。