糖水佬甜品 (已結業)

似乎他是追著松記來開的!所認識的深水步分點也在松記附近而我也是和以下寫食評的人 ,因不想排松記的長龍而來的望落個menue，看似密麻麻　，但卻找不到特別想食的　唯有叫榴槤飄香 $22 好食!! 但應該不能入 糖水佬 的數 , 因為榴槤的甜品一向都好難整得難食加了芒果　，　柚子　白色透明的珠 , 但這此些似乎用於裝飾　，對味道幫助不大　問一問同伴 , 佢話唔及滿記的榴槤黑lo 米有同感!!!

13/8(五) 9pm半飽的狀況,喫甜實在明智!徒步到吳松街的"糖水佬".格局跟深水埗店相差不大,字典型糖水店.我倆坐於電視送飯位,吃了芝麻糊豆花$13,薑汁燉奶$11及糖不甩$10七粒.芝麻糊豆花--芝麻糊稠度恰如其分,入口滑卻不香;至於豆花是幼滑的,但微暖的溫度影響其味道!薑汁燉奶--燉奶質感香滑,薑味輕清,甜度剛好,挺對口味!糖不甩--糖不甩咬落軟軟糯糯,唯糯米粉不甚濃香,芝麻白糖花生碎味道及口感有點失色!服務還好,這頓飯後甜品總比剛剛的"聯邦餿宴"對胃口多!

四月六日(星期日)同老公仔諗住試番松記既芝麻糊,不過粗心大意既我(真係要學懂細心d)忘記左星期日係休息!所以試其他啦!見到呢度幾多人應該唔錯既!仲有電視睇tim!老公食佢既榴槤飄香,佢話冇發記咁正,而且又有芒果呀,西柚~而我就叫左木瓜鮮奶,好大杯,份量十足!不過真係好甜,同埋唔多鮮奶,都係滿記既好飲!

岩岩吃完晚飯，諗住過松記吃甜品，見到條龍勁長，就不想排，反而尼間無咩人，就入了去幫襯，叫了個什西（芒果底），生果新鮮，不是罐頭水果，份量大，甜度岩岩好。

同fd食完野本身再一嘗松記糖水的, 不過實在太多人了! 所以就試下呢間近近地的....貨色好普通...有d好特別的名但我地唔敢試~ 始終冇聽過這間的好評呢...最後大家都係叫左一d一定唔會差得去邊的...我就叫左一個紅豆沙加西米露~ $11...冇話特別好唔好食, 係應該有的味道lor...不過都上得幾快~ 店裡的環境麻麻地咁啦...如果想食特別的ge就唔係黎呢間喇....

見有小小肚餓, 入去叫左碗最平既芝麻湯丸醫肚. 出奇地好食, 皮薄陷好味, 羌糖水不太甜, 唔錯, 十蚊5粒, 抵食!!!

原本諗住去松記食糖水,1時唔記得星期日唔開,咁就左..諗住走之際,發現左e間野..咪入去試下....今日唔係食幻彩x珠...而係食d中式野,mun食蕃薯,我食黑(米需)米,dad食雪蛤,嫲食腰果糊...>>蕃薯重薑味,我個黑米好(青見)仔味道都唔錯,雪蛤好清好潤,d糖水又夠甜......真係唔錯唔錯!下次再試

1: 香蕉船實在太令人興奮，隻艇上面條粉紅色旗實在太有誠意，六彩生果亦合晒好色之士，更難得，條蕉新鮮又冇爛，真係歡樂「食晒蕉」。塊餅好脆，好開心。基於成隻艇都係賣二十八蚊，雪糕質素如實反映定價，請自行意會。唯一想投訴，係佢竟然只有兩球雪糕，係，係兩球雪糕，無錯，真係要強調多一次，得兩球雪糕！如果有三球，可能係我一年之內，食得最開心的一隻香蕉船。2: 雪糕加上楊枝甘露，一樣係二十八蚊，上面那餅雪糕巧妙地製造出「餅」的感覺，這店的楊枝甘露水準不錯，配合雪糕，實在好難想像這個搞野產品的味道。3:最後到鎮店招牌(?)「奇妙之旅」，唔係我老作，這杯真係叫奇妙之旅，二十大元，芒果汁就要二十五大元。令我想起上次在酒店搞的「自製特飲」，估計味道都應該是珍多冰一類，看小澤飲起來沒什麼異樣，相信都好正常。

合桃糊超甜,好杰,又無合桃味,真係頂唔順,食剩半碗就走,再平都無用.