糖水佬甜品 (已結業)

今日(23-3-2010 Tue)同男友返到香港交帶晒啲o野,返佢公司附近已經係5:15pm,我口痕想食啲o野,佢提議食甜品,咁邊間呢?佢話呢間幾正,有$10.00o既大菜糕好抵食.我話佢就抵,只係大菜糕都賣$10.00,佢話唔係o架,大大杯o架.咁大杯?好,又試試先.o黎到,原來有同樣$10.00o既啫哩大菜糕,有兩種味o既啫哩,就揀呢樣啦.先問問青色o既係咩味,老闆(唔知係咪)答青檸,咁我要紫色o既提子味啫哩大菜糕,男友就要青檸味啫哩大菜糕.老闆問我o地要唔要花奶,我o地話要,加好就拎過o黎喇.睇睇,咦?!啫哩o個邊係少啲,係預留位置加花奶,真聰明.我o地食喇,啫哩味道好夠,大菜糕有蛋花,實實地,我食唔到有味,但男友話食到甜甜地.而佢o既青檸味清清地,唔酸.服務:好好,雖然只幫襯少少,但都好有禮貌.

香港好吃的甜點店,隨便在大街小巷裡處處都找得到今天介紹位處廟街的糖水佬 ,這裡甜品馳名出品真材實料,材料新鮮糖水佬在這區內算為聞名,比得上松記,義順我好鍾意呢間野架,所以成日都去食星期五晚先同女朋友打完邊爐飯後又同女朋友兩個人來到附近的糖水店,糖水佬甜品先後叫了薑汁燉奶,梳乎厘薑汁燉奶,香濃的薑味和奶味,吃下去,綿密的口感,每一口都是極高享受梳乎厘,這款法式甜品,是要熱食才能最真味,它蛋味香濃表層的焦香成份,是我的至愛,入口軟滑,食後齒頰留香飯後吃個甜點會讓人心情好,既健康又符合口味,又可滿足口腹之慾大家附近吃完飯,又何坊這裡多走一遍,盡享美食,致高享受

由於松記星期日無開，所以便去了糖水佬試下喇~叫左以下幾款糖水/甜品:楊枝金露($20): 好味，好足料，西米好煙un，絕對好味過滿記，只係顏色好黃，唔知係咪用左好熟既芒果呢，但味道又無問題既~芒果糯米糍($10): 舊糯米糍無問題架..但包住舊糯米糍張紙有陣怪味~影響左整體感覺。腰果露: 不夠滑，有一舊舊既粉糰，質疑係咪真係生磨既呢?! 冰花燉蛋: 穩陣之選，無特別~當松記無開時，食糖水佬都無妨既~

去金山食海鮮前，早到o左見天氣又熱，是旦過對面馬路飲杯野，就來左呢間打躉﹗工友要了個奇異果汁，味道偏甜太多糖水，最怕叫果汁下得太多糖，失卻了生果的鮮味，喝得奇異果也預了是酸，現在這杯反而是甜，可以改善一下﹗我就傻下傻下要左個什麼奇幻旅程，是青檸jelly底再加椰汁西米露及生果﹗好耐無食過jelly，記得細個屋企成日都整，冰冰凍凍酸酸甜甜，芒果夠甜亦香，西瓜份量亦多，呢0的咁熱既天氣整番杯真不錯﹗吃完就去吃海鮮，唔好睇少呢個奇幻旅程，食完有少少飽濟。

1-8-2009俾一碗「魚卜粥加曱甴」嚇到三魂唔見七魄 ,「暴走」到附近食碗糖水補補飛. 行緊去松記途中見到呢間「糖水佬」, 未食過又入嚟試試.叫了榴槤飄香 ($22)... 同發記的 (http://www.openrice.com/restaurant/commentdetail.htm?commentid=186226) 好唔同, 呢度的無乜落榴槤肉, 只有面頭一 pat 水汪汪的榴槤味「粥」狀物體, 仲有芒果, 碌柚及水晶珠, 似楊枝甘露多 d. 榴槤「粥」味道好淡, 碌柚好酸, 帶點苦, 咬真 d 仲帶點薑汁味 (!?!?), 難吃! 好在 d 芒果夠甜. 不過呢碗糖水係完全唔夠凍的, 加加埋埋喊面真係走唔甩.其實難食的榴槤糖水都幾難遇到, 但點解我今日咁黑仔的.

同好多人一樣, 本身諗住食松記但唔知松記星期日冇開, 又唔想失望而回就過左隔黎既糖水佬甜品一坐低見到檯面有好幾隻蟻仔感覺上唔係幾衛生作為食肆點可以容許有昆蟲係客人既檯上架我叫左個最普通既合桃糊 $16個質感好怪, 1d都唔滑, 杰得黎又粉粉地咁未食過d咁難食既合桃糊!! 食左一半都冇就擺唔落口男友叫左個雪糕芒果西米露 $26雪糕四隻味(vanilla, strawberry, cookies...)揀兩隻個雪糕都ok既但係個芒果西米露就認真麻麻芒果唔新鮮既! 黑蚊蚊!d芒果汁又怪怪地咁最基本既芒果西米露同合桃糊都咁難食, 我對呢間糖水鋪好失望!唔會有下次!

雖然食了一個沒有「殺傷力」的麻辣粉，但其味精足以令我要來點凍甜品來中和脾胃。附近的松記及佳佳已幫襯了多次，今次先經過糖水佬，就入來降溫，安頓後才發覺與深水埗同屬兄弟店。記得在深水埗店，看見食客的香蕉船像航空母艦般，今回我也要一艘，不知是否不同店舖關係，抑或隔離飯香，我的香蕉船只有兩細球雪糕，再加上其他生果，只是一隻小型帆船。老公要的蛋花大菜糕，我印象中第一次食大菜糕，只有花奶香，毫無味道，質感是較硬身啫喱似的，不過大菜糕的海藻膠質成份，應比啫喱較為健康。

琴晚一大班fd食完飯`又冇野做就去左食糖水.起初以為依間野吾會太好味..我地叫左香蕉船,雪粒豆腐花,椰汁豆腐花,火龍果汁,,啫喱大賽糕同腐竹薏米糖水個香蕉船雖然30蚊.但好好味,又足料喎,又吾會好似出面果d甘得少少野..之後個雪糕豆腐花又抵喎$22蚊仲要雪糕系可以揀兩隻味,又吾妥細舊喎.火龍果汁又吾會話好甜`又岩岩好..至於個啫喱大賽糕真系一流啦.$10蚊又特別喎..一杯杯既`一半系啫喱一半系大賽糕真系抵到爛;;以後食糖水都會去糖水佬食.;>

話說星期日松記不開門唯有揀呢間,之前行開都想試下坐低揀呢樣,無呢樣,真係無奈可能隔離店無開,生意呢間做晒最後揀左雜果大西米,食到噢晒咀蜜瓜太甜,甜得太假,攪到最後口嚨痛大西米原全唔知食緊咩其他生果普遍貨色真係好失望,下次寧願唔食,都好過亂咁揀

我剛剛出完團返0黎, 祖安就夾返時間係屯門出0黎佐敦同我一齊去<松記>食糖水, 點知多人都不得了, 我地當然唔會等啦. 記得0岩0岩經過有一間糖水店冇咁多人, 咁我地就去0個間<糖水佬>, 去到0既時候都仲有位, 抖抖先!!! 1. 紅豆沙*溝*芝麻糊 ($11) ~ 今次我食兩溝，因為價錢合理。加三粒湯丸都只係$6, 正常價。味道適中啦，我覺得都是一間合格的糖水店。 2. 薑汁蛋白燉鮮奶 ($13) ~ 整碗食落都幾"流", 至於味道同質感都係一般, 祖安就比較鐘意<義順>多d.整體評價：永遠的後備!!!

很想食香蕉船，本來想去松記，原來星期日休息，於是去了隔離的糖水佬。很久沒有食香蕉船，見到這裏有香蕉船於是立即叫了，雖然價錢頗貴，要成$30蚊！用料很多，有很多的新鮮生果和兩大件雪糕，都算幾大埋頭，而且都幾好味，有童年感覺，雖然童年的香蕉船好像不是這樣，但美味的生果大大件的雪糕真易勾起童年感覺，在這個不開心的日子，令人有一點歡愉的心境。http://icuteee.mysinablog.com/index.php?op=ViewArticle&articleId=1493796

因為隔離o既松記星期日無開..所以就黎試下糖水佬甜品啦~想講個香蕉船真係幾好食! 不過有d貴, 松記相對地比較抵食! 可能因為星期日晚7點幾, 我地三個人坐左一張四人檯, 到d野食黎左, (未到八點), 個老闆好惡咁叫我地專去一張近門口o既圓檯, 跟住就坐得好逼~不過o係想食甜品o既時候, 都係一個ok o既選擇。如果松記有開, 都係返番去食好d!!!

唉…食完佐敦咖喱屋，本來諗住殺去松記，但係一出門口，已經有間糖水佬，又未試過，價錢亦好合理，就入左去啦…1. 品腐花加綠豆沙﹕成碗野好水，綠品沙唔香，唔夠味！不過豆腐花好滑，出奇…2. 芝麻糊加湯丸﹕熱愛芝麻糊同湯丸既我，抵受唔住.... 要試一下先！中計啦…芝麻糊有少少章住把口，唔知搆左咩，湯丸........ 食過福元，都唔會有驚喜啦！失望而回

附近的競爭者，坐無虛席。相反糖水佬，空空如也。只想輕輕鬆鬆和老公嘆嘆飯後甜品，給糖水佬一個機會，事實告訴我，機會可一又可在！

係圓方睇完戲，想搵個平平地既地方食個tea根本冇可能，所以都係要出番佐敦先有選擇。好耐之前已經發現左呢個地方，但係一直都遺忘左，可能佢個位置唔算太多人會經過。兩人叫左蛋花大菜糕同紅毛丹西米露，味道都幾特別，尤其是係蛋花大菜糕，平時唔會係其他甜品店見到。我地係下午唔係食糖水高峰時間去，但係都竟然有唔少客人，佐敦真係飲食天堂!