糖樓甜品 (已結業)

係屯門碼頭附近約左朋友食甜品，見到呢間甜品店門面幾靚，場內都7成滿座，就決定試下。甜品種類幾多，中西式應有盡有，仲有呢期好hit既芋圓地瓜圓。雖然有好多樣野想試，但最尾都叫左刨冰。之前係旺角食刨冰都係$70-80一個，呢度$40就有，覺得好抵。嗌左宇治金時，係綠茶刨冰加左紅豆同麻糬，上面仲有一球雪糕。刨冰份量相當大，實物好似仲大過幅相。食落好香綠茶味，甜之中會有翻綠茶既甘味，會覺得係真才實料。麻糬好煙韌，甜度岩岩好。雪糕係雲尼拿味，溶既速度好快，要食快啲先食到。

位於屯門這間隱世甜品店, 以前店舖比較殘舊, 現在新裝修了格局比得上某著名甜品店. 裝修後首次光顧.  點了些之前未吃過的甜品. 抺茶心太軟 -- 心太軟配MANGO味雪糕. 一冷一熱配搭完美. 心太軟抺茶味非常濃郁. 抺茶醬一介開表層即流. 吃得津津有味. 抺茶FANS一定要試. 雖然餐牌上寫要等15分鐘, 但很快便上菜了. 五寶愛玉冰 --- 有芋圓, 涼粉, 珍珠, 味道適中, 不算太甜, 而且每款食物數量分佈平均. 甜品以煙韌為主. 扇貝蝦枝 --- 是一條炸雲吞, 很香脆, 而且新鮮炸, 熱辣辣. 好味.

同友人B食完晚飯返屯門就嚟咗呢間好耐都冇嚟過既糖水鋪見到轉咗meun，啲款好似少咗咁今日突然唔想食心太軟最後叫咗個腐竹蛋糖水隻蛋一咬落去咦?點解會係流心既!!簡直係開心大發現每次食腐竹蛋糖水都唔知點面對隻蛋因為個蛋黄真係好難食但流心關係本人今次可以成功k.o.成隻蛋!呢碗糖水比平時食開既心太軟高質但唔理解腐竹蛋糖水點解會有西米露因為係熱食西米就偏軟身薏米明顯係過熟冇煙韌口感，甜度就適中，高分是比隻流心蛋的

琴日同女朋友行完街本身打算反屋企，但真係好悶熱，好想食反個糖水跟著我地就黎到呢間舖到搵野食見到呢間舖頭好似同之前唔同，裝修變靚左好多真係要俾個like燈都比之前亮D女朋友本身只係叫咗一份五寶愛玉冰，我同佢share左少少唔會太甜，芋圓同珍珠都幾彈牙女朋友食咗之後，佢話都幾好食，叫我加多一份跟著我就是但叫多個檸檬珍珠愛玉冰食完之後，都覺得唔錯，呢個口味係我鍾意嘅style幾好幾好希望呢間糖水舖可以有更多既驚喜，加油

同朋友食完飯梗要去搵間糖水店繼續吹水食埋甜品啦，睇左openrice見食評都唔錯就去左糖樓。星期六夜晚十點左右到，唔洗點排隊好快就有得坐，裝修都幾簡約乾淨，坐得幾舒服唔洗好似一般糖水鋪咁同人迫。朱古力心太軟外層少少脆咁，一切開入面D朱古力流心溶出黎好正甜度適中，之後加埋個芒果雪糕一齊食都唔會太甜好好味繽紛鮮果愛玉一般糖水鋪都用涼粉底，估唔到呢到用愛玉，感覺更加健康同無咁甜，生果都多又夠新鮮同朋友坐左都好耐，但員工無話趕住收碗催你走，下次再黎屯門食飯都會再黎

成碗水咁，完全唔係綠豆沙又無綠豆味，求其有啲甜就話係糖水，完全唔掂！！！未食過一碗咁差嘅甜品，非常失望。在此極力推介唔好食呢間所謂甜品屋，連最基本嘅綠豆沙都做唔好坐嘅空間又夾窄，行入去坐都要攝住咁入

朋友話呢間糖水鋪由細食到大，就算唔係住係附近都會特登黎食，今日同佢經過呢度就試下啦！我地嗌左一碗大團圓（三粒芝麻湯圓、芋圓、番薯圓、小丸子、黑糖薑茶），一碗香芋甘露同埋一碟芝士薯條。芝士薯條零誠意！一塊芝士放上去焗就算，直頭係難食！雖然係$25貨仔，但你咁冇誠意就唔好擺係鋪頭賣啦芝麻湯圓、芋圓、番薯圓、小丸子就正常水準，冇乜特別。黑糖薑茶就好重薑味，不錯！之後我仲買左碗圓子紅豆湯外賣比男朋友（因為本身係我自己都想食，科科）圓子紅豆湯係包括：紅豆湯、芋圓、番薯圓、珍珠，但佢落左單先話冇晒珍珠，我問佢咁你加第二啲野比我囉小丸子個啲，佢堅持話唔得，咁算囉食少樣囉！番到屋企之後發現碗野得紅豆湯，一粒芋圓都冇！！！冇珍珠都算，一粒野都唔比我，得番啲紅豆！嬲到爆炸！！！

我一向都有食開呢間D糖水，今晚再外賣楊枝甘露加芒果雪糕、圓子紅豆湯兩碗……但…………楊枝甘露得大量西米加另一種粒粒，得幾粒芒果肉及2粒柚子粒……冇芒果汁、冇花奶……完全唔似楊枝甘露，如果唔係加左芒果雪糕，呢碗野真係冇味道！！！另外一碗更差！！！好似係浸完紅豆D水煲滾左就算，超少豆，仲要走甜咁一D甜味都冇！！如果唔係買左返屋企食，係現場食的話一定發晒火！！見佢裝修得幾好，莫非減料去找装修費？ 之後去返另外一邊嗰間算了！

好奈冇去呢間糖水甜品舖食，唔知幾時已經轉左裝修同餐牌冬冰冰，最好去食冰芒果朱古力綿綿冰...佢有得俾你自己揀漿汁同包俾你揀兩種配料既。我就揀左煉奶，小丸子同百香果爆爆珠。加煉奶係絕配，好好食個百香果爆爆珠都俾我想像中好，唔係死甜個種之後仲叫左個薑母茶張相係食左陣先記得影，原本係滿既。入面既材料仲有芋圓地瓜圓同珍珠。自問唔係好食得薑，所以我都係試飲左少少同食左啲珍珠。真係幾夠薑幾辣，鍾意薑味既朋友不妨可以試一試...另外舖頭仲有中西式甜品同熱食，都幾吸引...

狗年年初一到屯門美樂花園的 ： 糖樓甜品 吃糖水、 下單六個糖水 、 其中一個楊枝甘露 、店員説没有了西米露、我問店員可否加多芒果代替西米露, 但店員說不可以的、而哪些芒果又小又酸 ！ 第二和第三個是心太軟、心太軟好淡没味道、跟心太軟的雪糕不可以有其它味道選擇的、第四個是生果涼粉可用兩個字形容 ： 極差 ！！第五黑糖薑茶只可以說 okay 啲 、第六是薯條都是好淡沒味道！最差最差的是店員的服務態度是極差極差、不知所謂的

見證呢間糖水鋪越做越差夜晚大約11點，一家四口坐低等落Order，店裡只有1個侍應坐左20分鐘佢都唔捨得過黎Take order，一直卦住Serve外賣客鬼咩，外賣客唔Serve就會走，坐低等食既人就可以慢慢等，有無搞錯終於等到落Order啦，叫左咖哩魚蛋、燒賣、楊枝甘露、朱古力綿綿冰、芒果豆花咖哩魚蛋普通貨色，不過不失，6粒就要10幾蚊，認真掠水燒賣最過份，完全唔熱，只是微暖，早知去旁邊OK買叮叮燒賣好過，至少係熱既楊枝甘露不知所謂，西米變成黑珍珠，如果佢玩創意唔該就在Menu寫低芒果豆花一般，無驚喜唯一正常的是朱古力綿綿冰，夠濃味，不過同上次食相比，縮哂水廚房兩位廚師一路煮食一路口水多過茶 (無戴口罩)外場一個侍應服務態度差，不懂變通黎食一次就激氣一次，唔會再黎自討苦吃碼頭區糖水鋪唔止你一間

呢間甜品店開左禁耐都冇入去食過，今日終於有機會試下，d人成日話好好食，真係想知點好食法。我地今次三個人，叫左「芒果豆腐花」、「士多啤梨奶昔」、「心太軟配cookie雪糕」「芒果豆腐花」，芒果好新鮮，不會太熟， 甜甜地好好味，豆腐花都好幼滑。「心太軟配cookie雪糕」，外層焗到小小脆，切開裏面朱古力流心的朱古力不會過甜，個女勁鍾意食，成碟清晒，士多啤梨都係鮮甜嘅。而「士多啤梨奶昔」，天然水果甜味，冇再 額外添加糖，女士最愛。

今日第1次食呢間，位置唔太方便，不過都好旺，要搭枱食，仲幾迫下……叫左一碗熱的薑汁圓子紅豆豆腐花，同凍的法式焦糖燉蛋，先講薑汁夠辣，暖身最啱，紅豆又大又甜同豆花一齊食，好夾好香，圓子煙韌有咬口，我頗為喜歡，有香滑豆花，辣辣薑汁，同大大粒又綿又甜紅豆，煙韌白色和黃色圓子，完全有台式/日式感覺，香港都食到好驚喜，另一邊法式焦糖燉蛋，我唔識欣賞，但朋友喜歡燉蛋所以一試，我食慣中式燉蛋，這個法式蕉糖燉蛋，覺得個面燒下d糖熔左,整塊甜甜的脆片禁，蛋幾滑食得出加左忌廉仲好似有d雲尼拿味，但不是我杯茶，餐牌真的幾多款式，仲有炸物小食，價錢大眾化$22-$40內，係屋邨中算有水準了，款式都比較特別，唔怪無裝修又坐得迫又無服務又要等，都禁多人。

今個夏天熱到死,食甜品都搵間有冰食選擇太多好難諗到,但成身汗唔食冰唔掂朱古力綿綿冰-朱古力味同餐牌寫一樣超濃味但唔會苦同太甜,芒果醬太淡食唔出香味只似糖漿,大珍珠雖然唔夠飲品舖整得咁煙靭但都有趙頭,星星冇特別只係形狀可愛芝士薯條-薯條炸得唔夠脆,但幼鹽落得夠同均冇點茄汁都好好味,芝士只係一片裝焗熱冇特別另叫左個芒果朱古力綿綿冰但忘記影相,芒果同朱古力溝埋太甜啦,但要落朱古力漿真係想甜死自己,益力珠爆爆珠味道唔錯,埋單時咁夜都仲有人等位好多人食

以前住在碼頭區的時候，常來糖樓吃甜品。它有一款刨冰真的很好吃，一直念念不忘。其後搬離碼頭區，很多時候都跟它擦身而過。然後，很多年後的今日，帶著寶貝和寶貝的爸爸，來到這裡。兩位老闆仍是不變的在厨房和櫃台間團團轉，依然很有禮貌。十年過去，店面有少許更動，眼前的menu是全新編印的。甜品種類齊全。價錢部份，仍是很平易近人，最貴的甜品，應是心太軟和熱食的燩品，也有少量小食及茶餐供應。看了看menu，想吃的刨冰竟在menu上消失。想了想，叫了以下三項食物：楊枝甘露刨冰、雪糕春卷、芝麻糊黑糯米，埋單$82。今天沒有侍應在場，所有柯打都是直接向老闆落單，做好在櫃面領取......不過我個人也同意部份晚上的侍應的確「唔多醒目」。等了十分鐘左右，可以領取食物。楊枝甘露刨冰：椰汁西米露作底，加上芒果及柚子肉，以及以芒果汁做成的刨冰，香甜透心涼。雪糕春卷：春卷皮包著朱古力脆皮及雲呢拿雪糕，外皮鬆脆，內裡的朱古力及雪糕香甜軟滑。芝麻糊黑糯米：寶貝爸爸說味道尚可，但我嫌味道略淡。結賬時我跟老闆說：「吃不到椰香雪影 (一個以椰汁作底然後在刨冰上澆上椰糖的刨冰)，十分失望，是否以後不再有﹖」老闆表示這的確是一個不再