影片
招牌菜
食完元朗間滋味雞煲蟹，佢送左張coupon 如下：見佢話送一客四見芒果糯米糍咁好，反正就係對面，見門面都裝修得唔錯（新開），即管試下，點知一問，原來只限堂食，張coupon又唔寫明。不過算啦。1.照入去食，叫多個「鮮蜜瓜雪糕西米露」$38，對比元朗其他出名同唔出名既糖水鋪都還要貴。不過算，可能好食呢。2. 仲問我舊雪糕要咩味，佢講完，我答要芝麻味，答完又話無呢隻味，心諗玩野咩，無又問我，之後再選芒果味話有。咁係等緊其間，隔離有另一枱叫糖水，人地一叫，就話只有熱無曬凍。呢刻我已心諗，佢係咪做生意架，叫咩無咩。3. 糖水終於到，點知到既係＂蜜瓜雪糕涼粉＂，之後我話我要西米露喎，佢仲想駁話唔係喎，點知佢一拎個餐牌過黎一睇，就知佢自己落錯單，話換俾我地。4. 今次西米露真係到，但個size同人地個d已無得比，近40蚊一碗野，細細碗，得4-5粒仔蜜瓜都算，「最離普係D西米露竟然一舊舊，一堆堆痴埋曬一齊」，心諗自己整都唔會整成咁，更可況你係糖水鋪呀。仲要無咩水，無椰汁。成碗野就係一pat pat既西米+幾粒蜜瓜+芒果雪糕球。5.之後無計啦，中左伏照食啦，食緊既時候，2個店員係我枱側邊度講：「2個人食真抵，叫一碗糖水2個食，仲送糯米糍添。好似隔離呢2個咪係囉。如果人地幾個人叫到成枱都係糖水再送糯米糍咪唔抵囉。」心諗：你自己新鋪想吸引人流，出coupon。我食飽左黎食仲已額外叫左野食，我唔係坐係度淨食你個免費糯米糍架！講埋d咁既說話不如唔好搞coupon! 又要搞又要小家。6.之後糖水食完，3個字：「無下次」，但糯米糍未到，個場得2枱客，無外賣單做緊，竟然同我講：「原來未黎咩？」間鋪有幾大？無客都漏單，勁！7.糯米糍終於黎到，正常細細件一口size, 一食落去，心嘆，又中招，基本上一整舊都係粉同椰絲，芒果只有好細粒，佢原價賣$22蚊，搵鬼叫，個舊粉一定超過1cm以上厚度，但要留意粒野唔係大，即係成舊都係粉。最後每人一粒後，食淨2粒以示不滿。8. 間鋪仲要貼住話＂新張期內，廣收意見，並在7月1至31日免收加一。恕我少食糖水，真係未見過糖水鋪話要收加一。仲要話廣收意見，無問過客人又無意見表。真係費時直接同佢講，睇佢都係做唔耐。9. 唯一讚既係門面裝修ok, 但入面好細，幾迫。價錢貴。
繼續閱讀
我們在對面食雞蟹煲時, 從侍應口中得知, 完飯後, 可到糖應蓮免費試食每人一粒糯米糍.我們到了後, 還點了一杯價值錢$26的芒果沙冰. 新開的應該要給有質素的食品給客人, 才能留住客人.但......第一: 芒果糯米糍 皮厚肉少.第二: 芒果沙冰 芒果跟水的比例太偷工減料, 很淡很淡的芒果味.算了. 結帳走人, 最不快明明是$26, 居然有加一, 要$29. $29 真的不值.
繼續閱讀