糖心甜品屋 (已結業)

星期日下午去旺角的糖水店點了一個石榴雪泥石榴雪泥：超正，雪泥冰夠凍，口感夠爽，夠清涼，食落不算甜呀!!原來石榴雪泥有石榴生果在內，不怪得那麼特別.還有椰果粒作伴，份量十足兩個人吃也可以.收＄２９，OK呀！店內還有很多不同的畫給人觀賞,很有心思!!難得有人支持香港藝術,我鐘意!!

星期五晚旺角的糖水店度度好多人，唯獨糖心開業左咁耐都但都成日冇乜人等位，所以諗住一試，去証明一下係咪唔好食．．．．我地二人點了一個石榴泥冰同紅豆豆腐凍先講紅豆豆腐凍（＄２０）：　紅豆好難食，好淋，食落勁似多多牌，得個甜字，致於豆腐凍，好似食緊一舊膠咁，我只係食左兩啖就放棄左石榴泥冰（＄２９）：超甜，石榴味濃但冇特別，只得幾粒椰果仔同石榴味的泥冰，冇生果，收人數＄２９，唔合理囉！我地食完後，已經講左唔會再去，同埋明白點解冇乜人囉

當日無端端落大雨, 我地無路可走唯有入去呢間糖水鋪食糠水,,點知意外地好食喎!!正正正正!!旺角太多糖水鋪可能呢間野就被埋沒左了...我地叫左 4樣野..1. 朱古力綿綿冰 好食呀!因為佢有棉花煻陪襯..成件事幾好, 但係佢綿得黎太甜了...同埋唔似得其他綿綿咁爽。但整體OK 的.....好快食晒!!2. 楊枝甘露 OK 喎!! 甜甜地..非常清涼..幾好!!3. 草莓刨冰丸子 正呀...甜甜酸酸...正正...很好涼爽!!!好鍾意呀! 正!4.綠棊雪糕涼粉 正! 涼粉我一向都鍾意食的! 有埋綠茶需糕真係肥都唔理!! 食左先!!!好好食!!

呢間糖水店外表隱蔽同門口宣傳的相都不太吸引。但見靜靜地就走入去試下。我叫左個芝麻糊因列明是生磨芝麻糊，試後覺得係無味的，只係食到甜味同全口粉，感覺不太好。因我得一個人已沒有試其他甜品。其實做甜品真的不簡單，色、香、味缺一不可！希望遲些它會有所改善吧。

今日同班friends係旺角食飽飯，又想搵d甜品食吓。途經一間應該是新開的甜品店，大家話就一試依間，門面以"綠"色為主打，名叫"糖心"。入到去坐落環境都幾舒服同清潔，我地一行5人叫左5樣甜品：(熱)南杏木瓜燉雪耳、榴槤甘露、石榴椰果冰、芒果西米露同"紅男綠女'。個"石榴椰果冰"勁好味，好清香嘅番石榴味又清甜，而且d番石榴肉重一D都唔硬，咬落去嘅口感非常"正"。 下次一定要再試e個甜品，因為我係其他d甜品店從未食過。榴槤甘露水準亦很有料到，碗榴槤甘露一放在枱，已經一陣陣榴槤遍香，食落D榴槤肉，嘩!好味...一食就知金枕頭，金柚肉同西米份量又配合得岩岩好，食完連其中一個friend 唔太好榴槤都試了一口，大讚不絕。芒果西米露同(熱)南杏木瓜燉雪耳都ok，跟住上一個叫"紅男綠女"係綠茶雪糕加紅豆涼粉，賣相同味道亦不錯。

見屋企樓下新開左間糖水店，就心思思想食下。見佢無咩人幫襯覺得佢好似好可憐咁，因為個位幾隱蔽可能無咩人知，所以就買黎食下做宵夜，食完同自己講... 絕對唔會再幫襯。我地叫左兩個糖水，一個係榴槤金露仲有一個合桃露+杏仁露兩溝。見到糖水個樣都知佢應該唔多好食，因為個樣好醜怪呀。榴槤金露有D西柚，西米，不過兩樣基本上都係無味的。個榴槤金露好杰身，食落去都係無味的，真係少少榴槤味都無。中間有件榴槤肉，呢個係叫做有味D，不過唔係當做所以普普通通，總之就唔好食啦。不過個合桃_杏仁露仲差，一食就知係用粉開的，又係超杰身，而且連D粉漿都見到。食落去只係食到甜味，除左甜味咩味都食唔到。少少合桃香杏仁香都無，食幾啖都唔想食。總之就係非常唔好食，唉，真係唔知講咩好，唯有同你講聲GOODBYE啦。

今日一月一號去試新o野先,去到旺角經過一間新開張的甜品店,名叫糖心,就走入去試下先,新開張關係所以環境唔錯,地方整潔,坐得都幾舒服---叫咗幾款甜品 : 1)杏仁糊豆腐凍 ~ 大大碗,好有杏仁味道不太甜"正"2)白苦瓜益力多沙冰 ~ 不太苦,飲落甘甘哋3)榴槤金露 ~ 榴槤味齒頰留香一定要去再試4)糖心風暴 ~ 不過不失5)西瓜西露 ~ 椰汁味濃,西米好有咬口,唔錯整體o黎講都算唔錯,下次再去叫埋其它款式試下先!!!

今日同老婆出去旺角食飯，食完飯後一定唔少得食番碗糖水，無意中行入去一間 "糖心甜品屋”我叫了一個最愛的榴槤甘露，當碗榴槤甘露一上枱，就巳經傳出勁香的榴槤味．．．．正，裡面除了有甘袖及西米外，還有一大舊的榴槤肉，好好味。愛食榴槤的朋友一定要去試下，我老婆選了由服務員推介的 ("回甘蜜")，原來這東西是由台灣白苦瓜及益力多做成的甜品，不但唔苦，味道還很好，食完後還有甘味留在口中，我老婆話白苦瓜係健康食品，所以下次會再來食過，最後我外賣了一碗榴槤甘露孝敬老豆。