影片
芋頭糯米糍$10隔少少就係明華餅家 寧願用呢$10 買多兩舊花生燒餅啊😭😭個芋頭餡超少 雖然有顆粒但真係冇咩味😐好似食咗舊糯米皮咁👉👈個糯米皮都好普通 唔算特別香但朋友嘅榴槤糯米糍$15 又不錯嘅夠濃夠綿密 餡亦多🙈連平時唔食榴槤嘅我都覺得不錯
繼續閱讀
其實依間芒果糯米糍同長洲比較之下，係貴啲同冇咁好食。但係因為方便，所以次次都忍唔住買幾舊止下口癮。芒果糯米糍有大同細size，我覺得食大嘅先夠滿足。佢個皮做得比較厚，不過我係鍾意食皮嘅，所以都唔介意。但係舊芒果就比較酸，不過間唔中都有幾舊係甜啲，要撞彩。另外榴槤糯米糍嘅榴槤就比較甜，鍾意食榴槤嘅可以試吓。總括來講如果你對芒果糯米糍係好高要求嘅，咁就唔好試啦。但係如果你同我一樣真係好鍾意食嘅話，都係一個唔錯嘅選擇。
繼續閱讀
之前想食芒果糯米糍必定要去到長洲先有，一諗起咁遠咩意慾都大減。雖然而家周圍都有本人亦試過無數咁多間，但呢間“糍到大王”真係一試難忘，外皮軟綿綿、厚度適中。每次去旺角掃街必食芒果糯米糍&榴槤糯米糍。
繼續閱讀
每次入長洲......指定動作都會去食糯米糍﹐ 但入長洲實在路途遙遠。今天與朋友相約在旺角吃飯﹐無意中經過這間買糯米磁店鋪﹐第一眼被這間店舖吸引的不是這店鋪的糯米糍........而是店鋪的名字 << 糍到大王>> ﹐覺得店鋪個名很攪笑。原本已經是很飽的﹐但見店鋪個名咁得意﹐咁就即管試一試啦。 我們買了兩個芒果糯米糍﹐一人一個。 一試之下﹐竟然有驚喜﹐外皮很薄﹑很柔軟﹐芒果很甜﹐真係覺得很好吃。 下次一定會再買來吃﹐而且﹐很想試埋其他口味的糯米糍。
繼續閱讀