精選美食茶餐廳

營業中

休息中

在土瓜灣工作的我，面對林林種種的茶記，心水的只有一兩間，今日介紹其中一間，精選！它沒有華麗堂皇的門面，但充滿人情味。每日的午餐都不同，老闆娘說最好還是她那不加味精的湯。你可能會話，車間間都咁講架啦！不過試過你就知係咪。每日的湯都不同，你有無喺茶餐廳的午市飲過豬肺湯？連個湯都咁重料，就知有幾多心機。叉燒炒意 ($39)夠獲氣，意粉不會太油。好大方地叉燒係原件上的，包保重料。放心，芽菜份量都恰到好處。唔會成碟都係葱同芽菜架！芺蓉蛋飯 ($37)個蛋做到外面脆，入面剛熟。蛋汁仲可以流出黎。加上甜豉油，畫龍點晴相信就是這個意思了。精選間唔時仲會有文昌雞呀，湯飯等，都係嗰句，撞下運氣。近期係我地幾位同事的「飯堂」，無得輸。

一間在舊區仿懷舊的快餐店,雖然住在附近,但絕少光顧.這天不想行得遠,就在此打包個炸魚薯條,波浪薯條加雪藏班塊,一百巴仙香港式.是小時候之味道.波浪薯條一向好吃過French fries,石班炸得很散.一大塊分為三小塊.而且外層不甚脆口.吃甚麼英式港式炸魚,原理都是一樣.炸魚一向不奢望肉質,連外面都炸到一劈野,就差矣.都係淨吃薯條最好,而且要打孖上.

每朝路過，望到呢度有個麵餐，竟然有印尼麵及薑葱麵叫，非常之咁好奇。今朝決定來會一會佢...一坐低即問有冇得食，點知原來早餐係唔做呢味嘅。聽完後馬上想走，但心諗都坐低咗，又未曾食過，就求其嚟個ABC試下la...又係例牌茶走。呢度嘅出品既香且冇澀味，煉奶份量又落得剛好，有水準...沙爹牛麵用嘅係福麵。諗諗都好耐冇食過福麵嘞，平時食開嘅，唔係大光麵就係一丁。呢個福麵淥得頗彈牙，不錯；沙牛相對地變成配角...蛋炒得亦頗滑；火腿冇煎過，失色了點...總括响呢區茶記來講都算係咁。死心不息，總有機會要試下印尼麵先...