粥點

營業中

休息中

點了個套餐一個粥一個炸兩一個豆漿。。。。。。。。。。。。。。。。食完個粥等半個鍾炸兩都咪黎。。。。。。。。。。。。好啦趕時間真係等吾到。。。。。。。。。。。咁吾要啦。。。。。個套餐33蚊。。。。。咁我叫左個套餐吾要個炸兩你都收我33蚊姐。。。。。佢照收返我散叫36蚊。。。。我問佢吾食個炸兩仲要收貴啲？個收銀話要收我散叫錢。。。。。。。。。。。真係無言。。。。。。。。。。都吾係錢既問題完全係比人呃既感覺

食菜乾豬骨粥，一嚿豬肉都冇，連骨都冇，剩係得菜乾同粥！你話一兩嚿我都唔寫食評，一嚿肉都冇唔好咁離譜啦！係咪叫外賣平台就搏大霧呀？！打電話去又話煲到溶晒，氹細路咩！！

2023年 11月6日 傍晚約 七點十分進店後(估計是)老闆娘稱牛腩飯不錯，便照她建議下了單。飯到後覺得有點不對，牛腩雖然是碎腩，但還可接受。主要是 牛腩 的份量是非常少啊！問過老闆娘後，她補充了一些牛腩給我。明白現時飲食業競爭很大，開支又多。但正正是這樣，食物的品質，份量，服務等應需多加注意，讓客人有再次光顧甚至介紹朋友到店的意欲。這才是持續營運生意之道。

依家去食粥，分分鐘貴過一份午餐。尋日一碗及第粥，一碟炸兩，已經要$53，仲要唔係名店，唔係旺區，如果係海皇，又或者起旺區，同樣食物，我相信要$60過外。話說尋日下午2點幾，忽然落起雨，加上個肚空空，即刻起附近搵間食店避雨兼祭五臟廟，於是揀咗呢間有啲位而且之前食過，味道可接受嘅粥店，諗住穩陣，點知就出事。上次叫嘅係艇仔粥加炸兩，正如餐牌所顯示，套餐價$31，今次選擇散叫，點知同上次嘅味道係兩回事。🤢🤢🤢先講個炸兩，好食嘅炸兩，一定要啲粉漿夠滑，油炸鬼要夠脆，再加埋甜豉油、炒芝麻、甜醬、辣醬、麻醬，咁先至為之好食，但呢碟嘢點呢，啲粉嚡口，完全唔滑，油炸鬼韌口，呢兩樣唔掂，醬料同芝麻整得幾好都無用，更何況呢間啲醬料同芝麻只係一般貨色，完全無驚喜呢！而最大問題係碗粥，肉丸太腍，唔爽唔彈牙；粉腸腍滋滋，無嚟口感，肉片有硬嘅軟骨，豬肝唔得滑，而更大問題係碗粥嘅質素，粥唔單只杰撻撻，米漿癡埋一嚿嚿，味精仲要超多，食到大半已經感覺個喉嚨好唔妥，好口渴，從來未試過咁嘅情況，起唔想浪費食物嘅情況下，夾硬食埋佢，雖然當時外面仍然落緊雨，都毫不考慮，立即畀錢走去附近7仔買支飲品嚟解渴，慶幸去到7仔可以試到支新

病病地，喉嚨痛，又食左幾日粥~想轉下口味，但係午飯時間好多地方都冇位，行咗幾個圈，經過這間，見有湯飯食～選擇唔多只有三款～最終揀了魚腩湯飯，諗住濕濕地，容易入口，誰知淡而無味個湯似滾水，只是多了怱花點，生菜綴一下🥲魚腩基本上係冇味，白烚一樣,如果唔係生病，覺得清清哋還可以接受的話，基本上這個湯飯係完全唔掂🫣仲差過我自己煮！同埋基本上見到幾台食客，最主要都係叫粥品炒麵，今次真係豬豬了🫣早知隔離排隊食碗雲吞麵好過！

觀塘市中心的粥店不算多，這條協和街有兩三間，這間「粥點」最值，落單不用十分鐘，已經有得食，或可以取外賣，服務快靚正！粥點的粥，只需廿零蚊就有一碗，還可以自行配搭：生菜絲、粟米粒、皮蛋... 有彈性我叫了一碗「碎牛全走」（HK$23.00）和一種「䶢肉糉」（HK$17.00），碎牛夠熱，粥夠「綿」，糉有好多綠荳，好「林」好有味，兩款都好抵食，又高質，服務態度又好，簡直一流啊！當然，鋪頭細細，外賣比堂食可能更好。

今日6:45去買外賣，等待其間買外條油條，收銀姐姐無比油條單我又無任何表示，後面個男人有買油條和其他野即時比佢，於是我問佢拎番張單驚佢唔記得，佢唔肯比開始鬧我，我細細聲同佢理論叫佢唔好蝦人，又話我"㒼塞"，又話買條油條印單蝕錢比我，我都係講道理姐，點知咁多喎，洗唔洗態度咁惡劣呀！

疫情期間，冇辦法都要再幫襯呢間垃圾！我食開豬紅艇仔走牛肉轉瘦肉。因為我唔食牛！但咁簡單嘅野都冇次岩，比左3次機會佢，第一次，只係走左牛肉，冇左啲瘦肉！第二次，比碗正常有牛肉嘅我係想點？第三次，都係最嬲嘅一次，得豬紅又係咩玩法？打去理論又話賠又乜又物！我買得外賣就係唔想行黎行去，叫佢送返黎又話唔得閒！你間鋪3個阿姐係度，但1個客都冇呀，坐係度吹水都唔補鑊，機會真係比左你！仲比唔比第四次錯錯錯錯嘅機會佢地好？真心求佢快啲執笠。我想食碗岩我心水嘅粥啫！

10點下班過來 ， 叫了皮蛋瘦肉粥同豬膶艇仔粥。皮蛋瘦肉粥好似白粥加皮蛋同瘦肉，粥底完全唔入味，豬膶艇仔粥一樣。另加魚容燒賣同炸兩，燒賣似食緊麵粉糰，完全冇味可言，可能因為已經10點關係，炸兩完全唔翠，似係由朝擺到晚。

今日去買外賣，一個套餐加一碗粥，一個叫豬紅艇仔粥，走牛肉走蔥，打單果陣已經打錯單變成「走豬皮」，套餐就要皮蛋瘦肉粥加炒米粉。打錯單已經即刻提返佢，要做過都算。買完返屋企食啦，點知打開兩碗粥，一碗豬紅艇仔粥走牛走蔥，都有走到，不過走埋豬紅係咩玩法？另一碗皮蛋瘦肉粥仲勁！唔知點解有啲魷魚係入面，仲走埋皮蛋！呢間粥店我買過幾次，次次都錯，都好耐冇買過，今日見唔係幾舒服就比次機會佢啦！點知唔止失望！係絕望！唔會再比機會！唯一個炒米粉係冇錯嘅。離哂譜！

今時今日喺香港 29元可以食到一碗粥再加多一碟腸粉，真係好難塭到。 只有九龍東呢類舊區先可以搵到咁平嘅食品。行前幾步路，海x粥麵一碗粥要30元，套餐更加要39元至41元呢間粥店小店任聘都係29元呢度嘅粥底比較做得绵， 而且材料絕不偷工減料，我叫咗一個碎牛粥，個碎牛差不多有三分一嘅碎牛，非常抵食！而炸兩是即叫即整的，但切得比較大舊，而且過油炸鬼唔係新鮮即炸，食落去比較難咬，呢個就唔建議叫啦，推介食蔥花腸或者普通腸粉

呢條街有好多野食，吸引我入去食，主要是比我感覺抵食。豆漿：係現成野，不過味道還好，最重要唔會太甜，牛脷酥：食粥一定要配牛脷酥，抵食夾大件！出面少少脆，入面軟綿綿，浸粥食perfect ！韮皇鮮蝦腸： 呢個就嘛嘛地，腸粉太腍，帶少少"湖"口。韮皇太少，蝦亦無咩味道，不過係夠飽肚。鮑魚魚片粥：無錢食鮑魚，唯有食假鮑。個粥夠晒綿滑，食到陣陣鮑魚汁既味道。材料都無渣流灘，魚片都幾多下又幾鮮味，不過就要小心d 碎骨。

這幾天天氣比較涼，也特別容易肚餓！如果可以吃一些暖暖的東西！是一件十分幸福的事呀！今日嚟到恊和街買東西..竟然俾我發現到一間既多選擇又平民化嘅粥店！我平時一般吃艇仔粥，喜歡足料豐富！味道多樣！在此店看到皮蛋多樣配塔！心想皮蛋和魚片粥是頗健康配搭！便試一試。皮蛋軟而有彈性，味濃...粥底不夠綿，魚片夠多，沒有鯹味！食到條條薑絲，蔥花及薑絲令平淡的粥加點鮮味！雖不是靚又香又綿的靚粥！以這個價錢的魚片粥，也沒有再要求了。炒麵過得去啦，還以為會很油膩！竟不是很油膩，味道不很喊...麵炒得軟硬度剛適中就是懷舊粥麵店的豉油皇炒麵的味道

天氣寒冷，吃一碗熱騰騰的粥暖胃，就最適合不過了。以往沒有太多選擇，一般會光顧樓下街市又或是海王。最近，同事介紹了這間粥點給我，價錢平民，而且味道比連鎖店更好！喜歡吃粥的我馬上愛上！艇仔粥粥底綿密，有些粥店的粥吃到一半會變得像稀水，但粥點的粥仍保持綿密，且十分足料，有碎牛，魷魚，豬皮等，誠意十足。碎牛粥碎牛粥是我的最愛，大大塊碎牛肉，事先入味，加上香葱，增加香味。炒麵炒麵火候十足，豉油撈得均勻，加上少量香葱芽菜，經典但好味，配粥一流。腸粉腸粉軟滑，入口即溶，加上各種醬汁，好味且份量多。menu

行過想食粥，又唔想食連鎖粥店，隨機揀咗哩間食，出乎意料之外嘅好食。本身係豬牛內臟嘅愛好者，所以叫咗兩味都係內臟，豬潤生滾粥同埋粉腸豬肚生滾粥。兩款都好滑好正，粥底好綿，同非常足料，豬潤粥都有六七舊豬潤，豬肚同粉腸都好爽口又唔會太靱，另外加咗杯豆漿，可惜有啲淡。炸兩都係好正，條油條都仲係好脆，加上混醬，仲正。途中堂食同外賣嘅客源源不絕，聽到大部分客叫外賣都會叫牛脷酥，我哋都忍唔住，但係係叫咗煎堆，剪埋分上，都係推介之一。