粥麵皇 (已結業)

聽友人說呢度的魚旦好好味, 但是日想食濃味一點的野, 就要咗牛腩河. $18, 牛腩河到嚟時, 心中不禁嘩了一聲, 不是吧! $18 咁大碗, 係中環喎.... 未食已有好印象. 先試一口湯, 當然啦, 係充滿腩汁的環境, 味道一定不俗, 有好香的牛腩味. good! 牛腩方面, 又唔算好好, 一般咁啦, 沒有痴牙, 都幾淋, 幾有牛味. 河粉係幼滑那種, 合我口味.以此價錢, 質素, 係中環來說, 我想很難搵到另一家可相比. 友人推介的魚旦, 下次會一試. 另外, 仲見到好多人食生滾粥和黑柏葉, 似乎都幾對辦咁喎!

好多時放工都喺中環食dinner先返屋企，中環食野唔一定係貴嘅，我地就成日都嚟哩度食，間餐廳有好多粥麵選擇，我每次入去諗住試新野，但最後都忍唔住叫例牌的墨魚頭米線，因為一諗起一d都唔韌而又爽口的墨魚，加上特製的辣汁豉油，就即刻好想好想食。除左辣汁豉油係重點外，米線亦好彈牙，成碗我可以一條米線都不留的！睇見咁多人都推介咁多唔同野食，下次我真係要迫自己試試喇！

今天因為已經餓到傻左既情況下到黎 粥麵皇. 小店內都有好多侍應的. 當侍應a叫我等等, 我等左幾分鐘佢仲講緊電話, 甘我叫男侍應b, 男侍應b同我做特臉不過無理我lor. 甘我唯一再等返侍應a啦. 感覺好奇怪....我叫了水餃米線- 水餃是好食的,不過湯有如白開水,而米線也好淋. 不知是我運氣唔好還是甚麼啦. 不過真係都幾難食wor碗米線.

見朋友極力推薦這間食店, 今日終於見無咩人可以走到入去食。因為天氣太熱, 所以我無叫到朋友話好食既粥。佢呢到選擇都幾多,我叫了黑拍葉米粉,佢有一碟秘制醬料(鼓油+辣油,...)。黑柏葉碌得arm arm 到, 太會過熟而縮小,整體味道都在預計之內。我覺得這一間的格局同上環的常滿很似樣, 不知是否同一家族呢?

十二月四日(星期四)同老公仔,karmen還有steve到粥麵皇吃午餐!由於有兩個人都有病在身(希望快點痊癒!),所以決定由上環市政大廈轉到粥麵皇吃!十二時許,要排隊了!前面都有十幾個人等位,不過等候時間不長,花10分鐘左右!雖然比較迫,但是看似各式各樣都有,由粥,麵,到米線都有,而且配搭多我要了雲吞水餃米粉,老公要了鵝腸雲吞米線,steve要了鵝腸牛肉米線,karmen要了魚腩肉丸粥上菜很快!我的米粉不錯,雲吞比我想像中好,雖則蝦坦白地說不夠新鮮,色澤不太光!但勝在夠大隻,有三大隻,,水餃都相當大隻,有兩隻!老公仔大讚鵝腸不錯,因為如果差的鵝腸,熟了時會變得很小!overall,都值得再吃的粥麵店!中環又另一既抵又好吃的食肆給我們選擇了!^^..因為每人大約廿幾元而已

我支持了粥麵皇好多年了．好喜歡它的冬菇同雲吞，冬菇好厚，真係有ｄ成吋厚，仲炆得好入味添，雲吞好大粒，我吳認同蘇絲黃的說法，雲吞係細粒至好食，其實大粒先好食，嘩多多的蝦，非常彈牙，想起都美味！我點了碗冬菇雲吞米線！雖然近年它換了細ｄ碗，不過無影響它的質素！

收到朋友的來電, 說三點船入長洲, 一放工係中環食碗麵等.本來打算去下一條街那一檔, 但已早轉彎, 不找算回頭, 就這一家解決.雲吞麵共四粒雲吞, 平常的頂多是兩隻蝦, 細心慢慢咬下, 一隻, 兩隻 (我沒有把蝦咬斷), 仲有一隻. 四粒雲吞, 共有12隻蝦, 真是很多, 味道亦很鮮.三兩口食完, $17, 抵食, 行過 Seven 買野飲, 行去銀行"禁"錢, 再行去碼頭等. 朋友們咬著Mc, 我肚內的麵, 勝包十籌

因為要睇戲,諗起久遺了的鵝腸,去了粥麵皇,去到己差不多関門...-冬姑鵝腸米(鵝腸肥美有油,冬姑大而好味)-豬腰墨魚頭米線(豬腰很爽無"壓"味,墨魚頭爽)-白汋黑柏葉(爽)之前多在中午來,嗰位哥仔真的幾寸,但可能正如大家講"唔優做",d食物真的幾好!!

久不久也會到這裡吃碗麵或米粉，卻沒有留意過食店的名字。最近會寫寫食評，到三聯買書時便順道去看清楚。麵店不大，午飯時候總是滿座，門外更有小隊等位和外賣。喜歡吃這裏的水餃和肉丸，水餃爽口，餡料豐富；肉丸是手打的，不是吃一團粉漿，而且份量亦不少。另外，生的水餃、肉丸、雲吞等等亦可以落單外賣，秋冬時節，最適合打邊爐用，可以一試。

不算餓但點左碗水餃麵,但似乎一向愛吃水餃的我,今次唔覺得呢到出品的水餃可口?!?! 豆漿ok!service ok!所以下次試第二樣吧!

以前生滾豬潤粥好甜,依家食唔番;員工亦換晒人,以前舖面的幾位太太唔見左.

以前舖頭有幾位太太級的員工,豬潤粥是生滾的,好甜.依家成個班底換晒,唔識煮生滾粥,食物質素變得普通左.

早幾日黎e度買外賣，叫個雞粥(聽講個雞粥都ok) ，點知原來會有多兩舊大大的冬菇，勁正。冬菇咬落口感好好，唔會太"林"，只係d雞肉就一係就雞胸，一係就雞翼尖連毛，一係就一大遍雞皮連小小肉，但係個粥底就好正，綿綿的，值得一試。如果比我再次選擇，我應該會試其他粥而唔會再叫雞粥，只因為我個人唔多鍾意食雞胸及雞翼尖。但各位不妨試e度個粥底，唔差ga後記：如果各位只係想搵好野食就不妨黎e度，但係想d服務員唔好黑口黑面，呼呼喝喝就免問，因為果度d人(收錢好或者落單果個好)都真係幾惡...

憑良心d食物係ok，鵝腸更係我最鍾意，但係"得"係門口好似侍仔果位無禮貌既黑面神就真係勁唔掂。我黎食野，黎消費，你唔一定要比個非常好既服務態度比我，但最小你都要有做侍仔既態度，叫d客"唔該借借"叫到成"叔開d啦"叫得咁衰就咪講啦。呢間鋪最無禮貌就係呢個人，如果想d人番轉頭就要叫呢位亞生改善下啦。我有時同d 同事提意黎呢度食野，佢地都耍手擰頭話唔好，原因唔係d 野食唔得，而係亞侍仔夠串‧‧‧或者呢間野生意好唔憂做啦。

食物就ok既, 不過有個男人侍應既態度就極度差, 成個唔憂做咁既樣, 黑口黑面, 言語超串, 大佬, 我黎食野, 有比錢你地架, 好似欠左你咁, 果次真係差d想同佢開波, 最後都忍到口冇同呢d人嘈, 費事有失身份, 下次去再見到佢, 真係請都咪攪, 食得咁唔開心為咩, 大家下次有機會去, 真係要留意下呢個不知所謂既人, 真係有失香港人...... 影衰晒間鋪