粥一粥

營業中

休息中

粥一粥餐廳開到夜晚12:30啦！佐敦尖沙嘴地區終於有夜粥食啦，他家甜品好正，用心製作，好抵食，品質不輸隔離松記！價錢又低，輸在條街好靜，不過食過的人就知道了，大家快點去吃，一於搞旺他家店，大家也可以叫外賣呀！各個平台都可以叫啦！😛推薦艇仔粥，紅豆沙小丸子！夏日還推出「豬骨粥」20$，炸倆20$，木瓜燉雪耳$30， 真心推薦。他家請了正斗大師傅秘制牛腩豬手，都好值得推薦，日日新鮮做的餃子也絕對值得一試，絕對不是「…記」工廠餃子🥟可以比擬的。

佐敦綿滑靚粥店，以傳統方式烹調各款美味粥品及廣東麵食，還提供多元化小食，款款用料新鮮，更有多款中式糖水選擇，優質味美。必試這𥚃的招牌豬潤粥，粥底夠軟綿，配上肥美的豬潤，經過精心挑選，爽脆口感，還能留住豬膶本來的鮮味，吃起來鮮味爽口。牛腩麵湯底鮮甜醇厚，牛腩肥瘦適宜，炆得軟腍入味，牛味濃郁，油香滿溢，配合爽口幼麵，味道出色。炸兩味道外酥內軟，咸香可口，腸粉滑嫩，裹著油條的酥脆，淋上混合醬油，麻醬甜醬及芝麻的香味新鮮熱辣，口感豐富。煎餃子脹卜卜非常足料，金黃香脆，內餡多汁。涼拌皮蛋淋上花椒香麻，味道更有層次，酸酸辣辣好開胃。精美糖水也是這𥚃的必點之選，紅豆沙煮得綿密口感細膩，甜度適中，加上軟糯的小丸子，口感Q彈。木瓜雪耳味道清甜又滋潤，揉合木瓜的清甜味道和雪耳的膠質，令口感又綿又滑，清潤養顏。芝麻糊採用優質的黑芝麻，帶有濃郁的芝麻香氣，口感綿密滑順，甜味適中，真材實料。

某朝早過嚟佐敦body check，做完肚飯要搵早餐食，係mtr 附近行左個大圈，見到呢間幾光猛，就入去試下，鋪頭環境好乾淨，睇menu似粥同粉多，但lunch都有飯食，夜晚仲賣埋糖水。最後我叫左碗牛丸湯米粉$35，冇叫野飲，碗粉比得幾足料，牛丸夠大粒，味道正常唔錯，用具又乾淨，可能星期六日朝早早餐時段，堂食客唔多，我可以慢慢食，慢慢坐，阿姐又客客氣氣咁，唔會催，遲d再經過呢頭，可能再嚟幫襯試下食個粥

今日食咗甜品，楊枝甘露，好驚喜！艇仔粥，量大好味抵食！餐廳入邊乾淨，服務員好有禮貌覺得非常唔錯，又試咗他們的小食拼盤，覺得非常好👍油條也出奇的鬆脆，非常推薦！推薦大家去食！他家的芝麻糊才19元，好抵食，下次試試，煎餃子🥟，炸雲吞，他家還有粽子，端午節快到了，一定要找時間我去吃吃。還有香煎石鍋魚腩粥，才58元，但太多想試，下次叫上三五知己一起去，喜歡吃飯吃麵甜品都可以滿足！80歲老師傅做的沙爹牛肉麵味道一流，希望下次去也可以吃到！😝

路經佐敦，見門面光猛，睇落乾淨衛生。 店外廣告都有好多選擇，決定入去試一試，反正諗住食碗粥，點都唔會差得去邊。入去叫左碗艇仔粥套餐跟燒賣羅白糕，再加牒淨腸粉。艇仔粥正正路路，不過啲花生就已變乾變硬。 跟餐羅白糕+燒賣，感覺似食緊兩團面粉。牒淨腸粉就真係出事， 完全係夾條粉漿入口咁，即刻心裡面彈左3個字出黎形容（水，淋，削）。我已經算係咩都放得入口，加埋食得唔好嘥既心態，最終都係食唔落。 今次只係試左三款野食，可能有其他招牌食品，不過如果舖名主打賣粥，腸粉都做得唔合格，好難再令人有信心再試。 希望可以改進改進。

牛腩飯好好味，勝過隔壁茶餐廳太多了！還有鹹肉粽子，小朋友一口氣吃倆個🤣辣菜脯非常讚，安撫我四川麻辣胃！聽說年後推重慶酸辣粉，甜品，鮑魚粥，好期待！酸辣粉聽老闆說28元年後嚐鮮價，期待期待😚

菜甫好正👍， 加落個粥度，出奇的夾，個粥變咗有少少辣，好野味😋， 改變左我對食粥嘅概念。另外，羅白糕同燒賣都好食。皮蛋瘦肉粥多料，炒麵好大碟。凍奶茶，正常發揮。店員態度非常親切。

D套餐都幾抵食，見個下午茶都幾抵不過去到已經夜晚了所以下次會再去試佢哋個下午茶！我覺得個粥底好靚，仲試咗雲吞麵，D雲吞大大粒好抵，下次去佐敦會再食！👍👍👍

因為今日唔舒服所以去咗搵邊度有粥食咁啱見到呢間可以停到車舖面新淨光亮 相信係新開無耐店員好有人情味 知我哋擔心抄牌有幫眼望下同老公每人叫咗一個粥份量足夠多料！男士們都唔會唔夠食粥底好棉滑 唔舒服嘅我食得好開胃仲叫多咗碟牛肉腸粉好鐘意食布拉腸粉呢間都夠滑同軟熟牛肉陷都好飽滿👍🏻 之後都會繼續支持

粥店乾淨企理非常光猛醬料筷子放得企企理理呢個係傳統粥套餐（A2)豬紅粥配咸煎餅加一杯豆漿$44非常抵食。豬紅粥大大碗，豬紅有約十舊多粥煮得軟綿。咸煎餅脆脆香口。

今日又來打卡，試了牛肉腸粉，好鮮嫩，好大份，非常夠飽！牛利酥，形狀不太規則，但鮮榨的不是標準化的，自然有差異，味道好濃郁，有小時候對味道👅真心推薦！還有鮮榨無添加豆漿，推薦！

今次第一嚟食，食材新鮮，味道很好。order鯇魚粥，可選擇要熟d, 定生d.全日餐$38一個菜乾豬骨粥。白勺豬雜，熟度剛好！比起格離街老舖，CP值超高，下次一定會再返嚟！就會記得影相。

今日去食了窩蛋牛肉粥，暴雨下覺得好溫暖，實在難得！粥店好少見，好吃😋好吃還吃了鯪魚球麵，湯濃肉甜，值得下次再去吃。叫上我的朋友們！聽說會有飯吃喔！好好，開始期待了我！

乾淨料足，服務好！新開店，用心經營的良心店，應該是本區最乾淨的粥店了！店家介紹，還有雲吞面，豬手，牛筋腩面吃，明天上班去試！會叫上同事一起的。聽說遲點會上飯餐，太好啦，滿足各同事的不同需求！

第二次幫襯 。 D粥依然係咁足料 。 叫咗個生滾豬膶粥 ， 豬膶係厚切，比起外面粥店嘅厚好多。 粥底夠綿 ，唔會水寥寥。 食得出落足料，好有米氣😁。 還有值得一讚嘅係個牛肉腸，好滑，好軟 ，夠薄，有米香。 我最鍾意係佢有茶餐廳嘅凍檸茶, 凍奶茶，質素仲要唔錯，好少粥店有賣茶餐廳凍飲。 對於我依d 茶餐廳fans. 依點絕對加分.