粉果佬 (已結業)

經過巧明街見到入面燈火通明，原來開咗間新嘅小食店，約咗人個幾鐘後先食晚飯，就食啲小食先🥟家鄉粉果 $12三個平時喺茶樓都唔太鍾意食粉果，但係佢叫粉果佬循例都試吓啦。原來超好食！唔會有芫荽蔥同埋腍嘅花生，只有肉碎同沙葛粒，粉皮好軟熟🐠魚肉燒賣 $10五粒新張優惠喺門口打卡兼買滿$30送多兩粒。手工燒賣咬落唔會粉，好煙韌，加上豉油辣油好惹味🥬🐠生菜魚肉 $25鯪魚肉多到見唔到啲生菜😂 麻油味好香，忍唔住飲咗兩啖湯，生菜又吸晒啲麻油香，邪惡又好味

鋪天蓋地廣告知道觀塘有網紅銅板美食，今日經過特意慕名而來，位置不太方便，但都多客專燈去買，店㙺枱一大個鐵籠蒸熟既燒賣同粉果好吸引店面有員工即場包粉果，有獨立食品包裝間。收銀後面位置太開放，佈置一亂好易被客睇哂。$10/5粒燒賣價錢中規中矩，大粒但係咬落去完全冇魚味，可能冇落味精=。燒賣溫度夠熱，咬落去口感比較實無彈性同灰灰地，同傳統概念食開嘅燒賣味道唔同。燒賣大粒都唔會再回頭⋯太粉同無魚味，粉果下次試下。

細細個嘅時候放學就最鍾意篤串魚蛋燒賣又簡單又快捷咁樣醫肚， 😜依間魚蛋燒賣同埋粉果熱賣到街知巷聞，去試吓先🤭粉果佬顧名思義，當然就係食粉果，呢一度嘅粉果來頭絕對唔簡單，所有元素都係自家生產，所以先可以吸引到一大班嘅粉絲排長龍到繼續等。😌價錢又唔貴性價比高，當然值得一試😋招牌粉果— 🥟裏面嘅餡料，以至出面嘅外皮都係一手包辦，🥟內餡主要有沙葛粒少少花生碎同埋蝦米，🥜熱辣辣嘅時候鮮味係最突出，加埋沙葛爽口嘅感覺，更增添飽肚感，個皮煙煙韌韌薄得來又包住到裏面充足嘅餡料🥟魚肉燒賣— 🍢燒賣都係人手一粒一粒咁樣包，所以非常有手工嘅味道。咬開一半就會見到裏面全部都係魚肉膠，整體每一粒都比市面上較為大粒墜手，🍢非常足料，加埋佢哋嘅手工辣椒醬，可以見到粒粒嘅辣椒皮，就唔單純係辣椒油咁簡單，🌶️手工辣椒醬更加鮮甜香辣，就係呢一份嘅味道顯出獨特性🌶️咖喱魚蛋— 🍡魚蛋最緊要嘅元素就係彈牙，當然喺呢一度食嘅亦都係又爽又彈，咖喱香濃，但又唔搶走魚鮮味，balance得唔錯🍡粉果佬 (觀塘)觀塘巧明街99號地下3號舖

點了燒賣粉果，賣相的確很吸引買完很想立即試下燒賣好似味蒸熟…超粉超硬完全冇魚肉味道但粉果正正常常還可以！辣椒油不算太辣如果喜歡吃辣的，記得要求加辣！個生菜魚肉好似幾吸引，下次有機會都會想試吓。

諗住收工試吓，從來未食過，原店太遠，開咗觀塘近返工，都係睇到報道諗住一試。勁失望。首先排隊好耐，唔係多人，而係因為得一個做野好慢嘅阿姐做野，得佢一個，收錢，筆野，加野，仲要佢一陣又禁下電話落order, 粉果賣哂，冇貨，又未送來，聽到佢一落做一路追。我前面應該唔多過10人，排咗20分鐘。買左10粒蒸賣，10蚊5粒，一共廿蚊。唔夠熱，皮硬，勁粉，成舊都好硬，食咗7粒放棄。冇下次。

眼見有其他人介紹依間粉果佬，咁啱去觀塘，一於試吓佢係咪真係咁好味咁多人氣，巧明工廠大廈似係啱啱裝修，仲有啲執修喺餐廳門口，但係都冇阻其他人嘅排隊，只不過係6:00，出邊已經排咗10幾個人，心諗有冇咁多人想食😂。原來依間舖頭全手工整燒賣同埋粉果，見到入邊啲店員喺入邊落力咁包，只有一個店員喺門面負責裝嘢食同埋收錢，唔怪之得要等咁耐啦。希望係啱啱開舖頭，仲未熟悉啦，真係建議請多個負責收錢都好呀😵‍💫😵‍💫。燒賣4/5 $10$10有五粒燒賣，但係個個size都幾大粒，大個一般嘅魚肉燒賣好多嘅，肉質非常煙靭，估落多咗木薯粉定係糯米粉，造成呢個感覺同一般好唔同，唔係鬆散型嘅，又唔係硬骨骨。所以整體我覺得幾好😊😊。辣油同埋豉油恰到好處，唔會太乾，又唔會太油，仲有啲好香嘅辣椒味。地點:舖頭身處喺巧明工業大廈，即係安盛金融對面，人流都有嘅，相信平時打工仔落嚟督串燒賣都唔差。環境:有個大大嘅，招牌喺門口，一間小食店嘅形式，客人喺出邊係望到晒入邊嘅廚房工場，望到店員喺度整緊嘢食嘅。後邊有啲高枱可以比客人嗱嗱聲食完😉。價錢:平均兩蚊粒燒賣，但係佢都大大隻嘅，所以小編係接受到嘅👌🏼👍🏻。服務:唔計等得太耐嘅話

見報導話日賣10000粒燒賣，上網又見勁多人讚又大排長龍咁，咁啱今日去開觀塘就慕名試下，點知真係7仔果啲仲好食過偃.....燒賣好大粒，$10/5粒算係好平，入到鋪頭見唔洗排隊，但得一個職員一腳踢，收錢係佢，夾野係佢，乜都係佢，咁買完就硬係趁佢熱辣辣即刻食啦，粒燒賣徧硬，全部面粉味，豉油辣油又唔好味，亦比得少，遮唔到果陣面粉味，加埋舊野咬口似係硬泥膠咁，絕對稱得上係難食，夾硬食咗4粒，最後一粒掉左。

「粉果佬」係觀塘開店啦，因為本店係大埔太遠，一直都冇機會試，今次係觀塘開分店，一定要去朝聖下😎汕尾粉果$12@3全人手做，入邊既餡料好足料🤩有粉葛粒、豬肉、芹菜等，粒粒飽滿，好入味😚再配埋自家製辣椒油，滋味十足👍🏻👍🏻👍🏻咖哩魚蛋$10魚蛋爽口彈牙😚粒粒充滿咖哩汁又有魚香味，岩晒行街口痕想食嘢既我🤤碗仔翅$22大大碗超足料💯入面有好多肉絲、木耳絲、冬菇絲同埋粉絲，再落埋胡椒、醋同麻油，好滋味😋😋

收錢同筆野食都係同一個人>排長龍燒賣唔知係特色定未蒸熟 橡皮擦質感>有咬口魚肉味就無咩 唔知係咪可能用麵粉整 其實唔緊要 重點係個texture 太硬又太難咬到 基本上會見到燒賣中間係深灰色 我覺得係未煮熟😂😅粉果皮太厚 餡還可以 但好少豉油超市牌子 唔算好 辣椒油幾好價錢同區比較貴 $10/5粒燒賣結論 無下次 吹大左😅事關燒賣關注組都見過有人講呢間 佢本身又得一間鋪開係大埔 難得開琴黎觀塘所以點都會試 自己又唔會入大埔食燒賣咪黎觀塘分店試

大埔名物搬左黎觀塘開分店呀每日朝早都好多人排隊今日星期六終於有緣唔使排隊好可惜粉果賣晒，要45分鐘先有下次一定要試埋佢粉果魚肉碗仔翅好大碗熱辣辣魚肉即叫即整熱碗仔翅好多料木耳、粉絲、肉絲同冬菇加埋麻油同醋更加惹味魚肉彈牙，份量都唔少我鍾意佢夠濃稠，每啖都食到材料魚肉燒賣呢間燒賣都好出名唔係買現成貨，係姐姐人手包每粒size 都偏大呢間魚肉燒賣偏有咬口如果放涼左可能會太實建議都係現場食最好一定要加豉油同辣油更加好味辣油刺激感好重，唔食得辣可以要少D豉油有調味過，唔會太咸咖哩魚蛋本土小食之一掃街食一流陳皮魚蛋配上濃郁既咖哩魚味重唔會比咖哩味完全蓋過10蚊有8粒都好抵食

見有報道介紹呢一間大埔名物「一日買10,000粒燒賣」殺入觀塘，咁啱經過觀塘，即管試吓去到門口，見到有一個人龍，大約10個人，但係都要排大概20分鐘，因為入邊得一個姐姐一腳踢，落單係佢、執order係佢、收錢找錢都係佢最後買咗20粒燒賣同埋三件粉果，盛惠$52，買到之後即刻趁熱食燒賣：超級失望，燒賣好重粉，完全冇味，就算加咗豉油都幫唔到，另外燒賣好有咬口，兩者加埋一齊好似趙緊舊泥膠咁樣。買咗20粒，兩個人食咗七粒，最後將13粒掉咗😢。老實講，隔咗夜嘅7–11燒賣仲好食過佢粉果：都唔好得去邊，粉果皮超厚，又係好有咬口，餡得好少。諗返轉頭個粉果皮同啲燒賣差唔多味我超後悔浪費咗人生大約半個鐘去試呢一間嘢

粉果佬的老店原本位於大埔，估不到現在去了觀塘這個平民區開分店。粉果佬的粉果佬和燒賣都是現場即包的，不是向其他食物廠取貨的，所以味道上會與一般街上小食店賣的燒賣有少少分別。至於味道就不過不失啦，沒有驚為天人的好味道，也不是難食。講真，12元3個粉果佬，10元5粒燒賣，本身售價也是平民價位，當然質素都是平民貨色啦！始終一分錢一分貨。個人認為要刻意走去買就未必值得，但若果在附近路過感到肚餓，就可買一串來食。

超級出名嘅粉果佬，原來開多咗間分店係觀塘我收工之後順路就去試吓，發現就算搬咗嚟觀塘區，人流都依然不減，勁多人排隊食呢一間，我自己都排咗三個字先排到🥹🥹🥹到我嘅時候，佢已經賣晒好多樣嘢，佢原本仲有碗仔翅，粉果，魚肉等等小食， 但係到我嘅時候已經得返魚蛋同燒賣🥹🥹🥹睇嚟下次我要早啲去買🥹佢哋嘅燒賣係10蚊5粒，魚蛋係10蚊8粒，而且有辣有唔辣，我就叫咗辣，而且發現佢嘅辣油上嘅辣椒都幾辣下，食得幾爽而佢嘅燒賣更加係自家製燒賣，食落佢嘅口感與別不同，，如果鍾意食魚味重啲嘅燒賣，就會幾鍾意個人更加鍾意食佢嘅魚蛋，幾入味，而且有口感雖然呢一間係一間小食店，但係都有少量嘅枱可以立食，鍾意食魚蛋燒賣嘅人，不妨試一下

今日一行十二人去飲茶，剔左好多野食，但係酒樓黎左兩Round就一直無再上菜，一問先知落漏單😑眼見lunch time就黎完，等唔到酒樓唯有快手埋單再去食少少野就返公司。.行過見到粉果佬，前排成日聽到佢個名知道左係大埔名物，仲話一日賣過萬粒燒賣，甘緊係要試下，去到接近兩點都有好多人排隊，除咗粉果，燒賣，仲有魚蛋，碗仔翅，生菜魚肉。今次我就揀左魚蛋同燒賣。.燒賣 $10蚊5粒燒賣熱辣辣，大粒質感結實，唔係好我鐘意既口感，幾個同事食完一致認為唔好食，價錢算貴，個人鐘意食凱匯某間既燒賣，平又好食.咖哩魚蛋 $10蚊8粒咖哩偏辣，口感彈牙，魚蛋好食過燒賣

專登走去排隊幫襯粉果佬 ， 排咗十分鐘後 ，結果，粉果冇得買! 亦唔知幾時有 ，最後只嗌咗 燒賣同埋 碗仔翅. 燒賣唔夠熱， 只係微暖 同埋係硬嘅。碗仔翅 材料一般 ok。其實嗰個燒賣我都唔知佢有冇蒸多個5分鐘，冇理由咁鬼硬。我覺得本身燒賣質素唔錯，但係 如果真係太多人排隊，不如你哋拎去 廚房蒸咗15分鐘先拎出嚟賣畀人。 反正都要排十幾分鐘。