粉果佬 (已結業)

從未試過大埔有名的粉果佬原來它最近在觀塘一商廈地下開了近分店正式加入觀塘燒賣的競爭市場🔹️ 家鄉粉果 $12三個來到粉果佬一定要試試它的家鄉粉果，裡面包了加入粉葛、豬肉和芹菜，粉果皮跟燒賣一樣都是人手搓成的，口感頗煙韌，不會太厚🔹️ 魚肉燒賣 $10五粒這裡的魚肉燒賣用人手以大地魚、鯊魚肉和豬肉打成，口感偏扎實，配上自家製辣椒油，$10有五粒真的很便宜！🔹️ 魚肉碗仔翅 $28在生菜魚肉和魚肉碗仔翅之間猶豫了很久，最後選的魚肉碗仔翅果然沒錯！其實之前都沒聽說過這間店的魚肉和碗仔翅的食評，但魚肉很有魚味，夠足料，而碗仔翅裡面也有大量木耳絲和粉絲，也有雞蛋絲，覺得好吃！大家下次可以試試看！

Teatime @ 13 Feb 2023 (Monday)近日在燒賣關注組見到大埔名物粉果佬居然已經在觀塘插旗, 分店位置比較隱蔽, 在觀塘巧明街一座剛翻新的工廈裡的地鋪, 就是西餐Factory 99的那座工廈, 沿住中電變電站的小路直行, 入口就在AIA大樓的對面, 工廈地面的第一間店鋪就是粉果佬了。它門面的招牌是參叔手造, 但貼了一個粉果佬的標誌在窗口, 很容易辨認出來。魚肉燒賣（$10/5粒）5⭐️/5魚肉燒賣是手工炮製，所以每一粒燒賣看起來都不一樣，而且份量比坊間的燒賣來貨要大。燒賣口感紮實，有魚肉打到起膠的爽彈口感，蒸的時間剛好，完全燒賣常見沒有過淋的問題。辣油是燒賣的靈魂，好辣但好惹味，吃完整個口腔都是麻的，非常過癮。咖哩魚蛋 ($10/8粒) 4⭐️/5雖然知道粉果佬最有名的除了燒賣就是粉果, 但小編實在是太想「吉」魚蛋了, 第一次品嚐粉果佬就忍不住點了咖哩魚蛋。$10有8粒, 小編吃了1粒才記得拍照。魚蛋是一直泡在咖哩汁裡的, 並非白烚魚蛋再加上咖哩汁, 所以就算咖哩汁看起來有點稀, 但魚蛋吃起上來還有濃濃的咖哩味。港式咖哩只是微辣, 連小編這個吃辣苦手也可以接受得到。

粉果佬呢個名聽到好耐終於等到佢係觀塘開店新店係一個翻新的商廈入面，入面好多鋪頭都未開，但粉果佬已經吸引到唔少人黎幫襯。由入門口到走都有人排緊。價錢幾實惠，最貴的碗仔翅加魚肉都係28蚊。呢度只做外賣， 所以外賣兜唔使另外加錢如果想即時食都有張枱仔，不過就唔係好大張，企到3-4個人度包裝基本上都ok, 我拎到返屋企都無倒瀉無漏。呢度總共60蚊， 基本上已經有齊店內的食品呢度最出名的，當然是呢個家鄉粉果外型同平時既潮州粉果不一樣，呢個粉果造型似餃子， 優雅好多， 個收口好似裙邊咁靚本身係白色，不過加左辣椒變紅左佢既粉皮較挺身，無蒸到爛溶溶。但因為造型較細緻，餡料亦較平時既潮洲粉果少。碗仔翅非常大碗，亦好足料、超多木耳絲個湯底亦唔會好杰好漿口，而且味道都好濃郁不過個翅唔知點解會越食越辣 (可能落左胡椒粉？)  咖喱魚蛋有咖喱味，不過就唔係好辣個種我女都食到燒賣就一般，10蚊五粒唔算平反而個辣椒幾正，堅係辣~

之前去過大埔分店排一個鐘頭食燒賣🥹 今次真係fans嘅福音啊 唔使入大埔咁遠都食到高質素燒賣啦魚肉燒賣新店開張期間直至3月31號 如果買滿$30再show打卡相俾店員睇😂 仲可以額外送多兩粒燒賣添呀 即係變相$10有七粒真係好抵🤤 魚肉燒賣非常大粒 魚肉燒賣加埋豉油同辣椒油 惹味好多 辣椒油似豆瓣醬嘅口感 燒賣幾彈牙 真係好真材實料🐟 碗仔翅呢間鋪頭仲有粉果 魚蛋 碗仔翅等其他地道小食 個人幾鍾意食碗仔翅 所以嗌咗一碗同朋友share😉 入面都幾足料㗎 有冬菇絲 粉絲 木耳絲 同埋雞絲😎 店員仲會細心問你要唔要紅醋 麻油 同胡椒粉等嘅調味料 不過呢碗碗仔翅真係好熱辣辣 如果堂食嘅顧客就要小心啦 見到有唔小心嘅顧客因為碗碗仔翅太熱而不慎打瀉咗🥲 不過店員都好Helpful 仲主動遞上紙巾幫佢哋添🙊今次觀塘分店真係就腳好多 各位觀塘嘅打工仔可以lunchtime嚟篤一串燒賣🥰

除咗飲茶會叫點心之外，我自己都好鍾意周圍試吓啲小店整嘅點心，呢間喺大埔好出名嘅《粉果佬》，我一直都好想試，但係大埔實在太遠，不過依家喺觀塘都有得食勒😋╰☆魚肉翅 $28魚肉啖啖肉，唔會有腥味，碗仔翅入面配料有木耳、冬菇、粉絲，食極都唔厭😋╰☆家鄉粉果 $12每次食點心我都必叫粉果🤤，呢度嘅粉果皮比平時食果啲厚身啲，但食落煙煙韌韌幾有口感，餡料份量十足，啖啖滿足呀！╰☆魚肉燒賣 $10十蚊有5粒，燒賣大大粒，魚味香濃，點埋佢哋嘅辣醬幾惹味

行完街口行行，想搵啲嘢咬下。路過見到原來觀塘都開呢粉果佬，以前去大埔成日都會買嚟食，買咗幾隻，味道一如既往嘅好味話明係粉果佬，一定要食招牌粉果。同大埔嘅質素冇乜差異。保持到水準✨家鄉粉果好鍾意個粉果皮，黏黏糯糯嘅口感，裏面餡料夠多就算無花生都一樣好正，口感豐富✨碗仔翅勁鍾意食碗仔翅呢碗夠哂足料，唔會太浠灑少少胡椒粉同醋 , 更加惹味✨燒賣燒賣大大粒，口感好正煙煙靭靭，加埋辣油勁香， 停唔到口下次要叫多兩份先夠

聽聞粉果佬大埔好出名，主打手工燒賣，所以知道他們開咗分店喺觀塘便去嘗試一下。$10.5粒燒賣，其實價錢都算喺觀塘來講幾貴，但因為手工燒賣關係，所以都想試吓。另外再叫咗三粒粉果。首先，他們的燒賣真係幾失望，一點兒彈牙煙靭的口感都沒有，食下去，只是感覺很鬆散，好像食粉團一般，沒有什麼味道。另外，食了他們出名的粉果，外皮厚，而且偏硬，煙靭度不足，餡料很少。還有，豉油偏鹹，辣油沒有特色。所以試完一次就夠了。

睇到佢開咗分店在觀塘 九秒九跑去買 大埔店之前食過好回味 又q彈 又有魚味 粒粒都好新鮮 今次來到觀塘好近我公司 下午六點到 冇乜人排隊 好彩 買咗十蚊 D燒賣完全唔似燒賣 淋淋啤啤😓 咬入去粉頭冇味 唔知食咗乜😓完全唔同大埔店 唔知蒸咗幾耐 😓真心失望到一個點

上次食感覺一般，因為同事未食過，所以今日俾多次機會食粉果佬。本身無諗住會寫食評，所以都無影相。燒賣-跟上次一樣，比較有質感，唔係軟淋淋果種，有人鍾意，有人唔鍾意，我個人唔鍾意淋身嘅嘢，所以覺得還可以。魚蛋-上次覺得爽口彈牙有驚喜，可惜今次好淋，唔鍾意，有啲失望。粉果-上次皮較厚餡太少，今次有驚喜，外皮煙韌，餡料有沙葛肉碎，配合得好好。今次仲試咗生菜魚肉，即叫即整，味道正常發揮。總結，粉果佬粉果自己手做，厚唔厚皮，好唔好食，好睇粉果佬心情，希望可以keep到今日嘅水準💪🏻另外，得1個姐姐負責整食物同收錢，真係做到傻，搞到要等好耐，所以要有定心理準備要排隊慢慢等。

今天我來到了香港著名的粉果佬食店，這家店位於熱鬧的旺角區，是一家著名的小吃店，專門提供各式各樣的粉果和點心。當我走進店裡，立刻被店內的氛圍所吸引，店內裝飾簡單卻充滿了港式風味，讓我感受到了香港的獨特文化。我點了店內最受歡迎的菜品之一——鮮蝦粉果和燒賣。首先上桌的是鮮蝦粉果，它們看起來非常漂亮，皮薄而軟，內餡則是鮮蝦和豬肉的組合，非常鮮美可口。每一口都讓我感受到了蝦的鮮甜和肉的鮮味，讓我不禁一口接一口地吃下去。接下來上桌的是燒賣，它們外皮金黃酥脆，內餡則是豬肉和鮮蝦的組合，口感非常豐富。每一口都帶來了不同的口感和味道，讓我感受到了經典的港式點心的美味。除了這些點心外，店內還提供了其他不同的點心選擇，如鯉魚燒和蝦餃等。無論你喜歡哪種口味的點心，這家店都能滿足你的口味。總的來說，粉果佬食店是一家非常棒的餐廳，它提供了豐富的點心選擇，每一道菜品都讓人回味無窮。如果你來到香港，不妨來試試這家店，享受地道的港式點心美食。

聽咗昵間響大埔好有歴史，年頭知佢響觀塘開分店，一路都冇經過，今天去海濱公園行完，諗住經過駿運去買啲燒賣粉果，原來休星期日嘅，行到巧明街先醒起粉果佬好像開響附近，就搵下佢試試，原來座大廈好新，入口都易搵，店內企理乾淨，有個玻璃房見到姐姐搓皮包粉果，緊見冇咩人，就買咗$20/10粒燒賣，$12/3粉果，立即試下先，燒賣好實冇魚肉味（7仔好食過佢），粉果細細隻啱女人食，味道尚可，皮簿，如果唔係經過都應該唔會有下次

這裡的招牌菜是咖喱魚蛋和魚肉燒賣，讓我感到非常期待。咖喱魚蛋，外層的粉糯質感好，咖喱味道香濃且不會太辣，而魚蛋的口感則很彈牙，非常有嚼勁。接著我又點了一份魚肉燒賣，外皮金黃，魚肉的味道還蠻重，美味。整體來說都是滿意，店家也很友善，讓我感到舒適自在。如果你喜歡吃咖喱魚蛋和魚肉燒賣，那麼觀塘賣咖喱魚蛋和魚肉燒賣絕對值得一試。唯一不好的地方他只收現金，有八達通會比較方便。如果有其他更好的魚蛋燒賣，記得推薦！

觀塘開左粉果佬，早前在大埔吃過，佢地嘅燒賣彈牙煙韌，大小適中，質地煙韌，配合佢嘅豉油加辣椒油，辣而不搶喉，越食越過癮😉粉果十分之足料，皮都是煙韌的啊，配料有豬肉、沙葛、芹菜、蝦米、菜脯☺️。魚翅魚肉，魚肉爽口湯熱辣辣，外賣回公司當小食都很正。買黎做早餐又得，收左工要食左野先食晚飯又得，超方便又正☺️。🎈粉果佬觀塘巧明街99號地下3號鋪#粉果佬 #魚肉燒賣 #碗仔翅 #燒賣 #觀塘 #觀塘美食 #魚蛋 #小食

人氣燒賣粉果佬😻 原來粉果佬由大埔開到黎觀塘啦！粉果佬係港式小食店 主打手包燒賣、汕尾粉果、自家辣椒油等等 雖然佢收八點 但八點零去到都仲勁多人排緊隊！====魚肉燒賣 $10/5粒燒賣大大粒好煙韌、口感豐富 啖啖魚肉味 配上豉油同自家炒嘅辣椒油好香好惹味 一粒接着一粒停唔到口😆 ———-———-———-———-—————-🍽 食物 : 🌕🌕🌕🌕🌖✨ 環境：🌕🌕🌕🌕🔥 抵食 : 🌕🌕🌕🌗🤵🏻 服務 : 🌕🌕🌕🌕———-———-———-———-—————-

今日到觀塘店剛買回來，試吓12元3粒粉果，10元5粒燒賣，勁難食，出面普通街鋪都好食過佢。買個陣個亞姐用竹籤篤落佢条著住圍裙，然後篤起粉果比我，我想叫唔要，攞命永𣎴幫襯。