米走雞Live

營業中

休息中

自己都幾鍾意去唔同嘅地方食雞煲，之前試過大埔嘅麻甩爐，今次決定試吓觀塘呢一間，呢一間出名嘅係芝士雞煲，我之前亦都試過去太子嘅分店，今次特登走去食佢嘅麻辣雞煲。一坐低嘅時候，店員嘅招呼都非常好，送上這一個火鍋配料，我特別鍾意嘅係麻將，朋友最鍾意係辣椒同埋芫荽，呢度嘅芫荽非常多，特別適合芫荽控。打邊爐一定唔少得飲酸梅湯，呢度嘅酸梅湯大大咋，就咁望落去，應該都超過1.5公升，非常多。店員送上麻辣雞煲上嚟，一開始嘅時候都要煲一陣，煲到咁上下嘅時候，店員會走過來，倒上酒，然後拎住火槍，笑一下，成個煲側邊都係充滿着火焰，視覺享受非常好。呢度亦都有自家製大大嚿響鈴，我個人建議一定要用湯浸過先好食，就咁生食，會覺得好油膩。但坦白講我覺得係好好食。凍豆腐攞嚟去吸收雞煲嘅醬汁。我哋叫咗半份，有四夠，我哋兩個人食，份量都已經算好足夠，咬落去嘅時候，雞嘅湯汁完全滲入晒喺豆腐裏面，非常好。

天氣涼返少少就想食雞煲, 丫妹提議再去米走雞食最邪惡嘅芝士雞煲。幫襯過米走雞多年, 食物質素都keep得住, 所以令我地印象深刻。觀塘店環境舒適, 通風都做得唔錯, even全場坐滿8成食雞煲, 打邊爐, 都唔會煙霧瀰漫, 而且坐得舒服。醬油$18/位, 混醬後, click order落單, 我地再次揀食【黃金芝士雞煲(2-3人份量)】HK$208自選芝士份量為激量。雞件已預熟7成左右, 雞煲中有大量嘅芝士碎係面, 上檯後加熱至芝士溶就開蓋食得。芝士溶化跟雞件合二為一, 一夾起時雞件上嘅芝士拉起長長芝士絲, 極為邪惡。 軟棉芝士有淡淡奶香同埋芝士鹹香, 雞件很嫩而且啖啖肉, 份量仲好多, 入面仲有煮盡芝士汁好林嘅洋蔥。之後加湯打邊爐, 可自選加清湯/芝士汁,食完濃郁芝士雞煲還是想清少少打邊爐, 所以揀加清湯。【哈哈蝦中寶(半份)】HK$68只睇賣相, 每件有唔少蝦肉粒跟蝦膠組成, 很飽滿, 入面仲有原隻爽口鮮甜大蝦, 整體口感彈牙, 多粒蝦肉粒同埋些少蟹籽, 食落層次更為豐富。【Wasabi鮮墨丸(半份)】HK$53鮮墨丸雖然彈牙爆汁, 可惜入面嘅Wasabi唔係平時攻鼻果種, 而係

好耐無在週末約朋友出嚟食飯，朋友介紹呢間喺觀塘工商大廈嘅食肆，出名食雞煲，堅好食😋我哋唔係大食嘅人，所以今次同朋友嚟食可以食多幾款食物🤤😂 #sohappy◽️當然叫咗佢哋出名嘅「黃金芝士雞煲」，雖然叫咗2-3人份量，但分量都好足，芝士拉絲，味道濃郁，但唔會太鹹，亞女見到都特別開胃，件件雞都大大件，配菜仲至愛嘅洋蔥🧅、紫洋蔥，好正😍我哋之後加湯打邊爐🍲，再叫咗幾款出名食品：🔹霜降Prime牛板腱🐂🔹哈哈蝦中寶🦐 👈👈朋友話呢個必食，好好食又大大件🔹手打五寶拼盤🍡🔹M5和牛餃🥟🔹雜菇拼盤🥙……等等雖然全部都係叫半份，但都已經好足夠，剛剛好無浪費😙，下次有機會再試其他嘢😜

天氣突然間轉涼，梗係約埋朋友打邊爐♨️熱一熱佢😋如果同時間有埋雞煲食就正啦🐥觀塘名物🐥米走雞🍲一次過滿足你兩個願望👏🏻-🔥火焰麻辣雞煲(2-3人份量$198)今次揀咗小辣🌶雞煲好入味👍🏻一嚟到有專人幫你炒返熱佢♨️食完可以加湯打邊爐🍲平時最驚個湯底會好油😖但係呢個一啲都唔油仲好夠味👍🏻值得一讚👍🏻-🐂霜降Prime 牛板腱($198)打邊爐最緊要有靚牛😻呢款有店員推介嘅牛板腱油脂分佈好好😏屬於靚牛一族🤩-🐟🥟🥬其他打邊爐嘅配料都唔錯👍🏻屬於高質邊爐系列👏🏻-📍米走雞Live (觀塘)觀塘興業街4號The Wave 3樓-#hkfoodie #hkfoodblogger #米走雞 #芝士雞煲 #麻辣雞煲 #觀塘美食 #打邊爐 #widefacefoodie_food

員工態度同安排都非常差以後唔會再幫襯！1. 拎位，個女人問有冇book, 我比訂單佢睇，佢竟然一句呼喝黎，話講電話就得！ 但電話都未講完佢就打斷我指我入去，基本禮貌都冇2. Book左6點，成間餐廳明明勁空，坐得2枱，5明點解會分我坐走廊位？問佢有冇得坐另一張枱，個員工話其他位有人book左，但到我走個陣，間餐廳根本未坐足半成，5見得係有人book晒喎3. 上雞煲，waiter 冇話過得咗會過嚟幫我開蓋/幫我整之類個d， 所以見啲芝士滾起，我就自己開左蓋攪左1，2下，個男員工即刻衝過嚟態度勁5好咁話: 唔好攪呀, 如果唔係個煲會燶嫁。。。。😑 請問你衝過黎只係驚我整燶你個煲？ 宜家我係比錢黎食唔係黎乞食，我係咪要顧左你個煲個感受先？4. 埋單， waiter放左張單係枱就走左，我地放好錢係張單度，過咗陣佢返嚟，然後冇出聲伸手示意我哋拎張單比佢。。。 當時唔係迫，隔離枱唔係有人阻住你喎，翻工翻到你咁懶，不如5好做？洗5洗個客serve翻你轉頭？講翻食物，叫左 芝士雞煲半隻，但全部都係骨，雞胸都冇，仲要有四隻雞腳骨？。。。 你地到底拎d咩雞碎整埋一煲？總括而言，唔會再幫襯

又係久違咗嘅米走雞黃金芝士🧀🐓雞煲，見當時佢有優惠，一於返去再試試佢！黃金芝士雞煲🧀🐓 (大 - 原價$238）鍾意食芝士🧀嘅朋友，一定抗拒唔到，啲芝士🧀汁加埋面嗰啲芝士包住晒每一舊啖啖肉嘅雞肶肉，佢哋用無骨雞肶肉。咁個芝士汁又唔算好香芝士味，但好Creamy，個汁唔會越食越鹹，但我個人就唔太好食芝士白汁，對於我來講係有少少漏，但我哋五個人一齊食，所以都好快清晒啲雞，可以開始打邊爐，同行嘅小朋友就好鍾意食呢個芝士汁，食到舔舔脷😋😋😋。而雞肉方面煮極都係好嫩滑唔會鞋烚烚，但雞味方面就真係冇乜，亦都冇將啲雞肉走過油/炒過所以唔夠野味，我諗呢方面有改善空間。出前一丁麵午餐肉（全份）$44食芝士雞煲梗係要加個丁麵落去啦，記得加少少湯煮個麵，如果唔係會好易癡底㗎，仲要終極啲加埋午餐肉🐷先至最正！特級雪花肥牛🐮（大）$218呢個價錢嚟講份量好唔錯，夠大碟！唔會係未退冰就上枱，放耐了都冇出血水，牛肉質素不過不失，唔會話係好濃牛味，但呢個價錢來講算不錯鮮炸響鈴(全份) $52炸響鈴係佢哋自家響舖頭炸㗎，size 極大，有我隻手掌咁長，而且超級厚，脆卜卜可以吸埋啲芝士汁！不過食一舊之後就已經好鬼飽，我諗

📍米走雞Live(觀塘) #黃豆食黃店💛🌟推介指數:8.5/10分🎰-🥳鐘意呢個食評可以Follow, Like 同Share比朋友仔! Save低下次去又得🤣-秋風起 又係時候要打邊爐啦!今次介紹嘅良心店係芝士雞煲專門店 大學嗰陣超出名成日都好想去試 但嗰陣好難book位🥺佢哋嘅芝士雞煲出晒名 點可以唔試🤣芝士濃郁又夠邪惡 火鍋料都好出色架芝士控必試! 唔食芝士嘅佢哋仲有麻辣雞煲添🤤觀塘分店仲有live band show不過疫情所以停咗 不過氣氛都唔錯!-🫕黃金芝士雞煲(小)🐓$208(8/10) 🤤海量芝士超正! 欣賞佢個芝士湯底有啲紅蔥頭 味道唔會太寡 而且加湯之後都keep住好香芝士味 正🤪🤤雞件大大舊量多 仲啖啖肉又無碎骨👍🏻🥲始終係芝士雞煲量又多 仲要得2個人食 所以食到半路中途都幾滯下 建議同多啲朋友一齊去食會好啲🤣鮮炸響鈴🫔$32 (9/10)🤤完全無油溢味仲好香脆! 真係鮮炸 性價比高👍🏻🤤本身以為正常size 點知超大舊 正正咁大舊可以做到個芯索湯底而出面keep住脆🤪特級雪花肥牛(小)🐂 $188 (8.5/10)🤤肥牛油脂分佈得幾靚 而且口感嫩滑 牛味出 👍

天氣涼涼地最好當然係食啲辣辣地滾下滾下嘅火焰麻辣雞煲，食完雞煲加湯繼續火鍋~正👍😋店員相當細心先問食唔食洋蔥、中芹和芫茜，雞煲到店員會再加入玫瑰露點火炒陣陣香辣味撲鼻完全不用自己動手，這裡嘅雞煲大家唔怕冇肉食得骨因為全部用大大件嘅雞腿肉~好鬼正手打五寶丸拼盤~墨魚丸,蝦丸,鯪魚肉丸,和牛肉丸,豬肉丸~絕對不是行貨好好味必食五拼餃~水餃,和牛餃,鮮蝦雲吞,韭菜餃,菠菜豬肉餃響鈴~未食個咁大條又好味再加個紅薯粉結尾索埋啲汁~正👍😋

難得放假, 當然要約朋友去到繁忙既觀塘覓食 , 今次黎到依間米走雞陪朋友聚聚食雞煲打邊爐 一講起雞煲大家只會想胡麻、麻辣2款常常火煱店見到的湯底 , 相信大家經常聽到人地口中經常會提起芝士雞煲好吸引、好好味。但就唔知道邊間餐廳有得試 。無錯! 今日介紹依間就係依芝士雞煲聞名的中菜館火鍋店【米走雞】首先職員會有禮貌地遞上調味料醬油俾客人調配 好有服務態度👍當天點了黃金芝士雞煲、哈哈蝦中寶、霜降Prime牛板腱、鴨血由於當天只有2人, 所以點的食物只好有限。建議大家黎餐廳的時候可以多搵幾位朋友可以試更多的食物。🔸黃金芝士雞煲 $208配料:洋蔥、中芹、羌茜 芝士份量可視乎大家對芝士的喜愛程度而點 , 一般建議普通量已經足夠 ,假設你是芝士控亦可以挑戰激量芝士 。但需留意芝士加熱後融化拉絲度超高，鹹香滋味在口腔中散發，邪惡非常。所以大家可好好考慮 !雞煲部份餐廳都有特別篩選過，一直加熱也不會變老。所以味道都不會因加熱太耐而有影響。🔸哈哈蝦中寶 $68一件超巨形蝦滑，入面仲有一整新鮮的蝦包蝦膠入面，味道新鮮口感非常ＱＱ彈口。🔸鴨血 $43味道配合至火鍋湯底好夾 ，有像在吃布丁綿密紮實 口感有

我朋友喺附近返工話呢間係觀塘區必試黃店 咁我就馬上訂位🥰🥰佢個芝士雞煲非常邪惡入面有滿滿濃濃的芝士 雞我哋3個人叫咗一隻絕對足夠 非常之嫩滑 配埋啲芝士 口感一流 芝士控包你滿意👍🏻👍🏻食完雞煲之後就可以打邊爐 個店員幫我哋換打邊爐服務態度好好 😄😄牛肉好嫩滑 灼10秒就食得啦竹笙墨魚滑好有特色 個竹笙好爽口再配番入面嘅墨魚滑 咬落去好有口感😎😎必試係響鈴 佢長過我手掌 超級經典☺️☺️小貼士係要叫薯仔先可以吸晒芝士嘅味道落肚🤭🤭怕熱氣嘅人可以飲竹蔗茅根水 好過飲可樂😍😍

8分整體黎講，價錢唔平但一分錢一分貨食物幾高質，全晚冇一樣係伏環境幾好坐幾舒服值得再番黎食！家下多過四個人要分枱坐，仲要間板真心好鬼煩到底幾時先完？幾時先回復正常？！個晚成大班人叫左太多野食所以唔逐樣寫，淨係講啲印象深啲既火焰麻辣雞煲(小) $1889分會有店員係你面前表演點火炒雞個雞煲聞落好香！雞件都幾多幾大件，而且幾厚肉，冇乜骨碎！雞肉好嫩滑多汁，好正！我地叫左小辣，不過覺得唔夠辣，下次要叫勁啲！黃金芝士雞煲(小) $2087分超級多芝士，多到每件雞都俾芝士包圍！而且仲可以拉絲！應該係有好幾種芝士溝埋，但我分唔出有咩芝士雖然我係芝士狂魔但真心覺得芝士同雞煲做唔到朋友我都係鍾意麻辣雞煲多啲竹笙墨魚滑 $989.5分呢個係是日驚喜！冇諗過竹笙同墨魚滑會做到朋友！兩種唔同口感，但個感覺勁夾！竹笙吸左好多湯汁，加埋彈身又唔腥既墨魚滑呢個絕對係必食item！特級雪花肥牛(小) $1789分份量唔少！亦都唔會好薄！牛味好重肉脂分佈平均！正！手打五寶拼盤 $1088.5分有鮮墨丸、鮮蝦丸、鯪魚丸、M5 和牛丸同豬肉丸我打邊爐最鍾意食手打丸！貪佢夠彈牙！呢到啲手打丸都好高質！哈哈蝦中寶(半份) $

之前食過黃金芝士雞煲覺得唔錯，今次就繼續encore 黃金芝士雞煲(小)$208配料有洋蔥、中芹、芫茜、芝士碎🧀揀左普通，如果係芝士焢嘅朋友建議揀激量雞件份量都算多，加埋香濃嘅芝士一齊食，又滋味又香嫩食完雞肉就可以加水打邊爐🍲手打五寶拼盤$635️⃣種丸包括有豬肉丸，鮮蝦丸，鯪魚球丸，墨魚丸同埋牛肉丸，食落彈牙好味，最鍾意就係鮮蝦丸➕墨魚丸，有粒粒蝦肉同墨魚，好有咬口鮮炸響鈴$32三大條響鈴，好大條🙈放入湯幾秒鐘就🉑以食得鴨血$43唔會太腥，淥熟後就放係有辣味嘅醬汁泡浸一陣先食就更惹味😋油麥菜$28食落好爽口，帶有點兒甘味

今次走入觀塘工業區，發現一間雞煲火鍋店，提早打電話訂位，8點直接入去不用等位呀！貪在呢間有得食雞煲又有得打邊爐呀！而且獨立卡位，私隱度都幾高呀！愛玩小生點了店舖的例牌雞煲，再加BB辣(唔太食得好辣!)半隻雞都好足料，唔係食幾舊就無曬，而且每粒雞肉都大大粒。雞煲配料都幾足料，起馬有超多洋蔥(至愛呀!)。雞肉方面，好有肉地，而且係大大粒，口感滑口，似用上無激素雞肉咁滑口，而醬汁底好正，唔太咸又有少少辣，係幾惹味呀！食左差唔多半個鐘，食完個雞煲，就請店員加湯水轉打邊爐，普通湯底！打邊爐配菜：1）脆肉鯇至愛吃魚的愛玩小生，見到脆肉鯇，當然唔會錯過啦！這家脆肉鯇好夠誠意，不單止每塊大件過譚仔的脆肉鯇，而且份量十足，不過吃時要小心有骨呀！2）魚皮餃一客食魚皮餃至少有6粒，每粒大到似雲吞呀！魚肉簡直迫爆餃皮，而且每粒都好有咬口，鍾意魚皮餃的同伴話味道唔錯呀！3）竹笙打邊爐最喜歡食的就是竹笙，這家份量不單止很多，完全吃不完，而且很爽口，將微辣的湯底盡收在竹笙內，非常好味！這家餐廳上菜速度不算慢，座位而較寬，抽風都算好，吃完雞煲都不覺有很大陣味呢～

今日帶媽咪食雞煲 有朋友推介呢間嘅芝士雞煲 平時麻辣雞煲食得多 芝士雞煲都係第一次！原來同隔離西餐mini friday 係姊妹店～ 黃金芝士雞煲 （小） $208 有兩種芝士 面係拉絲嘅芝士 本身諗住撈埋 店員教路唔好 因為會拉唔到絲 真係成煲都係芝士 味道就好似芝士撈丁嘅芝士 份量多到確保每一嚿雞都可以俾芝士包圍住 🤣 有得叫普通份量定特濃芝士 揀咗普通 點知原來都好多🤣 雞煲都幾震撼 對於未食過芝士雞煲嘅我哋嚟講🤪 兩個人食到超級飽🙈哈哈蝦中寶 $68 見到呢個手打蝦寶 非常吸引 亦都係一定要叫！ 佢成個都係蝦 入面仲有幾隻真蝦 非常彈牙 仲有啲魚子 好爽口 而且超級大粒！ 手打五寶拼盤 $63 同埋都想試吓唔同手打丸 都係出面少食 有先墨丸、鮮蝦丸、鯪魚丸、M5 和牛丸、豬肉丸🍡 特別係鮮蝦丸非常彈牙！脆鯇片 $68 脆鯇片加芝士呢個新組合 估唔到又幾夾 爽脆清爽加濃郁 perfect match🤪 脆鯇片好新鮮 值得一讚😆 醬油要每人加 $18

早排有朋友食過，就推薦呢間雞煲，所以就嚟呢間雞煲試試睇吓係咪咁正！食呢間雞煲嗰日係星期日嘅下午6:00，一去到可以直接入位，場地比較大，坐得好闊落。一開始就有好多唔同嘅調味料俾你自己調味，但調完味佢就會拎走。我哋就叫咗一份小辣雞煲，細嘅哈哈蝦中寶，一份菜同埋一份響鈴。個小辣雞煲份量幾多，幾滿意！啲雞又唔會太老，但可惜嘅係唔夠‘嘢’味，味道上達唔到要求！一開始雞煲上枱，仲會有個職員喺度開火幫你炒雞煲，去到尾聲仲會落火係面🤪 有視覺效果！細嘅哈哈蝦中寶幾大嚿！食落去好滿足，有蝦滑有蝦有蟹子粒仲有啲芹菜，口感唔錯！一份響鈴有4-5嚿，每舊都好大份！ 唔係平時食開嗰啲響鈴！超大舊！ 個菜就冇咩特別。整體而言，雞煲同啲配菜嘅份量係超出預期，但個雞煲嘅味道唔太合格！有待改善！