米線陣

係青衣城嘅美食一向都唔少，加上有兩邊商場。米線陣其實在香港好多地方都有分店，今次亦都唔係我第一次去食嫁啦！今日咁岩就去到「青衣城」呢間分店，人流方面都唔算好多，人手都足夠既！今日因為有啲唔舒服所以想出去食得清淡啲，環顧商場的四周，其實「米線陣」相對上算係比較清淡、健康嘅選擇！今次食既魚蛋魚腐米線加清湯，可以話最冇得輸！當然你仲可以轉薯粉或者烏冬，其實佢都可以加錢轉其他唔同嘅湯底喔！下次應該會想試下蕃茄湯底：）…查看更多

呀媽夜收工，只能隨便食，甘岩就想食米線，青衣城得呢間有米線食,只能同呀媽一齊去食，又諗唔到食咩麵。又想食的開胃小食，就食個２人餐啦，唔洗諗麻甘就叫左個豬軟骨，同醉雞，甘醉雞醃既時間唔係好夠，花雕酒味就唔係好入味。但個２人餐都係１７０蚊，計落都幾抵食，食唔曬仲可以拎反屋企食，唔好浪費～…查看更多

有時候放假或者收工，都會去米線陣食啲嘢因為貪佢又平又好食。今次嚟到青衣城見到呢度都有米線陣，就試試佢好唔好食啦！未入去之前，喺門口攞飛，由於呢間米線陣同隔離嘅大家樂距離太近，而且冇明顯清晰嘅界線，我見到好多老人家都坐唔進入米線陣。當見到有人入錯咗去，呢度嘅員工係唔會有善咁指示佢哋去返正確嘅位置，反而係用相對惡劣嘅態度問佢哋係食大家樂定係食米線陣...入到去之後，點單嘅流程都好快，不過侍應就好似好唔妥全部顧客咁.. 因為佢落單嗰個手機應該有一定嘅落單流程，但係客人唔知，有時候講快咗或者太早講想加咩餸，侍應會好惡咁叫客人等.. 食呢餐飯真係食得好卑微呀。另外呢度嘅員工有少少奇怪，佢哋會一路做嘢，一路自己喺度唱歌…講咗咁耐呢度嘅服務態度，要講返啲嘢食，呢度嘅嘢食真係幾好味，佢嘅炆冬菇好入味，而且番茄湯都好入味。我每一次都係要番茄湯、生菜、冬菇、大腸、雲吞，或者紫菜。…查看更多

青衣城米線陣由一期搬去二期後都未有幫襯過，所以谂住晚餐時一個人去食碗粉。其實我去刭都九点，見到依然高朋满座，而且仲要拎飛等位；大约等5分鐘有位。入座後已想即点餐，但d職員都吾理你，一味叫你等。我要左一碗竹笙魚蛋烏冬。之後比左張單我，点飧時間顯示21:23。结果我等刭21:43都仲未有野食，所以我就催侍應生，回覆答案又一樣係等等。终於上枱啦! 但吾夠半小時又叫你埋左張單先，因為截数。我明白可能方便大家準時收工，但埋單又要行出收银，而且又吾近，咁一个人吾通又放低d野冇人看管下，又或者一个人带住一个小朋友叫佢自己坐低咁危險，有咩事烫親边个負責(因為同一時間埋單吾少人)。我希望管理層考慮下如果埋数截数要先结賬，或者考慮一个好d方法，而吾係加負擔係客人身上…查看更多

今日一個人嚟到青衣城， 想食清清地所以去米線陣食碗米線。叫咗碗香菜豬骨濃湯米線，再配黑醋豬軟骨、紫菜。 湯底確實係好清，食唔出係豬骨湯， 但豬軟骨好夠味又夠淋， 冇叫錯。另外叫咗碟菜心， 但應該煮得唔夠耐咬落好硬。 一路食一路俾冷氣吹到頭都痛，所以食完即走。…查看更多

年初三黎到青衣城吃米線陣，新蒸頭緊係食翻碗「紅噹噹」嘅麻辣米線。呢樹落單只要用手機掃一掃單上面的QR code就可以點餐，好不先進。我地叫左個好抵食的二人套餐。 醃青瓜配皮蛋先來一個兩小碟，有麻辣青瓜同埋開邊皮蛋，一清一濃，比到你舌尖上不同的刺激。肥牛竹笙麻辣米線麻辣米線湯底麻中帶辣，加入肥牛、竹笙等配料，味道恰度好處。醉雞翼醉雞翼只有淡淡酒香唔夠入味，如果再醃耐少少效果會更好。醋香豬軟骨呢味有水準，醋香超入味，軟骨有𡁻頭，加入芝麻更香，伴碟酸菜減低油膩，米線陣必食之選。:)白灼青菜唔油膩，加埋兩杯飲品都係二百幾，難怪咁受歡迎啦！…查看更多

平時同啲friend做完運動時都會來呢度聚吓，吹吓水。輕輕鬆鬆度過一日之始的美好時光。今天好孤單，得我1人，又想吃吓米線，就諗起佢啦，獨沽一味嘅番茄牛肉米線，餐牌係通粉，可更改其他。紅色蕃茄湯加埋白色、滑嫩的米線，都可以好開心，仲有大大舊蕃茄連埋生菜，够哂营養…查看更多

剛巧在青衣看電影時間又比較趕的時候，我們通常也會到米綫陣，因為選擇多以商場來講價錢比較實惠😉因為平日的中午人不算太多，基本上一進去已經有位坐了！本身想用QR code下單，可是𥚃面要選湯底的時候就有一些問題，我們問店員！他叫我們跟他下單就行了👌🏻我們就叫了麻辣番茄肥牛餃子皇米線+酸辣青瓜牛𦟌粒、麻辣番茄肥牛魚腐米線🍜另外有普通飲料！米線湯底不錯👍🏻很惹味！…查看更多

很少寫食評，但第一次食米線d配料得咁少，服務員還說這是正常，叫了碗麻辣蕃茄豬腸米線，豬腸得3小條，超揾笨。好難會再幫襯，除非做老襯。味道還可以，像食了一碗淨米線似的。…查看更多

昨天晚上才外遊回港，隔天早上八時已出現在北潭涌準備清理山徑；是次超級颱風山竹的破壞力驚人，沿途除了很多塌樹外，岸邊還堆積著海量的垃圾，往日供人休息的士多亦只剩一片頹垣敗瓦，一邊收拾一邊慨嘆我們平日實在製造了太多不必要的浪費。又行山又執垃圾，烈日當空下勞動了一整天，拖著餘下丁點的體力來食米線！ 餐廳由一期搬到二期樓下，和同集團的其餘兩家餐廳一同採用開放式餐區，感覺更舒適寬敞，而繁忙時間大多要等位。滑牛蘿蔔米線(蕃茄湯) $42滑牛沒有經過太多鬆肉粉的洗禮，份量多，蘿蔔清甜但未夠入味，質感還是有點實。 炸雲吞 $28一客六粒新鮮炸起，蝦肉爽彈大隻。 檸蜜豬扒 $21肚子餓再多點一份小食，豬扒帶肥軟稔，炸法有點像鹽穌雞，檸蜜味淡但整體香口惹味。 初嚐米線陣之時覺得價錢貴味道又平平，但吃著吃著覺得還可以，和家人不知吃什麼時也會來一碗簡餐。現在還推出會員制，又現金券又儲分，打了個九折好划算。…查看更多

與友人相約青衣，去了青衣城的米線陣。選了二人餐，有兩碗米線選兩餸 ，兩個小食，一個菜，兩杯飲品。米線：麻辣蕃茄湯底配魚腐腩肉，北海道牛乳湯底配雞脾肉墨丸。小食：大汗豬扒和口水雞菜：清湯蘿蔔冬菇飲品：青瓜豆漿麻辣蕃茄湯是我的最愛！米線陣獨特的麻辣湯底 ，配上清甜的蕃茄，非常美味！友人的牛乳湯底奶味充足 ，但略嫌不夠鹹香。豬扒和口水雞屬於正常水平。結帳時用米線陣會員卡每滿$50減$5，希望米線陣再開更多分店！…查看更多

平日放假食tea，如果係米線愛好者，米線陣就係最好嘅選擇，可以用平、靚、正黎形容！因為佢嘅食物種類多，湯底嘅選擇都唔少，而我就最喜歡叫要加$2嘅麻辣番茄湯底😍😍今次叫咗豬扒麻辣蕃茄湯米線，辣度叫咗小辣，麻辣夠麻，但唔會蓋過番茄味，湯夠濃郁，豬扒醃得夠入味，唔會太淡，上面仲加咗芝麻🐷😼，而且米線嘅口感亦係我選擇米線陣嘅原因之一，唔會太腍，亦唔會太硬，仲有少少彈牙嘅口感😋😋👍🏻而配料係一般食米線餐廳都會有嘅芽菜腐皮芫荽！記得叫埋杯薏米青檸水🍹👍🏻👍🏻👍🏻…查看更多

下午，朋友想吃健康一點，於是決定到訪米線陣。本來不抱太大期望，但一嘗他們的蕃茄湯後，便愛上了。湯底味道濃郁，還有粒粒蕃茄，甜甜的蕃茄，是我愛上的原因。配料就一般，沒什麼特別。飲品，選了特飲，加五元，青檸薏米水。清淡中帶點酸，還不錯吧！…查看更多

門口拎完飛見到拎左飛嘅人企哂係入面等 咁咪同太太行入去等埋一份囉 岀面個display有人入完去又無更新 點知等等下有個拎我之後嘅no.嘅人走過黎 店員又唔問即刻放佢入去 我已經即刻岀聲問我個no.前過佢個喎 但店員先話係係岀面排隊睇display(p.s:我同太太企左10分鐘左右 我隔一陣就岀返岀去睇display 叫到幾號 但display一直都無郁 但就咁放人入去 所以先會跟其他人入去排, 如果係要係岀面排嘅 點解我企左係度咁耐又唔講唔剩)以後唔會黎！！！…查看更多

好幾次叫雞翼都係裡面唔熟，血淋淋咁點食呀，你估呢舊係和牛咩😡個廚房可唔可以試左先攞出黎賣呀，因為實在遇個好多次先忍唔住要出post返映下............…查看更多