米線陣 (已結業)

作為米線愛好者就是會不停去不同地方吃米線，住青衣的我平常都會走到荃灣找米線。但這天實在是太熱了，我躲在青衣城又不肯亂動，於是就找來「米線陣」去滿足自己一周一米線的要求。這不是我第一次吃米線陣，平常都有點酸辣跟麻辣，但我個人還是喜歡平常小店的湯底。所以，這次自己想來個特別，到米線店點了「蕃茄雞肉蟹棒烏冬」。風格有點日式，但味道不會比主打烏冬的餐廳差。蕃茄湯底味濃，雞肉鮮嫰可口，蟹棒不會煮散，烏冬採用稻庭烏冬，最重點還是它們加入的油炸鬼，跟蕃茄湯滲在一起是非常的享受，我非常欣賞這食法。意想之外的食物，在沒有選擇的青衣城內，米線陣是不俗的！

今日在青衣海旁跑完步，見又唔太肚餓，就去左食米線陣。這間米線店也幾出名，不太肚餓的，就選擇了炸餃子和青瓜豆漿。金黃色的餃子外脆內嫩，內裡有鮮蝦作主配料，口感彈牙鮮甜。青瓜豆漿十分新鮮，利用新鮮青瓜鮮榨而成，清涼開胃。個人認為值得推介。

去完機場送嫲嫲機，就同老公出返黎食飯，近近地不如去青衣城啦，最近都大魚大肉，想清清地食米線算啦~我地七點幾黎到都要等8張枱，但係2人枱好快就有啦∼叫左個辛滋味二人餐，$148唔使加一~呢度好奇怪，水要自己"針"架，有個類似自助站咁，自己服務自己啦∼白裡紅蒜泥白肉: 當然無相影得咁多啦，只有5片，我略厭太大片啦，一次過唔可以放晒落口，比較麻煩。雖然眼見好多紅色既辣椒油，但係唔辣，只有少少麻辣味。川辣口水雞: 麻辣味唔夠，同白肉一樣只有少量既麻辣味，唔嗆喉，失色左少少。雞肉骨多過肉，整體都唔合格。手拍青瓜木耳: 青瓜同木耳份量平均，都幾大碟，我中意食涼伴菜，少少麻油，凍凍地幾滋味，木耳切得太細，要夾好多次先夾晒，但青瓜同木耳都好爽脆，攞返d印象分啦！米線我地一個揀腩肉魚腐，一個揀肥牛魚腐，腩肉同肥牛無問題，正常野，問題係魚腐，呢個根本唔係魚腐，係魚旦，彈牙架喎，一d"腐"既感覺都無，係咪廚師出錯呀？餐飲值得一讚，唔使加錢有特飲，忌廉菠蘿梳打無得輸，最緊要菠蘿靚，菠蘿甜甜的，飲完仲可以"er"氣，爽喎！紅豆冰椰奶味香，紅豆又夠林，上品~食飽決定睇多套戲先走，愉快的一晚啊~！

腩肉日式魚蛋米線中辣套餐 $45講真青衣城返工都吾知可以食咩好，今次再食多次米線陣。味道保持都係吾得，湯底好淡，米線又淋身都爆，腩肉3細片加日式魚蛋比較少又冇味添…幸好配菜好彩都份量吾少再加杯飲品，感覺上冇咁又貴吾好食。寧願行遠點食返譚仔好過。待應講真麻麻，要叫幾次先有人應

今日黎開青衣，到左晚飯時間，因為唔係太肚餓，食米線又唔洗等太耐位，就一於試下呢間「米線陣」啦。麻辣雲吞: 辣度適中，食起黎都好彈牙，皮都算薄，可惜份量比較少，得5粒，兩個人分好似唔多夠咁。特盛米線:呢個米線就好似某著名雲南米線店既過橋米線，咩配料都有D咁，但係係「米線陣」特別既係有好多唔同既湯底揀，唔係只係辣度，剁椒麻辣湯，醇醋酸辣湯，玩命辣湯，農場蕃茄湯，同埋濃香清湯。今日我地揀既係農場蕃茄湯，蕃茄湯底熱辣辣，清甜而且有唔少真蕃茄，誠意可加，我地仲試下用麻辣雲吞既辣汁加落D湯底到食，真係好好味呀。

今朝一早突然好想食米線，起身就約左個fd去青衣食lunch原本諗住行去長發食譚X，不過落超大雨，完全唔想出戶外地方焗住係青衣城搵食，不過竟然誤打誤撞俾我搵到間米線陣食米線既去到其實已經2點幾食茶餐，不過門口都仲係好多人等位，我諗應該幾好食既雖然人多，但等左5分鐘就有位啦兩個人要搭枱，不過都坐得舒服，冇其他米線鋪咁迫一坐低兩個人好似好耐冇食野咁叫左好多野食，我朋友叫左個"麻辣番茄肥牛魚腐米線"好少有辣番茄湯，好得意，雖然我唔食辣，但上枱聞到勁香麻辣味搞到我忍唔住試左一啖入口既有麻香，又有番茄湯既酸甜味，兩種口味唔會太搶，平衡得啱啱好，正，推介俾食辣既朋友我太太太肚餓啦實在，叫左個3餸米線，有黑醋豬軟骨、滑牛肉片同鮮蝦雲吞黑醋豬軟骨坊間少見，原來好正，炆得夠腍，帶有酸酸地既黑醋味，同豬軟骨又幾夾喎鮮蝦雲吞都好味，唔似係行貨，食到有蝦架，而且有3粒，份量十足滑牛肉片就似打邊爐食到既牛肉，都有牛味湯底我揀左"農場番茄湯"，酸酸甜甜，仲有芫茜既香味，我個人好鍾意呢個米線實在太滿足，下次食米線又多一個選擇，唔使食黎食去都係果幾間小食方面叫左個店員推薦既"大汗豬扒"&"麻辣魚蛋串"大汗豬扒店員真係冇

今天和好友去過迪士尼樂園玩樂後，晚餐來到青衣城用膳。大家都想為荷包着想，見到有間食米線的餐廳，步伐很快地走向這間米線陣。 餐牌有套餐或散叫，朋友和我都揀了米線自由配。可能是晚餐時間，侍應們都很忙碌，要等一會兒才可以有人為我們下單。廚房亦應該手忙腳亂中，下單後要等大約15分鐘才有食物送到。如果肚子不太餓便可以選擇食這間米線陣，不然門外等入座要等一輪，入座後又要等一輪才有東西入肚。 米線我選了農場蕃茄湯配黑醋豬軟骨。黑醋豬軟骨酸酸甜甜很開胃，有豬腳薑的味道，豬軟骨亦煮得很淋身很易咬開。可惜蕃茄湯底被黑醋味蓋過了，不太嘗到蕃茄的味道，可能點濃香清湯效果應該更好！不過這碗充滿黑醋的湯底配上軟硬適中的米線很惹味！ 朋友則選了剁椒麻辣湯微辣配濃香芝心丸、美國肥牛。我嘗了一口米線，花椒很重很香，喜歡重口味的必須一試。芝心丸略嫌不怎濃香，而肥牛可能遇熱太久，過熟了。不過因為湯底香料味重，令整碗米線生色不少。米線陣等候上餐時間可以縮短些就會更好了。

開左咁多年都係頭一次來～因為本身唔太鍾意食米線～但見有麻辣湯底同辣既小食～都想試下 開飯 見人介紹2人餐，一見真係抵食d！蒜泥白肉好好味～連我怕肥都食到～ 我碗微辣湯底都夠辣好彩叫左微辣姐。 雲吞 皮薄 同豬大腸 老水汁 整得好食 最重要個特飲同0樂都唔駛加錢， 令我今次初次試食好滿足好滿意

呢日約咗朋友在青衣城睇楊千樺套戲(哪一天我們會飛)，睇戲前就隨便搵咗呢間野去食。見價錢OK睇落又吸引就揀咗二人餐 ($148)朋友嘅係餃子雲耳米線，試咗少少件佢嘅餃子都OK，但又未算好高質。我揀嘅係肥牛腩肉米線 (蕃茄湯底)好多蕃茄, 酸酸甜甜湯底, 肥牛及腩肉都好味，肉質爽口。另外仲跟三個餸，個口水雞都唔錯, 料醃得好入味食落都夠滑。食完去埋厠所剛好入得睇戲

星期六，吃過早餐後，一早忙著工作到下午4時才有空吃飯，結果選擇了這間新試吃的店，第一次試食這個品牌。不過由等位到有位，感覺服務很差。侍應們好像都很燥，其實個場都算大，但未坐滿，出品時間稍長，等位中亦有客投訴等太久，而店方回應亦不算客氣，很失望。嫩滑牛肉魚蛋米線 (酸辣湯)我要了小辣，先講講個湯，有酸味同小小辣味，但酸味太重，辣味基本上唔覺，發揮唔到酸辣的完美配合，其次係個湯唔夠鮮甜，亦覺得味道層次相對單調。其實陣酸味已經蓋過其他味道。米線軟硬適中，而牛肉同魚蛋沒有驚喜，牛肉其實唔算嫩滑。整體很失望，雖有唔錯裝璜，食物同服務都有待改善，加上出品時間長及侍應們都苦口苦臉，的確影響到食客的心情。如果下次經過，見到侍應們都較輕鬆才考慮試多一次，不然不會再試這間了。

這米線店在商場內還是挺旺場的，明明米線店有很多，可能附近都沒有的原故吧，二人卡座還是幾寬闊的，可是飲品就差了一點，幾乎沒有味道，不用少甜都唔甜，是自動健康點嗎?點了一個豬軟骨，汁很濃有點香醋味的，可是豬軟骨沒有很淋，軟骨部分都咬不開呢。口水雞沒有很辣，還可以。到了重點的麵，點了雞肉加魚腐，要了多麻少辣風味，可是沒有嘗到麻辣的感覺，比較普通，沒有令人想再encore的感覺，但如果方便又突然想食米線還是可以一試的。待應服務不錯，選擇不了的時候，會俾d意見你。

上個月，其中一齣猛片<加州大地震> 我都想睇，恰巧！貴網寄上兩張電影贈劵給我！實在感激不已！ 為了配合大家的工作及居住地區，當晚，我跟好朋友一起到青衣城睇 <加州大地震>！ 由於，這是晚上 7:40場，片長兩小時有多！趁入場前有些時間，我們先兜個圈，找一找那些餐廳營業至10:00 後，經過青衣城 1樓 <米線陣>，順便一問！店員答：Last order 10:30pm！好吧！我們一於睇完戲來食米線吧！ <米線陣> 位於大家樂隔離，因為兩者同屬大家樂飲食集團！ 大家也意想不到，大約 10:00pm 入座，店內竟然坐滿食客！ 這裡簡約的裝潢，坐得舒服，已是不錯！事不宜遲，我們都肚餓嘞！急不及待打開餐牌點什麼米線？似乎宵夜時段，兩個女人共享一碗巨型米線已經足夠！ 特盛米線 $55落單後大約 15分鐘送上！包括：黑醋豬軟骨 2件、鹵水雞翼 2件、滑牛肉片1.5安士、彈牙魚腐 3件、木耳 1安士、金菇 1安士，配濃香清湯。看來好像包羅萬有！  蔬菜及肉類都有！ 清湯是清淡的，黑醋豬軟骨及鹵水雞翼幾入味！  魚腐比預

在青衣這麼久，從來都沒有試過此店，是大家樂集團旗下，餐弄三小碟，其實即小食前菜，青瓜，黑木耳，川辣雞，份量小小，但賣相及味道都不差，一個人伴粉麵食，又剛好。食食下，忘掉了拍照，以下是食掉一半後，真是敬請原諒，薯粉，不是太多店鋪製作及有賣，似粉絲，幾特色，黑醋豬軟骨，鹵水豬大腸，都好，但份量比較少。腩肉雲吞米線，米線可以接受，個人認為 “ Three 哥“ 好些，腩肉及雲吞亦是普通吧

今日同個friend行完街好就諗住搵間野坐底食下野，於是我地就黎到呢間米線陣。叫左個招牌既酸辣米線同埋杯冰鎮奶茶。首先講下個酸辣米線，真係好夠味，真係酸同辣，唔似出面其他既酸辣咁得個酸字完全唔辣。加埋d枝竹同芽菜真係好好食。D米線又唔會太硬或者太林，完全岩岩好，呢個真係值得大家一試! 杯冰鎮奶茶都好正，d茶唔會太澀，奶同茶既比例又岩岩好，真係正!

「米缐陣」環境裝飾以木和綠色為主，感覺幾Natural！叫咗：「大汗雞翼（3隻）$15」，味道帶有孜然的香！辣辣地！甚有新彊風味！雞翼烤得乾身，但油份偏多，食落比較油膩，口感比較寡！（相比譚仔既土匪雞翼比較好味）「米缐自由配$28」，內有米線、湯底、腐皮、韮菜、芽菜，餸要另加。我㨂咗鮮蕃茄湯底，湯底有蕃茄肉、個湯整體偏甜. 不算太濃，沒有出面一般的咁杰，感覺比較清！飲落不太有味精。米缐方面，質地比較幼身，頗有韌度，口感不錯。叫咗三款餸料，黑醋豬軟骨+芝心丸+金菇。黑醋豬軟骨+$9，豬軟骨滲透濃郁黑醋味道，炆得夠淋，口感軟腍，調味也不錯。中心軟骨食落爽脆。芝心丸+5，口感不錯，芝士味濃。「巨蜂提子特飲$18」，一貫巨蜂提子味道！底下有爆珠（乳酪味），爆珠味道麻麻，都係換上椰果比較夾！總括而言：鮮蕃茄湯底比較清，整體味道不算太濃，都可以。之後才見到有青瓜豆漿，好像不錯，下次會試下！（不用加一）