米線陣 (僑建大廈) (已結業)

米線陣 📍旺角彌敦道566號僑建大廈地舖經過見到有買一送一，糧尾想慳錢就果斷決定入去🤣 要即刻分享俾大家！麻辣鴨血滑雞鮮牛奶湯米線 $5224/9-27/9 限時優惠除返開只係$26/碗，真係超級抵！✨🫡呢一款麻辣湯底係冇得揀辣度，覺得係大概譚仔五小辣，然後花椒嘅嗰種麻辣味道超級重，唔食得辣嘅朋友仔唔好挑戰🤣🌶️Ps 可以加錢揀其他湯底的雞肉都幾多，同埋唔會好嚡，呢個價錢好滿意😂不過最後抵抗唔住誘惑都係額外嗌咗：⭐️ 大汗豬扒（辣）$24佢係充滿辣粉嘅豬扒，辣上加辣🔥⭐️凍豆漿 $9Save my life! 食辣嘢真係要飲豆漿解辣🥹如果唔係小食，可以$26搞掂一餐🤣#糧尾恩物 #米線 #米線陣 #買一送一 #fookdie試伏 #旺角美食 #旺角好去處

米線陣 地址：九龍旺角彌敦道566號僑建大廈地下電話：23701224日期：27/04/2024 07:26:10早餐堂食厚切午餐肉、煎蛋、生菜、公仔麵、牛油多士烘底奶茶總計：$28米線陣早餐好抵食、好平，厚切午餐肉好好食、煎蛋好好食，生菜好好食，公仔麵好好食、麵不會太林、麵不會太硬、麵軟硬適中、牛油多士烘底好好食、多士烘底又不需要加錢、奶茶好好飲，我第一次惠顧，估不到這間米線陣咁好食，好值得我推介這間店，未試一定要試吓

來旺角行街唔知食咩好，好耐冇食過米線陣，忽然有啲掛住呢到嘅擔擔湯米線添～大汗豬扒擔擔米線 + 鹵水蛋💰HK$49+7抵食嘅招牌米線組合，每次唔想諗食咩，都會叫呢個！大汗豬扒大件又惹味香口，擔擔湯底都好出色，有種獨特嘅花生香味，又有肉醬同埋炸菜增添口感～大汗雞翼(3隻)💰HK$23見呢到嘅大汗豬扒咁出色，今次叫埋大汗雞翼來試下先，個人覺得味道正常發揮，豬扒比雞翼更好味～螞蟻上樹💰HK$18中呢到嘅螞蟻上樹同平時嘅唔同，係粉皮而唔係粉絲，有好多青瓜絲同肉碎，味道都係正正常常，唔需要特別再試～凍奶茶💰+HK$9

MelodyX米線陣Melody粉不要錯過！除了賣相，味道也十分贊！尤其炸豆腐被櫻花蝦包滿炸開，外脆內嫰大大件，櫻花蝦咸咸地，食落好開胃米線有分辣/唔辣，如果唔食得辣既朋友可以揀蕃茄湯底，食得就揀麻辣我地揀左炸魚柳蕃茄湯底魚柳勁大塊香脆！米線超大碗，細食既女仔可以同人share另外杯凍飲味道都好有驚喜為左方面粉絲，米線陣仲出左啲周邊商品比人買，鍾意Melody真係唔好錯過吃夠$80完還送File呢

琴晚終於去食左, 好多粉紅色佈置, 見到人都開心d, 米線同蕃茄湯我都好喜歡吃, 襯托出melody的粉紅色主題, 估唔到加櫻花蝦又幾夾, 令湯的味道更香, 唯一不好, 全部都係炸的配搭, 炸豬扒, 炸雞扒和炸魚柳, 如果喜歡香口吉列的客人會較喜歡, 我自己只好揀雞扒, 自己咬左大部份脆漿, 只試少少, 不過佢醃得幾好食而且新鮮炸出來, 食落去都係熱的, 自己另外加份生菜, 感覺無敢油膩, 而飲品方面唔想飲凍野, d凍野感覺好多色素, 所以揀左有melody圖案的熱咖啡, 又比我感覺冲得比想像中好, 另外圓型的melody圖案, 我初初估係魚蛋之類, 点知係全蛋白, 依餐有驚喜, 我會比90分, 我自己都好鍾意, 希望第日會再做其他sanrio主題🥰 如果11月未做完, 可能再試埋佢的豬扒同魚柳, 喜歡melody的fans, 不妨去打下卡😍💓

🩷My Melody期間限定登陸米線陣🎀收到不少好友dm我米線陣與My Melody聯乘的消息，上星期我終於到了有My Melody佈置的分店，試了多款「粉紅櫻花蝦の味」系列菜式！(^^♪💕🔸櫻花蝦招牌蕃茄湯米線 x 脆炸雞扒 $68 🌟6/10雞扒大份又juicy，櫻花蝦香味撲鼻但不扎口，米線爽口彈牙，唯獨蕃茄湯味道偏淡🍅。*可轉魚柳、麻辣蕃茄湯🔹櫻花蝦冷麵撈撈 x 口水雞 $72 🌟5/10勁辣又重蒜味的冷麵，十分惹味，口水雞都好辣，整set適合嗜辣的朋友🌶️。🔸櫻花蝦照燒汁脆炸豆腐磚 $30 🌟7/10豆腐磚外脆內嫩，配上照燒汁和大量木魚絲，超開胃！全部食物都用印有My Melody圖案的碗碟盛載，有My Melody樣子的小圓片是蛋白，可愛到捨不得吃💓

米線陣新推出嘅4款櫻花蝦主題美食，其中以「櫻花蝦招牌番茄湯」米線為主打，櫻花蝦嘅馥郁鮮香結合米線陣每日自家熬製嘅招牌蕃茄湯底，食落真係好鮮味😋櫻花蝦冷麵撈撈辣得嚟非常惹味，用蛋白製成My Melody logo，可愛又健康。而櫻花蝦照燒汁脆炸豆腐磚更加係外脆內香滑，十分美味👍仲🈶以 My Melody獨特個性特質為靈感創作別具一格嘅飲品，包括➡ 容易被誤解的粉紅甜心(紅石榴西柚)➕唔該你吖要杯柑桔特飲 (柑桔綠茶)，飲落感覺好清新，唔會過甜。

聯乘Melody, 成間舖即刻可愛曬💗限定嘅「🦐櫻花蝦口味🌸」，望到Menu都覺得幾吸引～嗱嗱臨揾位坐低先！而在場所見亦都好多人係衝住melody而嚟～「🦐櫻花蝦招牌蕃茄米線 + 脆炸雞扒/魚柳」&「🌸櫻花蝦照燒汁脆炸豆腐磚」&「💗容易被誤解的粉紅甜心」今次限定啲食物都幾熱氣🫢招牌蕃茄米線正常水準，再加上櫻花蝦湯底絕對比平時更香濃😋而中間嘅melody原以為係魚旦，😮點知係蛋白嚟～至於雞扒/魚柳，雞扒帶有紫蘇味，同魚柳一樣都係外脆內軟👍🏻炸豆腐磚我覺得佢有驚喜，日式土佐豆腐做法，但加上櫻花蝦做皮，外殼酥脆入口即化～話咁快食曬，我都想encore叫多客😜🍹飲品方面粉紅甜心呢杯其實係「紅石榴西柚梳打」～我會話都係偏「藥水味」個類飲品，我就鍾意嘅😝Melody系列食滿額就送靚靚file 1個～而且限定嘅靚靚碗碟，亦都可以直接購買添😍

熱華田走奶濃啲因為個人關係，加奶會有想嘔的感覺，所以每次叫華田都需要走奶，可惜店舖並沒有留意需求，打開一看已看到加了奶，都試喝一口，真的喝不下，店舖當時只有我一位客人....完全不忙碌，如果非常忙碌的情況下我未必寫這個評語，整杯浪費了.....希望店舖加強廚房留意單上的額外要求呢...照片及要求如圖示

之前食開觀塘區的米線陣，可能人流比較多，食物出菜雖然慢啲，但係好明顯係即叫即炸，湯底滿濃。見到旺角新店好多空位，滿心期待，叫了大汗豬扒配擔擔湯米線，可惜湯底比較淡，豬扒只係暖又好乾柴，差距滿大，希望分店可以改善質素。