米線站 (已結業)

今日喺有啲趕時間嘅情況下黎到呢度，好快就有得入座，上菜速度都好快由於係星期日，所以無平啲嘅米線下午茶餐簡。 所以叫咗個小鍋米線+一個餸$30，另加一杯凍檸茶$8。叫咗微辣，湯底唔算太濃，辣味主要來自辣粉唔算太香整體黎講，味道OK，服務唔錯，大碗夠飽肚今次無叫小食，上一次有叫到蒜泥白肉，佢嘅蒜泥好夠泥，唔似其他店咁有一粒粒蒜粒出現。所以我相信佢嘅小菜係比米線高質一個人食，埋單$38，都算係合理價錢，可以一試～

叫個外賣又呢樣又果樣好似要我求佢送外賣甘，服務態度差到爆，啲野已經唔係好食，仲要甘嘅態度，一開始打去又唔講外賣最少低消幾多錢，我講晒食乜先問我會唔會叫多碗，我一個人點食兩碗呀？

我都無心機影相了，叫咗酸辣米線，因為星期日去，平時的小窩米線下午茶餐無得食，要散叫，ok.只好散叫。但所謂酸辣米線雖然有D酸辣味，但個湯清水一樣，韭菜老過阿媽，見到唔開胃，餃子一般，D料非常少，得小小韭菜和小小芽菜在內，無了其家米線鋪的小量炸菜，花生，腐皮，清過食清水米線。店內非常逼，又不斷有人行來行去，即撞黎撞去咁

因工作關係，平日都會走到附近的米線站吃午餐或買早餐。店舖面積不太大，若果中午時分遲一點才來到，就要排隊等位了。今天我們一行四人在12：15來到，可立刻入座。這裏的選擇也有很多，接近三十款餸任由選擇，總有幾款合適自己的口味，湯底也有三款，本身不能吃太辣的我，每次湯底都是選擇清湯的，味道不錯，不覺有很重的味精。本身喜愛吃紅薯粉，所以今天我選了炸醬雞肉紅薯粉。十分喜歡這裡的炸醬，味道是酸酸的，再有少許辣味，聽說是加了茄汁去調制，所以味道較獨特，和平時吃的炸醬味道有點不同，而這味道也很合適我這些不能吃辣的人。雞肉也很軟滑，紅薯粉QQ 的，再配上一杯凍檸茶，又吃了一頓飽飽的午餐。

上星期太太與同事食飯， 我唯有放工自己搵嘢食。唔知點解 ，突然間呢好想食麻辣米線， 見到附近有一間叫做米線站嘅鋪頭 ，諗住快啲食完返屋企，便行入去求其叫咗碗腐竹牛肉米線 加一杯檸檬茶，等咗約七八分鐘就可以食到一碗美味大碗嘅麻辣米線。我最鍾意食腐竹同埋牛肉 ，呢碗米線鋪滿腐竹再加上小小嘅麻辣，已經非常惹味， 令我食慾大增，食落呢 牛肉都好滑 ，味道唔錯 。本來諗住一個簡單嘅晚餐都變成意外驚喜。食麻辣要配上一杯凍飲，而我非常喜歡凍檸茶 ，邊飲邊吃 ，簡直係人生一大快事。 米線 36蚊， 再加8蚊 一杯檸檬茶，價錢合理 份量十足， 性價比相當高， 可算係質同量兼備 值得推介 。除咗食米線之外 呢間米線站 仲有其他茶餐廳有嘅食品可供選擇， 喺石硤尾算係一個唔錯嘅選擇。

之前係到食過兩次，上菜慢不再講。岩岩打電話話想叫外賣，啲態度差到......「妳叫幾多個先？100蚊先會送架小姐，妳叫得一個我地唔會送」語氣又唔好又串-_- 明明開得一間米線站，但又叫自己做石硤尾分店，呵呵。之前仲覺得啲野食幾好，男朋友仲話去食，以後點都唔會去呢間，去過多間米線鋪，都冇遇過啲態度差既，我好聲好氣問你，你可以有禮貌同我講，唔需要用呢啲咁既語氣囉。我專登down openrice app開account寫負評的。以後唔會去呢間野最衰最低只可以俾一粒星，如果唔係，我會一粒星都唔會俾。

上一手係味川 依家裝修完轉左叫米線站裝修靚左 但上菜速度極慢 伙記又離譜我妹叫麻辣 佢上錯左酸辣 我地叫佢換佢話就咁倒左d湯換麻辣湯驚溝埋會搞肚痛叫我地照食我地廢事嘈就算 而我個碗等左成半個鐘都冇（但全店得幾個人幫襯）隔離枱都催左好幾次 之後野食又差左好多 我妹果碗酸辣完全冇咩味我果碗麻辣就一般服務態度差 野食又一般唔會再幫襯！

原本唸住佢地新開張可以去試一試，但真係十分失望，d野食真係好難食，一d水準都冇D人既態度又好差 冇禮貌都算，佢地d炸醬竟然仲有陣酸味，份量唔算多真係以後請我都唔會再去食，一定冇下次

酸辣米線大行其道，總有一間系附近。這間舖仔細細，坐位超笮。叫了一碗豆卜魚頭片酸中辣米粉。湯底一般，所以吃來比較辣, 魚頭片不錯，有4塊。豆卜份量效多。總結：還是食碗雲呑麵比較好！

之前，尼度都係開米線鋪,未吃過。見幾多人，入左去試。地方細，食得慢，食完即俾人趕走。冇開聲叫我走，搵條毛巾攤開係張台度抺Ｄ濕筷子。凍奶茶 加8蚊，太甜。豬潤比較韌。酸小辣只喝了幾口。一大碗湯，唔係好夠料。只有炸醬可以。紅薯粉第一次食，比較唔度。平時幫襯開三哥。兩餸加杯奶茶,埋單45。

新開張,係屋企附近,撞正肚餓,又想試下又唔想走去到元州街食米線。所以一試,可能新開張又無乜人,好快有位坐。叫左碗腩肉+牛柏葉麻辣米線,只點少辣,辣得過癮,牛柏葉脆口,個湯辣得適中。因為下午茶餐,所以都算大碗,仲有有杯熱飲,凍飲加2蚊,價格適中唔算貴,唔錯