米線站 (已結業)

我多數黎依度食下午茶，貪佢幾抵食嘅，但係呢，問題在於佢餐牌同佢嘅價錢出左問題。第一，首先係張餐牌。佢有個下午茶可以日日享用（就係綠色依張），但背後個張黃色餐牌嘅米線下午茶就只限星期一至五，但又冇寫到，所以星期六日及公眾假期下午茶想食米線就要叫正價。第二，當我需要叫一個下午茶加凍飲，跟據餐牌係應該加$2另外叫一個正價米線加熱飲，跟據餐牌係應該加$4但係出單係收我$7即係佢用最貴嘅價錢黎收（下午茶配熱飲$0 + 正價米線配凍飲$7）所以我咪同阿姐理論囉，阿姐話佢地跟電腦，所以唔可以改單，幫我唔到。講真，唔係為一蚊開飯，係覺得你地唔老實囉，乜都係你地講晒，小市民想幫襯小店係你地唔爭氣囉。講返食物，米線係比三哥個Ｄ林左Ｄ，唔係煙韌質地。另加$7有碗通粉，係幾大碗嘅，算抵食。其實Ｄ食物唔係難食，但係收價唔一致同埋Ｄ阿姐都幾冇禮貌咁囉。

一直唔知點解朋友揀呢間都唔揀附近間大快活喺大快活$25吃到嘅嘢，我呢度要用$3x不過間唔中一次半次，就當支持小店啦星期日10:00am, 店內約7、8成滿早餐餐牌一眼睇晒正常茶餐廳會有的配搭佢都有以前個晨光早餐只是$29，物價飛漲，現在$31我點了1. 晨光早餐D（$29)：雪菜肉絲米+ 煎熟蛋+ 烘多士（+$1）+ 熱檸茶2. 出前一丁餐（$37）： 豬扒、凍奶茶（+$4）食物先上雪菜肉絲米，米粉好多，雪菜都多，當然啦，肉絲少許呢樣度度都係，百物騰貴，明嘅～～出前一丁餐，可以揀煎雞扒或豬扒朋友選了豬佢個豬扒是另上的店員先上這個但豬扒呢？？佢就喺3分鐘後先上件豬扒嚟當時朋友都吃了一半公仔麵由於豬扒是即煎，佢跟唔切個一丁咁快上桌朋友覺得叫個豬扒麵，但個豬扒遲3分鐘上，個麵都吃了一半，出餐情況好奇怪一係你先煎豬扒，煎到咁上下先淥麵，咁未可以一齊上囉至於跟雪菜肉絲米個煎熟蛋同烘多士（+$1）熟蛋有2隻，都煎得夠熟，啱我烘多士都烘得唔錯嘅見到金黃色脆口嘅，香香地佢用薄麵包，唔係大快X 嗰款厚多士

天氣熱，在石硤尾附近不知道吃什麼好，看到有一間米線就進去試試。大概等了10分鐘，便可以入座。店內位置不多，全部位置也需要搭枱，甚至需要加凳。餸菜選擇不算多，但勝在便宜，如果不喝飲料的話，40港內可以吃到一碗米線。最後我點了腩肉蘿蔔酸辣米線(小辣)，湯底沒有到香辣，酸味也比較像醋味，味道一般。而腩肉比較大一片，但肉片像水煮一樣，比較沒有味道，很依靠湯底本身的酸辣味。蘿蔔也切得比較大，吃起來有點不方便。整體份量多，但味道一般，食物溫度偏熱。邊吃的時候，外面也有不少人在等位置，身旁的中小學生在玩手機聊天。沒想到店員會直接叫中小學生幫幫忙，他們好像沒聽懂，繼續玩手機時，店員更說「趕快買單，唔該吖！」我是第一次外食遇到這樣的狀況，自己也不敢坐太久，趕快吃完便離開店家。

今日下午好熱呀🥵， 喺石硤尾街頭 又肚餓 都唔想周圍搵嘢食， 見到呢間米線鋪就行入咗去!!見到佢個餐牌寫有幾間分店，但我冇幫襯過任何一間!佢哋有西式下午茶， 沙律、 西多士、熱狗、公仔麵…嗰類，但係我哋都決定叫米線食😆!! 我揀咗腩肉+腐竹+雞肉+酸辣米線(小辣)， 講真個湯底平平無奇， 酸辣更加不算係重味道，唔知係咪因為我叫咗小辣嘅關係，真係好少好少嘅辣囉🙄🙄 不過都算啦🤫 啲腐皮 佢好似求其擺落啲熱水度浸一陣就拎出嚟畀我食咁🤪好硬好難咬得開🙈 腩肉 係冇味嘅， 雞肉反而正常返少少!!幸好我叫咗拍青瓜，反而佢嘅酸辣調味唔錯， 攞嚟送返碗米線😅我朋友都叫咗米線食其中一款餸係炸醬， 佢啲炸醬好似譚仔咁另上，連個樣到外貌都同譚仔一樣……都係橙色嗰一種!! 但係個味道…… 就真係……麻麻地……又唔係酸又唔係辣! 我覺得佢似肉醬意粉啲肉醬多啲，不過係淡味版😂總括然而呢間米線所有嘅味道都係偏淡嘅，著重重口味嘅你……呢間就未必啱嘞!!喜歡清淡嘅味道，我就推薦你哋去食😌😌😌

有好多蚊滋仔飛黎飛去，地方污糟，食物味道又唔好味，淨係得個麵夠大份，量夠但係難食都冇用，尤其果日落雨入去，個地下又濕又多鞋印，個遮筒入面有好多積水，上面最多蚊滋飛...一路食要一路用手撥開d蚊....同個講野唔正既阿姐反映個地下好跣，佢「哦」左一下就唔理，一直同另一位阿姐顧住傾計.....呢間野一定唔會再幫襯！

星日3:00pm的餐廳約50%入座率梗係叫常餐，正正常常填吓肚就算點了雪菜米粉常餐（配多士和煎熟蛋），熱檸茶（$36）幅相睇唔出，其實米粉同雪菜嘅份量都令人滿意嘅檸茶呢～～～比3片檸檬，唔係篤篤位，我已覺得好好了（因篤篤位會搞到杯嘢好苦）常餐+$1可以將牛油方包轉牛油toast我呢個版本是走牛油的，諗住食得健康些少另配了2隻熟蛋，係特指明要熟嘅冇特別comment其他可選擇嘅配料有火腿呀，午餐肉呀，炒蛋呀........等大路配搭睇吓個toast好對版兩面都烤到金黃色嘅熱熱地即叫即烤，所以食落口係脆嘅上菜速度快，唔會話要烤麵包等到蚊瞓網上見佢唔少負評其實我幫襯過10次8次，佢啲嘢食係OK嘅係個老闆娘特別少少

有時番工前有時間淨就會過黎食早餐 每次黎到明明成間6成位都係吉既叫我搭台 ok無問題你話你黎緊會爆場 但呢d權利唔係每個食客都應該有嗎？態度傲慢 落單果陣四眼呀姐一邊同同事吹水一邊懶係好服務咁指揮班學生坐邊 同一句說話我講4次佢先聽到 途左”o下”左我幾次 講完仲要比佢得我一句(冇我指揮出餐仲慢呀) 野食普通唔稱得上好食亦唔難食 但咁既服務你注定只可以做學生 做左30年人遇過服務最差既一間所謂餐廳 我今次特登開acc講 以後餓死都唔會再黎 希望到時白田重建完會有更多餐廳呢間快d執啦 開係度真係眼冤

離哂譜 由點餐果下已經俾個四眼肥婆當狗咁喝同我地點餐但又不停同其他同事講野搞到聽唔到我講乜最後我足足逐樣重覆三次佢先聽到大佬 你態度差都算 講野又唔聽仲係咁喝我朋友點乜點乜我唔知呢位大嬸係咪老闆娘但你真係好趕客你係咪以為成個石峽尾得你呢間野食？？食既途中佢地成班職員係咁大聲叫呢樣果樣完全無停過搞到我耳膜劇痛勁暈 仲要撞足你4-5次未食完就想收走你既野到最後我暈到一返到公司就嘔返出黎白田村 大快活 附近勁多野食勸大家無事唔好黎呢個貼錢買難受

坐咗幾分鐘都無人黎落單，d姐姐係度吹水唔理人叫佢地落單，之後個姐姐勁大聲喝我叫等等再隔咗幾分鐘黎到落單後，就態度差到爆佢好唔耐煩咁問我食咩落完單後仲要好大聲咁講做死人咩真係好嬲，去食個麵係要去受氣依家已經完全唔想去食

尼間真係極品餐廳，首先食物一般，但附近無咩餐廳所以多數只能勉強簡尼間黎食，所以我都算係熟客，平時叫大窩米線啲份量時多時少啲餸又與描述不同，我都由佢無投訴佢地架啦。今日叫左個外賣，個女人打黎叫我唔好俾咁多散紙，阿姐要送下一轉拎散子唔放便wor(其實已經唔止一次係咁，次次佢地都多多要求，佢咁講我都明白會體諒阿姐), 我話ok,因為我俾50蚊紙同10,5蚊銀自問都唔係好散囉。之後阿姐送到黎手上只有我一份外賣，心諗阿姐根本就唔洗送下一轉囉。俾左錢阿姐阿姐又無話我啲錢好散收左無問題囉。過左陣，餐廳個女人打番黎話我俾太多散子囉火都黎，錢都收左專登打黎話個客？？個女人話如果唔夠錢可以俾100蚊紙架找散紙俾番我wor, 第一我身上無100蚊紙，而我又唔係唔夠錢俾，點解一定要我俾100蚊。第二點解你地收100蚊紙，找番散紙俾我就無問題？而我就一定要收佢地找嘅散紙？？請問這個是什麼道理？ ？第三個女人講大話，阿姐根本就唔洗送下一轉，只係佢個人唔想收散紙而呃你地體量阿姐。我同佢講都唔係好散啫，同埋阿姐都唔洗送下一轉，阿姐收左都無話有問題。個女人就誣衊番我轉頭，大大聲咁話我係咪見阿姐原來唔洗送下一轉就專登俾散

以前差不多隔天就去食，我們兩公婆叫開大鍋米線🍜都會加多杯野飲，我問點解d食材不同他們說今天沒有咪改食材都吾緊要可能我有次食早餐我飲鴛鴦另外有人客飲咖啡，我問佢係咪搞錯左佢竟然把另外人客果杯交反換，shit....人地飲過吾係比我飲呀？佢話沖過杯我話你明明交反換說算！吾係當我盲架？梗係鬧，到下次我再光顧今次我們兩公婆加左個小朋友，我地都專登叫多杯野飲試問一個小朋友點食得哂個服務員叫我比淨飲，我話我總數除3都over左啦我嗌小食係你話冇，講到我地吾比錢，我老公話報警，之後個大仲話吾想同我地嘈，比哂說話我們，所以決定以後絕不光顧

今日陪完朋友在附近睇醫生，太油嘅嘢又唔食得，剛好見到間米線站就入去醫肚。好似散叫一碗一餸米線都要$34，好似唔太抵！所以就揀大窩米線兩個人share，再加三隻香草雞翼！貪佢一碗大米線，咩料都有齊，一次可以試到唔同嘅餸！整體清湯味道不過不失，米線都夠兩個女人食，不過大窩米線不設加底，如果兩個男人share就會唔夠飽囉！最深刻係個酸菜辣到我阿媽都唔認得，我食開三哥、譚仔的酸菜都係只酸不辣，所以大片咁放入口就中伏，加上酸菜有些渣，所以扣咗D印象分！好彩有杯凍檸茶頂住！而香草雞翼味道不錯，只係size偏細！埋單一個人平均大約$50內，都👌🏽嘅！晚上去不太迫人，唔洗搭枱，算坐得舒服！

我本身好鐘意食米線，麻辣好正li間個湯幾好食，食開麻辣小辣，老闆好殷勤，成日企係門口個米線煮得夠，唔會好硬。湯有辣香，一睇顏色就知佢濃。我成日食，每星期差唔多食一次，推介揀豬頸肉，雞肉，腐皮，冬菇，豆泡，豬腸湯我就鐘意食麻辣，酸辣冇試過我朋友鐘意食常餐，因為有厚多士，好脆的新鮮熱住出炸雞排麵好正，炸排會另上，好細心解凍做得好，唔會太重雪味或太重味精，食落係塊正雞排食物質素我覺得係好的，廚房同老闆都好不過要提下伙記要放鬆d, 禮貌d

經過門口 有個男人介紹我地入去食見佢咁熱情所以試下入去坐卡位 一坐低個冷氣勁大 吹住個頭我同2個老人家食 媽一坐低話凍 怕佢會吹病我問可唔可以推高d個冷氣 唔好吹到頭點知有個4眼既肥女人一句得埋黎：‘唔可以！我地都無辦法！只可以係咁！’態度勁差 相由心生 佢個樣勁黑人憎 我當堂9把火起 但同爸媽一齊又唔可以爆佢我只好無奈地起身拿袋叫老豆同媽同我調位之後原本企係門口個男人佢可能聽到我地既對話即刻入黎講：‘我幫你調細d個冷氣 唔好意思 今日多人所以冷氣調大左’ 呢d先係服務麻 先係人講既說話麻 多謝好男人！果個肥女人講咩無辦法 根本唔想搞唔想理 完全無諗過辦法你自己都有父母 你都會怕佢地會病 點解你唔可以將心比心 生意唔係咁做架香港人係應該有人情味架好好一間鋪頭比你搞差哂你自己過唔過意得去呀？

自從樓下間米線裝修完之後都冇嚟過 今日心血來潮想食下樓下間米線一入到去裝修同以前好唔同靚左好多。湯底同米線都係一樣冇變過依然係咁好味拍得住X哥仲要平過X哥好多我同男朋友點左個大窩米線，酸小辣。大窩米線超級大碗，有小小芽菜、韮菜、腐皮、雞肉、豬肉、牛肉、豬潤、腩肉等等，酸菜同肉醬另上，我覺得呢度嘅酸菜炸醬冇得輸，令我食慾大增。價錢中等