篤篤車 (已搬遷) 新店位置

今日喺元朗試試另一間車仔麵，位置喺馬田路舊B仔對面。入到去店員殷勤地招呼就座，就座後望一望Menu，見到有唔同湯底選擇，分別有泰國鱷魚湯、冬蔭公湯、牛腩湯、咖喱湯及清湯，而辣度亦有分。鱷魚湯底車仔麵真係未試過，咁今次即管試試。我哋叫咗兩碗油麵，餸方面第一碗叫咗豬腸、冬菇、蘿蔔、豬紅同炸魚蛋，另一碗就有金錢肚牛腩同芝士丸。另外加多一客炸雞翼及兩杯薄荷青檸梳打。食物大概等咗8分鐘就到，未放底已經聞到濃濃湯底香味，一放底時已急不及待要試一試個湯。個鱷魚湯好濃，配上杞子甜甜地。跟住就要試下個麵，麵底淥得幾腍，食落幾爽口㗎！啲餸方面，個金錢肚做得好入味，咬落一啲都唔靭，另外魚蛋同冬菇都幾彈牙喎！其次牛腩方面，個人喜歡呢個食法，因好似食緊牛肉乾咁。豬紅豬腸亦係一個唔錯選擇，因為食得出新鮮。泰酥炸雞翼炸得恰到好處，皮脆而內𥚃夠熱，再點點個甜酸醬，可以話係完美組合。最後杯薄荷青檸梳打真可推介一下，全因杯內有唔少嘅薄荷葉，薄荷葉嘅味道亦將青檸梳打嘅味道帶出來。篤篤車無論食物與飲品都有一定嘅水準，呢間車仔麵小店一定會再去幫襯~

今次忘記手機食先。今次係由fb某個谷友見到尼間車仔麵。今次點左一個牛南湯既車仔面。湯底濃郁但有少些甜味。可能係泰國風格原因😂😂😂😂至於”送”方面我就簡左牛南。羅白。同大腸。因為試業期間原本38降至35。價錢大眾化。牛南就係粒粒分明有別於其他車仔面比牛南碎。😋😋😋😋😋所以值得一讚。至於羅白。我初頭見到以為壞左。原來食左落口後。有一陣雞味。店主老闆話廚師係用雞湯煮過。對我尼講係一個新嘗試。新口味新風格。至於豬腸就無咩特別。個人認為太淋。本人就仲意爽口。總結該小店仲有其他湯底有咖哩同鱷魚湯底。隔離枱食咖哩湯時。我就見到成碗黃色。個食客食到一頭汗。應該好辣同幾重口味。不過我個人認為係誠意之作。有別於其他咖哩湯用一pa咖哩醬放係個面上就算。下次就要試冬陰同鱷魚湯(據說係滋補養生)係真係假就吾知。好味先至重要

其實呢間上個月佢試業既時候已經食過覺得驚為天人, 於是我趁著年初四無出去拜年就走左去食,第一次經過門口見到呢間車仔麵檔門口用A4紙貼住自家熬製泰國鱷魚湯, 老實講我喺泰國都未飲過.於是就同朋友入去食, 先發現原來鱷魚湯唔單止可以煲雪梨止咳, 拿泥煮車仔麵都無得彈.(推介呢個湯微辣就好, 少少辣帶到湯底鮮甜又唔會搶左湯味)今次返轉頭再食本來想再叫返手工河粉同金錢肚,貪佢河粉新鮮造有淡淡米漿味同湯底比較夾.不過可惜太夜泥已經賣曬就唯有轉叫豬大腸, 今次湯頭keep到水準, 入面本身包左紅棗片, 杞子同本菇, 但另外點既蘿蔔就煮得唔夠入味, 米線亦無河粉咁驚喜.豬大腸就因為係推介有手指公就完全無問題, 鹵味夠又有咬口.上次試左特飲Virgin Mojito(其實係叫薄荷青檬梳打, 但真係Virgin Mojito咁既味)呢次就飲返正常凍奶茶, 奶味茶味都balance到, 交足功課無問題.加埋底成餐飯先$43絕對超值有餘.

湯底有冬陰功仲有泰國鱷魚湯餐廳稱湯底係每日新鮮用鱷魚骨熬制薄荷青檸梳打青檸加雪碧 薄荷葉如果整爛先加入就更出味腐乳芥蘭外食油菜多數碟都有好多水醬都係求其一ＰＡＴ咁就算篤篤車細心地撈好哂而且條條菜都有腐乳呢樣幾抵讚泰酥炸雞翼配辣醬魷魚圈、雞腎、豬紅配鱷魚湯油麵鱷魚湯底加入紅棗杞子仲有菇可惜味道太淡，唔知係咪加左辣搶左味而且配料好少，唔用筷子撩起都睇唔到雞腎有３粒仔，味道不錯魷魚圈同豬紅普普通通蘿蔔、龍蝦丸、牛筋配冬陰功湯米粉冬陰功湯不錯，酸香不濃牛筋比較散，蘿蔔未淋整體不錯，湯底特別而且用心希望店家對配菜多一份執著啦

經同事介紹去左一間新開既車仔面，位於馬田路壽司之神格離...位置不是十分起眼.....佢地主打既有鱷魚湯底同冬陰公湯底！我試左既係鱷魚湯底，味道鮮甜而且有紅棗，杞子同靈芝菇做配料...餸方面味道同份量都中上！我女朋友就試左佢地既冬陰公湯底，因為佢都幾鐘意食辣，所以點左中辣！辣度足夠，湯底重香茅辣椒味，很有泰式風格...佢都食到流晒鼻水咁濟講返湯底既配料有唐芹同秀珍菇，十分不錯....下次會再黎點多份酥炸雞翼試試...因為今日都幾趕時間

呢間車仔麵既湯底認真唔錯，同埋個香芧雞翼即叫即整脆卜卜，再配埋秘制醬料超夾，決定要同大家share 下。首先講車仔麵，佢有幾款湯底選擇，有牛腩湯，冬蔭公湯，仲有一款好特別既鱷魚湯。由於未試過鱷魚湯，有d 淆底所以都係叫左個穩陣既牛腩湯。個湯底睇落去清清地，但食落味道夠哂濃郁同埋一d 都唔油，似係台灣牛肉麵既藥燉湯味， 好夾好滋保。d 餸煮得岩岩好，唔會煮到淋哂，麵質都爽口彈牙，非常唔錯👍另外要推介既係香芧雞翼，我老公對雞翼要求好高都比個讚佢。香芧雞翼炸得脆卜卜，可以配辣同酸甜兩種醬，聽老闆講兩隻醬都係自家秘制，絕對有heart, 味道方面兩隻都同個雞翼好夾。個人就鐘意辣醬，但如果唔係好食得辣既朋友就唔好試了, 因為真係好辣好過癮So far 今日食既野都真心唔錯，決定下次一於試下個鱷魚湯，到時再share 比大家。

今日元朗做嘢，同班朋友經過間車仔麵，入去試一試，發現佢地湯底好特別，鱷魚湯底車仔麵，很鮮味夠特別，同雞翼都好好味，而環境也舒服，服務熱誠，價錢合理，我會再同班好友再去。下次試下食冬陰功湯底先得

有新食店開張去試試佢～試左特色湯底鱷魚湯，夠辣而且湯底有我喜歡嘅紅棗杞子，好似飲緊補湯😋，粗麵彈牙，餸方面冬菇好出色👍🏾好入味，另外特辣豬皮同豬紅亦合格。老闆更比左酥炸雞亦比我地試下，好香口，有泰式風味，配埋泰式辣汁好正，好愛佢嘅泰式辣汁😍不過佢點汁果隻碟仔好難點到雞亦，成日只點到個邊😂😂😂青檸梳打都合格～我覺得呢用呢個靚湯底配咁既價錢係超值嘅～元朗係好多好野食，佢個湯足似令我會返轉頭食，會諗起呢間店，元朗又多個選擇😋😋😋加油呀！！