影片
大前日（17-5-2025 Sat），由於未病好，老公上網拼命搵我食到，軟腍腍嘅嘢做lunch，佢send咗條link，話呢喥有間日本百年老字號嘅築地玉子燒，開咗分店，食材都由日本直送，我就有興趣試，到前日（18-5-2025 Sun），我都叫做好咗好多，等老公稍事休息後，就專登同佢走嚟食。我哋都搵咗好耐至搵到，嚟到時有一位客人，我哋就坐低至睇menu，老公一開口就話要玉子燒，店員答賣晒。咁玉子燒三文治呢？都係賣晒。咁我哋睇menu，見到有松露布甸同泡芙，店員話呢啲有，然後我又見到有$68.00嘅玉子燒飯丼，呢啲佢就有，但其實點解飯上嘅玉子燒就有，淨玉子燒就冇？我就想揀玉子燒魚仔丼，但店員唔推介，話驚我怕腥。咁蒜片和牛玉子丼啦。店員話見我口腔好似有啲事，咀嚼時可能有啲困難，不如要玉子燒肉碎飯丼，要住一碗先，再有quota就再叫。咁好啦，就要呢個。店員好識做地，自己俾個碗仔我哋，老公分好後食得，玉子燒凍咗係正常，佢唔太甜，口感正常；店員就話，先食凍，然後同飯嘅溫度整暖佢食，會係唔同風味，可惜我碗飯都唔夠熱呢。而肉碎味道清，好食，我諗我鍾意食呢種多過台式濃味嘅肉臊。食完之後，我哋就要同樣$36.00嘅松露布甸同泡芙各一。店員拎出嚟，俾我影完相就幫我哋將泡芙切開一半食，泡芙皮腍晒就一定，泡芙口感棉密，唔係只係cream，亦唔太甜。松露布甸呢？好細杯，同樣係唔太甜，但正常嘅滑。
繼續閱讀
特登入去沙田食日本築地過江龍玉子燒點知！！好難食！！！個蛋鞋嘅，無乜水份😅食落係凍見到係話，日本直送，但個甜度真係太甜包就普通包啦。見到同樣買咗呢個玉子燒嘅，食完都一臉問號？？！太甜，甜度有7分，食落似糖水多過高湯完全唔係日本食到嘅味。一句講曬，唔洗試。
繼續閱讀
$49兩串玉子燒 店員冇問係即刻食定拎走就放左入袋比我摸上手點解係凍既？$49比d咁既野我？仲要連竹簽都抆走埋，我用咩食？搵手食呀？員工態度講野輕挑，完全感受唔到日本職人/工作文化，好唔專業！然後玉子燒既味道好一般，就係甜蛋一舊本來上網睇YouTube睇松露整玉子燒製作整到好吸引，然後得知原來香港新開左一間，心情係非常期待試下呢個百年老店既味道，點知係失望而回，連整返熱舊蛋比客人都懶。勸大家冇期望就冇失望，可以留返去日本先食！
繼續閱讀
您可能會有興趣的...