第八站咖啡廳

今晚約友人來依度飯聚, 見到有2只好可愛的小貓咪😺, 啱晒我依個喜歡🐱🐱, 之後坐低掃QR code 落單, 叫左一個無骨黑毛豬扒🐷餐加天使麵, 散叫一個有機雜菜羅勒鮮茄🍎磨菇🍄‍🟫薄餅🍕同吉列炸蝦🍤配黑松露薯條🍟, 隔左一陣店員送上二個什菜湯同蒜蓉多士👍話送比我哋, 味道唔錯, 入面好多蔬菜, 蒜蓉多士🧄食落好脆, 唔係好硬咬唔開👍, 再之後送來吉列炸蝦🍤配黑松露薯條🍟, 二個都正常味道, 唔係特別突出😅, 之後送來pizza認真有驚喜, 唔好以為全素會食落好淡, 無乜料, 其實食落咬開, 餅皮好鬆軟, 食到餅面有好多不同蔬菜, 而且啱啱拿出來, 暖暖地勁好食😋👍, 再之後送來豬扒天使麵, 但掛住傾計同玩貓都無影相添😅, 醬汁唔係太食得出有什麼😅, 但切開豬扒, 唔係好實好硬, 係入面有肉味同肉汁👍😋, 食落唔錯, 側邊d配菜質素都好高質, 蕃茄好甜蒜頭亦係有甜味, 不過可能紅磡無乜夜市, 眼見都係熟客多, 但小店服務唔錯, 又唔會限時叫你快d食完走,有機會都會再來👍👍…查看更多

餐廳位於何文田與紅磡之間，附近人流唔多，但晏晝時間都唔少人支持。 反而店面人手唔多，有少少一個打全場既忙亂感覺，不過服務態度係良好嘅。餐湯正常水準，不過不失冇咩大驚喜。帶骨豬鞍外觀幾靚。 煎既火喉掌握得唔錯，表面煎得幾香，入面剛剛好熟，仍然保持鮮嫩。 有返一定厚度，咬落有多少質感，而唔會硬戓嚡。 醬汁亦帶出到豬鞍既鮮味。 伴碟嘅薯蓉加左牛油幾香口。整體上食物質素，以平日想舒服食個晏既西餐廳嚟講算中上水平，性價比都唔錯，難怪雖然位置唔算旺都有唔少支持者。…查看更多

我對豬扒一般不會有太高期望的，但這家的黑毛豬扒真的很好味，豬鞍架也十分juicy，實在是一試難忘。牛扒也是大大件的，跟薯蓉也是絕配，食過返尋味。更喜歡他的自家製抹茶心太軟，甜度恰到好處，回味無窮，真心推介…查看更多

今日同朋友本身要去搵嘢食，本來要行去地鐵站，見到呢間店係食西餐就入去，真係值得欣賞，服務員同老闆都好好人，有講解食扒分別係點樣，食落去嘅口感唔同，仲有就係西班牙黑毛豬真係值得試，超級好味…查看更多

來紅磡探吓朋友，見到一間唔錯價錢西餐廳，所以嘗試試吓啲食物，一開始服務員都幾有態度招呼，枱面有二維碼自己落單，可以見到圖片識字自行落單可以慢慢睇，同埋見到黑板寫主打西班牙黑毛豬絕對要一試，落完單之後午餐係冇服務費嘅，都幾難得，所以我就叫咗一個黑毛豬豬柳扒跟意粉同埋一杯熱朱古力，食完個豬扒真係好Juicy好好味师傅都係好有心去炒個意粉，我覺得有質素嘅食物，食完埋單我覺得$108真係超級值得，因為喺出邊百零蚊食個西班牙黑毛豬係完全搵唔到咁好食。希望可以keep住呢個質素。加油…查看更多

係香港無論茶餐廳定西餐廳，「連熱飲」包括奶茶咖啡檸茶檸水，這是常識；也有一些特式cafe需要加錢轉飲特調飲品，這也是常識。不過今次到訪這間餐廳，實在顛覆我的常識。明明餐廳在店外的餐牌寫明「送是日餐湯及熱飲一杯」，我就叫了熱咖啡，到結帳時發現多收了八蚊，於是向侍應提出，她說「我哋午餐熱飲只包括檸茶奶茶，不包括咖啡，咖啡要加八蚊」。老實講，你杯咖啡又唔係latte或cappuccino，值得收多八蚊？就算要收，也應該提醒客人吧。結果當我向侍應建議她下次可以提醒客人，或在餐牌上寫明時，餐廳老闆--一個惡形惡相的阿叔就衝了出來，鬧我話「呢度我餐廳，我做嘢就係咁，你咪嚟食！」，態度惡劣粗鄙之極，同一個古惑仔發爛渣冇分別，唔好講西餐廳，就算茶記都未見過。講返食物水準，同一舖位經過轉手但保留裝修，本來之前的餐廳水準不俗，轉手後完全唔掂，款式少不在話下，忌廉湯有如打了芡冇落忌廉，扒類死鹹，醬汁又係冇味得個鹹，叫野菌汁連一粒菇碎都冇，如果是五六十元茶記就算了，作為近百至百幾元一個餐的西餐廳而言不值得幫襯。再加上如此惡劣的服務水平，唔好講話吸引客人特意來享用，連街坊生意都做唔到，恐怕都很難做得住。如果你想受氣或者測試自己的腎功能，即管來幫襯吧。…查看更多

Christmas 嚟食Christmas dinner, 嘢食好味，四人餐入面嘅豬牛羊扒全部都好美味，生熟啱啱好，煎得好靚伴菜嘅意粉同薯蓉都好味，小朋友係咁搶哂大人嘅伴菜嚟食😝另外長老們特別鍾意個豬手, 皮好脆，咸度適中唯一要彈嘅係個caramel crème brûlée, serve 嗰陣係涷嘅，有啲失色反而心大軟唔錯，唔會死甜6個餐每人大概$250左右，christmas 嚟講幾抵大時大節想一家大細揾個安靜啲唔使迫嘅地方，呢度好適合…查看更多

午市收$80一個餐，分別叫咗一個焗龍脷柳意粉，同埋一個雞扒飯。雞扒飯塊雞扒冇調味，焗龍脷柳意粉筒個葡汁完全唔夾，葡汁都冇味，仲衰過普通茶餐廳$40質素。連個湯都好似唔夠料咁，明明係忌廉湯但又好似透明咁，得幾舊好細既磨菇，唔知係點樣開到咁。唯一係杯凍mocha都仲似一杯mocha,但杯熱朱古力野飲就好麻麻，ruin 左個下午嘅mood 。上手仲好味啲，但上手都做唔住，今次呢間都好快有下手。感覺連個職員都認為間餐廳做唔得耐，冇乜熱情。…查看更多

岩岩行街行經呢間西餐廳，見佢新開鋪試一試，估唔到有驚喜❤️1. 美國肉眼扒 + 天使麵 （$198）見平平地叫黎試下，估唔到真係有驚喜，牛扒大大塊，食落又juicy，5成熟岩岩好，天使麵超好食，小小蒜味加橄欖油，恰到好處👍🏻2. 無骨黑毛豬（一定一定要比較肥） （$188）老闆推介，一試難忘，估唔到豬扒做黎出既水準比牛扒更好食，果然豬扒係招牌，下次一定要encore🥹3. 招牌黑啤豬手 （需要一小時前預訂）（$188）呢個平到我驚⋯⋯心諗細細份，點知一黎勁大份，夠曬兩個人食，仲要超級好食，必定一定要試❤️4. 甜品 心太軟+雪糕 （跟餐） （$45）雪糕可以揀（雲呢拿/霖酒提子），當然揀佢個提子，個心太軟焗到岩岩好，好食過街邊一百倍👍🏻又係一定一定要食❤️總括而言，平民價食高級野又好食，老闆又nice，我會推介比其他人黎👍🏻下次再黎一定要食豬手同心太軟❤️…查看更多

晚市再度幫襯，呢排低碳飲食，只能食肉，食肉緊係食啲好食既野🤭🤭晚市跟了湯和麵包，湯唔記得影相，係野菌湯。每位跟1塊包。我叫了雜扒餐，有cauliflower 配菜，蘿蔔我就不吃了😂酒香雞扒，超香酒味👍🏻黑毛豬一如既往的好吃。同行朋友食黑松露帶子意大利飯，表示煎得剛剛好👍🏻加左一份鹽燒牛舌，估唔到係咁厚但幾乎係入口即融👍🏻之後除左黑毛豬，又多一個心水😂最後朋友加心太軟，賣相一流但我就減肥唔敢食啦⋯⋯哈哈…查看更多

好難前經朋友介紹黎過食飯，味道都唔差！呢幾年唔知係咪已經轉手，開始每況愈下！今次因做野既關係，所以再比多次機會佢！點知....同樣失望:(叫左個肉眼扒5成熟，份量其實都算少（唔緊要），味道冇以前咁好食汁醬汁過份地咸，食完仲好口乾，最精彩就係塊扒...有半塊都係筋，普通既餐刀係切唔開(換左3把刀），同職員反映一啲反應都冇同埋覺得職員既態度塊面黑過佢隻鑊既鑊底！已經對呢間野完完全全咁徹底失望，唔會再幫襯！…查看更多

新開張，午市冇乜人。入去試吓，叫左雞扒意粉，雞扒好咸，唔好食。隔離枱叫熱飲，上枱果陣食客話杯野唔熱，職員拎入去用微波爐翻熱。食物同服務都一般，價錢又唔係好平，紅磡大把好嘢食！…查看更多

舊年係旺角返工既時候lunch 一直食開呢間餐廳，睇社交平台得知搬左去紅磡，放假即刻過黎幫襯下🤭估唔到老闆仲認得我🤣巧感動黑毛豬是必須要食的～永遠的主打菜醉香雞扒既酒味好特別，係出面真係未食到過自家製心太軟 lava cake 好lava 有留意開社交平台都知道呢間小店係one man brand ，但質素真係有保證，係何文田出口行天橋再搭lift 落地下就係啦～真係真係好高興你會重開👍🏻👍🏻下次再黎呀…查看更多