第二家 (已結業)

梳化好舒服,有足夠空間,刻意裝修的有點RAW!PASTA,COFFEE 與CAKE水準平均,賣相不俗!

食完難食下午茶,行左兩個鐘頭太子旺角一帶,友人和我各購所需之後,本身工作要行行企企的我,要找個地方歇歇,岩岩望到旺角中心對面有呢間上樓cafe,就上左去稍為歇息了.一開門,呢度比我既感覺,都幾舒服,全店大部份地方都放上了梳化,而且擺設等東西都幾型格,不過就略縑煙霧彌漫左小小.檸檬橙花果茶~~呢款茶既顏色好靚,橙橙紅紅咁,不過香味就好奇怪,有d難聞,個味道就更加唔係好得,本人是難以接受;Iced mocha~~杯飲品的買相都好得,面層個cream都做得好高,有一枝幾粗身的朱古力餅乾伴隨著,不過味道只屬一般,未加糖水前呷一啖,都幾苦下,又無咩朱古力味,Virgin Colada~~杯飲品是白色,好像牛奶色那樣,飲落就有小小椰汁味,嗒落仲有小小酸味,好似乳酩,但又好似yakult,第一啖唔係幾受,但之後,又覺得幾得意咁,是今回,我認為最好飲係呢個,另外叫了煙三魚沙律,呢個都ok,三文魚都有四至五塊架,而生果是新鮮的蜜瓜,哈蜜瓜,士多啤梨等等,如果可以無咁多人食煙,呢度就真係幾好坐既,否則,如果唔想吸二手煙既,就要三思喇!!

雖然裝修幾raw, 但擺\設就好有性格, 感覺好\'闊落\'同舒服, 七點幾都唔算多人, 同friend傾,坐下,幾好,人多就比較嘈了, 所以~ 9:00 我們就走了... 食物款式唔多, 三文治, 小食當tea就ok, 女仔食dinner 也可,有小量意粉可選擇, 男仔會唔夠飽.... 公司治& chicken wings 好味, 杯iced mocha 我都好滿意, 好香朱古力味但又沒有蓋\了咖啡味.... 價錢也OK, 兩人埋單$149... D waitress 好nice, service is good. I will come again.

查實間野價錢真係ok啦,,,環境都唔差,,野食方面佢都搞得幾靚,,味道不過不失吧!不過飲品方面就怪怪的!款式不算少!但真係好奇怪,通常你地o係街外飲既野,都係過甜的!但second home的就係過淡....我叫左cookies n cream shake~仲怕會好甜,,之但係一飲...好淡喎....飲埋個fd果杯blueberry,一樣,,都係味道偏淡...一間cafe既賣點應該係飲品吧...所以我覺得,佢飲品fail左,呢間cafe已經o係我心中大打折扣了!唯一可取係間野既老闆們真係幾nice,,非常好招呼,見我地悶悶地,仲拿d野比我地玩,教我地玩,同我地傾計,,態度真的值得一讚!!!而且環境都幾潮的!

店內裝修充滿mix & match 的味道，一店內有數種風格的裝修，桌椅的組合也很特別，看似將不同種類的桌椅隨意組合，卻感覺和諧。我對那個以竹簾半掩的旮旯最有興趣，可惜不能隨意選位坐(雖然四周還是有不少座位)。那天與友人點了兩個下午茶餐，分別是友人的凍Mocha 配三文治(好像是煙三文魚餡)和我的熱藍山咖啡配炒什菌(藍山咖啡還會問你要不要加奶，頗細心)。炒什菌帶有少許牛油香，吃來頗清淡。我只認出冬菇仔和秀珍菇，還有一種不知其名。藍山咖啡我選擇要奶(分開另上)，咖啡聞落頗清香，淨飲時微帶甘甜，咖啡味不算濃，但頗純。我喝至一半時加奶再試，感覺沒淨飲時好，雖然更滑並加了奶香，但咖啡味變得太淡了。看來藍山還是淨飲為妙。結帳時二人總共＄85，在樓上cafe 而言是中等價錢。ps，那天舉目所見店內顧客多為女孩子，當中亦不乏靚女，離開時友人笑言他還記掛著那侍應妹妹的熱褲裝扮。

原來在旺中對面咋，地點都幾就腳。一入去的感覺幾好，唔會有太細緻的裝修，略帶raw味。同朋友兩個，叫左一個晚餐($58)，揀左意式腸天使麵，餐飲轉士多啤梨雪糕奶昔(+$10)，另加多杯木瓜雪糕奶昔($45)。好彩我地有靠windon的sofa坐，因為淨係等杯飲品都差多廿分鍾。但兩杯飲品一到，我地就嘩一聲叫左出來(哈，有D失禮添)，因個賣相幾好(最衰唔記得帶相機)，又大杯，面頭鋪滿cream同一大個雪糕球。不過食落就無賣相咁嘩嘩聲喇，以我略嫌多左少少cream。到個意粉，OK啦但天使麵淋得濟，但我見人地的份量比我地多好多呢(嗚....)後來人開始多，要搭，於是我地就埋單喇，始終搭左傾計不太方便嘛下次要同男朋友來先得，哈哈

Second Home剛剛新開將既時候同奇哥哥去過一次食dinner,環境同氣氛都唔錯,幾舒服,適合傾偈,但係略嫌食物選擇少,set dinner有兩款,一個係天使麫,一個係長通粉,散叫只有三文治同沙律,但係每只有兩三款,遺憾係無我最想食既cheese cakes,不過我諗原因係佢地主打飲野,飲品選擇真係好多。值一讚係佢地既服務態度,我同奇哥哥走既時候,個個侍應都一人一句「多謝晒!拜拜!」夾埋有成七八句,搞到我地都有d唔好意思,淨係呢樣已經令人有種親切感啦!