第三站 (已結業)

假期行完街街要食D好野。呢個黑松露帶子鮮菌燴意大利飯超正，濃濃的黑松露香味，每一口都充滿好正的黑松露加新菌的味道，飯就煙煙韌韌，好有嚼頭，帶子好爽口，好適合我吖，又配有豆苗好新鮮墨西哥香辣肉丸焗意粉，呢個適合喜歡食辣的朋友們，墨西哥的香辣風味，令你愛不適口吖，意粉好彈牙，每一條意粉都充滿香香辣辣的墨西哥汁，好惹味，肉丸炸過，好彈牙好正燒牛肉雜菜沙律，呢個頭盤非常開胃，燒牛肉好滑，無根，好嚼頭，沙律拌沙律醬，非常開胃，又健康呢個蜜糖雞翅超級合我口味，烤過的雞翅非常脆，又多汁，加埋蜜糖的甜味，雞肉的嫩滑，好滿足松露薯條，好脆，好似食緊薯角甘，松露粉調出薯條的新口味，加茄醬一齊食，更加好食Oreo朱古力曲奇奶昔，好滑，好似食緊雪糕甘，飲到一半時可將Cream撈均勻一齊飲，更加滑，打碎的朱古力曲奇好正薄荷朱古力，薄荷味剛剛好，好清新，加埋朱古力，味道好特別，加埋cream，大大地提升杯野飲嘅滑度最後呢度環境好好，D歌好好聽，好有品味，服務態度好好，今天好滿足吖，工作壓力一下子消失了，充足電再出發

今晚和莎莉去完赤柱一遊，大家都覺得意猶未盡，於是决定找一間樓上cafe 再談天說地姊妹淘，我們選了旺角的Station 3吃晚飯!格局不俗，卡位很多而且每張也很舒服，今天我們叫了一個海鮮拼盤做頭盤，待應大概十分鍾就炸得熱辣辣送上!有炸蟹蚶，又脆又香口! 炸魚內裏又香又軟，還有炸蝦和帶子也脆卜卜，薯條是厚切的，feeling so Great !蒜香雞翼有6隻，皮炸得甘黃，又熱又脆，真的停不了口!黑松露帶子鮮菌燴意大利飯，份量剛剛好，配上清香的磨姑和松露，又加上帶子，咬口清甜又甘香! 飯軟硬適中，令人停不了口!神仙花茶很清也很解喝，原用上苿莉花，檸檬草，桂圓及杞子，真的很夠茶味，待應小姐還為我添了三次熱水，這樣喝着花茶，又吃着甜度適中的朱古力咖啡蛋糕，心情真的超愉快!

黑松露帶子意大利飯黑松露分佈得好平均，每一啖飯都有黑松露嘅香味，配上粒粒帶子，美味得很呢海鮮拼盤有炸，蟹蚶，帶子，雞冀，當然吾少 得香脆嘅薯條啦!全部都炸得好香脆，特別是雞冀 ，脆脆嘅表皮還加上蜜糖，所以份外香脆，肉質嫩滑，吾會炸到硬!薯條係厚切，特別有口感昵!食完熱氣嘅食物飲返杯花茶，真是絕配!可人兒~餐廳為花茶改上動聽的名字，有甘菊，歐 薄荷，杞子，桂圓肉，所以有甘香嘅菊花味，再加上甜甜嘅桂圓肉，入口清新無比昵!三五知己在這裏聊聊天，吃些東西，如果人多仲可包場開party，又找到一個好去處呢!

行到攰，上open rice找一个歇息嘅好地方三五知己，叫左個花茶，茶的名字好特别，老闆真花心思哦戴安娜:有玫瑰花香，又有甘菊嘅清香，食完嘢嘆返杯，真係爽煙三文魚野菌燴意粉:選用左扁意粉軟硬適中，白汁香濃，加上一些菌菇，濃味中不至太腻!煙三文魚亦好香廚師好有心機的砌上花一般，令賣相更好呢還有很多小食呢。。。。最好味是這個章魚小丸子，脆脆嘅外皮包住軟軟嘅饀料，咬落仲有粒粒章魚呢!原来這裏還可以包場開party,小時候去麥記，衣家可以嚟station 3 囉!

今次同朋友去試下，感覺不錯。特別推薦西班牙鴨胸燴飯，味道出色令人回味。白汁長通粉醬汁略遜一籌，味道平平。飲品以塔羅卡為名，配搭上見老闆很用心。環境氣氛很好，適合一群朋友一起聚聚。唯一美中不足是清潔度不足，望注意枱面及餐具的清潔度

今日假期, 同朋友仔去旺角Dinner, 朋友之前介紹呢間樓上Cafe , 可以坐得耐同方便三五知己傾計!店舖LOGO 以英國Underground 慨念設計!有Games 提供給食客!卡位寬闊, 環境舒適!洗手間的門很有特色!擺設充滿英倫風格!水吧一角餐牌設計與風格一致!是日晚餐- 黑松露帶子鮮菌燴意大利飯, 賣相不錯!黑松露拌入了飯內, 而材料很豐富 有大量新鮮洋蔥、鮮菌及帶子, 帶子是迷你size的細細粒帶子，同鮮菌都幾配搭，鮮菌味濃, 充滿濃濃的的菌香，又足料，黑松露香拌入了飯內很入味，口感清爽，松露味與鮮菌味互相輝映。飯軟度適中，不會太濕，傳統正宗意大利飯是比較硬的，這兒的意大利飯剛剛好迎合香港人口味 啖啖都很有口感。蜜糖雞翼, 外皮脆脆的, 充滿原汁之蜜糖味， 入口甜甜的很入味，很香口，不錯!最後來一杯花茶解膩, 名為"神仙"- 有茉莉花，檸檬草，杞子及桂圓肉, 口味清新, 功效為可舒緩腸胃不適, 頭暈等...不過茶味可以濃一點點, 就會更好。位置近油麻地地鐵, 交通方便.

第二次黎呢間樓上cafe, 上一次覺得d野食唔錯，今次就帶朋友黎小聚下，食下野。CAFE門面簡約，第一眼就已經睇到個Logo, 店內同樣以簡約風格，氣氛舒適。每碟食物賣相都好靚，好有心思。晚餐只需加多30蚊就可以有埋頭盤及甜品，而頭盤就係田園沙律，沙律用料新鮮，鮮嫩爽口，好開胃。煙三文魚野菌忌廉燴意粉，散發著淡淡菇香味，忌廉同意粉相當之夾，意粉軟硬度岩岩好，有些少彈性，薄切三文魚大大塊好新鮮。西班牙煙鴨胸燴飯飯粒粒分明，厚切鴨胸，煙煙韌韌，仲保留到少量肉汁，好多汁好足料。節制，美食當前點樣節制呢!!!其實係講緊有杯野飲名叫「節制」，用西柚及波蘿汁混合嘅飲料，底下仲有些少啫喱粒，都幾鍾意飲品入面有野可以咬下。甜品有三種特色芝士蛋糕可以揀，紐約芝士蛋糕質感濃郁軟滑，有好濃厚嘅芝士香味。相信其他都應該唔錯。

西班牙style的意大利飯真係第一次食 食落辣辣地 但一般人應該可承受 表面上好似無咩煙鴨胸 其實沉哂喺底 每塊都厚切... 雖然碟飯好多汁 望落又深色好似好濃味 其實唔太鹹 但會齒頰留香到一個點係隔咗兩三小時 個口都仲有味 這是以燒牛肉為主打的田園沙律 以日式芝麻醬代替傳統沙律醬 所有菜都好鮮甜 牛肉切得很薄 好易咬 不過 醬料可以落少啲 太多會肥嘛 XD 蜜糖雞翼 $40有6隻 層皮咬落脆卜卜 唔只外層甜爺爺 連裡面的雞肉也很入味 柚子蜜不會沖得過甜 如果可以大杯啲就好啦

呢間cafe 我上次o黎o既時候應該未易手，而家呢面大堂個platform 已經擺o左檯凳，之前係坐地下的，都有d 回憶……講番今餐先。main dish order 燒牛肉配田園沙律(dinner set A, $75)，胡麻醬太多，本身已經比較酸，跟住d 牛肉又係偏鹹，唔係太夾，如果有埋麵包中和番一下可能會好d。黑松露帶子鮮菌燴意大利飯(dinner set G, $99)，都幾多帶子，d 洋蔥比較raw，好青新o既味道，唔錯，同埋汁唔會太多，唔鍾意水jer jer o個d 意大利飯。小食叫o左蜜糖雞翼($40)，very good，香草同蜜糖味滿溢，煎到非常香口。o野飲係店員哥哥推介o既，佢話奶昔好飲，於是叫o左oreo 朱古力曲奇奶昔($52)。無介紹錯，真正由雪糕開出o黎，好有質感o架，唔係將d 原料撈埋一齊雪凍就當係。朱古力味都夠o既，雖然個人o黎講還是喜歡甜多少少，不過一般人應該ok。

第一次寫食評，因為我同朋友都覺得認真麻麻，唔想有下一個我地。早兩日約左朋友食飯，諗住去樓上cafe可以傾計傾耐唔洗比人趕，咁就上openrice就搵到呢間，見都有幾多好評就book枱試下。一上到去比左張枱我地，但我地想坐窗口位，就問可唔可以轉，之後個waitress就話啲枱比人book晒，但係到我地食完走果陣都唔見有人黎過。我地order左法式忌廉煙肉雜菌燴長通粉，黑松露帶子鮮菌燴意大利飯，小食拼盤，藍莓果茶同紅莓果茶 。兩隻果茶味道同顏色幾乎係一模一樣，我同友人都唔太中意飲。首先係長通粉黎先，一食落去係唔熱，只係微暖，好似放左係到好耐先拎出黎咁，之後我地叫人幫我地整返熱佢，出到黎都係一樣無分別！個意大利飯就好小小，不過都只係暖唔係熱。至於個小食拼盤就中規中矩啦。個人認為如果係小人黎的話呢間唔係一個好選擇，多數都係一班人黎，環境好嘈，我同朋友傾計都要講大聲啲先聽到。ps. 朋友話個廁所好臭，聽完佢講我都無去了原本諗住聚舊傾下計，失望

平時與友人逛街時都好喜歡食街頭小食，有時候都想與妹妹找個舒適的環境聚下聊天，剛好曾經有位友人介紹之下，今晚就選擇了一間樓上的cafe 「station 3」食飯，似乎都好耐都冇樓上cafe了，店員安排了我們坐近window 的位置，可以在一個舒適的環境中欣賞到樓下旺角的夜市，感覺好似去了一片安逸的靜土之中，今次都好多謝友人的介紹。裝潢的色調、牆身、沙發主要都是白色，粉藍色的壁畫之中有一些城市大廈及餐廳的logo，簡約又有時尚感，開揚闊落的落地玻璃窗下再加上寬闊的沙發位置都讓人有relax的感覺。餐牌之中滿滿都列出了不同的飲品，款式真是好多元化，除了花茶、奶昔系列、乳酪系列、朱古力、咖啡之外，值得一提就是有塔羅特飲，塔羅特飲起碼有廿幾款，而且各有特色，也列明飲品的成份，可以因個人口味去選擇，可是沒有提供飲品的相片，如果有相片參考會更吸引。食物方面除了小食之外更設有set dinner ，食物款式都比較普遍，我兩人選擇了一個set dinner 再加一些特色小食。飲品方面我們都選了塔羅特飲，分別是「隱者」及「節制」。妹妹點了杯塔羅特飲的隱者($45) ，當中成份有士多啤梨，熱情果梳打，雖然

同好耐冇見嘅友人食飯大家都想去一間餐廳係可以坐得舒服既可以俾大家傾吓計講下近況係OPENRICE 見到呢間餐廳即管可以試下~ 好彩我地上去嘅時間尚早如果唔係可能要等位了 CAFE環境整體好舒服全場都用SOFA～坐得好舒服～周圍都係年青人，有朝氣！menu 好多選擇 叫咗杯叫做《節制》既嘢飲顏色好靚，以藍色為主調節制－ 呢個名好有塔羅牌其中一張牌既感覺，唔知關唔關事呢飲落唔太甜幾清新嘅感覺 小食叫咗墨西哥雞翼貪佢夠SPICY比較開胃醬汁比較濃味，有粟米蘿蔔粒等等雞翼煮得剛剛好夠入味 主食叫咗個帶子意大利飯份量好大碟！除咗帶子粒之外仲有好多蘑菇個人特別偏愛食草菇類所以呢個飯好滿足到我樓上CAFE嘅好處就係唔會俾人限時趕走，同好耐冇見嘅朋友可以慢慢促膝詳談。

呢間之前黎過幾次 成大班人黎都好開心 佢地方夠大 好多座位 六7個人黎都唔驚冇位座 係正家樂坊後面 都方便易搵 今次我座窗口位 可以望到h&m個個位 超多人 好過癮 紅苺果茶 入面有紅苺 芙蓉花 薔微果 蘋果 佢講話有多種維他命 同埋清脂 即刻點左佢用個蠟燭仔熱住咁上 一開始以為好酸 不過原來佢既蘋果味較重 中和返紅苺既酸味 飲落仲有陣陣既花香 不過我本身唔知薔微果係咩味 所以我諗我飲到花香既味道應該係芙蓉花加薔微果既味道 呢個幾好飲 佢冇落糖 但已經夠味 好易入口 我叫左個餐另外加30蚊要埋個沙律同蛋糕沙律有新鮮既番茄同好多唔同種類既沙律菜 佢用上麻漿 小小檸檬汁 酸酸咸咸咁 好好咪 好開胃 主角係 黑松露帶子鮮菌意大利飯一黎到 我一望 嘩 好大碟 好呀 岩岩收工超肚餓 一望已經見到超多菇菇 洋蔥 仲要大大舊 d菇菇咬落去係好juicy 佢既汁煮得好入味 洋蔥係爽口 唔係林晒個種 好好口感 面頭有好多好新鮮既菜苗 令到成個飯冇咁膩 仲好fresh 既感覺 d飯好香黑松露味 咬落去係中間仲有小小硬既口感 帶子方面我諗最小都有十幾粒係入面 我就冇認真咁數清楚

有位好姊妹是一月之星，我們為她補祝生日！  找到一間位於旺角彌敦道，南洋商業銀行樓上，近前身家樂商場一帶的樓上餐廳 <第三站 Station 3 Cafe>！ 當時，我最先到達入座，我們一行 4人， 被安排到靠窗的卡位，卡位寛敞舒適，完全超出預期的闊落，  我們 4位女生坐得好鬆動！  加上天氣嚴寒，大家也穿上厚褸，放在一旁也不覺得一點迫狹感！ 既然店名叫 <第三站 Station 3 Cafe>，店內的裝潢或多或少跟車站有關！  反而，我留意到這裡的壁燈裝飾用上電話亭壁燈裝飾，別緻又貼題！ 至於餐牌設計，背景為英國倫敦！總覺得英國經典的巴士比起香港現有的冷氣巴士更有味道！ Dinner set $75 ~ $103 包括：$34 飲品 1 杯 及 另+$30 配頭盤及甜品各 1 款，幾划算！ 餐廳可包場，消費由 $4,000 起，每位由 $128 ~ $188 +10% 服務費！ 食客也可選擇點 Party 套餐！Party menu set $188 包括：2~5款主菜、9款小食、飲品及甜品聽起來很是豐富！ (要視乎人數是否超過 3

爆場的樓上CAFE 小妹見識少， 第一次在旺角見到咁爆場既上樓CAFE， 食物應該有保證！ 一坐低先叫杯野飲， 萬惡的朱古力沙冰啊！！ 面頭仲要吱上厚厚的CREAM～～ CREAM好滑，更特顯朱古力濃味！ 唔係太餓既關係， 叫左個燒牛肉沙津。 原來有好多塊牛藏左係底， 真材實料啊！大約有成十塊牛！ 另外SEASONING好開胃，酸酸地咁， 仲有幾粒蕃茄仔，好JUICY～～～ 全場氣氛好好， 大聲D講野都唔怕嘈到人～ 食物環境一流，難怪咁多人幫襯啦！