第一郡

營業中

休息中

今天晚餐我們選擇了一間位於油麻地的小店，品嚐越南菜。呢一間餐廳一直都見佢喺Openrice人氣滿滿。首先，我們點了米紙卷$28作為前菜，清爽的蔬菜搭配酸美味嘅醃蘿蔔同蝦肉腩肉，口感豐富，相當開胃。見佢同出邊有啲唔同，有一個特製嘅自家醬，食落似係花生醬同魚露MIX埋一齊，再加少少酸蘿蔔同埋花生碎。跟住我們叫左個越式法包$60，加辣，搭配酥脆的法包，材料都足夠。主食叫左番茄蟹膏檬$70，另外加咗蟹餅$20。湯底食到蟹膏的鮮味同埋蕃茄嘅酸甜，再搭配香料味道唔錯，適合鍾意甜湯底嘅朋友。牛油果沙冰$35就最適合解暑，牛油果淡淡的甜味讓人十分滿足。 另一個主菜我們選擇了順化牛腱米線$85，這道菜的香料味道比一般的越南餐廳更濃郁，牛腱肉質鮮嫩，有三大塊，湯頭鮮美，仲有兩嚿大牛筋。口感啱啱好唔會太難咬。之後心思思想試埋佢嘅烤豬肉軟包$60，豬肉烤得啱啱好，唔會太乾身醬汁亦唔會過分甜同軟糯的麵包幾夾。餐廳內設有調味料吧，顧客可以自行調配心儀的醬料，這一點非常貼心，讓每個人都能找到最適合自己口味的調味。 作為甜點，我們選擇了班蘭糕$15和跟餐椰皇$29。 特別推介班蘭糕，口感煙靭，有三層，亦唔會過分甜。總

蟹膏蕃茄湯檬蕃茄湯底本身已經好濃郁，蕃茄味好重，加埋好濃嘅蟹膏餅以為味道會好怪，但食落又估唔到咁夾。檬粉嘅硬度亦都啱啱好，D扎肉都好好味，成碗配搭冇喺其他食越南野嘅舖頭度食過，值得一試！烤豬肉法包個包焗得來好脆之餘唔會太硬，而本身用香茅醃製過嘅烤豬肉，味道啱啱好唔會太鹹，而生菜+青瓜令個包食落更加Fresh！米紙蝦卷(自家醬)米紙蝦卷十分足料，蝦亦都好新鮮，加埋甜甜地又有花生味嘅自家醬真係一流。最後仲叫咗兩個甜品 斑斕綠豆糕+芒果糯米卷斑斕綠豆糕係上下兩層斑斕糕夾住綠豆蓉，斑斕糕本身唔會太甜，但好重斑斕味，口感煙煙韌韌+好重綠豆香嘅綠豆蓉，成個口感同味道唔會好似平時出邊食斑斕千層糕咁單調，好值得試！芒果糯米卷糯米皮十分軟糯，加埋一大嚿嘅芒果肉仲有滿滿嘅椰絲，簡直係絕配！

油麻地第一郡，由越南人主理，提供多款越南特色食品。越南香芧雞翼：香茅醃得入味，煎得香口，不容錯過。米紙蝦卷：咬落去有蝦肉嘅彈牙，又有煙靭嘅米紙，同埋香脆既蘿蔔絲和青瓜絲，口感真係非常豐富。蟹膏番茄湯檬：湯檬既湯底以豬骨、蟹和番茄，每日新鮮熬製，飲落份外濃郁，配料仲有扎肉、豆卜和豬紅，真材實料，酸爽開胃，最驚喜係蟹膏餅，蟹膏味道很濃郁，實在太美味。越式雞扒飯：雞扒煎到金黃色，雞肉嫩滑無比，附上一碗芥菜湯，蘸泰式辣醬更滋味。芒果糯米卷：芒果非常香甜，糯米卷在口中綻放軟糯綿密，一口一口食唔停口。班蘭糕：班蘭顏色鮮豔，睇到已經垂涎欲滴，入口更是Q彈，實在令人難以抗拒。芒果沙冰：鮮甜既芒果香氣，甜度恰到好處。牛油果沙冰：牛油果帶來清爽口感。總結，食物口味正宗，價格貼地，全日免加一，難怪堂食和外賣，都經常人流不絕。

今日去開油麻地, 終於有機會食到呢間越南餐廳, 之前已經成日見人recommend, 果然非常平靚正🥹蟹膏蕃茄湯檬必點蟹膏蕃茄湯檬, 真係枱枱都有叫咁濟🤣湯底超濃新鮮蕃茄同蟹膏味, 酸甜適中好開胃, 配料都幾豐富, 有大大舊蟹餅、豆卜、扎肉、生菜等, 蟹餅吸收曬湯嘅精華勁juicy, 檬條煮得岩岩好, 每一啖都充滿左蟹鮮味烤豬肉法包另外點左一份烤豬肉法包, 都幾有驚喜​! 法包外面焊到脆口, 而入面都幾足料, 豬肉烤過同時keep到有肉汁, mix埋生菜、青瓜絲、蘿蔔絲同酸黃瓜感覺好清新, 爆曬餡😋越南香茅雞翼小食越南香茅雞翼, 係即叫即炸一上枱熱辣辣, 雞肉都算嫩滑多汁, 正常發揮班斕綠豆糕另一款必點係甜品班斕綠豆糕🤩size比想像中大, 班斕糕個part texture係偏向煙煙韌韌, 超重班斕味, 而中間有層綠豆蓉, 甜度適中balance得岩岩好, 好滿足!!!!!牛油果沙冰, 椰皇飲品點左比較fresh嘅牛油果沙冰同椰皇, 沙冰口感打到好smooth, 飲得出有陣天然嘅牛油果香味, 而椰皇就清清甜甜咁, 最岩食完濃味野飲😋

深水埗人氣越南菜第一郡，在油麻地開分店，我哋當然唔可以錯過。越南香芧雞翼：雞中翼煎到金黃色，肉質嫩滑多汁。米紙蝦卷：米紙包住原隻大蝦、紅蘿蔔絲、生菜絲、檬粉，配上自家製醬汁，充滿越式風味。蟹膏番茄湯檬：蟹餅用左蟹膏、蟹肉和蛋製作而成，每一口都食到蟹既鮮香味道，配上酸酸甜甜既番茄湯底，足料大碗，果然係必點招牌。順化牛腱米線：湯底以牛骨、香茅、九層塔等熬製，入口鮮甜牛骨味道即時衝擊味蕾，配料更讓我心花怒放，牛腱、牛腩、牛筋、扎肉、大豆芽、芫茜，加上滑溜的米線，豐富極了。烤豬肉撈檬：豬肉烤得惹味，撈埋酸酸甜甜既魚露汁、蘿蔔絲、花生碎、蔥花，十分開胃。班蘭糕：班蘭既椰香味充滿成個口腔，味道非常煙韌，驚喜滿滿。龍眼冰：加左好多龍眼、桃膠，香甜好飲。椰皇：清涼多汁。呢間越南餐廳食物非常有水準，份量十足，出菜快，員工服務慇勤，性價比高。

順化牛腱米線份量都好足夠，有牛𦟌牛筋，牛筋爽口又彈牙，而且仲好入味，配埋彈牙米線一齊食，好味又飽肚蟹膏蕃茄湯檬大大碗仲好足料，湯底味道好濃郁，好開胃，配料都好豐富，有札肉、蟹膏、蕃茄等等……大大舊蟹膏餅，好鬆化，食落口仲有勁濃郁嘅蟹味，正！啱哂鍾意食蟹嘅我烤豬肉撈檬味道都好惹味，肉汁好豐富！配埋青瓜，生菜、花生等等…..一齊食落口真無係好fresh！倒入撈汁，酸酸甜甜好開胃紅毛榴槤沙冰都幾清甜、帶有微微嘅酸酸甜甜，幾特別班蘭糕煙煙韌韌，每一啖都食到濃郁嘅班蘭同埋綠豆蓉香味，好味榴槤糕好濃郁嘅榴槤味道，甜而不膩椰皇味道十分清甜餐廳舒適寬敞，上菜速度快，餐廳店員服務態度好友善，抵讚！由深水埗搬到油麻地，仍然保持到食物嘅水準

去咗試呢間新開嘅越南餐廳，嘢食整體嚟講都幾好味，下次一定會再encore！首先叫咗個蝦米紙卷，呢個係我哋嘅開胃小菜。好多蔬菜，勁fresh，仲要脆卜卜！個花生醬係佢哋自家整嘅，好香濃，同啲蔬菜配埋一齊，口感豐富又好夾跟住叫咗佢哋個打卡位——滴滴咖啡！杯咖啡幾靚，影相一流！不過記得要小心啲，因為糖係落咗喺杯底入面，如果全部攪勻咗，可能會比較甜！飲品方面，我哋仲叫咗杯菠蘿梳打，勁大杯！而且真係用新鮮菠蘿整，飲落去酸酸甜甜，好解渴！甜品就叫咗個斑斕糕，呢個真係必食推介！不過要提一提大家，呢個糕勁搶手，最好一開始就叫定，唔係好容易賣晒！個糕好煙韌，口感一流！另外，我哋仲叫咗個焗雞翼，雞翼焗得啱啱好，上枱嗰陣仲係熱辣辣，外皮脆卜卜，肉質嫩滑，唔會乾爭爭仲有越式法包，外脆內軟，個酸味幾特別，同脆卜卜嘅外皮形成一個好強烈嘅對比，幾得意最後，不得不提嘅係佢哋嘅蟹河粉！真材實料，除咗蟹肉餅之外，仲有好多其他配料，例如蝦、芽菜等等，湯底鮮甜，蟹肉鮮味十足！簡直係一絕！總括嚟講，呢間餐廳嘅嘢食質素高，份量都幾足，價錢又合理，服務態度都幾好，員工都好nice！我哋仲叫咗好多其他嘢食，全部都好味，下次一定會再黎

距離油麻地地鐵站1分鐘 超級方便的位置喺彌敦道咁方便 主打越南菜份量多 而且味道仲好正宗食咗幾次 都仲想再食Pho, 越南小食, 越南咖啡 , 斑斕糕 全部都正朋友在深水埗店已經好鍾意蟹膏蕃茄湯檬 超多餸 特別係香濃的蕃茄湯 好好味蟹膏味道濃郁 幾十蚊 好值得鍾意芫荽🌿好香濃越南法包麵包好脆 配料好豐富 呢個揀咗扎肉九層塔 青瓜同埋醃蘿蔔 食完真係好飽烤豬肉撈檬係越南特色製法 豬肉醃得好入味 份量多 比起一般越南餐廳大份天氣有啲悶熱 撈檬好啱我食特色越南咖啡一定要加冰 因為比較香濃 記得要攪勻同埋唔好心急 慢慢滴漏 同越南嗰啲一樣今日正常發揮 個皮脆甜品真係又平又好食 斑斕味好香甜本來我哋share 但係真係一人一件比較開心好煙韌 決定要外賣返屋企越式春卷冇咁熱氣 大大粒蝦 仲有芫荽 比較清新-

Used to go to this restaurant in Sham Shui Po but found it they moved to a bigger venue in Yau Ma Tai a while back and finally managed to check out their new spot.We were lucky today as it can get very busy and one may have to queue when it’s super packed. The space is much bigger than the one back in Sham Shui Po. Food is just as good as before, I had their 順化牛腱米線sliced beef with tendon noodles and it was so good. Good portion size and the broth is fantastic.I also managed to order their panda

今日油麻地收工，同同事去咗食越南菜——第一郡！呢間嘢喺油麻地呢個鬧市區，位置都幾就腳，放工經過都幾方便。一入到去，就感受到濃厚嘅越南風味，裝修雖然唔算豪華，但勝在乾淨企理，坐得舒服。佢哋啲撈檬同越式法包就真係幾出名，好多人推介。一開始我哋叫咗個越式烤豬肉軟包，呢個係我哋嘅開胃小食。個包切開咗做兩份，同同事share啱啱好，方便啲。麵包外脆內軟，烤豬肉嘅味道香濃惹味，唔會太鹹，肉質亦都幾嫩滑，同埋份量都幾足料，絕對係一個令人驚喜嘅開始。跟住叫咗個芒果糯米糍，呢個甜品真係無得輸！真心好好食，同長洲啲出名嘅芒果糯米糍有得揮！個糯米糍皮又軟又煙韌，口感一流，唔會太甜膩。重點係個芒果，又大粒又 juicy，甜度適中，完全係畫龍點睛之筆！食落去感覺好清新，係一個完美嘅甜品選擇。主食叫咗個順化牛腱米線，呢個係我哋其中一個同事強烈推薦嘅菜式。加多五蚊就有底，超抵！牛腱厚切，足足有四片，份量十足。牛腱炆得非常之淋，入口即溶，又腍又入味，完全唔會韌口。湯底味道鮮甜，唔會太濃，啱晒我哋呢啲唔太食得鹹嘅人。米線嘅份量都好多，食完真係好飽！雖然成碗要九十蚊，但係質素真係值回票價！仲叫咗杯芒果冰，呢杯嘢飲真係勁大

今次我去咗公司隔離越南餐廳，試咗幾道菜，真係好滿意！首先係腩肉軟法包，包嘅外皮超脆，裡面嘅腩肉軟滑得嚟仲有一啲香料味，搭配新鮮嘅生菜同香菜，食落去真係好清新，令人一口接一口！再嚟就係烤豬肉撈檬，豬肉烤得剛剛好，外焦內嫩，味道濃郁。撈檬嘅米粉非常滑，配上特製醬汁，整個味道平衡得非常好，唔會太油膩，反而令人有種食咗好飽又唔會腻嘅感覺。然後，我試咗蕃茄蟹餅檬粉，呢道菜真係驚喜！蟹餅外脆內嫩，配上香濃嘅蕃茄醬，令整碗米粉更加有層次感。蕃茄味道清新，唔會太酸，剛好襯托到蟹餅嘅鮮味。最後，越式烤雞翼就係我今日最愛！雞翼烤得香脆，皮薄肉嫩，配上特製嘅醬汁，真係無法抵擋！每一口都充滿香味，令人停唔落口。總體而言，今次嘅用餐體驗非常愉快，無論係味道定係環境都好舒服，絕對值得一試！下次一定會再嚟！

位於油麻地Q1第一郡越南餐廳，侍應服務良好，環境寬敞，大約可以容納40-50人，今天午餐時段都滿座，好在我12點左右已到。食物當然👍🏻👍🏻👍🏻❤️ 米紙蝦卷（$25/條）：推薦、推薦！蝦新鮮彈牙，配上特製醬汁，味道清新好味！❤️ 蟹膏蕃茄湯河空間（$70）：🦀 味勁濃，蕃茄清新，酸酸甜甜的， 十分滋味！❤️ 扎肉湯河（$70）：非常推薦，扎肉大大件，非常彈牙，湯汁濃郁可口！❤️ 滴滴咖啡 凍飲（$35）：另一推薦👍🏻咖啡味香醇幼滑、濃郁，配上煉奶，好回味！

人氣越南小店👏🏻👏🏻食物質素高但價格勁貼地，今次我哋試咗兩款嘢食。蟹膏蕃茄湯檬✨見到差唔多每枱都有嗌，黎到先飲啖湯，個湯底係勁香濃，好鮮甜！檬粉索晒啲湯好惹味，而佢既名物蟹膏餅真係好有驚喜，重蟹味之餘口感幾特別😋斑斕綠豆糕呢個都係佢哋招牌之一，每日限量供應！煙煙韌韌，香濃嘅斑斕味加埋中間既綠豆蓉好夾，好好食！

睇下你諗住食乜嘢去，如果想食正宗越南野可能會有D失望，但我無食軟包，所以唔評論。只可以講餐牌以主食較多， 主要係粉麵同埋軟包， 其他越南菜式就只有炸雞翼同埋粉卷，兩樣我都有點， 炸雞翼連少少香茅嘅味道都冇都唔知有乜越南特色， 份卷亦做得太大， 外皮亦太厚， 味道實在相當一般， 但唔算難食。粉面嚟講就味道同配料亦相當本地化， 越南野都有米線，真係有啲唔明，點解連生牛河都冇， 份量就相當足夠， 但食越南粉一定要有嘅辣椒粒同埋青檸就欠奉啦， 問店員， 佢話已經加晒落去啦喎。 如果以一般茶餐廳嚟講，佢哋飲品同埋軟包價錢尚算合理，但粉面就有啲偏貴，但如果你係抱住食越南嘢嘅心態去就會有啲失望。

之前已經聽過係深水埗好出名，未食到就已經搬左黎油麻地。出咗嚟呢邊行街，終於可以順便試埋行到好熱，叫左杯。牛油果沙冰。滿滿牛油果味，好滑好濃，如果再少啲甜就更好啦，唔係講笑，呢杯野都幾飽。太肚餓關係，叫左好多野食。。。。越式法包。未去過越南，香港呢個我就覺得好脆，內面包有菜同肉，口感都幾豐富。。蟹膏蕃茄湯檬。濃濃嘅蟹膏味帶點蕃茄酸味，好開胃。佢哋啲粉真係好多，男人都話多。另外 叫左個。烤豬肉撈檬。 烤豬肉好香，好淋，幾好味，撈檬又係好多。 最後有啲後悔就係叫得太多主食，原本想試嘅甜品都食唔到下次一定再嚟叫左甜品先