第一城冰站

營業中

休息中

11月25號 - 夜晚9點半左右回到第一城見肚餓。 所以去左第一城冰站買左一串燒賣食。 這是我第一次在第一城冰站買野食的。 所以都覺得有點緊張。 平時都好多人的。 今日也不例外。開頭食就覺得OK。 但是之後食果時就覺得越來越辣。 可能我不受得辣味。 不過我都覺得好好吃。 下次就走辣la。

我地2人食左士多啤梨雞蛋仔($11), 鹵水雞腎(無記載), 咖哩辣魚蛋(無記載)個人而言士多啤梨係唔夾雞蛋仔既...... 下次可以試下朱古力&香蕉 (2溝$12)雞腎... 凍食有d怪 一串既打冷囉...魚蛋... 陳年街邊車仔檔魚蛋味 超好味

我都係住係附近，耐吾耐都會食佢既雞旦仔，下面位食家話完全無旦味，完全唔好食。我諗好多食過呢間雞旦仔既人都吾會認同呢！想試真雞旦仔既味，就先試原味呢！朱古力同士多啤利味只係花臣野，多數小朋友會鐘意食多d，呢兩種雞旦仔既旦味的確會俾朱古力，士多啤利既味蓋過。芝麻椰絲味比較香口，雞旦仔落左唔少芝麻，所以芝麻味十分夠，但椰絲味就唔太覺喇。我通常都會食原味或者香蕉味，原味旦味夠，雖然唔係好濃，要旦味好濃的話，倒不如買個全旦旦糕吧！香蕉味都係花臣野，但無朱古力果d咁完全蓋過雞旦仔既味，少少香蕉味同雞旦仔配合得宜，所以我覺得唔錯！口感方面，外脆內軟，裡面一半係軟既雞旦仔，所以咬落去唔會得個殼，又唔會軟到好似食旦糕咁。整雞旦仔既肥叔叔，記性幾好，五個雞旦仔爐加兩個夾餅爐都控制自如，假日人頭湧湧時，等十分鐘買底雞旦仔已習以為常，每個客人都耐心等候，再唔係俾左錢轉頭返黎拎，佢都會記得。

9點幾. 路過第一城諗住買八爪魚點知無哂. 咁就試下牛肚.. 小芥辣. 甜醬....................呃... 第一啖... 早知無八爪魚 唔賣算因為 好咸..唔知係牛肚本身咸.... 定係佢浸落的豉油咸/﹏\ a (但都爽口..)

其實我住o係附近,本來冇打算試佢\\\o的雞旦仔,不過見到呢度o的食評個個食過都讚好,今日就去試下。我試左朱古力+ 椰絲芝麻雙併,本來滿心期待,但... 冇錯,件雞旦仔係又熱又脆,但真係冇乜味囉。得少少(真係好少)朱古力& 芝麻味,但旦味...就完全冇囉! 雞旦仔冇旦味,又點叫雞旦仔呀? 結果,我食左半底就掉左入垃圾桶。賣成11蚊底好心足料少少啦~

想睇雞蛋仔就看錯帖了=v=經過買左串冷盤既八爪魚..件數係比旺角好景對面個間多一兩舊..但係口感同味道真係旺角個間嬴哂..哈..終於明點解旺間個間正賣幾味野都咁多人幫襯XD!!

見到呢間野咁出名,除夕都要來試試.雞蛋仔有好幾種味:1. 芝麻椰絲2. 芝士3. 朱古力4. 士多啤梨5. 香蕉6. 原味最後選了芝士味,熱辣辣,即叫即整.不過食落冇乜芝士味,又唔算好香,仲要成十蚊底,都幾貴!(要等至少十分鐘)

16-6-2007 1703我有嗜好係鍾意搭巴士週圍去，今日係觀塘蒲完後就搭89C 發神經般入左沙田第一城，為的只是雞蛋仔。正如下面食評所講有不同口味，而我就只要原味。等一陣就有，紙袋有小孔，有少少雞蛋味，脆仆仆，甜味適中，裡面係空心，但味道還是淨少少，而價錢又獨巿般的貴，想俾笑臉都幾難。

自己為食, 見到方遠百里都無咩小食店就來此店買件雞蛋仔食下先...不過買之前心想佢地既雞蛋仔都應該麻麻地啦不過獨市又為食之下無計啦..點知點知..味道都唔錯可能新鮮熱辣又即食啦...所以覺得又脆又香...唔錯...

d格仔餅好脆, 好好味甜味適中, 唔會漏, 與我以往食過的格仔餅不同, 有一種清就的感覺, 雖然係就係貴左d,但係都好值得p.s.仲有間鋪好易認, 因為係著格仔衫的老闆賣格仔餅

天寒地凍，一底熱辣辣既雞蛋仔應該都幾滋味，但要排上十幾分鐘，承受街上的寒風猛送，都幾矛盾。是日經過，長龍又現，好奇的走近一看，又多咀問老細要等多久，回應若要芝麻味道馬上有現成的；當然二話不說，貨銀兩訖！原來每每排隊的都是要朱古力味、原味或是鴛鴦味，老板都不停手趕制，反而芝麻味就成月下貨了。論味道，不太甜之餘又夠脆口，而漿粉份量剛好，有淡淡的蛋香味道。不過又不是冠絕，可能有不同味道加上可Order鴛鴦味的花臣野，而這帶又沒有相同的街頭小食才得出這墟嵌場面吧！

返小學探完老師之後,行經沙田第一城,肚餓,就買左底雞蛋仔食...呢度的雞蛋仔好多人幫襯,有時仲出現排隊等候的情況...雞蛋仔可以叫佢兩溝(兩邊唔同味)...自己食過三種味,都係原味最好食...原味:唔太甜,蛋味較重,香口,夠脆朱古力味:比原味甜,都幾重朱古力味,幾好食士多啤梨味:唔建議大家買,ok甜,但冇乜士多啤梨味,只係外表粉紅色...仲有其他味(如:芝麻椰絲味),但自己未食過,靠各位接力了...

呢度o的雞蛋仔好好味,有o的時候仲要買排隊添。烘完會放o係架上稍為放涼先賣俾人,令雞蛋仔更加脆,最愛係芝麻椰絲同原味,唔會好甜但好香

烘好的雞蛋仔放在鐵架上，待外身略為轉硬，便放入有疏孔的紙袋內，以防倒汗水弄垮，可見心思細密，另有多款味道供選擇，good!!!

上回出關比試「史雲秘笈」第一式時，弄至內傷；早兩日再度不眠不休閉關練第二式，總算有點成就；回道場前，師兄弟姊妹們告知上回比試結果，辛苦原來沒有白費．．．師兄特地駕驅前來，大家紛紛吃塊慶功格仔餅和雞蛋仔，這裡郭大郎之雞蛋仔響噹噹，人家堪稱「雞蛋仔大王」，很多人冒名而來，我們試了榜首的芝麻跟原味混合，味道確一流，外身香脆，吃下鬆軟，單看郭大郎之功架也非常欣賞，烘好的每一底雞蛋仔放在鐵架上，待外身略為轉硬，便放入有疏孔的紙袋內，以防倒汗水弄垮，可見心思細密，另有多款味道供選擇，但我們還是愛吃原味；據聞，芝麻是經炒香再烘，為好賣之秘技。試了格仔餅，絕不欺場，雖非用傳統式烘整，但確實夠蛋味，足料份量勁，可當一少餐。是日大家鬆了一口氣後，又開始為第三式下功夫吧！