第一城冰站

每次經過第一城都會買呢間小店，今次買朱古力雞蛋仔，最鍾意新鮮即整，熱辣辣，雞蛋仔賣相靚，表面光滑，粒粒都圓轆轆，非常完整。每一粒雞蛋仔都係外皮脆卜卜，中間軟鬆綿密夠飽滿。每啖都可以食到朱古力濃郁味道，品質不錯。…查看更多

今次試咗招牌芝士雞蛋仔🧀 即叫即整熱辣辣🔥 外觀金黃但未算好脆身💛 咬落去有芝士香但冇流心效果🤔芝士味道算濃郁 鹹鹹哋幾惹味🌶️ 每粒都塞滿餡料 但外皮可以再脆啲👍 整體香味唔錯👃 凍咗之後口感會變韌❄️最大問題係選擇太少📋 想試其他新既口味都冇😕 價錢中等💸 等咗大約10分鐘⏳如果經過可以一試📍 但唔使特登過嚟 期望可以改善脆度同多啲口味選擇📈 芝士控可能會少少失望🧀建議即買即食📌 整體合格但未到驚喜💯…查看更多

不瞞大家說，呢間嘢係陪住小熊貓長大～ 真係由細食到大，所以稱得上係老字號🙈 小熊貓最懷念嘅就係佢嘅雞蛋仔～店舖提供多款雞蛋仔口味，今日就叫咗朱古力留心雞蛋仔～ 即叫即製，需要等候，但確保新鮮製作～ 到手熱辣辣，入口外脆內軟，朱古力味濃，而且中間真係有流心效果🍫 …查看更多

屹立多年的雞強仔，冇堂食位雞強仔飽滿，比起市面上主流既脆皮仍然有優勢現場仲有兒強燒賣生腸牛栢葉等多樣食物飲品又似以前許x山咁多選擇，目測都係以芒果類飲品為主屹立多年仍然多人食…查看更多

新裝潢後，店舖仍在原址雞蛋仔口味多比起食原味，我比較鍾意食朱古力味朱古力味好香濃甜而不油膩不過朱古力粒不會溶化至半液體不應叫做流心朱古力而且蛋漿落得多不會太多空心雞蛋仔出現抵食既啱晒鍾意軟糯既人雖然雞蛋仔很好吃，但最好是趁男老闆在場才買他整的雞蛋仔最足料，最脆！…查看更多

第一城呢間小食開咗好多年 唔少住沙田既朋友由細食到大 但係唔知係咪依家少人食 所以質素有少少失望🥲 安排亦都少少混亂 不過附近無咩類似既野食 價錢亦都唔算貴既～✨ 士多啤梨雞蛋仔💲 20本身雞蛋仔雖然係粉紅色 但係無士多啤梨 極少量士多啤梨粒🥲✨ 朱古力流心雞蛋仔💲 20好少朱古力粒🥲 無咩朱古力味🥲✨ 八爪魚💲 13一串無相但係好彈牙！由細到大都好少食街邊呢啲凍既串燒 如果唔係男朋友買 我都唔會食🥹 …查看更多

由細食開始食佢嘅小食以前真係好好食㗎但係而家整體質素係差咗好多我分別買過兩次試過買芝麻嗰種雞蛋仔以前係脆口香啲，而家淨係乾爭爭又唔知係咪擺咗好耐好韌都暖暖嘅但係20幾蚊真係自己考慮值唔值得之後又買咗佢嘅辣魚蛋宜家得個咸字都唔辣同埋有樣嘢令我好嬲佢任由其他人打尖都唔理有老人家行黎就想買嘢食，咁我都出咗聲排緊對啦老闆照叫佢比錢連打尖個人都退返出嚟唔好意思話搞錯咗最嬲真係負責比嘢食嗰個人佢唔執前面個客人啲嘢就特登話俾你先囉我正常去排隊俾錢買嘢食點解我好似要受氣呢真係對呢間舖頭好失望…查看更多

前幾日去買格仔餅食我一俾完錢，啲員工就俾咗一個已經整定同包好咗嘅格仔餅俾我。:(心諗都算啦我問可唔可以多花生醬，個女員工同我講：「全部都咁多醬㗎!」我果下真係火都嚟，你唔係新鮮整俾我都算，我話想多花生醬，佢完全唔想理我，個態度仲要覺得我好似好煩咁。呢間雞蛋仔其實我由幼稚園食到而家都20幾年。真係越做越差以前可能好多人買，所以多數都係新鮮整。咁我都明白依家係冇乜可能新鮮整，但係起碼你唔好俾一個放咗好耐嘅我，態度仲要咁差。啲女員工全部都好惡，態度又唔好。我唔會再幫襯如果大家想食放咗好耐嘅格仔餅就歡迎幫襯…查看更多

好難食冇下次！見有幾個人排隊應該唔錯，就俾次機會佢。格仔餅一底$18, 餅底淡茂茂，d醬又小，超孤寒，食過咁多間格仔餅都未試過d 醬咁小！最重要係底餅未熟既！入面痴立立，粉漿未熟！佢地有用timer 計時但從未響就打開賣俾人，因為有幾個人等緊，冇道德！到個鐘響個客已經拎住走埋睇之前d 食評都有人講餅底唔熟，即係唔係意外而係慣犯，貪快賣多幾轉！…查看更多

今日去左呢間第一城冰記食小食 我叫左一串八爪魚，兩串開花香腸同埋辣魚蛋 味道幾好食 魚蛋夠哂彈牙 而且辣度足夠 最啱食得辣既朋友 開花香腸好有特色 八爪魚夠煙un 呢間小食店值得推薦👍👍👍…查看更多

以前既雞蛋仔即整即做仲記得細細個係舊舖食到大 放學一定排曬隊去買 而家既雞蛋仔係求其俾啲唔知擺咗幾耐既人 唉。。。個整雞蛋仔叔叔都無曬以前既熱情 咁難怪愈嚟愈難食又求其真係無下次…查看更多

小編已經久未寫食評，全因昨天回家路上想吃點東西，就幫趁這小店，在第一城僅此一家所以沒有太大期望（也不可以同過往住過紅磡黃埔區相比）。這只是簡單嘅魚蛋燒賣，賣相已經一般，仲要凍凍地，燒賣好似一舊粉團咁，唔好講話裏面有冇魚肉，好似一劈野咁， 魚蛋咬落有沙，我真係全部食不落口，希望店鋪有所改善，不要因為區內沒有其他小食店就Hea 。PS ：去7仔OK買仲好過😳…查看更多

本身都見到尐姐姐，又望到尐食客拎住貢X蒞買，search唔到佢咩色，猶疑左陣好無買。但記得細個佢細鋪嘅時候真係幾出名，最後決定俾廿雞試下尐fusion 野，嗌左個芝士流心雞蛋仔。👩‍🦱姐姐 🙂我🙂一底芝士流心👩‍🦱芝士，廿蚊呀（等左陣另一個負責整食物嘅姐姐👩‍🦰）👩‍🦰邊個要芝士呀？當一食落口，就發現原來佢地口中嘅芝士並唔係簡稱，因為真係無流心。超。失。望。食哂成個一粒都無流心俾佢呃左我個心流走左💔廿蚊真係貴左尐去A1買個芝士包可能仲滿足。…查看更多

朋友仔知道好鍾意食雞蛋仔嘅我就介紹我去第一城試下雖然自己住沙田，但要專登去果邊都有d 難度點知前幾日去威爾斯醫院探人跟住諗起朋友提過呢間野好彩步行不太遠就去試試可以去買完先去探朋友，順便買埋比佢食😬當時四點幾唔多人,等5個號碼者大約等咗十五分鐘識食一定食原味啦，咁先試到傳統味道朋友話以前係老闆整係最好食之後請咗員工做就冇咁好味啦點知果日好好彩，係肥老闆親自整的👍🏻急不及待即食，唔。。。個皮係硬唔係脆但個心入面係比較厚身，都似以前果種對比港島區出名果間，佢個心係好d下次試下格仔餅先，見到都多人買總結：算係唔差，甜度適中，唔太甜😋…查看更多

睇完個水牌 目標只target流心朱古力雞蛋仔 但可惜名不付實 叫軟心朱古力雞蛋仔就差唔多盛惠20個大洋新鮮出爐 外脆內軟 朱古力味夠濃比起媽x雞蛋仔既粒粒朱古力好食 唔洗排長龍才是王道…查看更多