第一城冰站

營業中

休息中

肚餓仔，想求其搵啲野食，見到有雞蛋仔食，試下啦。流心朱古力，好似幾正喎。佢唔係即叫即整既，係一早放左係到，唔熱都算啦。個樣好似好燶，都算啦。一咬落去？下？流心朱古力呢？說好的流心朱古力呢？😭係完全冇嫁！😡有朱古力味既，講明流心，但係就貨不對辦，好過份啊！咁樣收我20幾蚊，真係嬲。🤬

以前返工好鍾意放工走去食格仔餅，今日去開石門就順道過第一城買返底好耐冇食過嘅格仔餅試吓，鋪位搬咗去較偏位置，比較困難先搵到，好似佢嘅款式比以前少左，但價錢偏貴了，最後叫了一個相併的格仔餅，椰絲黑芝麻併朱古力，個朱古力味入口非常濃郁都是好吃的味道

第一城冰站係第一城都開左好多年，見好耐無食，今日就黎買雞蛋仔請小朋友食啦！雞蛋仔雙併要23蚊，其實雞蛋仔黎講都幾貴試試芝麻椰絲搭朱古力味啦～整嘅時間就真係比較耐，起碼都要預10分鐘，不過新鮮熱辣整出黎係好味好多嘅夠香軟，又好重朱古力味，芝麻都見到有，其實都算足料，幾多食

今日下午在沙田，一心渣車過來買，可惜格仔餅無味， 難食， 花生醬煉奶懷疑溝水， 完全無味。餅身似焗麵包，完全唔脆。坦白講係我所食過最難食之一。需要改善的地方仲有好多， 希望下次好D

已經是第二次買外賣比漏嘢食，但係錢就照收！電話又沒有，難道要回家後再架車回去告訴他們比漏食物嗎？又或是要每次打番開個盒check 一次先行？很過分！$63 只有一底雞蛋仔、魚旦6+3 粒，燒賣3粒、一份腸粉，比了＄的雞腎、八抓魚在那裡？搵笨！

尋日六點幾收工，見有少少肚餓，而且附近有間小食店，於是就走咗去買一串魚肉燒賣、一串秘製魚蛋食魚蛋：表面帶有少少黃色，咬落去非常之爽口彈牙。唔會好似出面有啲小食店啲魚蛋咁，只係得過硬字。魚肉燒賣：咬落去淋淋地，入邊啲魚肉夠晒新鮮。味道、價格都非常超值，絕對值得再去惠顧。p.s：另外，佢除咗呢兩款小食之外，仲有雞蛋仔、串燒、台式飲品等等，絕對令我好多童年回憶返晒黎。

呢間第一城冰站由細食到大以前佢係巴士站大馬路果邊到搬入內街 到沙田廣場開分店雞蛋仔愈來愈貴 但就做得愈來愈一般以前外脆內軟粒粒飽滿之後愈出愈多味 並不特別好食原味 芝士 朱古力 芝麻 我都食過其實全部都不是特別濃而所謂流心芝士 個流心係呃人不過，都好過有時食到某啲死甜又得個空殼或者一係好硬一係淋晒所以佢生意其實唔差 我間中都會買下今日身痕試下抹茶紅豆$20好失望 微弱的綠茶味同偶爾的紅豆味今日係老闆親自整以前覺得佢親力親為著重食物素質但今日呢底拎上手已經有啲輕飄飄邊果幾粒都唔夠漿包埋仲見到幾粒啲青綠色微點 似係色素未搞勻有幾多真抹茶粉真係好疑惑唯一好嘅係 都脆脆地 同埋唔太甜囉如果合埋眼真係唔知自己食緊抹茶紅豆味失望到要特登上黎打篇食評抹茶紅豆真係無下次芝士/原味 好彩的話可能都唔錯嘅......

食飽飯仲想搵啲小食食吓，就去番食開呢間買啦～～～咁岩係放學時間，都唔少人，啲姐姐好主動問仲有冇人未叫野食，貼心！！好快手，今次叫咗水魷同牛柏葉，水魷除咗熟咗之外，無咩味，牛柏葉好少少，都食到少少香料味，不過唔夠淋。分量接受到，咁既價錢係咁上下啦～～明明記得以前好食好多，但今次水準唔夠，唔通真係冇老闆坐鎮，就搞到越黎越求其？以前老闆仲係度個陣，啲雞蛋仔仲好食，至從開咗分店老闆唔係度，變差咗就買少咗啦～～

呢間第一城冰站都有一段日子，不過第一次試佢。之前行過覺得好香，今日就去試吓! 星期六下晝又唔係真係好多人， ok 啦，不過等咗好耐，成10分鐘 ... 等咗咁耐，諗住會好好味，點知一咬落去，係外脆，好有雞蛋味，不過入面未熟 =_= 好明顯入面仲係濕濕地 ... 成 $16蚊買未熟嘅雞蛋仔，好唔抵 : ( 開始對香港多分店嘅雞蛋仔冇晒信心 ... 希望只係無心之失啦! 舖頭仲有其他嘢食，腸粉，飲品，魚蛋 燒賣咁，價錢都唔算貴，希望下次試唔會失望!

買了一杯珍珠奶茶，一個雞蛋仔。珍珠奶茶唔比人走糖都好奇怪，有啲人身體真係不能吸收糖麻。一開始跟著人排隊買票，買完聽員話企係度等叫號碼。等左一陣有珍珠奶茶，我還未拿雞蛋仔，職員叫我留住張票企係度繼續等。等左一陣，見到明明遲過我買票的人直接走去雞蛋仔窗口就有得拎，覺得好唔公平，職員只叫我企前面等，我就比佢老點左on居居甘企。我之後問職員究竟係咪企係度等，佢先至話叫我走去雞蛋仔窗口。結果一去就有拎，職員又唔早講又唔理人，搞到我白等好耐。而雞蛋仔的人員又唔跟票號去安排，邊個去窗口就比邊個先，安排好混亂，由得啲人打尖。

屹立第一城20年的雞蛋仔，的確完胜旺角的街邊雞蛋仔。一邊脆一邊糯軟，蛋香十分夠，我最愛鴛鴦味道，一邊原味一邊其他味。口味也十分創新，在以前的年代，它已經推出各款不同口味。另外生腸十分好食。

深夜總是餓加 所以要食個雞蛋仔填下個肚仔先之前係中學時期放學點都會係度食串魚蛋，所以對我特別有回憶 可惜質素大不如前⋯⋯抺茶紅豆做餡 甜度適中 食到粒粒紅豆👌但外皮唔夠脆 牛油香唔多突出 餡料份量比較小 要改善下

每次經過第一城 我都會走到呢一間店食雞蛋仔我食過好多種味：有原味、芝士味、朱古力味先講朱古力味：個人應為 媽咪雞蛋仔嘅朱古力味 會俾呢間更好食因為呢度朱古力味雞蛋仔 咬落並沒有原粒朱古力 有啲失色不過我仍然好推介大家食原味同芝士味雞蛋仔最令我難忘係因為佢絕對唔係空心雞蛋仔軟綿綿好有質感 亦好有香味絕對推介

前幾日經過第一城冰站，就唸起我每次幼稚園放學必買既雞蛋仔，我仲記得每次都係食朱古力拼士多啤梨味可惜現加已經無左士多啤梨味啦雞蛋仔即叫即整仲有好多小食，之前食過辣魚蛋都ok嫁最後，我買左朱古力味拼綠茶紅豆味，朱古力味都係好濃，好好味而綠茶紅豆味係新味黎既，綠茶味真係好淡，不過紅豆就大大粒

Just finished watching a show at the ShaTin city hall and was peckish. Wanted something light and fast as I was starving. Walked passed this place and shouted my order, an egg waffle. Staff went straight over to the grill and made my order, another staff came over to take the payment and within a minute the first staff shouted my order was ready... yummy, fresh and crispy egg waffle. Smelled delicious and tasted wonderful. Not sure if it's because I was hungry or what, but was surely delighted w