笑笑居樂屋 (已結業)

同男友兩個人叫左四碟餸，都食到好飽。份別有牛肉煲, 咖哩芝士火鍋，大阪奄列and 芝士帶士。牛肉煲正，雖然得幾塊，唔多，但係勝在夠滑，夠甜。大阪奄列，我男友覺得好食，但我覺得ok姐，因佢奄列 料只有芽菜、椰菜，我都唔鐘意食。芝士帶子，香味夠芝士味，但食落d芝士味無乜，唔夠濃。咖哩芝士火鍋好大份，兩個人食晒就一定飽死，d staff 放在個鍋係到，d 汁漫漫弄熱，好有情調，d 汁係不俗的，可惜d 料就普通左d，有鷄肉丸 (唔夠滑)、有bread (幾好食)、有蝦、有番薯(淋左小小)但總括來說，都不俗。服務好，環境有情調，好適合三五知己談天。

今次已經第二次去『笑笑』, 原因係本來想去食果間台灣野太多人等位, 又諗唔到食咩, 又見上次去仲有好多野未試..兩個人叫左以下一大堆野食, 不過最後係食晒, 唔似上次咁食剩...三文魚壽司卷, 蟹肉帶子 Pizza, 炸蝦天婦羅, 白木屋鐵板肉眼扒(三成熟)蒜蓉汁, 白本屋黃金飯殼, 三文魚子軍艦, 玫果蕉乳沙冰, 綠茶紅豆奶昔, 帆立貝至串(燒汁), 雪糕糯米糍, Total=$520!!雖然 Menu 入邊有唔少野, 但好多都未必會選, 結果食埋呢次要食既野都食得七七八八, 所以應該暫時都唔會去 lu..

3文魚飯.....真係...不好食肥牛火鍋..好食..但係得3,4塊=.=好甜既牛肉, 但係D湯抵一飲落口就落吾到口 真係吾值這個價錢食這些東西......周圍有好多SHOP都好食過它好多, 又平過它

晚上同朋友外出食飯, 因上班地點關係, 所以選擇了這家食店.相信瓊華中心大家都去過, 商場地點算係不錯, 但點估到,電梯大堂連一點風都冇丫~~ 熱爆....返入正題先, 上到去, 一出電梯就會見到門口, 帶位既工作人員, 好似控制得不太好, 連我已book 位又準時既, 都要等左約4分至有得入去. 入到去, 都係有一般既日式說話"1234". 我地3個人, 叫左6種食物 & 甜品.1) 豆腐天婦羅 - 豆腐好滑, 好純既味道. 外面既脆漿調得不錯. 又唔會成口油.2) 芝士蟹柳薯蓉 - 芝士&蟹柳都ok. 唔知薯蓉本身已經好乾定焗得耐. d薯蓉硬哂.3) 牛肉火煱 - 牛肉厚度ok, 配菜ok. 只係個汁輕輕鹹了點. 但牛肉加生雞蛋後, 口感一流~~4) 什錦壽司盤 - 魚生新鮮. 飯粒黏力不合格. 5) 什錦炸蝦餅 - 脆漿調得不錯. 又唔會成口油. 但整體太硬了. 要用刀先可以切開.6) 佢地既推介三文魚子飯(鮭魚) - 這次飯黏力ok. 三文魚 & 魚子都算新鮮.甜品叫左一個. 綠茶雪糕. 雪糕不算太甜. 雪糕下面加左去栗米片. 效果ok.服務態度非常好(不包括門口接待處),

一早知晚市已經 fully booked, 只可以 walk-in 等位... 睇完赤壁之後上去, 好彩只需要等 4 張枱, 等左唔夠一陣就有位...兩個人去食, 竟然叫左以下咁多樣野...1) 日本傳統牛肉煱 - 呢個好甜, 好濃味, 跟飯食好d, 空口食就好似咸左少少...2) 夏之特選刺身拼盆 - d 魷魚無咩味, 怪怪地...3) 三文魚籽飯 - 三文魚籽好新鮮, 粒粒都好圓, 好味..4) 鐵板日本薄餅 - 勁厚粉, 夾住d麵同肉在中間, 呢個食完實飽死 =.=" 5) 串燒響螺 - 硬左少少, 不過都 ok, 但唔知做咩整個辢醬在一邊...6) 牛油粟米 - 好重牛油味, 似乎落得太多牛油添...7) 八爪魚丸 - 粉太多, 八爪魚太細粒...8) 草莓奶昔 - 好清香, 幾好味...9) 朱古力冰奶茶 - 只有朱古力味無咩奶茶味, 有d似思樂冰...好明顯兩個人食晒以上既野係有d辛苦... 最後剩左 1/4 個日本薄餅, 1粒八爪魚丸, 1/3碟牛油粟米...

因為午餐有七折，我們就分別點了漢堡扒餐和石頭飯餐。漢堡扒餐︰附帶的miso味道很淡，沒甚好喝之處。而漢堡扒size中等，尚有肉汁，而且鬆軟，可以一試。石頭飯餐︰看似份量不多，但吃下去到覺得蠻飽的。飯粒夠乾身，粒粒分明，熱度又剛好，是不錯的，不過我覺得另一間居食屋做得更好。飲品方面，提子乳酸味酸酸的，很開胃；凍檸檬茶就十足日本喝到的一樣，茶味淡。如果有七折就食得過，正價就覺得有點貴。

第一次亂打亂撞走上黎試試~入面個格局同和民相似，檯與檯之間距離遠o的~餐單就比較多元化一o的~叫左八爪魚丸($3x)，牛肉火鍋($5x)+菜($1x)，鐵板蠔餅($6x)，三文魚魚子飯，仲有海螺串燒。八爪魚丸外脆內軟﹕合格。火鍋醬汁太咸，不過材料幾豐富，豆腐好滑~三文魚魚子飯﹕珍珠飯好咬口，配合新鮮既刺身，值得推介。海螺好軟熟，可惜揀錯左鹽燒，汁燒應該會更好~最敗筆係蠔餅，外貌似大阪燒餅，可惜漿粉太多，搞到餅底厚，o的料好似未熟透，蠔太少，o的料攪得唔混。可能有o的肚飽，加上個蠔餅太多粉，所以我地食淨差唔多大半個，我仲多手反起左個底，燒到黑哂~叫埋單之後，有個叫sam既主管拎住碟反左肚黑漆漆既蠔餅過黎友善地問﹕不如叫廚房整過俾你地丫~嚇到我地即刻話唔洗，佢好似非常唔好意思，之後仲同我地講已經叫左廚房改善一下。呢個服務態度真係值得學習，有機會再去試下，睇下佢地係咪真係有改進啦~

琴日黎左食個LUNCH..因為有7折"--點左個3個SET LUNCH..一個炒豚肉..但豚肉太太太太太少 ....話就話豬肉貴姐 ..都吾洗又薄又少掛 ?成碟得D 洋蔥........--炸雞粒 ..哩個做得吾錯 ..因為炸得深得..外面脆令人驚喜的是入面既肉一D 都吾乾仲係多汁..滋味的--照燒雞薄餅..脆脆的很好味.. 面到D 沙津醬好好味而且薄餅上鋪滿芝士 ..香口 .. 雞肉吾多 ..不過吾肥同吾會食到雞皮^^--不過我覺得佢既配搭真係好差 ..餃子跟飯 ..諗起都吾好食~________~.....--店員又...我地點左茶好耐 ..佢都吾收MENU ..又吾上茶....仲要送錯湯黎..不過我地都冇話佢-.-

要打番情人節食過d 咩野~!一早訂左位, 所以去到即使有好多人排緊隊等, 我地都唔駛等呢~~!!去到坐左響一個好舒服既位~~!自成一角咁~ 傾咩野都得~ 原來仲有TATAME ga, 下次一定要試下先~之後叫左一ja野食~有個豬肉鍋, 燒豬頸肉, 生牛柳粒, 帶子壽司, 軟骨餃子, 仲有個新地tim~其實每樣野都唔算好大碟, 兩個人食都算ok ga~!!最讚係個甜品~~仲有就係個豬肉鍋啦~ 因為佢係一直有個爐煮住ga~~!!好鍾意呢種自己煮自己食既感覺~~食左$214, 情人節快樂~~~!

周六晚上九時許來，不用等位，客人不多不少。點了數樣食物：瑩光魷魚漬物：個人來說很不錯，鮮味一流，偏咸。友人說很腥，不想吃，我想這是個人口味問題，譬如有人喜歡榴槤有人不喜歡，但與食物本身的好壞沒有關係。肥牛鍋：湯甜、牛肥，中規中矩，但也好味。韓式軟殼蟹：不錯，說不上下口就要大讚，但還是能上場見人的小吃。友人喜歡，但她說有些地方因舖了較多韓式辣醬，很咸，我認同的。日式蠔餅：頗滯，但上台時很熱，口感大增，蠔的數量適中。友人又說蠔很腥，我想毫無「腥味」的蠔不如不吃好了，正如吃羊沒有騷味怎麼好吃？實在說，這個蠔餅的蠔怎麼算腥？但如果再配一點蘸餅的汁會更好味，因為這道菜頗乾身。紅莓奶昔：買相別緻，甜味很少，奶味不重，我覺得是西式奶昔之外的清新選擇。整體：環境幽暗，很有情調，有窗景。服務態度良好，雖然也試過揮手一兩分鐘仍無人理會的情況，但侍應一看到就走過來，還是積極待客的，該是無心之失，應該公平一點。價錢每人百多元，伐算。今晚有位四眼小姐侍應，笑容滿面，說話客氣有禮，令顧客吃的也開朗起來，這樣才算服務吧，現在這樣的侍應太少了，應該表揚一下。必會再來。

昨晚跟兩個朋友來了這裏食飯,我們訂了位所以不用等住,這裏有很多選擇,叫了雞肉pizza,炸軟殼蟹壽司,八爪魚小丸子,日式餃子,三文魚子抄飯.雞肉pizza很薄很脆很好味,炸軟殼蟹壽司及八爪魚小丸子則一般,日式餃子很入味,不是太大剛剛好,三文魚子抄飯也很好味,因為有很多三文魚粒及魚子,我覺得配合得很好味.這裏不用仕應替我們添水的,因有整壼在每張枱上,我覺得這個服務很好,這裏的服務也很好效率,食物也很好味,所以很多人光顧,我們訂了枱只能坐兩個小時,離開的時候看到門口還有很多人在等位呢.

30.5.2008 星期六訓到1點先起身,即刻撲出去旺角搵lover,lover今日又要番澳洲了。佢同jer已經晌板前醫左肚,我地等埋鐵fun le就一齊上笑笑,我地兩個就食lunch,佢地就飲杯野,傾下計。笑笑提供lunch的時間都幾長,由12點至下午4點,選擇都幾多,心大心細唔知食邊樣好添。最後我揀左炸蝦餅滑蛋飯+巨峰乳酸，份量ok多，d蝦當然係淋晒，已經唔係鬆脆，蛋亦都唔可以話係滑蛋…巨峰乳酸初初飲落又係似藥水，後尾飲多兩啖都ok。很普通很普通。

夜晚成10點,2個人黎,坐卡位,好舒服,而且比和民寛闊.不過搵極人都搵唔到人帶位.壽司拼盤~ 最好食既一樣,壽司魚生都新鮮. 唯一一款食物係合格.三文魚親子飯~ 三文魚同魚子都好多,舖晒成個碗.雜錦魚生飯~ 可以.海膽豆腐~ 一般,唔match,豆腐似係盒裝個d.wasabi八爪魚~ 八爪魚好un,普通.螢光墨魚仔~ 超難食,該是漬物墨魚仔,一食已想吐,有點臭.串燒螺肉~ 暖暖地,似是但整熱,個醬好怪,螺肉un,無鮮味.泡菜立豆溫泉蛋~ 超級難食,3樣野三種味道,加埋係怪.友人叫咗個一盤3隻碗~ 其中一碗係海膽豆腐,其他二碗似牛旁同吞拿魚. 唔好食. 同埋最付奇怪點解個侍應唔同我地講,已有海膽豆腐,唔駛再叫. 服務真係有問題.關冬煮~ 有二串粒黑色一粒粒既野,好硬又難食.山藥燒餅~ 難食,你問我咩野味,真係唔知點答,個種難食法非筆墨所能形容.蟹湯~ 都ok入得口. 野飲等了很久才來,好飲嗎? 不太.

第一次去食呢間,之前喺觀塘食白木屋,但朋友唔肯去咁遠,就睇下有冇分別.今次叫咗兩碟128嘅壽司,跟住再叫蟹粥同埋帶子,仲有日式薄餅(啲名唔記得晒了),睇之前啲食評都係講熟野,好似冇乜人食壽司,其實呢度啲熟野不過不失啦,個帶子都幾香,但最好食都係叫128嗰個壽司拼盤,因為又抵又好食麻,雖然啲款式好傳统,但啲料有返咁上下,有中拖羅,新鮮北寄貝(唔同普通北寄貝,普通嗰啲係白紅色,呢個係白灰色),海膽呀同埋劍魚之類,好多單叫都幾貴,好似個中拖羅56元,北寄貝都48元,咁嘅價錢食咁多野好過出面好多壽司店,熟野無乜推介,個fd話蟹粥好食,但我就覺得普通.總括來講黎呢度食壽司好過叫熟食,但如果淨叫128就唔夠飽,我見到有其他壽司拼盤多野食啲,但啲料好普通,我寧願貴啲再加其它野食,埋單431

星期六同友人晏晝兩點幾上左笑笑屋食lunch。叫左兩個set lunch,1. 日式燒餅餐(跟白飯、麵豉湯、餐飲) $2. 牛肉火窩餐(跟三款前菜、白飯、麵鼓湯、餐飲)意想不到, 食物全部都熱辣辣, 仲要份量都唔少!!燒餅味濃, 木魚絲夠多, 可惜餅低就厚左d。牛肉味有, 但又多左d筋, 個火窩底無乜特別, 又係饅魚汁果隻味。而附送既前菜, 三文魚夠新鮮, 玉子就普通貨式, 另外果個更加無乜得別。整體上, 如果d汁無咁重味, 會更加好既~餐飲有d驚喜, 有即磨咖啡, 同埋巨峰飲品。好唔好飲就見仁見智, 但唔使加$2加$3, 我覺得已經做得幾好!!環境唔錯~ d位夠大夠舒服, toliet又乾淨, 而且仲有得訂位添。但叫餐服務尚有改進既空間~