103
2
11

以上資料只供參考, 請與餐廳確認詳情
竺扶大班燒味在大埔區頗有名氣,午市經常大排長龍,一入去就感受到四周嘅人情味,附近嘅街坊都對呢個地方好熟悉。燒鵝唔係每間燒味茶餐廳都有,今次嚟到竺扶品嚐佢既古井燒鵝,點咗燒鵝胸配叉燒。燒鵝選用優質雌鵝,經過自家調配嘅陳皮醬醃製,重現經典味道。鵝外皮脆脆,一咬落去,肉質鮮嫩多汁,味道真係一流。叉燒都係必點之一,香甜軟糯,配米飯正到爆。仲有紅腸,外皮脆脆,啖啖肉,味道好好。楊州炒飯配料豐富,米飯粒粒分明,口感好豐富,完全感受到廚師嘅功力,而且份量好大。竺扶大班燒味唔單止味道好,仲有濃厚嘅社區氛圍,絕對係區內不可錯過嘅燒味茶餐廳之一!
繼續閱讀
作為大埔人有機會都想推薦吓本區美食講到燒味大埔嚟講我唔算有好多間作對比但大家入到嚟想食個靚鵝肥叉或嫩雞我覺得喺舊廣場嘅「竺扶大班燒味」唔錯食過鵝脾油香得嚟帶騷叉燒嘅出品四平八穩算穩定另外個人覺得個冰燒鳳凰雞飯係必試自家製嘅鳳凰辣醬汁同個燒肉汁食落酸甜開胃煎雙蛋加埋甜䜴油燒鳳凰雞口感唔係嫩滑反而走紥實路線加埋個半肥瘦叉燒同煎蛋💯係神仙組合FYI 街訪小店係多街坊幫襯平日lunch 都幾易full 旺到週未試過直頭要排隊入作為大埔區嘅人氣燒味店大家嚟食記得預鬆時間嘞
繼續閱讀
竺扶大班燒味:大埔街坊的抵食燒味食堂 位於大埔廣場地舖的「竺扶大班燒味」,門前午市總見人龍,玻璃櫥窗掛滿油亮叉燒、琥珀色油雞,香氣四溢,是街坊心中「平靚正」的燒味首選。 叉燒油雞飯+鹹蛋+菜心叉燒屬半肥瘦經典款,外層蜜汁焦香微脆,肉質鬆化不柴,脂香豐潤;油雞皮滑肉嫩,滷香滲透骨髓,蘸蔥油更提鮮。靈魂在於鹹蛋——橙紅流沙蛋黃鹹香濃郁,拌飯瞬間昇華。菜心焯得翠綠爽脆,平衡油膩。 叉燒燒腩仔瀨粉雙拼燒味份量慷慨!叉燒同上水準;燒腩仔驚艷:皮脆如餅乾,「咔嚓」聲中透出脂香,五層肥瘦分明,鹹香不膩。煎蛋流心蛋黃裹上瀨粉,湯底清甜不濁,吸足肉汁精華。 人均$90飽足,燒味水準穩定,尤其叉燒脂香、燒腩脆皮顯功架。加配鹹蛋、煎蛋等「邪惡組合」更添滿足感。街坊價錢、傳統風味,午市趕時間或想慰藉胃口,值得排隊一試!
繼續閱讀
今日喺大埔廣場食飯,毫不猶豫就入咗竺扶大班燒味,呢間茶餐廳主打燒味,味道果然名不虛傳。牆上擺滿獎杯,一望就知實力非凡。點咗原隻古井燒鵝髀飯($98,附送例湯),鵝髀皮脆肉嫩,油香四溢,每啖都令人回味,再加個咸蛋($8),更加惹味。乾炒牛河($42,附送熱飲)炒得乾爽分明,牛肉嫩滑無筋,食到碟底都唔見一滴油,好有水準。黃金西多士($33,送熱飲),切開見到蛋漿均勻滲入麵包,色澤金黃,香氣撲鼻。無論主菜定小食,每樣都展現出師傅嘅功力,味道出色。
繼續閱讀
去咗大埔探朋友,聽講 竺扶大班燒味 唔錯,就過嚟一睇!😎 餐廳喺大埔廣場地下,氣氛熱鬧,街坊傾計聲此起彼落,充滿人情味!🔥 望住廚房啲燒味,個肚即刻打晒鼓!🤤黯然銷魂鴛鴦飯 🍗🍖
叉燒軟腍帶蜜汁味,冰燒鳳凰雞皮脆肉嫩。仲有兩隻金黃煎蛋,蛋汁、燒肉汁同鳳凰辣汁沾滿飯粒,味道香濃。😋燒鵝+叉燒雙拼飯 🦢🍖
燒鵝皮脆肉嫩,叉燒甜味明顯,白飯粒粒分明,吸收晒燒肉汁,食完意猶未盡。紅燒乳鴿 🕊️
乳鴿外皮微脆,肉質結實,紅燒醬汁甜鹹平衡,香氣ok。凍阿華田 ☕ 同 凍檸檬水 🍋
凍阿華田濃郁,甜度適中。凍檸檬水酸甜清新,搭燒味飯解渴!😊
竺扶大班燒味 燒味味道中規中矩,環境親切,街坊氣氛濃。套餐仲有例水送,夠晒香港風味!想食港式燒味,呢度算係一個選擇!😉
繼續閱讀
您可能會有興趣的...