竹源越南餐廳 (已結業)

中學時代經常來食，原因價錢平宜，味道也不錯。有很多款套餐，其實來來去去都係幾款，配搭後變出很多套餐，總有一款啱你。如要食越南粉麵，我絕大多數都會點生牛肉湯河，喜歡牛肉湯底。今次叫了外賣，回到家後都已經變熟牛肉了牛肉河轉了檬粉+$2，檬粉都好食，而且帶回家食也不會變淋今天的湯底太咸了 套餐有送一杯飲品或者黑糯米，我冇揀到飲品，想試一試椰汁黑糯米。估唔到又幾好味喎，諗住送嘅應該係一般般。份量不少，又幾杰身，不會太甜。如果可以雪得再冰凍d就更好下次食都會揀返椰汁黑糯米

新都城中心有大量食肆，所以我很少會到美食廣場，偶爾去逛一逛，馬上被那些廉價套餐吸引。我吃了$29雙拼撈檬套餐。雞翼豬頸肉湯檬：份量十足，那些餸多得把檬粉完全蓋過，肯定可以吃飽飽。雞翼被湯浸濕，所以雞皮已淋了，完全不脆，感覺像炸了很久，質素一般；豬頸肉略嫌硬，味道偏鹹。配料只是普普通通，幸好檬粉軟硬適中，味道好！椰汁黑糯米：賣相一般，初時只看到椰汁，一舀起才看到黑糯米。黑糯米不會太甜，正！三十元內的晚餐買少見少，所以糧尾時，竹源越南餐廳會是一個不錯的選擇。

中學已經好鍾意黎呢度食生牛肉湯河, 見住FOOD COURT的店不停轉手, 慶幸呢間仍然屹立不倒~最感動係到我出黎做左幾年野, 湯河+野食都仲係廿蚊樓下, 雖然都加過價, 但仍然平到笑~今日試下新野, 牛腩片湯河~份量無減, 依然用料多, 有5塊牛腩片同蔥~好鍾意佢個湯底, 好有越式味~而且魚露辣椒任加, 不過個辣椒真係好辣下, 唔建議加咁多~飲埋個椰汁紅豆冰, 爽~

唔算好好食﹐不過實在唔差﹐以平均$26一個晚餐咁既價錢黎講﹐已經算好好﹗新都城二期個FOOD COURT既其他食店係呢十年都換左幾次﹐唯獨呢間咁耐都仲未執﹐而且無點加過價﹐證明 平價&提供中等貨色 係寶林區的確有市場﹗ 紅豆冰﹐黑糯米甜品﹐咖喱炒飯﹐蝦膏炒飯﹐蝦餅﹐豬頸肉﹐油菜 = $53 ﹕D 2人食﹐份量足~ 服務普通~ 味道OK~因為抵食﹐所以都係俾正評﹗ 希望遲下唔好加價﹗

生牛河+椰汁紅豆冰牛肉份量幾多,有4-5塊,不過好鞋口同"un"...麻麻地...湯底都ok,河粉份量都幾多,食完好飽~椰汁紅豆冰好差!紅豆好硬,d椰汁溝水架...淡到呢...得個平...但唔好食!

這美食廣場內有好幾間餐廳﹐繞場一周後見到這裡套餐有多樣食物送﹐因而來這裡買了碗熟牛肉河套餐﹐包一客小食﹐菜及一杯飲料或黑糯米。 熟牛肉河 - 牛肉是牛腩﹐ 有些少肥膏﹐肉質不錯﹐但有一點牛羶。 粉卷 - 粉皮質地過硬﹐內裡的餡料主要是豬肉粒﹐沙葛及一些木耳﹐味道有點兒太過加工﹐味精的甜味功不可沒。黑糯米 - 味道中甜﹐面頭淋上大量椰漿﹐黑糯米內有兩三粒龍眼﹐但因黑糯米已經很甜﹐因而已吃不到龍眼本身的果甜味道。總括來說以這價錢算是底食﹐但不能說得上好吃。

果到有冷氣再加上好似大排檔咁既格局,好岩普通既市民去食下野..再加上果日我同我既家人肚餓去左果到食呢間越南野,d湯較濃帶有小小甜味,食左一碗牛肉濛同埋春卷..春卷一定一定一定要加d魚露落去食,超級好味最後食埋呢一碗椰汁黑糯米,好飽..但注意..熱既會比較好食..凍既話就好似一pat醬..同埋再甜d好食d..但我認為過左差唔多半個鐘,超~~~口喝!!如果味精少d會好好多..但如果比分數既話,起碼都有7/10啦!!

食過好多次~生牛河 + 凍咸桔水 : 19元加少少魚露零舍好味牛肉、河粉、芽菜份量適宜 , 個湯都好味飲左都冇口渴牛肉通常都唔會un凍咸桔水都幾好飲, 足料PS. 除左凍咸桔水, 其他飲品唔岩我口味! , 撈檬呀姐已經落左汁,唔夠先自己再加

食過竹源好多次...當冇錢之際必食之一一碗河加個野飲or紫米露先收你19仲可以自己加魚露..佢個撈檬係我食過好多間越南餐廳都冇呢間好食個d檬粉係一條條...唔係碎ge.唔係其他係要用更食...而且仲可以自己加汁....我個人鍾意加好多好多...因為個d汁唔會太酸~仲有個撈檬有好多配料係上面.我最愛係鳳爪撈檬....除左鳳爪份量多..佢個配料有好多蔥同白紅羅白絲...真係一流~但係佢個野飲就唔係太好...,,,紅豆冰d紅豆好硬...係個紫米露ok

星期六,日商場每家食肆車水馬龍結果還是跑到food court搵食掃了一下牆上的菜牌,安全至上,還是來碗雞絲撈檬吧$22一碗,想說沒什麼期許誰不知竟然是這麼大的一碗一大箱魚露則放在取餐的旁邊,隨你用舀子舀到爽魚露的味道酸酸甜甜的,雖然味道比較淡,但還算ok(yanke不喜歡吃太甜的,所以覺得還可以)所以跟我一樣喜歡吃酸的食友可以多拌一點下去沒關係保證絕對不會覺得膩的檬粉不單只是檬粉多,雞肉跟香蔥的份量更是足雞肉雖然算不上嫩滑,但也不至於鞋口,亦無半點雪味將貨就價而言,真的算是水準之上的了個人覺得比同場但更貴的越棧做得更好下次還是會吃撈檬~湯檬嘛....我就姑且不試了

同媽媽行新都城,行得累累地就來這兒吃下午茶,見到牛腩河有減價19元仲有杯飲品,於是咪買番碗來吃,牛腩完全沒有牛味,好像雪藏一般,河粉的湯夠鮮甜加上河粉夠滑,不錯.最喜歡當然是那杯飲品就是凍金桔蜜,好香金桔味,夠潤喉.

又平又飽肚既午、晚餐,已經好難再搵到,由小學細細個果陣,我當時貪呢間平,所以考試一放學就去幫襯,大個左去番食,貴左幾蚊,牛肉升左價,佢俾少左一、兩塊…不過最值得一讚就係,佢地d酸湯係超正超正超正之作！每次我都會淋D,真係零舍開胃架!不過！以前飲既紅豆冰係OK架!而家果d!紅豆好硬!奶溝水!淡!飲左兩淡就唔想飲!不過算啦~19蚊有埋野飲已經好好…所以比個OK佢!

23/8星期六跟媽媽行街,又肚仔餓,就黎番呢度開餐啦!今次又係叫生牛肉河.又係俾阿媽迫到要浸晒落落湯變左牛河.唔知點解今次覺得無咁好味了,牛肉雖然薄,最弊無味,湯底又唔夠味道,加埋杯野飲青檸梳打都退步左,總之今次就失望啦1之前食都係十幾蚊,味道仲好,現在變到21元反為差左,真係超奇怪 .希望今次只是偶然失手,唔係想再幫襯都幾難

當日由於時間也不早，大終四點幾，在不想吃太飽的情況下來了吃個下午茶，貪其經濟實惠。點了生牛肉湯檬，飲品是椰汁紅豆冰。生牛肉湯檬的湯底反光，幾多油，也沒有丁點越式食物應有的香草，所以其實是港式茶餐廳的味道。檬粉頗幼身，份量幾多可以食得飽。主角的生牛肉有4-5塊，薄薄地，也不苛求是一食即熔的貨式，但真的稍微太難入口，很「un」。紅豆冰是求其之作，可以不理，總之就是椰汁加冰加細細粒的紅豆。吃過便算，不會來Encore喇。

今日lunch諗吾到食乜,就黎左foodcourt搵食見到openrice食評都幾多人話抵食,就試下啦叫左個燒豬頸肉湯河+雪碧外賣首先成碗o野都係河粉多過豬頸肉食完第一啖豬頸肉之後已經吾想食...omg豬頸肉乾到好似豬肉干咁,食落去會咬到一條條同埋又un又冇味...真係吾知點食另外河粉"林"到夾吾起,總之就係好難食另外等佢整ge時候,我望入去個廚房,係勁污糟見到都吾開胃...之前響喱個foodcourt食過見到蟑螂都吾知喱到會吾會有老鼠...少食為妙雖然話大大碗"河粉" + 一杯凍飲都只係$26但吾係話粉多就係抵食,吾會再有下次,太難食了