竹家莊

營業中

休息中

今晚 嚟到佐敦 ，突然想去很久沒有去過的竹家莊吃飯， 對上一次 去食已經係 十年前。今餐晚飯我哋一共三個大人一個小朋友共四人，點了 兩碗燒鴨河～ 韭菜～ 蒜蓉蒸開邊蝦～ 避風塘炒蟹！首先講一講呢個燒鴨河， 份量唔算太多 十分適中 ，因為唔會食得太飽！ 味道十分好吃！ 個河粉係幼河粉！韭菜， 幾鮮嫩！避風塘炒蟹， 未到喎我十年前吃嘅時候 沒有太大差別 ，十分好吃！ 但略嫌隻蟹冇乜 膏！豉汁蒸魚雲， 個人覺得一般 有少少 腥味蒜蓉粉絲蒸開邊蝦～ 啲蝦 好新鮮 唔算太細隻 蝦肉十分彈牙

其實幫襯左竹家莊已經好耐每一次嚟到都必定要食鴨絲湯河非常之惹味，河粉超級滑，湯底非常之好味，有一陣陣燒鵝嘅味道每一次我都會飲清晒佢！肉質方面比較林身，如果鍾意食骨嘅話可以叫佢哋燒鵝河粉！燒鵝河粉就即係有骨，而鴨絲湯河就係佢切好晒一條條絲咁俾你，個人來講鴨絲比較好啲，但係有啲人鍾意有骨，因為比較入味。另外第二樣會點嘅就係韭菜花每一次食都好新鮮，好清脆嘅韭菜花加埋少少豉油黎食絕對可以一個人叫一碟另外湯今次冇點到但係呢度嘅湯都非常之足料值得推介！

First things first:* 燒鴨背河必點竹家莊既燒鴨背河非常出名，終於有機會嚟朝聖。當晚接近十點，唔係好多食肆仲開緊，我哋嚟到佐敦就想黎試下個鴨背河，順便叫啲海鮮食～一定要叫呢碗鴨背河，佢嘅好粉好細條呈透明狀，唔係普遍粗同白色嗰隻，依家香港唔係有好多地方會賣呢種河粉。鴨既油香浸晒係個湯到，非常出色，難得食到，真係一碗都唔夠喉。我哋仲叫咗兩隻蒜蓉粉絲蒸蟶子。佢嘅粉絲蒸得好林好易入口，d 粉絲直程係滑係喉嚨甘濟，唔似得屋企整時，火喉控制得唔好好易會整到啲粉絲乾晒。呢個蟶子好味！椒鹽泥鯭，香口、魚肉厚實，我哋仲要用手拎起黎食，滋味！我哋仲叫咗一份白灼花螺，大大隻好肥，點豉油好味～ 揚州炒飯炒得好有鑊氣，叉燒香，飯粒粒分明。同場加映：員工開飯食嘅蒸魚，好大條好香，忍唔住行過去問可唔可以影張相，仲令到我下次嚟都想叫魚食! 見有其他食客叫蟹，睇落都唔錯，下次都想試下! 兩個人埋單$600左右，Okay! 😋

舅父心血來潮請食飯，強烈推薦竹家莊，咁一定要黎試啦，點知一試愛上！一行六個人試左好多野！重點推介：燒鴨河呢碗係我食過最好味既燒鴨河，真係一食難忘！河粉好滑好薄，啲鴨肉好軟有鴨味，食完成餐飯都忍唔住要encore多一碗其他食物分別有：蒜蓉粉絲蒸蟶子、椒鹽賴尿蝦、白灼豬脷海蜇豬肚、油鹽水浸花甲、楊州炒飯....等等整體水準都好高，個個都食唔停口！really had a great greaattt GREAT night here

哎呀 拍了瀨尿蝦的相片掉了很推薦的宵夜地方伙記熱情有人情味最近来了好多旅客估唔到各位老夥計連普通話都識講果然是活到老學到老椒鹽賴尿蝦勁正韭菜花鴨髀河白灼田螺 肥了四磅的宵夜

已經嚟左哩到好多年。總之每次想食避風塘蟹一定嚟呢度。因為以前試過好多地方都一般。就係愛上竹家莊。仲有佢既鴨瀬亦十分美味。不過最近瀬粉好似轉左。所以食返佢既鴨河。粉葛湯好夠火喉好濃⋯⋯基本上好多嘢都有水準。椒鹽賴尿蝦亦係首選！

2018年 以食宵夜結束 🤤～ 前陣子戒掉的宵夜 因為要返工 又再食啦 😆 為咗慶祝 2019 當然要食餐好啦 😍燒鴨河粉 $48～ 竹家莊裝修過 雖然外貌冇乜大分別😆 但係碗河粉大碗咗 😚 口快快叫咗瀨粉～ 不過都係河粉好食啲 滑啲😆 鴨香～ 肉質不是最滑但配上鴨皮油脂 只想多吃 🤤 湯底有點鹹～白灼韮菜花 $50～ 好嫩～冇渣嫁 🤩避風塘豉椒炒大肉蟹～ 炒得乾身～ 食蟹好睇彩數吧～ 今日呢個唔算好甜～ 勝在夠味🤩～ 有人話避風塘就係炒味精～ 難怪重口味飢詩咁喜愛 😍飢 point : 8 / 10 #hungermarch #飢詩 #非飢詩

1️⃣燒鴨肶河粉 $— 燒鴨肶同河粉係分開上，燒鴨好香🤤，皮脆肉嫩😋，個鴨脾好食過興記👍🏻！河粉都算滑，不過個人覺得可以唔洗煮到咁腍。2️⃣燒鴨河粉 $48 食完鴨肶河，特登試翻個普通燒鴨河有咩分別，普通燒鴨河係無分開上，所以鴨皮無咁脆🤔，而且普通鴨肉無鴨肶咁香咁嫩，我建議大家加錢轉鴨肶好好多😝！如果要食普通燒鴨河就興記好食d🧐！3️⃣辣椒炒蜆 $98 蜆嘅分量都幾多，而且完全無沙，炒得好香，個辣椒醬有少少似撈左豆瓣醬，鹹鹹辣辣好惹味👅！4️⃣白灼花螺 $128 花螺係白灼，所以味道清d，但點左辣醬加甜醬鮮味就出曬黎，螺肉新鮮彈牙！5️⃣白灼大魷魚 $50魷魚新鮮，軟韌恰好，加上麻油汁好正😍！好味到encore多一碟📝這裏已成為我其中一家會不斷回頭的餐廳，皆因除了食物平靚正外，重點是他們開至凌晨三點，是宵夜不二之選！

Finished watching movie on a Fri, and felt hungry. My wife wanted something light, so decided to come to this restaurant. The restaurant is famous of their BBQ duck noodles. We each ordered a bowl of BBQ noodles. They use a very tasty chicken broth, and their noodles have a very nice chewy texture. The duck meat is very tender and the skin has a nice crisp. I saw many people ordered seafood and will try their seafood dishes next time.Overall I’ll rate the restaurant 4/5

由於在辟穀中 只能吃奌花螺連椒鹽賴尿蝦也吃不上他的鴨肉粉我偷吃了一口 好美味啊～不知道從何時開始鴨肉和河粉分開上更加細心 陳皮蒸鲍魚 是他的最愛 下次一定要去吃賴尿蝦、蟹粥

味道唔錯，不過的確係水魚價400斤蝦， 800蚊一隻蟹不過食物唔算差，d海鮮都算係好新鮮遊客應該會鐘意，而且隔離左右全部都係遊客店內都算幾有香港特式不過咁既價錢對於本地人黎講香港好多地方可以食到更好

平時同朋友就係三聖食海鮮多，今次就行遠少少，呢間老店聽就聽左好耐話好食，今日終於有機會來試試。入到去都覺得裝修幾古老吓，不過唔緊要啦，又唔係黎食裝修，我係黎食海鮮既🤣。聽老闆娘講間餐廳有幾耐啲伙計就做左幾耐👍🏻👍🏻。招牌燒鴨河粉 -- 細細碗的的式式，兩個人叫一碗好喇，要留肚食海鮮椒鹽珍寶賴尿蝦 -- 肉質肥厚爽彈，有食龍蝦既感覺，香口惹味👍🏻👍🏻油鹽水大蜆 -- 鮮甜可口，連啖湯都好鮮味白灼花螺 -- 比較清啲，可能平時食慣辣酒煮花螺整體都係好平👍🏻

因為單身姐姐仔生日佢吹雞叫人請佢食飯，咁啲朋友就叫埋的男人請黎呢度食啦。即刻好似speed dating😂但我只係揍腳而已，佢地互相覓食唔關我事，我淨係黎食😂。咁一出嚟呢為咗等齊啲男人就叫左前菜先。女仕青青地叫咗韮菜，早黎既肥仔就叫咗佢想食嘅豬粉腸。我唔扮細食既就叫咗我最鍾意食嘅避風塘辣椒炒大肉蟹同炒蜆。反正都係叫主菜，就叫埋辣酒煮花螺，蒜蓉粉絲蒸貴妃蚌，椒鹽珍寶賴尿蝦。嘻嘻其他男人嚟唔嚟我都諗住有嘢就食，反正佢地食唔多似係主要目的。一出嚟想着粉腸，肥仔話幾好味幾爽口。韭菜呢我都麻麻哋，因為會攝住啲牙味道無問題既。酒煮花螺就夠辣，都大隻冇沙。蒜蓉粉絲蒸貴妃蚌我覺得唔夠大隻但係幾鮮甜。炒蜆其實我覺得似豆瓣辣椒醬但係又唔辣乜滯，都算幾大隻同大碟。椒鹽珍寶賴尿蝦惹味。避風塘辣椒炒大肉蟹都覺得肉蟹唔夠大隻不過係好味嘅。果啲乾蔥蒜頭辣椒淹沒左隻蟹，蟹身都有辣味好味，8個人分唔夠我食因為我係海鮮精。肥仔見我唔飽，就話一齊叫燒鴨湯河（好明顯佢都唔夠飽借我過橋😂)點知個燒鴨河比想像中好味，湯濃郁燒鴨皮脆肉嫩河粉幾還滑口。呢度啲侍應生全部都上咗年紀嘅招呼好周到。賣單我就乜都唔知，因為男仕請既，價錢好似都

今晩同老婆睇午夜場，睇之前去食小小野，要近圓方，於是去左竹家莊食D野，一坐低見佢枱頭張紙🈶️好多介紹，好吸引我們柯打左避風塘炒辣蟹(小辣），好香，小小咸，蟹選材不過不失，走油小小乾！整體唔錯！鴨河，幾好食，好地道！正！小食，白灼大尤魚，選材🈶️用心，個底汁剛好！整體耐唔耐食下，都幾好！伙記服務好地道

說到招呼外賓，想必然是富香港特色的料理。是夜席上台南觀光局朋友要我選一味有本土個性菜式，其實每位香港朋友心中也有一個最愛料理，比方咕嚕肉。而考量汁醬須含我們的「回憶」與及須見得著粵菜廚功，海鮮料理中的豉油王蝦，要做得蝦殼脆如薯片、肉嫩而鮮，與及豉油撲鼻的香氣絕不容易，做得好的話風味不遜享譽中外乾炒牛河，這也是我每次招呼外地朋友亦幾乎必吃的美食。（另外豉油王炒麵，也是避風塘海鮮店必點）在九龍區，價錢均真而服務窩心的店子，我會推介佐敦的老店 ‪#‎竹家莊‬　。‪#‎Isaac飲食故事‬ #竹家莊　‪#‎台南觀光局‬ ‪#‎Isaac海鮮‬　‪#‎Isaac生活故事‬ ‪#‎Isaac避風塘‬ ‪#‎Isaac香港推介美食‬ ‪#‎Isaac佐敦‬